فضفضة: الطلاب الأمريكيين والجدية

مافيه افضل من التقييم الجزئي بالقروبات !
هذا النظام جربته من قبل .. دكتور طبقه علينا ومن بعدها صرت كل مايطلب دكتور الا نسوي قروبات .. اطلب منه توزيع العمل وتقييم العمل فقط !
الطريقه بسيطه .. كل شخص بالقروب يعطى جزء معين من العمل ويسجل باسمه عند الدكتور .. اذا تم التسليم .. الدكتور مايقيم القروب كله بدرجه وحده لا ..
مثلا الجزء اللي سويته انا سويته بمثل مايبي الدكتور وافضل اعطاني الدرجه كامله .. جزء الثاني اللي سواه زميلي نص ونص اعطاه درجه اقل .. ومثل كذا !

هذي الطريقه الوحيده اللي احبها .. والسبب أنها تخفف عنا الشغل وبشكل عام تعطينا نفس مطلب البروجكت كامل .. (يعني بدال ماسوي البروجكت كامل علشان اخذ درجه كامله .. اسوي جزء منه واخذ الدرجه كامله واختصر وقت وجهد) ..

الشغله الثانيه .. على حسب مالاحظت .. ان فعلا كلامكم كله صحيح .. وهذا الكلام ينطبق على كامل التخصصات .. الا تخصصات الحاسب !
انا اذكر من يوم دخلت بتخصصي وانا مرتاح بسالفة القروبات .. فيه ناس جد فاهمه مو تلعب .. حتى الصغار تلاقيهم يلعبون قيمز ومو مهتمين بالكلاس واشوفهم ..
لكن وقت الشغل فاهم كل شي وعارف وش يسوي .. واغلبهم معي مبرمجين .. انا اعتبر بجنبهم (نملة برمجه) خخخخخ
واستفدت والله منهم .. ودائما كلاساتي ياكثر الشيبان فيها .. وهالشيبان ادفر ماخلق ربي .. يجيك بخبره ومتعمق اساسا بالتخصص ماجا الا بس يبي الشهاده والا هو عارف كل شي من عمله السابق !

مافيه ولا كورس حاسب جيته لقيت ناس ماتفهم او بليده .. مثل الكورسات الاخرى !

مدري هو فهامه زايده منهم بالكمبيوتر بشكل عام والا حب وهوايه يعني عندهم !

موضوع رائع جدا

ومفيد لنا نحن المقبلون على الدراسة بالخارج

لدي مجموعة استفسارات كالتالي

هل مر عليك تفرقه فالتعامل بينك وبين طلاب امريكان من قبل دكتور او دكتوره

هل مر عليك اي نوع من العنصريه سواء من طالب او دكتور

في حال اخفقت في اختبار او تقديم تقرير او اسايمنت هل لديهم فرص لتحسين المستوى

هل يتقبل المحاضر طلب اعاده الشرح لك اكثر من مره ويتقبلها بصدر رحب ام يعتبر ذلك ضعف فيك

هل يوم من الايام احسست نفسك اقل منهم وانهم اقدر منك علميا وثقافيا ! << لاتستحون ههههههه

