-
هل تؤيدون الزواج لمبتعث عمره 19
هل تؤيدون الزواج في هذا السن المبكر
اتمنى منكم ابداء اراكم بكل صراحه واتمني الكل يجاوب الموضوع بفيدني وبفيد الاخوان
لان الموضوع شاغل بالي
وخاصه اني في مرحله اللغه
مستواي ممتاز وعندي شقه جاهزة
السبب اني ابي ابتعد عن الحرام باي وسيله وابي احد يشاركني حياتي
سؤال خاصه للبنات هل تتزوجين من مبتعث بدون تكاليف الزواج الباهضه
حفله , مهر غالي , عزايم وطقطقه وخساير
وخاصه اني من عائله بسيطه وما اقدر اوفر من المكافئة ( امشي واصرف )
الفكرة جت قبل شهرين حسبتها نزوة وتعدي
والحين مو قادر اشيلها من بالي
كلمت اهلي يقولون اصبر للاسف هم جالسين في السعوديه وما يدرون عن معاناه المبتعث الاعزب وفوق هذا الغربه
هم تفكيرهم في وادي وانا تفكيري في شريكه حياه وبنت تعوضني عن رفقاء السوء
الكل يبدي رايه بصراحه.....
-
رد: هل تؤيدون الزواج لمبتعث عمره 19
الله يوفقك ويسر امورك
انا مؤيد الزواج لكن للاسف ما عندي اي معلومات عن التكاليف وغيرها
-
رد: هل تؤيدون الزواج لمبتعث عمره 19
بالعكس تفكير سليم صحيح وسليم مئه بالمئه ..
فقط ..
استخير واحسن اختيار الزوجه وثقف نفسك في امور الزواج ومسوولياته وربك بيعينك باذن الله ..
واجعل خير معين لك حديث الرسول فيما معناه " من استطاع منكم الباءه فليتزوج " ولم يحدد عمر او شروط لكن الاهم ان تحسن اختيار الزوجه الصالحه لك ..
اما بالنسبه لامور الزواج الثانويه فااتمنى انك تلقى فتاه تقتنع بفكرة الزواج المختصر بهذا الوقت لكن اهل الخير كثير وهناك كثيرين يريدون ستر بناتهم فقط ..
اسال الله ان يرزقك من حيث لاتحتسب ويسير لك امر زواجك عاجلا غير اجل ويرزقك بالزوجه الصالحه التي تحفظ دينك وتعينك على الطاعه والعلم ..
اعزم وربي بيوفقك لانه اعلم بنيتك الصادقه ..
-
رد: هل تؤيدون الزواج لمبتعث عمره 19
اخي انا عمري 19 وصدقني الزواج في هالسن على حسب الشخص وشخصيته
يعني لو معي 50 الف وانا مبتعث بتزوج:)
بس للاسف مامعي هالمبلغ وطالع على حسابي بعد
واذا بتتزوج وانت مؤهل من ناحيه النضج توكل على الله وكمل نص دينك
بالتوفيق اخوي
-
رد: هل تؤيدون الزواج لمبتعث عمره 19
مشكورين يا اخوان
با النسبه للتكاليف نعمل حفله بسيطه بس المشكله في شعور البنت اذا عملنا حفله بسيطه
وخاصه ان هذا يومها وتبي تفرح مثل باقي البنات
وهذا سبب سؤالي للاخوات
وشئ ثاني ما هي الطريقه الصحيحه لاقناع الاهل هم مو رافضين بس يقولون اصبر
و عندي اخوان اكبر مني ومو متزوجين
وهم اولى بس ما احد طلب الزواج لانهم با السعوديه ويدرسون
ثالثا احس با الاحراج من اخواني
وخاصه الكل مشغول بدراسته
اراكم يا اخوان
-
رد: هل تؤيدون الزواج لمبتعث عمره 19
بالعكس انا مؤيده لفكرتك وبقوووووووه والله يعطيك أفضل من نيتك وشوف متى ماكانت نيتك سليمة باقي الأمور لاتشيل همها ابداً وفيه بنات يسرات بيرضون ان شاء الله بتكاليف بسيطه بس انت كثر دعوات واستغفار وماضاقت الا وجا الفرج
وطالما انك بفترة اللغه قول لأهلك يدورن لك واول ماترجع سوي حفله بسيطه وجيب زوجتك معاك عسى الله يسهل كل أمورك ~
-
رد: هل تؤيدون الزواج لمبتعث عمره 19
تزوج ياخوك "الزواج ولا الحرام"
وبالتوفيق ، فكر زين ولا تتسرع =)
-
رد: هل تؤيدون الزواج لمبتعث عمره 19
اخوي اعتقد فيه مبتعثات يحلمن بالزواج اعتقد ابحث عن مبتعثه ترغب بالزواج الله يوفقك
-
رد: هل تؤيدون الزواج لمبتعث عمره 19
خليتني افكر بالزوااج ههههههـ
الله يكتبلنا اللي فيه خير ..
