هل تعاني المرأة المسلمة المنقبة ( التي تغطي وجهها ) في دراستها الجامعية في أمريكا ؟

النقاش لا يفسد للود قضيه بس انا اشوف العكس الله يهديكم

ياسيدة اوكاسيا
رويدك وعلى قول هل البادية على هونك..النوافذ مسدودة والهواء القاسد داخل محبوس!!
هناك اشخاص ليس لديهم رادع اذا غاب الرقيب ..ليس عندهم رادع التهم المعلبة موجودة ولافصاء لمجرداختلاف في حوار..والقصد من كلامي خذي الموضوع بكل برود...
ولك التوفيق,,,

دخلت ودي افيد .. ولقيت نص الردود حلبة مصارعه

مادري متى ينتهي هالموال !! راحت اهمية المواضيع وفايدتها بسبب هالنقاشات الجانبيه !

على كل حال ..
بحسب تجربتي الشخصيه وحسب اللي شفته ..
الغالبيه العظمى من الولايات ماعندهم اي مشكله لا بالحجاب ولا بالنقاب ولا بالعبايه ولا بالجلباب !
بإختصار المسلمين عندنا بامريكا يتزايدون يوم بعد يوم .. والشعب الامريكي عموما يعرف الاصول الاسلاميه ويعرف الحجاب والنقاب والعبايه وكل شي ! ماهو جاهل ..
لانهم يدرسونها بالمدارس للمعلوميه .. كثقافه تاريخه .. History of Civilization ...

والمسلمين بكل مكان بامريكا .. فيه اللي يلبس حجاب وفيه اللي بنقاب وفيه اللي بعبايه وفيه اللي بجلباب ..
وكلهم موجودين .. وبكل ولايه وبكل منطقه ..
ولا مضايقات ولاهم يحزنون .. ولا ازيدك من الشعر بيت .. عندنا بنات بنقابهم ومعهم سياراتهم يسوقون بالنقاب والحمد لله امورهم طيبه وربي حافظهم لله الحمد ..

وصدقني الكل يحترم معتقدات وعادات الاخرين هنا .. فمابالك اذا كانت هالامور شرع الله ؟!
تتوقع ماراح يحترمونها ؟ بالعكس الا تزيد معرفتهم بالاسلام ..

وحتى الاسئله اللي يتلقونها مجرد اسئله فضوليه حب استطلاع ومعرفه فقط !

فلا احد يكبر الموضوع وهو بسيط ! ..

ترى الشعب الامريكي قاعدته " خلك بشغلك ".. يعني مايحب يتطفل بالخصوصيات ولا يتدخل باحد ..
يعني الناس ماعليهم لا منك ولا من معتقداتك ولا من اي شي ثاني ..
اللي عليهم بس هو تعاملك معهم لا اكثر ولا اقل !

واما دينيا .. فكلنا نعرف ان الله امر بالستر للمرأه.. وهذا هو المقصد من الحجاب ..
يعني سواء لبست عبايه سودا او جلباب ملون .. ماتفرق .. مادام هالشي ساتر جسمها وغير ملفت فهذا هو المهم ..

ومسألة العبايه بالسعوديه وامريكا غير .. المسأله فقط اتباع ..
يعني بالسعوديه لو تلبس وحده جلباب (حتى لو كان عليها استر من العبايه) راح يقيمون عليها الحد اهلها .. !
والسبب .. فقط مسألة اتباع ! لان عندهم ان العبايه هي الستر .. على ان الجلباب نفسه الفرق انه ملون والعبايه سودا !


انا دايم اقول .. ماحد عليه من الناس .. عليكم فقط من رب العالمين ..
مادام الشخص يدور رضا رب العالمين .. فتأكد انك راح تكون على صواب حتى لو كل الناس تعارضك !
وتأكد ان الله راح يثبت قلبك على الحق .. لانك تريد رضاه ..

واما بالنسبه لك ..
فلا تعارض زوجتك .. بل بالعكس شجعها على هالشيء .. فهي على صواب ولم تفعل الا الشيء اللي تراه مرضاة لرب العالمين ..

ولا تخاف وانا اخوك رب العالمين حافظ ..
بس أوكل امرك لرب العالمين ولا تخف !
وإن شاء الله مايصير الا كل خير ...


هذا والله اعلم ..,

السلام عليكم و رحمة الله و بركاته أخي العزيز ,,
زوجتي تغطي وججها , و لم تتعرض لأي مضايقة أو حتى نظرات و أنا في مدينة يبسلانتي في ولاية متشقن ، بالعكس المعهد و الأماكن العامة ما تلقى فيها إلا الإبتسامات و اللطف وكل إحترام عكس أوربا تماااااماً ..
إذا سوت هذا الشئ مرضاة لربها ، تأكد أنه سبحانه متعهد بحفظها من كل مكروه ,,

اللهم أستر كل مسلمة و أحفظها بحفظك ..

