تقسيط السيارة ومشكله رقم السوشيل سكيوريتي نمبر آنحلت .. !

عزيزي بالنسبه للسوشل سيكورتي تروح للجامعه وتطلب منهم خطاب للسوشل سيكورتي انك تبي تتوظف عندهم وتقدم هالخطاب للسوشل سيكورتي وفي خلال اسبوعين ومعطينك السوشل وماهوشرط عليك انك تعمل في الجامعه ولا مجبر ،
بالنسبه اذا طلعت رقم اسوشل حاول انك ماتعطيه لاحد الا اذا كان الرقم هذا بيسهل امورك يعني مافيه داعي تعطيه راعي السكن لانك مستاجر عنده بدونه يعني امورك تمام واذا كسرت العقد بيأخذون منك مبلغ انك الغيت العقد علي حسب الاتفاق بينكم ممكن يصل ايجار شهر غرامه.

الاسئله الاخرى ماهي واضحه
بعدين اخذت اقامه ولا جرين كارد ولا جنسيه مااحد له دخل فيك ولايمكن احد يعرف حتى الملحقيه الا اذا انت ارسلت لهم او احد من طرفك ارسلهم

عزيزي .. تتعب نفسك على الفاضي ..
انت تبي السوشال علشان تقدر تاخذ اقساط والقروض وما خالفها من امور ..

انا اقولك انك حتى لو خذيته ماراح تقدر تستفيد منه لمدة سنه ونص تقريبا على الاقل ..
وهالسنه ونص لابد تستخدمه .. واذا استخدمته بتدفع للسكن مثلا الديبوزت وتدفع لمدري من الديبوزت حقهم .. وكل شي بتدفعه مثل لما كان ماعندك سوشال ..
وايضا حتى السيارات والبنوك ماراح تعطيك اي قروض ولا اي اقساط للسيارات نهائيا .. حتى يرتفع الكريدت حقك الى فوق الـ 700 .. والكريديت مايرتفع الا بعد اول سنه ونص ..

بإختصار تعبك يروح خساره لو ماكانت مدة اقامتك اكثر من اربع سنوات !.

آنت تقريبآإ جآوبت على ككل آلآسئله ,
بس آخوي بالنسبه لرقم SSN لازم عمل دآخل الجامعه مع آني ما بغى آشتغل ابد
ابغى اقسسط السياره بآسسرع وقت , وآنت تقول عكس هـ الشي , آنت متآكد من كلامك ولا ع حسب الجامعه يعني ؟
وبالنسبه لما آخذ رقم الـ SSN قريت واحد من الشباب يقول لو آخذت الرقم بيدرون عنك حقين الاتصالات
او آي مكان آنه عندك الرقم حتى لو ماعلمتهم ,, !؟ صحيح ولا ؟
+
ممكن توضح نقطه الـ تقديم على خطاب للسوشيل سكيورتي ؟
لآن آصلآ الرقم هم يوفرونه للنآس اللي تشتغل , وش ذا المكان اللي بروح لهم بخطاب ويعطوني الرقم ؟

ويعطيك العآإفيه مآ قصصرت ♥

لآ آن شا الله مآ يروح تعبي ,
مآ فهمت قصدك بالدفع للسكن وكذ1 ,,
بالنسبه للمعارض آو البنوك فعلا كلمت عدة معارض وفيه وآحد فيهم
قالي الـ SSN حقك اصلا بيكون جديد , لازم تنتظر سنه او ع الاقل 6 شهور ,
بس بالنسبه للمعرض اللي نآوي عليه ان شا الله تفاهمت معاه وقالي آول مآ تآخذ الرقم بطلب السياره واقسطهآ

تتسههل آن شا الله بس آدعوولي ♥♥

اللي قصدته بالسكن او بالاماكن اللي تستخدم فيها السوشال سيكورتي ..
السكن الان يطلب منك سيكوريتي ديبوزت لان ماعندك سوشال .. لو عندك سوشال والكريدت حقك فيه فوق 700 .. ماراح يطلب منك ديبوزت ..
وهذا هو الحال مع الكل مثل شركات الاتصالات و شركات الخدمات الاخرى ( الكهرب . الغاز . النت والتلفزيون .. الخ ) ..
بعضهم يطلبون وبعضهم لا .. بس انا اتكلم عن اللي يطلبون ديبوزت ..