-
رد: هل تؤيدون الزواج لمبتعث عمره 19
انت في الغربة
انت هناك لتدرس
لكن الشيء الصح الذي ممكن ان تفعله هو قبل ان تزور اهلك في الاجازة بفترة ابلغ اهلك بالبحث عن فتاة .
والكلمات التي كتبتها تحتاج الي استشاري في علم النفس , لان كلمة زواج ليست سهلة هي بناء اسرة
سؤال خاصه للبنات هل تتزوجين من مبتعث بدون تكاليف الزواج الباهضه حفله , مهر غالي , عزايم وطقطقه وخساير وخاصه اني من عائله بسيطه وما اقدر اوفر من المكافئة ( امشي واصرف )
المصدر: http://www.mbt3th.us/vb/forum8/threa...#ixzz1matyMahO
حفاظاً على حقوق الكاتب نرجو عدم حذف المصدر مبتعث
فعليك التريث والصبر وضبط النفس
-
رد: هل تؤيدون الزواج لمبتعث عمره 19
اقتباس:
المشاركة الأصلية كتبت بواسطة غريب في الدنيا
انت في الغربة
انت هناك لتدرس
لكن الشيء الصح الذي ممكن ان تفعله هو قبل ان تزور اهلك في الاجازة بفترة ابلغ اهلك بالبحث عن فتاة .
والكلمات التي كتبتها تحتاج الي استشاري في علم النفس , لان كلمة زواج ليست سهلة هي بناء اسرة
سؤال خاصه للبنات هل تتزوجين من مبتعث بدون تكاليف الزواج الباهضه حفله , مهر غالي , عزايم وطقطقه وخساير وخاصه اني من عائله بسيطه وما اقدر اوفر من المكافئة ( امشي واصرف )
المصدر: http://www.mbt3th.us/vb/forum8/threa...#ixzz1matyMahO
حفاظاً على حقوق الكاتب نرجو عدم حذف المصدر مبتعث
فعليك التريث والصبر وضبط النفس
شكرا على مرورك انا بعرف ان الزواج مسؤليه وبناء اسرة
انا واثق من نفسي اني بكون مسؤول واهلي بعد واثقين فيني
بس انا سالت عن الامور الماليه لانها مسببه لي حيرة وتردد
-
رد: هل تؤيدون الزواج لمبتعث عمره 19
بعدي
يعجبني الي يفكر زيك وكلامك الصراحه جاي بالسليييم وانا مؤييد لفكرتك
لكن لو تصبر شوي .. يعني سنه الى سنه ونص وترجع لديرتك وتتكمل نص دينك يكون ازين
منها على الاقل تسوي عزيمه ويجون جماعتك وربعك ويستانس ابوك .. لكن الزواج في بلد الابتعاث افضل من ناحية انك تحفظ نفسك ولكن اشوفها صعبه لارجعت بعدين
-
رد: هل تؤيدون الزواج لمبتعث عمره 19
من كلإمك الي فهمته ُ انه .. " شهوه " .. تقريبإ ..
حبيبي .. الموضوع مو سهل ُ .. ويحتأج انك تفكر مليوون مره ُ .. مأتوقع ف هالعمر انه مناسب ف زمنإ هذإ ..
