استفسار آنآ وآبوي وآلآبتعاث

ما شاء الله تبارك الله ❤❤❤
أحيي هالطموح اللي فيك ، واصلي حبيبتي و لا يهمك كلام أحد ، لأن بجد ما راح ينفعك إلا دراستك و شهادتك
إسمعي مني حبيبتي .. كلام المحبطين اللي حولك مهما كانوا لا تعطينه أي اهتمام
خليك واثقة من نفسك و من قدراتك و من تحقيق طموحاتك
لأنهم بالنهاية ما راح يقدمون و لا راح يأخرون ، من بعد توفيق رب العالمين إنتي اللي بيدك تبنين مستقبلك مثل ما تبين
و إنتبهي تلتفتين لكلام الناس و المحبطين و تهملين دراستك زي ما سويتي و صار فيك هالترم
و لسى قدامك وقت طويل ، أربع سنوات ، بهالأربع سنوات ممكن أشياء كثثثثير تصير
يعني اللي أقصده بدري على إنك تكلمين أبوك و تحاولين تقنعينه

الله يوفقك يا قليبي و يبلغك طموحك ❤❤

ربي ..كن لأخي العضو ( MoH9ALi )
حبيباً .. قريباً .. ولدعائه مجيباً
يارب ..
ارضى عنه رضى لا يحزن بعده ابداً
الله يجزاك خير
وبالنسبة لمعهد ماساتشوستس سويت عنه searching سريع ولقيت الناس يمدحونه << شكلي بحول عليه
وان شاء الله ناويه ما أخرج من المملكة الا وانا مختبرة التوفل وناجحه فيه يارب

اللهم متّع قلب اختي العضوه ( أنا العنود ) بالدنيا والدين
وارضي نفسها بجنة الخالدين
وحبب فيها كل العالمين
سوري يعني أنا حسيت بكلامك نوع من السخريه بطموحي وزي كذا
أنا معك ي قلبي اني ما أستبق الأحداث
لكن برضو ما أحب أمشي بالمجهول
مأ أحب أقدم على خطوة بدون تفكير ، أحب أمشي وأنا عارفة ايش بسوي وكيف
عشان كذا أنا لما أتخذ قرار وخصوصا قرار كبير وبيأثر على مستقبلي زي الابتعاث لازم أفكر واشوف ايجابياته وسلبياته من الحين
لازم اتثقف عنه وأعرف اول ما أوصل أيش اسوي وزي كذآ .. وهذي الاشياء كلها أعرفها لمآ أقرأها من تجارب المبتعثين
وشكرا

اللهم اجعل اختي العضوه ( بنت حصة )في كنفك عزيزه شامخه
ورفعة عن الخلق دائمه
وسخر لها الخير من حيث لا تحتسب
ووفقها في كل طريق تسلكه يا سامع كل دعاء
الله يجزاك خير ع الدعوه الحلوة حياتي
وبالنسبة أني أقنعه من الحين فـ أبوي ما يقتنع من أول مرة يعني يبي له وقت
والمثل يقول ((كثر الدق يفك اللحام)) فـ أنا حاولت مبدئيا أتخذ هذي الاسترتيجيه <خليتها حرب ههه> وبين كل فترة وفتره أفتح الموضوع وأكون مجهزة نفسي بمعلومات تكفي لانهاء النقاش لصالحي
وشكرا

تبكي على شي باقي له 5 سنوات؟ ما تدري انتي او ابوك حيين او ميتين بعد 5 سنين

فـ لا تستبقي الاحداث

احي فيك همتك العاليه
وخليها قاعده "ماتؤمن به تحصل عليه"
ركزي بدراستك ولا تحطين فكره انو انتي توك بالمتوسط وما تشدين حيلك لا بالعكس لازم من الحين اشدين عشان بالثانوي تجيبين نسبة كويسه
ودايم ادعي ربك انو يحقق لك مرادك وييسر لك
انا من كنت في الثانوي افكر اطلع ادرس طب بأمريكا لكن كانوا اهلي رافضين والموضوع من سابع المستحيلات والكل يقول لي لا تفكرين مجرد تفكيرر لكن الحمدلله ربي بيعوضني بالماستر ان شاءلله
حطي ببالك البعثه ماهي الا طريق واحد للنجاح لو يوم من الايام ما تيسرت اعرفي انها خيره وما يمنع انك تكونين ناجحه ومتميزه في تخصصك بدون ابتعاث
موفقه حبيبتي ولاااااااااااا تسمعين لاي احد يحاول يحبطك ويقلل من احلامك مهما كان الشخص

بالعكس ماهو غلط ان يكون عندك طموح من الان .. الا لابد يكون عندك طموح تتعبين علشانه ..
وصدقيني هذا الشيء راح يرفع من معنوياتك ويخليك تجتهدين اكثر واكثر لاجل توصلين لغايتك ..

