عرض للطباعة
يا اخوان انا معلم مرافق وقدمت اجازه مرافق من بداية العام القادم 17 -10 1434 وانا مسافر بعد 10 ايام مع زوجتي الى امريكا ودراستنا تبدأ بعد سبوعين وسؤالي هل صحيح لا يبدأ الصرف علينا الا من تاريخ بداية الاجازه
وهل يعطوني ضمان مالي او ايضا من تاريخ اجازتي ( لان بالصيف انتم عارفين عندنا عطله رسميه فاخرت اجازتي الى بداية العام ) ارجو من عنده الاجابه ان يرد علينا بسرعه شاكرين ومقدرين
لن يفيدك الا شؤؤن المرافقين في الملحقية وانصح بقاسم حكمي صاحب الخبره او عبدالرحمن القرزعي الاسرع في التجاوب على الاتصالات
أهلا أخي..... أنا معلم ومرافق أيضا ...
1- لا يبدأ الصرف عليك أنت ايه المرافق الموظف إلا بعد أول يوم من بدأ إجازتك ... أما الأهل ماعندهم مشكله .. بس مايهمك راتبك ماشي لك مدة الإجازة الصيفيه .... واكثر من مكافئة الملحقيه ... اختيارك للإجازة صواب .. شكل نظامك 07 هههههه
2- الضمان المالي يعطى لك وأيضا للأهل ولا عندك أي مشكله .
ولا وصيك أستغلها وأدرس ماستر ودكتوراه بعــــد وترجع وتترك التدريس والقلق تبعه ..
اخوي النادر الله يعطيك العافيه
بس حبيت اسال انا عندي اطفال هل يصرف عليهم والا يربطون الصرف عليهم مع بداية اجازتي
وبالنسبة للضمان المالي لي اكيد يعطوني ودي اتأكد قبل لا اتوهق ... أرجو من الجميع التفاعل والرد السريع والله يوفق الجميع
ارجو الرد ضروري ولكم الشكررر
اخوي يعني تبي تأخذ راتب من عملك وراتب من الملحقية ...
طالما انت هنا وجاي مرافق فالمفروض ينقطع عليك راتبك بالسعودية ..
الله يرضى عليك نبي احد يجاوب اذا عنده اجابه اكيده
انا معلم والصيف كله عطله تقريبا 3 شهور وخليت اجازتي تبدا مع بداية العام القادم ما سويت شي غلط
الدوبلماسي .... تصدق بديت أشك أنك معلم !!! ههههههههه
يارجل ردي واضح جدا وانا في امريكا الان وادرس ماستر ومرافق ... خذ العلم مني :
1- لاينزل لك راتب من الملحقيه إلا بعد بداية أول يوم من إجازتك .
2- أولادك وزوجتك مالهم شغل فيك ينزل لهم راتب او مكافئه .... من أول حمــام يدخلونه في أمريكا هههههههه .
3- الضمان المالي يعطونك لاتخاف .. بس ترى زوجتك أول ثم بعدين هي تطلب لك ضمان مالي كلها يومين وينزل لك ضمان ..
ياويلك لو رديت مره ثانيه وتقول الراتب يمشي ولا لا يا شباب ههههههههههههههههههه
اخوي النادر الله يبيض وجهك ويعطيك العافيه ويسهل امورك على التوضيح ولا تزعلون علينا بكثرة الاسئله عشان الواحد يمشي على بينه
<<<< رده قوي شوي ههههههههه
معلم وثانوي بعد يعني لا تلومه هههههههههههه
اخوي النادر ودي اسالك وش تنصحني بتخصص للماستر ولك الشكر
حسب تخصصك . ..
والأهم من هذا أن يكون معهدك يدخلك الجامعه دايركت بدون توفل وأيلتس يعني تخلص الليفلات وتدش الماستر ...
خذها نصيحه ترى الآيلتس والتوفل عله وهم .
اسمع نصيحة النادلز
انا صار لي ٥ اشهر تقريبا هنا في امريكا وفي معهد تجاري وما احس فيه اي تقدم
لو سمعت كلام اللي قبلي ورحت معهد جامعة يضمن لي القبول كان احسن لاني لو اختبرت الان ايلتس ما اتوقع اجيب خمسه مع العلم انه لغتي نوعا ما حلوه قبل ما اجي لامريكا