حأول تغض البصر .. تشغل نفسك بالدراسه .. لاتفكر بهالموأضيع ُ .. انأ لاني ضد ولا مع .. اسئل نفسك سؤال بس .. / ليه ابي اتزوج ؟ وش ابي بالضبط ؟
هذي تكوين اسر .. ومسؤليه كبيره عليك .. خصوصا انك لسى حتى ماضمنت وظيفتك ُ. ولا خلصت دراستك
بالاخير .. : الله يوفقك مهما كان خيارك
-
رد: هل تؤيدون الزواج لمبتعث عمره 19
نصيحتي لك بالصوم - اثنين وخميس والايام البيض 13 و 14 و 15 بالهجري
لان المال عصب الحياة وهو وسيلة ولا يقيّم الانسان بماله عند الرجال .
-
رد: هل تؤيدون الزواج لمبتعث عمره 19
انا ودي اتزوج وعندي القدره اني اتزوج لكن اعترف اني يالله اقدر ادير نفسي عشان ادير اسره .. لكن بصبر سنتين او ثلاثه وبتزوج ان شاء الله وبالنسبه لحالتك انا اقلك اصبر لين تدخل الجامعه .. يمكن تشغلك الدراسه والحياه الجامعيه وتنسى الموضوع
-
رد: هل تؤيدون الزواج لمبتعث عمره 19
تفكير سليم اخوي وانا اشجعك عليها بس مو الزواج ! الخطبة الحين الين تدخل جامعه وتعدي اول سمستر او اول سنة ثم توكل على الله وتزوج ! بمرحلة اللغة على بال ما تستقر معاها بتخلص وتدخل جامعه وبيكون تحدي في البداية فتحتاج تضبط نفسك من الناحية الجامعه ثم تزوج ! وبهذي الطريقة يكون انت ضبطت نقطتين مهمه ...
اما من الناحية المالية لا تفكر فيها الحين لانها ارزاق .. يعني اعرف ناس تزوجوا وعشان اهل البنت عارفين انه مبتعث وانه بيكون له راتب ولها راتب سهلوها كثير .. وفي ناس متخلفة الا مصرة ان المهر 80 وان هذي قيمة البنت كانهم يبيعونها ....
والتفكير بالحلال اخوي دائما نقطة جيدة ولا يغرك كلام احد يقولك العكس .. بس اهم شي انك انت تكون مضبط امورك .... بالتوفيق
-
رد: هل تؤيدون الزواج لمبتعث عمره 19
اقتباس:
المشاركة الأصلية كتبت بواسطة غريب في الدنيا
نصيحتي لك بالصوم - اثنين وخميس والايام البيض 13 و 14 و 15 بالهجري
لان المال عصب الحياة وهو وسيلة ولا يقيّم الانسان بماله عند الرجال .
فذا الزمن لا يقيم الا بماله للاسف
+
ما يهم العمر عسى عمرك 15 عادي
اهم شي النضج و القدرة على تحمل المسؤلية اذا عندك هالصفتين توكل على الله
-
رد: هل تؤيدون الزواج لمبتعث عمره 19
تفكير سليم جدا وأنا معك الزواج أستقرار نفسي كل المتزوجين الي أعرفم كل من سألته كيف الزواج
كلهم يقولون تمام وأحلى شيء , ماشفت أحد يقول ليتني ماتزوجت إلا في المسلسلات .
لاكن نصيحه نصيحه :
خلها بعد اللغه لأن يمكن يأثر عليك وعليها خصوصا أول سنه بتصير طاير فيها وهي طايره
فيك وبتقعدون تسولفون بالساعات , خلها بعد اللغه عشان تضبط اللغه وتجي هي بعد وتفيدها
أنت باللغه .
الله ييسر أمورك ويوفقك ويهدي سرك وبالرفاه والبنين مقدما .
