هل فيه أمل أرجع أمريكا بدون مشـاكل ؟

ليتها اخطأت مسارها!!
قل خير او اصمــت

يعني ما راح يرتاح ضميرك الا اذا تزوجتي واحد ما يبغى يدرس برا؟
اللي بيدرس برا واللي دارس هنا كلهم سواسية...الفرق ان اللي بيدرس برا بيوافق متطلباتك وطموحك
ومثل ما يقولون...الزواج قسمة ونصيب...وانتي تفضلين ان نصيبك يدرس برا
بالاضافة إلى انك ما راح تطلبين الطلاق اذا خلصتي دراستك ان شاء الله
مافيه استغلال ولا شي وانا اخوك وان طعتيني اشرطي دراسة برا في زواجك احسن لك

الله كريم وأنا اختك ، الله يفرجها ويرزقنا من حيث لانحتسب
المسلم من سلم المسلمون من لسانه ويده
واعتقد ما أعلنت عصيان او تمرد ولو بغيت بأعرف كيف
وشكرا على النصيحه عافاك الله

ماعصيتهم ومارجعت وجلست الا امتثالاً لامرهم ، والحمدلله راضين عني من يوم رحت وتحفني دعواتهم بحفظ الله دوم ، لكن رجاء تركزون مشكلتي هي كيف احافظ على البعثة الين تتحسن الظروف

جزاك الله خير ، والحمدلله على قضاء الله وقدره
ماهي ذيك المشكلة ، انا الحين طالبة دراسات عليا بجامعة سعودية يعني مو جالسة انوح واحط يدي على خدي
والحمدلله على كل حال

الحمدلله قدر الله وماشاء فعل
وعلى قولتك ليتهم قالوا لي من الأول لا
كنت مستقرة نفسياً قبل اسافر وعشت بأمل الفكرة وسافرت وتعلقت بالواقع ولمن اندمجت انتشلوني بدعوى الشفقه على حالي
انا راضيه بالشقا والتعب ، لاني اعرف بعد الصبر ان شاءالله راحة
لكن مانقول الا الله يعوضنا خير

الحمدلله على كل حال

الله كريم يادنيا ، لا ماعليك وانا اختك لايضر السحاب ........ إلخ
انا من جيت فوضت امري لله ، وتبقى الأحلام الجميلة دوافع للنجاح
يعني ودي اخلص الماجستير اللي بدأت فيه الان هنا من فصل وربي يفرجها ويكبر واحد من الصغار عندنا وارجع معه
ومن هنا لهناك اكيد بيصير تغير في المجتمع ونظرة الاهل
والله كريم ان شاءالله

الحمدلله قدر الله وماشاء فعل
وعلى قولتك المشكلة اني مارحت مثلا وريحت راسي ولا رحت ورجعت في بداية الألم لمن تعبت الاشهر الاولى لكن قطعت المرحلة الأصعب وحطيت رجلي بأول المشوار فجأة انقطع الطريق
الأدهى والأمر ماتحملته من ديون عشان اغطي تكاليف السفر الأضافية
دائما أعزي نفسي بأنها تجربة اضافت الكثير لشخصيتي

الله يسهل لك امرك ويختار لك مافيه الخيرة ويزرقك من واسع فضله من حيث لاتحتسبين

صدقت ، لا فض فوك
تدري ايش المشكلة
كنت اقول زيك كذا
لكن حلصت لي مواقف قبل اسافر واكثيرة
لكن ان شاءالله انه ربي يحبني فضح النوايا
منها انه واحد فيهم قال انا مطلق من زماااان
قبل الملكة تحرينا عنه بالاحوال لقيناه متزوج وعنده عيال جحدهم عشان يكمل دراسته
ويوم واجهناه قال من حقي ادور على مستقبلي ومستقبل عيالي بالطريقة اللي تناسبني !!
ليه وش شايفني جواز سفر له تاريخ صلاحية ؟ و لا أدور ظل يزول لاغابت الشمس
انا ابحث عن وطن قبل الوطن اللي له انتمي وارض تستقر بها الروح في رحلة ذهاب بلا إياب
وان اتفقت الاهداف مايكون هدفه الاساسي من الزواج هالشيء
والدليل انه كلهم يتراجعون لمن اقول ممكن ما اسافر
وش يعني ؟

لكن كل شيء كان في الكتاب مسطور
والحمدلله قدر الله وماشاء فعل
الله يعوضني خير برضا والديني
ويرزقني الرضا والقناعة بما كتب لي

الله يكوون في عووونك كلنا او كل شخص عنده مشاكل يعني اقرب مثل انا ما قدرت ارجع امريكا فيزتي ملغيه بسبب الغياب ماتوقعتها كذا

الدستور الاسلامي وليس دستور عائلتكم الكريمة اللي اشترط المحرم (:

اطلبي تأجيل للبعثة بسبب ضروف عائلية.

شكرا عزيزتي على الدعاء الجميل