حجزت رحلتي بوقت غلط >> help me

مساكم كل خير ان شاءالله ..

راح تكون رحلتي ان شاءالله 30-12 من الرياض على واشنطن واخذت ترانزيت طويل في واشنطن عشان اريح فيها ..

سؤالي 1 : هل الملحقيه تستقبلنا وتكون مسؤوله عن سكننا في واشنطن حتى لو انا اللي ادفع للسكن ؟؟ والا انا اللي احجز من الحين على فندق عشان اول ماوصل للواشنطن اريح فيه ؟؟

سؤالي 2 : هل وقت رحلتي غلط عشان عيد الكرسمس ويوم الاحد ؟؟ احساسي ما راح القى احد يستقبلني من الملحقيه ..

سؤالي 3 : هل الملحقيه تكون فاتحه وقت الاجازات ومتى دوامهم بالضبط ؟؟ وبرضو البنوك هل تكون في اجازه سواء في الكرسمس او يوم الاحد ..


رحلتي عقب ماحجزتها حسيتها غلط في غلط الله يصلحني بس ..

شوفي وانا اخوك

انا حجزت يوم 29 -12

على مطار دلاس الدولي بواشنطن

و حجزت في فندق الماريوت اللي بنفس المطار من موعد رحلتي الى ثاني يوم اللي هو يوم 30

طبعا بحكم اني على حسابي الخاص ماظنيت اني بروح للملحقيه حاليا

مصير النشبه جايتهم

ولكن فيه واحد من الشباب قالي ان كل شي مقفل عشان الكرسمس عاد انا والله مدري دام التكاسي فيه والفنادق فيه ماني بخايف من كرسمسهم

يعني بالمختصر اتصلي على الملحقيه من الان واسئلي عن تواجدهم يوم وصولك معك اكثر من 10 ايام تنسقين وتكلمين وتشوفين ورتي امورك بناء على ماتتوصلين له


دمتي بود

بالنسبه للبنوك مافيه بنوك تفتح يوم الأحد حتى بالايام العاديه مو بس الكرسميس

اما عن إجازة الملحقيه تقدرين تتأكد من موقعهم وفيها اوقات الإجازات طول السنه

انا رحلتي نفس رحلتك وافكر اني اغيرها بصراحه .. مو الوقت ولكن افكر اروح مدينة الدراسه مباشرة والملحقيه اخلص اموري معهم عن طريق البوابة

حياك الله أختي الكريمة ،.

من الأفضل لك أن تغيري مسار الرحلة إلى مدينة دراستك ، لآنه لا فائدة من الذهاب إلى الملحقية من أجل فتح ملف فقط ، فالملحقية ستقوم باستقبال طلب فتح الملف الكترونياً من أي مكان يكون ، وكذلك أن الملحقية في ذلك الوقت سيكون بالتأكيد في اجازة رسمية أمريكية ومن الممكن أن لا تجدي أحدا في استقبالك ، فأفضل لك استغلال وقتك بالتوجه إلى بلد الدراسة وفتح الملف من هناك.

أما دوام البنوك فكما ذكر لك أخي نايف بأن يوم الأحد لا تفتح البنوك بما أنه هو يوم الاجازة الاسبوعية.

وبالتوفيق ،.

أخوكم
بــن نيــــاز

المشكله ما اقدر اروح لوﻻيتي مباشره ﻻزم امر وﻻية شيكاغو وبعدين وﻻيتي >> ياحياة الشقى ثلاث وﻻيات الله يعين

بس سؤالي الحين هل راح يستقبلوني الملحقيه واﻻ ﻻ ؟؟

ويسكنوني واﻻ ﻻ ،، حتى لو انا اللي راح ادفع واطيح هم حجز السكن >> ابغى احد عنده خبره تكفووووووووووون

الملحقية بالعادة يرسلوا مندوب على وقت رحلات الخطوط السعودية
يأخذ الطلاب لفندق فيه خصم للطلبة السعوديين
بس مافيه أي حاجة من زيارة الملحقية لأتك بتضيع الوقت عالفاضي
كل شئ تقدر تسوية من ولايتك عن الطريق الانترنت
ولو تعبت نفسك ورحت للملحقية راح يرسلوك لغرفة تحت كلها كمبيوترات
ويقولوا لك أفتح ملف لذلك من الأفضل التوجة مباشرة لولايتك

بالتوفيق ان شاء الله

اعرف ان موضوع فتح الملف عن طريق البوابه الالكترونيه ،، ومالي داعي اروح للملحقيه

لكن سؤالي للمره الثالثه : هل راح يستقبلوني في المطار ويودوني للفندق ويسكنوني على وقت عيد الكرسمس ؟؟ ولا اشيل هم السكن وقت الترانزيت

يعني قد احد صار له نفس حالتي واستقبلوهم وسكنونهم ..

وانا دخلت على موقع الملحقيه وشفت اجازاتهم الرسميه ،، ومكتوب اجازة رأس السنه 2 يناير >> معقووووووله

ياريت احد عنده خلفيه عن الموضوع ويريح بالي ..