-
رد: هل تؤيدون الزواج لمبتعث عمره 19
ياجماعة الخير الموضوع ليس بالسهولة التي تتصوروها
لنفترض جدلا انه هو ناضج وشاطر ويريد يحصّن نفسه
الم تنظروا وتفكروا في النصف الاخر بعد مرور فترة من الوقت ووجد بينهما طفلة او طفل وفجأة ومع صعوبة المعيشة طلبت الطلاق
علي الانسان ان يحسبها من جميع الامور
هو اي واحد يقول ابي اتزوج خلاص نشجعه بهذا الوضع والسبب مو قادر يضبط نفسه لانه في بلاد الغرب هذا منطق غير صحيح وعليكم ان توجهوه الي الطريق الصحيح .
-
رد: هل تؤيدون الزواج لمبتعث عمره 19
اقتباس:
المشاركة الأصلية كتبت بواسطة غريب في الدنيا
ياجماعة الخير الموضوع ليس بالسهولة التي تتصوروها
لنفترض جدلا انه هو ناضج وشاطر ويريد يحصّن نفسه
الم تنظروا وتفكروا في النصف الاخر بعد مرور فترة من الوقت ووجد بينهما طفلة او طفل وفجأة ومع صعوبة المعيشة طلبت الطلاق
علي الانسان ان يحسبها من جميع الامور
هو اي واحد يقول ابي اتزوج خلاص نشجعه بهذا الوضع والسبب مو قادر يضبط نفسه لانه في بلاد الغرب هذا منطق غير صحيح وعليكم ان توجهوه الي الطريق الصحيح .
كيف تطلب الطلاق إذا ضاقت المعيشه وهي موافقه عليه من الاساس وعارفه ظروفة ؟
وبصراحه دامه يشوف في نفسه تحمل المسؤليه بالعكس انصحه وبقوه وعلى فكره الشيخ سليمان الجبيلان خاطب لولده وهو بثالث ثانوي ومزوج الكبير وهو بأول جامعه وأهم شي يحسن اختيار الزوجه والباقي تساهيل إن شاء الله
-
رد: هل تؤيدون الزواج لمبتعث عمره 19
انصحك وبقوه والله يسهل امرك تزوجت وعمر زوجي 19 والحمدلله دايم متفاهمين وربي معنا لاتخلي اي شي يعيقك وتخاف من المسؤليات تذكر ان كل شي يجي رزقه معه
بس حاوول تكون صبوووووووووووووور معها لان البنات في هذا السن تجهلهم كثير من الامور وليس كلهم طبعا والله يسهل امرك ويوفقك
-
رد: هل تؤيدون الزواج لمبتعث عمره 19
عندما يحدث ماذكرتيه في بلده الاصلي وعن طريق اهله وليس في بلاد الغرب لانه مش قادر يمسك نفسه
فهناك فرق وفرق كبير جدا بين الاثنين
لعلمك مخاطبك جد من فضل الله
-
رد: هل تؤيدون الزواج لمبتعث عمره 19
لمن يقول مو بالسهوله هذي
^^ وليش تطلب الطلاق ؟ وليش يصير طفلة ؟ وليش تصعب الحياة ؟ ليش لازم ننظر لكل شي سلبي ونترك كل شي ايجابي ! وليش ننظر فقط للمشاكل بدون حلول ؟ كل مشكلة لها مسببات ولها حلول ! اذا نحن نحسب ان كل سالفة زواج نحسب حساب طلاق على طول فهذا خلل بالانسان ! لما تفكر تدرس هل تفكر انك ترسب اول ؟ لما يجيك طفل هل تبدا تفكر لو مات وش بيصير ؟
حسابات مالها اي سنع ولا داعي
-
رد: هل تؤيدون الزواج لمبتعث عمره 19
توكل على الله وكمل نص دينك مثلي .. بترتاح نفسياً .. وبنسبة للي يقولك راح يقل مستواك .. بالعكس الزواج بيرفع معدلك بشكل ماتتصوره .. اسألني ..
موفق ..
-
رد: هل تؤيدون الزواج لمبتعث عمره 19
تعرفوا ماهو السبب ؟
لانه هو من سأل وسؤاله علي صفحات المنتدي هو الخطأ بعينه
لان الذي يريد فعلا زواج حقيقي يتزوج دون ان يسأل احد لانه شيء خاص وليس عام واقلها يستشير اهله لانه لن تكونوا احن عليه من اهله .