ايضا بالنسبه للمعارض مثل ماشفت انت بنفسك .. لازم الهيستوري حقك لا يقل عن سنه .. حتى ست شهور ماتنفعك بقرش .. وخذها من مجرب ..
اللي يقولك ست شهور .. خلال الست شهور الكريدت حقك يكون ضعيف مايكون طويل حتى يكون مرتفع ..
لان اغلب البنوك والشركات اللي تستخدم فيها السسوشال تحدث بياناتها بعضهم شهري وبعضهم كل ست شهور مره ! يعني كل شركه ومزاجها ..
ويبيلك احيانا تدق عليهم علشان يحدثون معلوماتك بالسوشال بحيث يرتفع الكريديت .. وخلال ست شهور الاولى الكريديت حقك بيكون حدود الـ 600 ..
هذا لو انت بعد مضبط وضعك بحيث انك تدفع مستحقاتك باوقاتها ولا عندك اي مدفوعه متاخره او فائته ..

بعد سنه يكون الكريديت حقك اخذ وضعيته الصحيحه مثل مايقولون ويصبح ثابت اما انه يرتفع او ينزل على حسب الهيستوري حقك ..
وقتها كل ست شهور يا يانزل يا يرتفع يا يكون مثل ماهو ..

وعندك طرق كثيره تبني فيها الكريديت .. من ظمنها البطاقات الائتمانيه .. والقروض البنكيه .. ومثل هالامور لها تاثير على الكريدت حقك ويكون ايجابي اذا انت تدفع المستحقات بوقتها ..
حتى البنك لو اخذت بالماينص يتسجل بالكريدت انك اخذت بالماينص ..

ياشيخ شغلانه والله ..

واساسا فيه معارض تقسط سيارات بدون سوشال .. اهم شي يكون فيه احد يكفلك .. ولابد المقدم يكون نصف المبلغ او اكثر ..
ويقسطون لك المبلغ الباقي ..

ولو تعرف احد يكون له احد يعرفه بالمعارض .. ممكن يعطيك سياره بالاقساط لان المسأله كلها على الثقه فقط .. لان السوشال فايدته بس يبين التاريخ المالي حقك .. بس ..

واذا تعرف احد عنده سوشال .. وبينكم ثقه .. يقدر يساعدك فيها ..

هذا والله اعلم ..

١) هذا زي التصريح انك بتشتغل ومن حقك ما تشتغل ولا هو لازم انك تعمل بالجامعه ،وبعدين اذا كملت سنه دراسيه من حقك انك تعمل خارج الجامعه علشان توفر مصاريف دراستك .
٢)تقسيط السياره ممكن تقسط في حالتك وعلي حسب وكالة السيارات مثل فورد وكيا ممكن تدفع النصف والباقي تقسيط ونفس الشي فلوكسواجن تدفع شي بسيط والباقي تقسيط والسوشل تعطيهم اذا لزم الامر.
٣)بعدين ما احد يدري عنك الا اذا اعطيته السوشل
٤)انت تروح للمنسق عندكم بالجامعه تقول لهم انك لك رغبه في المستقبل تعمل عندهم وتطلب منهم خطاب للسوشل علشان تكون جاهز اذا رغبت بالعمل عندهم واذا ما عملت ماراح احد يحاسبك اويسحب منك السوشل ولمعلومك هذا رقم لك طيلة حياتك مايمكن تغيره لانه مربوط باسمك وتاريخ ميلادك في جميع ولايات امريكا .
5)هو عباره عن مبنى اسمه السوشل سيكورتي حطه في القوقل وشف اقزب فرع لك ورحله
٦)بالنسبه للسوشل يساعدك في كل شي تقريبا حاول يكون تاريخك نظيف لانه ممكن يوفر عليك مبلغ التامين حق السكن وكذلك اذا اخذته ممكن
ادلك علي طريقه ترفع السكور تبعك واذا رفعته ممكن تصل انك تشتري اية شي بالتقسيط

في عندك شركة فلوكس واجان تعطي اقساط من غير رقم السوشل ,, لكن يحسبلك شهور القسط على حسب الايتوني مو على مدة الفيزا كاملة

ياخوي مايصير الكلام هذا
انا من يوم قرأة عنوان المشاركه "تقسيط السيارة ومشكله رقم السوشيل سكيوريتي نمبر آنحلت .. !"

قلت ياولد هذا جاب الحل
طلعت للأسف تبحث عن الحل
لغتنا العربيه فيها متسع من المرونه و الوضوح لكن مدري ليش بعض الناس تطرح موضوع في وادي و المحتوى في وادي آخر
لا تلومني انا زعلان ضيعت من وقتي دقيقتين اقرأ موضوعك وبالنهايه ما طلع نفس الي بالعنوان.