فيه شتلات في المطار تودي للفنادق
وفيه مكاتب في المطار يعطوا خصم للفنادق ويدلوك على الشتل حق الفندق
تروحي تركبي الشتل ويوديك الى الفندق وثاني يوم تركبي الشتل وترجعي للمطار مجاناً
بس وقت النزول تعطي السواق اي شئ ولو ماعطيتية ماعندك مشكلة
يعني لاتربطين نفسك بالملحقية عندك خيارات كثير

مثل ما قال الاخ كنت احبك اي رحلة للخطوط السعودية يرسلون واحد مصري يكون ماسك معه لوحة بالعربي مكتوب عليها الملحقية او حاجة زي كذا. بس عشان تكوني على يقين اتصلي عليهم وعطيهم خبر انك جايه وهم راح يستقبلونك ان شاء الله لان هم اصلا يقدمون هذي الخدمة لكل الطلاب اللي على حسابهم ثم يودوك لفندق مخفض للطلاب السعوديين ٦٠ الى ٧٠ دولار اليوم و اذا استقبلوك اساليهم اللي تبغي. بالتوفيق

انا اجاوب على سوالك
اذا بلغتيهم ربما يستقبلوك
ولكن
وش فكرتك عن الاستقبال
سواق مصري وباص
يوصلك للفندق اللي متعاونه معه الملحقيه وانتهى الفلم
ويعطيك سيدي ورقم الملحقيه
وهذي كل الحكايه
يعني تاكسي وتعطينه العنوان في ورقه
يسوي نفس الحكايه
والسيدي كمان فيه طريقة فتح ملف
يعني استقبلوك او ما استقبلوك قريبه من بعض
تحياتي

انا ولله فاهمه كل كلامكم وعارفه ان الملحقيه تستقبل الطلاب سواء المبتعثين او اللي على حسابهم الخاص

وانا عارفه انهم فقط يشيلون المبتعثين في شتلات ويدونهم للفندق وهذا دورهم فقط

لكن مشكلتي ان رحلتي في (عيد الكرسمس ) وانا ماني فاضيه احجزلي على فندق لان اللي فيني مكفيني مو فاضيه للحجوزات

فإذا كانت الملحقيه تودينا لفندق حاجزينه لنا في يوم الكرسمس راح يطيح علي هممممممممممممممم

واكيد فيه كذا شخص صار له نفس موقفي ،، ياريت يقولي وش صار عليه

يعني اللي ابغى اوضحه :

هل الملحقيه بيوم الكرسمس تأجز ولا تحجز للمبتعثين سكن ،، وتترك المبتعثين يحجزون لانفسهم ويتصرفون لحالهم ولا عليها منهم ؟؟

او يكون مثل العاده فيه حجز للمبتعثين حتى في يوم الكرسمس ..

الملحقية أجازاتهم نفس أجازات المجتمع الأمريكي
واصلاً الملحقية عمرها ماحجزت سكن لأي طالب
كل السالفة ان المندوب يستقبلهم ويوديهم للفندق والطلاب يحجزون لأنفسهم
لذلك الأفضل لك أن تحجزي فندق من الآن على حسابك قبل لايرتفع السعر
ودام فيه شتل يودي للفندق وش فرق عن مندوب الملحقية؟

على الفكرة ترى المندوب يشتغل حتى الاجازات. انا كنت جاي في الويكند و استقبلنا سواق الملحقية، بس تبين تتاكدين كلمي الملحقية. و الشي الثاني راح تلاقين في رحلتك طلاب سعوديين خليك معهم و بترتاحين.

احجزي من النت وريحي راسك احسن ماتعتمدي على احد هناك وتتعبي والرحله اصلا طويلة الله يعينك وييسر امورك

انا دخلت على موقع الملحقيه وكاتبين اجازة الكرسمس بيوم 2 يناير >> بس اللي مكتوب ماخش مزاجي

طيب لاهنتم عطوني اسماء فنادق جمب المطار على طول ويكون سعره مناسب الله يرضالي عليكم ..

فيه فندق ماريوت في وسط المطار هذا موقعهم Dulles Airport Hotels | Marriott Washington Dulles Airport | Dulles Hotel

وتقدرين تقولين لتاكسي ودني اقرب فندق للمطار

حبيبتي ريحي راسك واحجزي لك فندق من هنا .. واذا وصلتي خذي اقرب تكسي وعطيه عنوان الفندق ..
اصلا وقت الوصول تكوني تعبانة جدا وبس ودك فراش مريح تتمددين عليه وتنامين بعمق ..

خليك من الملحقية وفلان وعلان يستقبلك ومااعرف مين ...
مستحيل ان موظف حكومي بيخلي عياله في يوم اجازة رسمية مدفوعة , ويجي عشان يستقبل طالب ...

اقتباس:

---

المشاركة الأصلية كتبت بواسطة Rain umbrella

فيه فندق ماريوت في وسط المطار هذا موقعهم Dulles Airport Hotels | Marriott Washington Dulles Airport | Dulles Hotel

وتقدرين تقولين لتاكسي ودني اقرب فندق للمطار

---

مشكور اخوي ماقصرت ،، فرجت علي الله يفرج عليك

اقتباس:

---

المشاركة الأصلية كتبت بواسطة صديقتكم

يعني اللي ابغى اوضحه :

هل الملحقيه بيوم الكرسمس تأجز ولا تحجز للمبتعثين سكن ،، وتترك المبتعثين يحجزون لانفسهم ويتصرفون لحالهم ولا عليها منهم ؟؟

او يكون مثل العاده فيه حجز للمبتعثين حتى في يوم الكرسمس ..

---

أنتي تعتقدين أن السكن مجاني لو تحجزين أنتي ولا هم كله نفس السعر

لا تاخذين مقلب في الملحقية ومن الأفضل لك أنك تروحين على طول لـ ولايتك ومن هناك تفتحين ملف وأتركي عنك الملحقية وواشنطن ما فيها إلا الخساير ومضيعه الوقت

وأنا متأكد لما تروحين الملحقية بتنسد نفسك كل السالفه بيدخلونكم غرفه تعبون بياناتكم ثم يقولون يالله مع السلامة

إحجزي من الحين ما يبي لها شي
شوفي بوكينق ، طبي و تخيري

هذا رقم شخص بالملحق الثقافي اتصلي عليه وبيفيدك
شخص متعاون ويرد على جميع الاستفسارات.....
صالح 0017039811480