بالتوفييييييييييييييييييييق

ما فيه مجال انهم يفرقوا بينك و بين الامريكان هنا العنصرية تعتبر جريمة شنعاء و ممكن الواحد ينسجن بـ سبب كلمة قالها بدون قصد
افتكر واحد من الاساتذة كان يتكلم عن السكان الاصليين لامريكا و عادتهم في دفع مهر وقت الزواج من الحرمة و قال انا احسها كانه الحرمة تباع و تشترى
علما بانه من احسن التيتشرات و كان احبهم لـ قلبي لانه فعلا يبغى يعلم الا انه رديت عليه و لاججته و جلس نص ساعة يعتذر و انه فعلا الكلمة شوية جافة
بس يمكن عشان اختلاف الثقافات و مش عارف ايش ,, اعرف انه ما يقصد شيء بس صدقني ما احد يتصرف معاك بـ عنصرية الا انه انت سمحت له
بـ خصوص الدرجات و تعويضها انا في جامعتي عمري ما شفت احد متشدد في سالفة الدرجات مثلهم !! لـ درجة انهم حتى مع العذر الطبي ممكن ما يخلوك تعيد الواجب
او الكويز بس يخلوك تعيد التيست فما بالك انه ترفع درجات انت من الاول قصرت فيها !!! بس الحلو انه فيه بعض الدكاترة ممكن يحذف لك اسوأ درجة لك في الواجب او
الكويز و هذا مرة حلو
بـ خصوص الاعادة تعتمد على الدكتور و نفسيته مرات يعيد لك مليون مرة و هوه يضحك و مرات يصرفك اما يقول لك روح اللاب او التوتر و دبر عمرك !!!
بس من خبرتي التعامل مع الرجال اسهل من الحريم و التعامل مع الدكاترة المسنين اسهل من التعامل مع الشباب و الدكاترة الاجانب افضل بـ مراحل من الامريكان
اما من ناحية انه الامريكان اوسع علم و ثقافة فمرة كثر منها !!!!!!!!!!!!
ما اقول لك اغبياء بس اذا الشخص مثلا اهتمامه في التكنولوجيا انسى انه يكون عنده ولو خلفيه بسيطة عن الدين او السياسة او التاريخ او الفن او اي شيء ثاني غير التكنولوجيا
يعني من الاخر ,, يشوف ايش يعجبه في الحياة و يركز عليه فـ بالنتيجة لما تجي تهرج معاه في اي موضوع تلقاه ما يعرف وين ربي حاطه !!!
يتفوقوا علينا بـ اللغة بس نتفوق عليهم بـ مراحل من ناحية الذكاء مش مدحا في العرب بس للاسف انا ادرس ماجستير في تخصص مغاير تماما لـ تخصصي و مع ذلك ما حسيت بـ الصعوبة
الا في بعض العمليات الحسابية المعقدة بـ النسبة لي بينما اشوف صاحباتي اللي اساسا تخصصهم في البكالوريوس نفس تخصصي الحالي و يدرسوا معايه يحلوا و هم مغمضين
هذا مجرد ملاحظاتي الخاصة

نفس اللي حصل معي بالظبط!!!!!!
المشكله اننا2فقط
ولماتقابلنا على اساس نعمل البرنتيشن الشيخه ماكتبت ولاحرف
وانا عملته كله
المشكله مشتتتترك..مدري ايش راح اعمل الاسبوع الجاي هو..
هل اخبر الاستاذإ؟احس حركات حريم...بس قههههههههههههر

^
^
^
حركات حريم !!!!!!!!!!
لا يا عيني مو حركات حريم بس اذا هيه ما سوت شغلها ليش تاخذ الدرجة ؟!
ترى على فكرة الامريكان و جيههم وسيعة يعني ثقي لو انه الوضع بـ العكس وهيه اللي اشتغلت
وانتي ما سويتي شيء رح تقول للدكتور انه ما اشتغلتي !! و ثاني يوم تسولف معاك عادي لانها مقتنعة انه
هذي غلطتك مش غلطتها !! مو مثلنا اللي تستحي تقولي صاحبتك ما سوت و ممكن لو سويتيها تجلس زعلانه منك
شهرين ثلاثة هذا اذا رضيت بعد كذا

1) مع أن الأخت أوكاسيا تقول ما فيه مجال يفرقوا بينك وبين الأمريكان، إلا أني أختلف معها، ولكن:
الأغلبية أنهم منصفين ولكن لا تستغرب لو وجدت دكتور واحد فقط في القسم تشعر أنه غير مرتاح لك
وردوده عليك جافة ولما تشوفه كيف يعامل بقية الأمريكان يضحك ويمزح ويمشي لهم أي إجابة
لا تستغرب لو لقيت دكتور، إذا جيت أول طالب يقوم يسأل في القاعة ويقول يجاوب على هالسؤال أول واحد جاء
ثم تجي في يوم متأخر ويقول يجاوب على هذا السؤال آخر واحد جاء اليوم
كنا مرة نتناقش عشان قضية لغوية بحكم تخصصي، وفي نهاية المحاضرة سألت الدكتور عنها لأني ما استسغتها
ببساطة قال لي:
You need to be a native speaker to understand it
وضرب الباب
أخذت شنطتي، وسكت عليها
نتيجتي عنده جبت A+ والحمد لله، لكن لولا أن موقع الجامعة جبر لي الكسر كنت راح أنزل A-
والسبب أنه حاط لي في الدرجة كسر 00.83 ولما تحول من موقع القسم إلى موقع الدراسات العليا ينجبر الكسر وتصير درجة كاملة

