لي 4 شهور و 90٪ قررت ارجع السعوديه !

كم عمرك اخووووي ....

20

................

شوف اخوي ..عمرك عمر خطير ولو لقيت فرصة قبول في السعودية فانا انصحك مثل مانصحت اخواني بانهم يرجعون ..لان الدين اهم واغلى عندنا من الحياة الدنيوية ..

وسن المراهقة اما ان يكون لك او عليك ..والبيئة لها دور كبير ..
ولاتسى صلاة الاستخارة ..وطلب الله الخيار الصحيح فكلنا بشر وارائنا بشرية ومايعلم الغيب الا الله عزوجل ..

ربي يوفقك ويفرج كربك

طيب اخوي انا عندي رغبة في دراسة الجامعه بالسعوديه لاكنه خاصه وكل بالسنة ٥٥ الف ريال

وحصلت وظيفه مريحه وقريبه وراتب جيدا جدا بس مش اكيد مظمونه ممكن تروح ...

انا من نوع الي يمكن يدرس متحمس كم شهر ويبدا الحماس يختفي.

عن نفسي وان شاء الله انك رجال تعرف الصح والخطأ وانت ما تعتبر صغير ,ياما ناس اصغر منك واعقل مني ومنك , والهادي ربي العالمين.. ومن هالناحية انت اكثر واحد يعرف الخيار الأفضل لأن احنا نحكم بشكل عام..
اما من ناحية الدراسه فما انصحك انك ترجع.. انت وصلت وبديت وهذي فرصه يمكن ماتتكرر مستقبلا.. الهوم سك امر طبيعي جدا وممكن يصيب اي واحد ولكن ولله الحمد التقنيه الحديثه قربت البعيد وخففت علينا من الغربه كثير , انا تركت ولدي في السعوديه وعمره ثلالث شهور .. وطبعا حزين ولكن مؤمن انه عند جدته افضل من اي حضانه .. الحياه صعبه وتحتاج تضحيه .. ودام انت واهلك بخير استمر وكلم دراستك والله يوفقك ويوفقنا جميعا ..

تو ما بعد بدا المشوار الصعب ..وحسيت بالملل : ) كيف عاد لو بتمر سنه وسنتين وتزحف بك الايام لقدام .. !!
اخوي بنفس عمرك لما رجع وكان جالس مايقارب السنه وما قدر يكمل ..فهذا طبيعي انكم تروحون لوحدكم ومتحمسين للدراسه وبعدها تشتاقون لاهلكم ولحياتكم هنا ..
على العموم .. لو معك زملاء دراسه ممكن يتغير جو الغربه عليك وتحس بالامان شوي .. انا ضد اللي يروحون لوحدهم الا ان يكون عندهم اكبر طاقه لتحمل الصعوبات والوحده ..! وتركيزهم على دراستهم ..! و غير كذا لاتضغط على نفسك اذا انك حاس انك ما تستسيغ وجودك بعيد عن اهلك ولاتقدر تقاوم المعيشه بدونهم من غير شر عليهم والله يحفظهم ويخليهم لك ..بامكانك ترجع وتكمل البكالريوس عندهم وقريب منهم.. وبعدها تطلع تكمل دراستك الماحستير والدكتوراه ..!

سنك ماشاء الله صغير لاتفكر الا بالدراسة لان الشهادة افضل ...وتقدر تجيبها ان شاء الله
الشهادة سلاح

الله يوفقك
شكلك ساكن لحالك ..حاول تلقى لك ابن حلال يسكن معك ويعينك على الغربه بس انتقى الصحبه الجيدة الصالحه و المتحمسه للدراسه لتقطع عليك الشعور بالوحدة.. بس انتبه لاتسكن مع مجموعه لان وقتك بيضيع بالسواليف والسهر من غير ماتستفيد من وقتك او تسكن مع واحد كل شوي يعزم خلق الله كل ويكند ويزعجك بربعه
وتذكر ان الله معك وهو المعين الحقيقي
وهذي فرصه عمرك لاتضيعها من يديك ..من زين جامعتنا الدكتور يكلمك من راس خشمه و الدرجات يمن فيها والحال انت تعرفه اكثر منا ..
لاتيأس خل عندك حماس للمستقبل وانك بترجع بشهاده اقرانك يتمنونها وما حصلوها
وترا كلنا كذا مشتاقين لاهالينا بس وش نسوي

افضل حل انك تتزوج لو معك زوجتك جنبك ما تفكر انك ترجع نهائيا لان الله تعالى يقول وجعل لكم من أنفسكم أزواجا لتسكنوا إليها وجعل بينكم مودة ورحمة ) والسكون هنا بمعنى الراحة والطمأنينة ، فإذا معاك زوجة ما راح تحس بغربة نهائيا