المسأله ماهي مسألة انك لابد تكونين بالثانوي حتى تجتهدين ويصير عندك طموح !
الطموح ممكن يكون من الابتدائيه ! ..

انا انصحك انك تواضبين على طموحك .. وصدقيني اختي ماراح تندمين يوم من الايام على هذه المواضبه والمثابره ..

ولا تأيسين ابدا .. او تخلين الكلام يأثر فيك ..

صدقيني اختي .. مثابرتك واجتهادك لطموحك .. راح يسهل عليك انك توصلين للي تبينه ..
الله عز وجل يقول في حديثه القدسي " اسعا ياعبدي وانا معك " .. يعني اسعي في امورك واجتهدي فيها ولا تنسين ان الله معك لان التوفيق بيد رب العالمين .. وبدون اللجوء اليه ماراح تتوفقين !
وخلي دائما ايمانك بالله قوي .. وظني بالله خيرا .. كما قال تعالى في حديثه القدسي " انا عند ظن عبدي بي "..
بمعنى انها جازمه ومحتمه للامر .. لو ظنيتي خير بالله .. ستجدين الخير .. ولو ظنيتي غير ذلك .. ستجدين حياتك ماظنيتيه بربك .!

فانتي لا تحبط عزيمتك .. وكملي واجتهدي بالموضوع .. وبالنسبه لابوك .. صدقيني الان راح يماطل فيك لسبب ! انه بيشوف جديتك بالموضوع .. لانه حاسب حسابه ممكن انها بس نزوه مثل مايقولوا وبتروح ..
ولا تستعجلين على موافقته مادام انتي ماعندك الأدله اللي تخليه يعرف مدى حرصك على الوصول طموحك .. وبها سوف يوافق باذن الله .. لانه بيثق ثقه تامه في وقتها بجديتك بالموضوع ..

فمن الان اجتهدي وكملي على اجتهادك ولا تتكاسلي بالامر .. ولا تفكرين كثير بالبعثات .. بل ركزي اكثر على دراستك ..
وتأكدي كثر ماتجيبين درجات عاليه .. كثر ماتزيد ثقة ابوك بعقليتك وجديتك بالدراسه وهذا الشيء مايخليه يتهاون بعقليتك بالعكس راح تلاقينه يحاول يساعدك على التطوير ويساهم معك بالموضوع ..



وعسا الله يوفقك ويحقق لك امانيك يارب العالمين ..

يازينك =) ماشاءالله صحيح انك صغيرة ع هذا التفكر ولكن .. أنا أشجعك ع الطموح النقي
و أنصحك ياحياتي > انصحك ترتبين اهدافك من المهم الى اللي مو مهم مره ، من اللي تعشقينه مره الى اللي تميلين له
> يعني مثلاً ١- دكتورة ، ٢- معلمة رياضيات =) ....... وهكذا ، اذا لاسمح الله ماحصل تصيرين دكتورة يكون عندك خطة او هدف ثاني تحبينه > اللي هو معلمة .

ممكن في عمرك ماراح تكون الأفكار واضحه جداً ، لانوه في مرحلتك العمريه التقلبات راح تكون طاغيه ع تفكيرك .
، ولكن هذا لايمنع انك تحاولين ترسمين خطتك المستقبليه بمشورتك اهلك واللي اكبر منك ، وحطي في بالك ان ممكن هذي الخطه تتغير في يوم من الايام لذلك حطي فيها بدائل =)

واااااااااااااو
انا على بالي فئة ابغى اصير كذا لما اكبر انقرضت في السعودية بسبب اوضاع التعليم المتدنية جدا
بس عن جد الخير باقي في امة محمد !!!
حبيبتي والدك كان معطيك الموافقة لما شاف منك شدة الحيل ,, بس بعدين بدا يحس بـ اهمالك فـ كنسل
الحل : شدي حيلك حاليا و اثبتي له انه عندك هـ الرغبة و هـ الطموح و ما اعتقد بـ يرفض
ولو افترضنا معك جدلا انه رح يرفض خليك مجهزة لـ نفسك خطة بديلة
قريت قبل فترة عبارة جميلة جدا ,, ترجمتها اذا الخطة أ ما نجحت فـ الابجدية ما زالت تملك الكثير من الحروف الاخرى
بـ معنى حتى لو مخططك الاساسي ما نجح عندك ملايين الخطط اللي ممكن ترسميها لـ نفسك

شدي حيلك و ان شاء الله نسمع عنك انه ابتعثتي و على هارفارد بعد

أنا نفسي في دعوة حلوة

و مثل ما قالت الأخت " أوكاسيا" .. الموضوع سهل .. شدي حيلك في الدراسة و أبوك ما عنده مشكله .. لأن مثل ما ذكرتي السبب إن نزل مستواك في الدراسة .. و أكيد كلامه هذا إن رافض علشان يخليك تجدي أكثر في الدراسة

و كل أب يحب مصلحة أولاده و بناته و يتمنى يكونوا أفضل منه

بالتوفيق