-
رد: هل تؤيدون الزواج لمبتعث عمره 19
^^ واحد يبغى يسال ياخي .. اسمه منتدى وله الحق يسال ويشوف ردود الناس لعل ولعسى انه يستفيد من واحد ! تجارب سابقة واحد سواها ويقول قصته والخ ! ماله دخل في هل انه يريد الزواج ولا لا !
-
رد: هل تؤيدون الزواج لمبتعث عمره 19
يا رجاال تزوج و ربي استقرااار
بس شف و انا اخوك
بعد اللغه تزووج , مع احترامي الشديد لكـ , مب تنكب باللغه ولا عديتها و بالاخير توهق نفسك و بنت الناس معكـ !
انا محاكيك باللغه ان شاء الله لا خلصتها و خلصت سمستر سمسترين باتزووج << الا انا عارف وش لي و وش علي و مخلص اللغه و بس
اتمنى انكـ تفكر بجديه و تأجل الفكره لما بعد اللغه لان مرحله اللغه اصعب مرحله في الابتعااث
موفق خـــيــر
:)
-
رد: هل تؤيدون الزواج لمبتعث عمره 19
لا تستعجل تراااك بتندم , مشروع ما يصلح .
-
رد: هل تؤيدون الزواج لمبتعث عمره 19
تفكير سليم اخوي وانا اشجعك عليها بس مو الزواج ! الخطبة الحين الين تدخل جامعه وتعدي اول سمستر او اول سنة ثم توكل على الله وتزوج ! بمرحلة اللغة على بال ما تستقر معاها بتخلص وتدخل جامعه وبيكون تحدي في البداية فتحتاج تضبط نفسك من الناحية الجامعه ثم تزوج ! وبهذي الطريقة يكون انت ضبطت نقطتين مهمه ...
كلام الاخ صحيح -- اصبر لين تخلص لغه وتقبلك الجامعه وتستقر اما انك تتزوج وقت اللغه وماتدري هل الجامعه تقبلك او لا ماانصحك
-
رد: هل تؤيدون الزواج لمبتعث عمره 19
ضد وبقووووووووووووة واقوى حاجة في الحياة بعد
انا ما اتكلم عن عمرك اللي يعتبر صغير جدا يعني ما شفت من الحياة شيء تجربتك في الحياة اساسا ناقصة وانت تبي تكملها بزواج !!!
وبرضوه ما رح اتكلم عن هل رح تقدر تشيل مسؤلية ولا لا لانه الرجال اللي مربية رجال يشيل مسؤلية من وهوه طفل !!!
لكن انت اساسا تبي تتزوج بغرض الاعفاف فقط لا غير والشيء هذا تقدر تسويه بدون زواج عن طريق غض البصر والانشغال بالدراسة والتقليل من الاختلاط بـ البنات
انت ما عندك رغبة انك تكون اسرة وتبدا حياة مستقرة والا كان فكرت في مليون حاجة
مثل كيف بتصرف على بنت الناس خصوصا انك بتاخذها وهي باقي عروس والا ناوي تحجر عليها من وهي في شهر العسل
واذا رزقك الله بـ بيبي كيف ناوي توفر له طلباته اللي يسمعك يقول المكافاة تكفي العزوبي عشان تكفي ابو عيال
انا ما اعارض فكرة انك تتزوج وانت صغير لكن انا معارضة طريقة التفكير !!!!!
-
رد: هل تؤيدون الزواج لمبتعث عمره 19
تزوووووووووووووووووووووووووووووج تزوووووووووووووووووووووووووووووج
بس بعد اللغه
<< انا جاالس اعد الليالي و الايام عشان اخلص ذا اللغه و اتزوج
وين ايام زماان 18 و معك ورع
و الحين تشيب و يالله يجيك واحد
يا رجال تزوج بس و جعل الحكومه يطول عمرها حرمتك مرافقه و خلصنا
:)
-
رد: هل تؤيدون الزواج لمبتعث عمره 19
اسمع نصيحتي و انا اخوك .. لا تتزوج الحين .. انت الحين عمرك 19 .. تخيل اول ما ترجع يضحكون عليك يقولون لك ورع و ابو عيال هههههههههههه :..