ماشاء الله تبارك الله.في هذه المواقع تتضح المباديء...
حفظكم الله ورعاكم برعايتة,,,,

- - - مشاركة محدثة - - -

ماشاء الله تبارك الله.في هذه المواقع تتضح المباديء...
حفظكم الله ورعاكم برعايتة,,,,

السلام عليكم
اغلب الردود من الذكور
وصراحه ودي استفيد علشان أقرر بدي اسمع ارأى المبتعثات في المعاهد والجامعات ( والأخره مهمه جداً )

اتوقع يا اخي العزيز عبارة دخلت و كان في بالي شي و حصلت شي,,, استهلكت لابعد الحدود

للاسف مشكلة شعبنا انه ما ينصف الناس الي حوله حتى لو ادى هذا للظهوره بمظهر المنافق

يعني وش الاختلاف في ردي و ردك؟

وردك اكبر دليل على طريقة التربية عندنا ,,,, الاهتمام بالنتيجة و غض النظر عن الاسباب

يعني

اذا رسب طالب ,,,, بعدها على طول السؤال الاول ليش ترسب
هذا يا اخي تعتبر نتيجة لسبب هو ,,,,,الاهمال

نفس الشي هنا و ش شبب النقاش الي صاير هنا؟

هذا نتيجة لواحد قاعد يعطي معلومات اما انها صحيحة و ما وضح وضعه الي هو عايش فيه,(عايش في افقر ولاية و قاعد يتكلم ععنصرية و حرق مساجد ,,,, ) ,,,في الحالة هذي يحتفظ برأيه لنفسه و لا يكتب الا اذا تعلم كيف يتكلم
او ان له نوايا اخرى و الله اعلم بالنوايا

على العموم
لو تلاحظ في مقدمة تعليقي لها قلت ما كان لي الوقت المرة الماضية و الان عندي وقت

تعرف ليش كتبت تعليقي

عشان صاحب الموضوع فقط

حط نفسك محله و بتعرف


بما ان احد يكذب في كلامه , صدقني بتحصل يرد عليه

سلام

ضعيف او ضعيفة الشخصية هم من يفعلون مايرضي الغرب !
والغرب ما اهتمو ولا جابو خبر لأحد !
لكن فيه ناس يرمون ضعف إيمانهم على هالأشياء ويقولون هالكلام الفارغ !!
الشخص اللي متمسك بدينه مايهمه احد ولا شي , وقلناها مليون مره ..
محد جاب خبر أحد هنا !!
وبالعكس .. النظرات الغبيه تجي من العرب نفسهم أما الأمريكان في حالهم وماهمهم شي ..
وكل شي واضح جدا ..

انا اتوقع ان هالامر راجع لقناعة الشخص نفسه وايمانه انا منقبه ومعي كثير بنات الي بنقاب والي بحجاب وكاشفه وجها يعني كل وحده وعندها قناعاتها
بالنسبه لي رغم اني منقبه فوالله لابالمعهد ولا بالاماكن العامه سواء بمدينتي او بالاماكن الي سافرتلها هنا ماحصلت اي مضايقات او عنصريه بالعكس تلقيهم يقابلونك بابتسامه وتقبل لانه اساسا هالشيء مو غريب عندهم
لانهم قد اتعودو على كثرة المحجبات وتواجد منقبات غير ان الامريكان شعب مجامل جدا يعني مهما كانت مناقضاته معك مستحيل يبين بوجهك بالعكس ممكن لو تتحدث معه يبين انه معجب جدا او متشوق وممكن يكون بالواقع هو ضد فكرتك او ماعجبه رائيك بالاساس.يعني لوتدخل وتسمع نقشاتهم وارائهم بين بعض تلقى انهم عكس مايظهر لنا لكن بالنهايه انا يهمني هم بوجهي كيف يتعاملون .

يعني اذا انت بتجين بنقابك فانت اولا واخيرا ترضين ربك وثانيا انتي تمشي على قناعاتك الموهم بالموضوع انك ماتلبسي الاسود لانه جدا ملفت ويكفي انه رمز لعبدة الشياطين عندهم يعني نلبس اي لون غير الاسود رصاصي بني اخضر اي لون سواء العبايه او النقاب .
مايمنع ان ممكن احد يناظر فيك نظرة استغراب لكن هذا من الالف واحد يعني شيء لايستحق الذكر . وايضا مايمنع وجود تمييز مثلا من بعض المدرسات تلقيها ساحبه على كل البنات سواء منقبات ولى بمحجبات وتركيزها مع الشباب بس هذي حالات نادره جدا لاتذكر

شكرا شكرا شكرا ، الله سعدك
بدي أسالك عن الولايه الي انتي فيها كيف وضع الأمان
وبالنسبه للملثمات الي يدرسو في الجامعه هل في مضايقات من قبل الدكاترة وهل في عنصريه

موفقه يارب