مساعدة تاريخ إصدار القبول وموعد الدراسة

وعليكم السلام

طيب المعهد قبلك في شهر سبتمبر والفيزا طلعت في نوفمبر

وصك الآي تونتي؟؟

الاي تونتي موجود فيه موعد الدراسة، الفقرة رقم 5 في أول صفحة من صفحات الآي تونتي الثلاث..

يوجد اسم التخصص سواء تخصص محدد أو لغة، ومكتوب يجب أن يحضر الطالب قبل تاريخ كذا وينهي دراسته قبل تاريخ كذا حسب الضمان المالي والمدة المطلوبة

وقانوناً يجب عدم دخول أمريكا قبل أكثر من شهر على بدء الدراسة، يعني لازم يكون باقي 30 يوم أو أقل على بدء الدراسة لكي يمكنك دخول أمريكا

بالتوفيق

اي نعم أخي وصلني الاي توني وقدمته للسفارة ب نوفمبر
وتم قبولي وخروج الفيزا الحمدلله وهذا اللي انا مستغرب منه ..
وكان القبول بتاريخ 04/09/2012
يعني شغله تحير والله

مدري وش المحير في الأمر، امورك ماشية تمام وماعليك سوى السفر لأمريكا قبل بداية الدراسة

ياليت توضح المشكلة بالتحديد

اخوي الي اعرفه انه لما يعدي موعد دراستك المحدد بالـ I-20 تضطر تراسل نفس المعهد يرسلون لك واحد جديد بالموعد الجديد

لذلك راسلهم مره ثانيه ، واسالهم عن الاجراء المتخذ في حال انتهاء الموعد الموجود بالـ I-20

هل تحتاج جديد أو ورقة قبول منهم تفيد بتمديد المده

لأن اكيد وقت ماتنزل المطار بيراجعون اوراقك عشان الجمارك

اهاا

اذا قبلت في معهد يجبك ورقة قبول وثلاث أوراق اي تونتي

ورقة القبول يجي فيها مكتوب تاريخ بدء الدراسة والورقة نفسها تلقى عليها مكتوب تاريخ اصدار هذا القبول ويختلف عن تاريخ بدء الدراسة

انا فكرتك تقول تاريخ اصدار القبول وعلى اساس ان تاريخ دراستك يبدأ في جانوري

اذا كانت هذه الحالة فاتبع التالي..

راسل المعهد وقولهم أبغى آي تونتي جديد لأني ما حضرت حسب موعد الآي تونتي الأول، ممكن يقولوا لك عادي تقدر تدخل امريكا بالاي تونتي الحالي

الخبر الأكيد تلقاه عند السفارة الأمريكية، سمعت من قبل انه اذا تخلفت عن التاريخ المحدد في الاي تونتي لازم تجدد الاي تونتي لأنه هناك تاريخ محدد في كل آي تونتي، ويقولك الطالب متوقع بالحضور قبل تاريخ معين وعادة يكون قبل بداية الدراسة بكم يوم..

والجملة هي بالتحديد

the student is expected to report to the school no later than xx/xx/xxxx

بس تضل الكلمة "متوقع" يعني ما كتبوا "ملزم"

ممكن تمشي في المطار وممكن ما تمشي والمخاطرة هنا صعبة، ولما تبحث المشكلة تجد ناس تقول عادي وناس تقول لا وكل واحد يقول عنده تجربة مختلفة! راسل المعهد والسفارة كليهما والأهم السفارة وشوف وش يقولون..

وعلى فكرة بخصوص السفارة هم ممكن عطوك التأشيرة على الآي تونتي عاملين حسابهم على ان المعهد راح يعطيك آي تونتي جديد بنفس الرقم، يعني مافرقت بس هم سرعوا الاجاراءات لك فقط بدال ما تروح تجيب آي تونتي جديد وتقدم موعد من جديد..

الله يسهل عليك

اهلين حبايبي أسف على التأخير ..
المشكلة ي اخواني .. السفارة أصدرت لي الفيزآ بعد بدأ الدراسه بشهر ونصف !!
لكن لما رحت للتعليم العالي .. قالوا لي لازم تغير قبولك للسنه الجديدة على جنوري لكي تتمكن من دخول امريكا
بحيث ممكن الأمقريشن يسبب لك مشاكل بالمطار هناك ..
ف انا محتار جدأ ولا ادري وش السالفه مافهمت اي شيء

ايه اخوي زياد طالما الوضع كذا ، ترسل للمعهد وتقوله ان الوضع كذا ، وان الوزاره طلبت مني احضار افاده بالقبول ، واحتاج منك اما I-20 جديد أو خطاب قبول عشان الامقريشن لو طلب منك بالمطار

مو صعبه الشغله كثير جابوا جديد ، بس لاتضيع الوقت

للأسف المعهد قال لي بالفم المليان مالك مكان عندنا
مافيه الا ب شهر ماي تقدر تجي .. هل اقدم على قبول جديد واسوي نقل من الوزارة
من الرياض واريح مخي أو لا ؟

اوووووووف !
وش ذا السماجه !
الله يعنيك بجد ، شوف من ناحية النقل الي اعرفه ان الوزاره مالها علاقه بالموضوع ، والي عليك تسويه الحين تقدم قبول بمعهد ثاني وتشرح لهم انك مبتعث وانك جبت قبول سابق ولكن تأخير السفاره ضيع الوقت عليك ، ومافي مكان لك بالمعهد ، هم كذا يسوون تحويل للآي-20 حقك لعندهم ، وجيب خطاب قبول يشرح انك حولت الآي-20 عندهم من عندهم عشان تقدمه للجمارك بالمطار لأن ممكن يسألونك عن هالشي ، وأصدر قرارك ..

ولاتنسى تراسل مسؤول الملحقيه المختص بولايتك الجديده ، تلاقي الايميل ضمن قائمه المعاهد الي حاطتها الوزاره ، فوق بأول شي ، ترسله وتقوله السالفه..

والله يسهل امورك يارب