لا تاخذها بخاطرك لكن ما انصحك تتزوج الحين لان العمر مهب عمر زواج و فيه شئ ثاني و هو انك تدرس لغة .. اذا انت تبي تتزوج اقل شئ بعد 4 سنوات او 5 يعني عقب البكلريوس و عقب ما تتوظف و ترجع السعوديه و تستقر و تزين حالك عقبها فكر في الزواج و يصير زواج على كيف كيفك و انا اول من يحضره لبى قلبك
-
رد: هل تؤيدون الزواج لمبتعث عمره 19
بصراحه معاك وبقوة وخاصه انك تقول تبعد عن رفقاء السوء
والدنيا بخير دام فيه شباب مثلك
والله انا محافظ على صلواتي واخاف ربي ولله الحمد
بس اذا جلست مع بعض الاخوان من الفئة الضاله
كل واحد يقول مغامراته وقصصه واحيان اتاثر بكلامهم
عموما ابتعد عن رفقاء السوء قدر المستطاع وتزوج ولا يهمك كلام احد انا الوالدة الله يحفظها تزوجت وعمرها 12 سنه
والوالد 14 سنه العمر ما يهم
مبروووك وتوكل
-
رد: هل تؤيدون الزواج لمبتعث عمره 19
الزواج ليس له عمل محدد طالما هناك زوج وزوجه بعقل كبير ,, هذي هي نظرتي للزواج لأن العمر ليس له أي علاقه بتاتاً
-
رد: هل تؤيدون الزواج لمبتعث عمره 19
استخر واطلب المشورة من الاهل والاصدقاء ومن ثم اعزم على امرك
-
رد: هل تؤيدون الزواج لمبتعث عمره 19
نعم أويد وبقوه
هذا الزمان زمان فتن
فمابالك وانت هناك فى بلاد الغربه تشوف اشكال والوان
وتأكد دام انو نيتك انت تعف نفسك عن الحرام
صدقني ربي راح يوفقك لمبتغاك وراح يسهلك امورك بأذن الواحد الاحد
ودور واكيد بتلاقى بنت الحلال اللى ترضى
-
رد: هل تؤيدون الزواج لمبتعث عمره 19
السلام عليكم
من جد هذي معاناة المبتعثين الغربه وما تسوي اشغل نفسك ياخووي لاحق على الزواااج وهمه
وفكر في نفسك ودراستك ولا تشغل نفسك بالتفكير بالزواج خلك تتمرس في اللغه والدراسه وبعدين لاحق
ولا تتخذ قرار بسرعه وبعدها يمكن تندم عليه لسى ماكونت نفسك وعمرك صغير زواج ومسئوليه وزوجه وبعدها نه ويجووك العيال
وانت وراك دراسه على الاقل سنتين اخطب اللحين اذا تقدر بس الزواج لاحق عليه وعلى همه هههه
اتمني لك التوفيق في حياتك حاضر ومستقبلا
وتمسك بدينك وادعي ربك يكتب لك مافي صلاح لك وبالتوفيق للجميع
-
رد: هل تؤيدون الزواج لمبتعث عمره 19
توك صغير على الغثا
مع احترامي لك مع أني ماعرفك ولا أعرف تفكيريك ولكنك لازالت في سن المراهقه
تراني أب وعارف الوضع
شهوتك توجهه بوصله تفكيرك
-
رد: هل تؤيدون الزواج لمبتعث عمره 19
نصيحة شيل هالفكرة من راسك ... كلنا مرنا بالي مريت فيه اذا حس الواحد انه نشيط قال ابغى اتزوج ...
اشغل نفسك بالدراسة ولايكثر ...
-
رد: هل تؤيدون الزواج لمبتعث عمره 19
لا تتزوج ربطه شف انا عمرري 25 سنه وماني متزوج الا بعد 5 سنوات . ادرس وركز وارجع لديرتك عيش مع امك وابوك واهلك 5 سنوات وانبسط مع اصدقائك ولمن تزهق من الكلام ذا كله فكر بالزواج