تعامله معي ما أعرف وش أسميه لكنه عموما كان تعامل غير مرضي بالمرة والمشكلة أن باقي لي مادة عنده مدري متى راح أسجلها
2) بالنسبة للعنصرية من الطلاب ترى الطلاب كل واحد في حاله، يدخلون بداية المحاضرة ويتطايرون نهايتها ما أحد يتعرض لك
بالنسبة للدكاترة فالأغلبية أو أقول 99% تعاملهم كويس والحمد لله لكن لازم يكون فيه هناك شخص يكون خارج هذا النطاق

3) بالنسبة للإخفاق والتعويض، والله حسب ما شفته أن الأمل ضعيف جداً في تحسين درجتك إلا لو مثلاً سوى شيء عام للكلاس
كأن يطلب منك تحضر مؤتمر، وتسوي عنه تقرير يمكن يعطيك درجة واحدة وتعتبر كويسة
في إحدى المواد اختبرت ميد تيرم وكانت درجتي 14.25 من 15، وكنت ماني مقتنع بالنقص اللي عندي
ورحت للدكتور وأقنعني صراحة لكني قلت له هل فيه شيء يمكن أعوض درجتي قال لي ما راح تؤثر عليك ومن هالكلام
بعد يمكن أسبوعين صار عندنا مؤتمر في الجامعة أو ممكن نقول أنه لقاء لمتخصصين
قام قال اللي عنده كسر ممكن أجبره على أنه يساعدنا في المؤتمر اللي راح يقيمه القسم، فاللي يبي يرسل لي إيميل
رجعت البيت أرسلت له، وقال لي خلاص في عندي قائمة وراح نوزعهم
وأبشرك استلمت الطاولة التعريفية من الظهر لين بعد العصر أوزع ابتسامات ومطويات وأشغل شاشة هناك كل شوي
وحصلت على الكسور وصارت درجتي 15 ههههه


4) بالتأكيد يشرح لك إذا أنت ما فهمت، بالعكس إذا أنت ما فهمت يحترق هو لأنه يحس أنه مو قادر يخليك تفهم.


5) والله شف، تمر عليك لحظات صعبة أحيانا وفعلاً تحس أنهم جالسين يتكلمون عن شغلة وراء الشمس هههه
لكن لا تخليها تثنيك، اطلع من القاعة ورح ابحث وشوف وش سالفتها، وفي النهاية بتفهم مثلهم وأفضل

يعني مثلاً:
قد تبدأ مع الطلاب مادة ما عمرك درستها إلا هالمرة في الماستر أو الدكتوراه
وفي بداية الفصل تشوف غيرك عندهم أساسيات في هالمادة، وهنا تحس بأنك ضايع
يستمر الفصل الدراسي فتبدأ الأشياء المتقدمة وتصبحون تتكلمون عن أشياء زملاؤك صاروا ما يعرفونها
يعني بمعنى آخر تخلص الأساسيات اللي عندهم وتصبح الأشياء جديدة بالنسبة لكم جميعا
في نهاية الفصل قد تكتشف أن الطالب اللي كنت تشوفه دافور وصاج القاعة بإجاباته، صار يتمنى النجاح
وأنت أصبحت لا ترضى بأقل من امتياز

ولك تحياتي

عالم مادي استغلالي، إذا أنت ما حطيت حدود بين حقوقك وواجباتك راح توخذ حقوقك، وتجبر تؤدي واجباتك
نصيحتي كلمي الدكتورة ولا يهمك.

الله يوفقك،،،

الموضوع رائــــع رائـع حاجه جديده عليا ماقيد قرأت موضوع بدا الخصوص مع إنه كانت تدور ببالي نقاط من هذا القبيل وأتسـائل ياترى كيف وماكيف...؟؟
بس الحمدلله أستفدت من تجاربكم وحتفيد أكثثر بالايام الجايـه شكرا كبيييييره لكم جميعـاَ..

حياك الله، وربنا يوفقنا وإياكم.