ابي افضفض ، هل من منصتين ؟

على طاري الإشتياق , عائلتي كبيرة والحمدلله .. لكن ما اشتقت منهم الا لأخوي اللي اكبر مني بسنتين .. صراحة فيني شوق له لايعلم فيه الا الله , وهالحال من شهر ..

من كثر شوقي له صار يجيني وسواس مو طبيعي , صرت افكر فيه كثير خصوصا قبل النوم , وبالكلاس .. جايني إحساس أن يومه قريب - الله يطول بعمره على الصحة والطاعة - , ولي فترة قِلق من هالموضوع رغم انّي ولله الحمد إستمع للقرآن كثير ومحافظ على الصلاة والتراويح , لكن سألت وقالوا من كثر حبك وشوقك له وخوفك عليه تفكر بهالشيء *.*

لكن من ناحية واذا جبتي الماستر و الوظيفة وبعدين ؟ هذا مسار الحياة , هذي حياتنا .. الغربة رغم همومها أعتبرها نعمة لا أحُسد عليها , أعيشها ممتعه الى الان و الله يديمها .. إشتغلي على طموحك و حقّقيه وبترتاحين فيه مستقبلاً بإذن الله

الأخوة ماقصروا بنصايحهم الله يجزاهم خير .. وانا متابع ردودك من سنة و أكثر , كنتِ - ولازلتِ ان شاء الله - متحمسه للدراسة ومستقبلك , لاتعودين نفسك على الغياب ترى النفس ماتنعطى وجه بالغياب ابداً *.*

الله ييسر امورك وامورنا .

الي انا اشوفه من تحليلي للكلام انك جيتي لأمريكا عشان هدف معين كنتي مقتنعه فيه تماماً والآن بدأت تتراجعين ليس لعدم قناعتكي فيه ولكن
لتغير وجهات نظرك الى سلوك في الماضي كنتي ترينه سلبي
تغير وجهت نضرك والله اعلم لا يرجع لقناعتك التامه وانما هو ناتج المرحله الي تمرين فيها .
جيبي ورقه وقلم و اكتبي كل ما يدور في ذهنك لخصي النقاط الرئيسيه و اعملي مقارنه عليها خلال فتره زمنيه سابقه وشوفي نقاط الاختلاف لعلكي تلمسين الأسباب.

انا كثيراً ما كنت انام و اشغل الرقية جنبي و اصحى مفزوع على قوله تعالى (أَمْ يَحْسُدُونَ النَّاسَ عَلَىٰ مَا آتَاهُمُ اللَّهُ مِنْ فَضْلِهِ)
وكذلك الأمر يتكرر مع قوله تعالى (يَا قَوْمَنَا أَجِيبُوا دَاعِيَ اللَّهِ وَآمِنُوا بِهِ)
كثيراً ما تتكر معي نفس الأحلام المفزعه
هل يعني ذالك اني مصاب بحسد ام بسحر ام بعين ...... لا اعلم و انما الشاهد هنا اني فوضت امري وشكواي لله رب العالمين وهذا ما يجب ان تفلعين بعد العمل بالأسباب.

موضوع الجهاد في سوريا بصراحه كثيراً ما تحدثني نفسي فيه سبقوني أصدقائي للجهاد منهم من استشهد ومنهم مرابطون
وانا جالس اطارد المشرفه الدراسيه ومتابعت الطلبات طلب مرفوض وطلب معاد للطالب ... حاله تشكى لله
وانا ما الوم نفسي ابداً ولاهو غلط حتى لو رحت للجهاد وتركت البعثه انا مقتنع بذلك تماماً هذا المذهب الفقهي الي انا تربيت عليه
يعني شهادة الماجستير ولا الدكتوراه من أمريكا بتدخلني الجنه علا كلاً احس اني بديت انزل عن الخط خلوني اطلع من ذا الموضوع .


نصيحتي لكي (بحكم خبرتي بكمياء الدماغ و المؤثرات النفسيه و العضويه)
- غيري سلوكك في الحياه (غيري سلوكك الي تنظرين فيه للمجتمع و كوني صداقات جديده مع الأشخاص المناسبين)
- احرصي على اخذ مكملات غذائيه ذات جودة عاليه من GNC
- احرصي على الأذكار والتحصين و الرقيه
- الأرواح جنود مجنده – أحيان يكون العيب ماهو فيكي وانما بشخص مجاور يورثكي نصيباً من سؤ اعماله (لذا احرصي على ان يكون المرافق على هدايه وان لا تنزلق رجله بالمحرمات)
- تذكري قول الله تعالى (إِنَّمَا النَّجْوَىٰ مِنَ الشَّيْطَانِ لِيَحْزُنَ الَّذِينَ آمَنُوا وَلَيْسَ بِضَارِّهِمْ شَيْئًا إِلَّا بِإِذْنِ اللَّهِ ۚ وَعَلَى اللَّهِ فَلْيَتَوَكَّلِ الْمُؤْمِنُونَ)
وقوله تعالى (إنما يريد الشيطان ليحزن الذين آمنوا)
- فوضي امركي الى الله .
- لا تنسين طلب العلم يدفع الأنسان فيه ثمناً من صحته الجسميه و النفسيه ولازم تصبري على ذلك.
- آخر نقطه انا وضعتها هنا وانا لا افضلها العلاج النفسي باستخدام العقاقير يعتبر حل جيد ولكن يدخل الأنسان في دوامه طويله
الى ان يستقر على العقار المناسب لبنية عقله الكميائيه لذا ليس بالضروره ان يكون الدواء من نوع A الذي احرز نتائج جيده مع المريض M
بأن يأتي معكي بنفس النتائج ... على كلاً موضوع العلاج النفسي فلم طويل انا ما احب احد يلجأ اليه الا بعد استنفاذ كل الحلول لأن التلاعب بكمياء المخ
شي ماهو طيب في بعض الأحيان.

بحفظ الله

السلام عليكم ورحمة الله

هيفاء يا عزيزتي بالنسبة الي تمرين فيه أعتقد أغلب المبتعثات ويمكن بعض المبتعثين يمرون بهالشعور ..

لو إنك بديرتك وزادت عليك الضغوط والواجبات أكيد راح تحسين بنفس الإحساس الي تعيشينه حالياً .. فكيف وإنتِ بعيدة عن أهلك ..!!

لفت انتباهي كلام أمك _ الله يحفظها ويطول بعمرها _ لمن قالت لك تزوجي أمريكي أحمر أعطر << رجعت قريت مين بالضبط كنتي تكلمين !!
حسيت إنها صديقتك ،،، ما أدري يمكن لأن الغالية أمي الله يحفظها رسمية شوي خصوصا في أمور الزواج والارتباط .. دايم ما تحب تمزح في هالأمور ..
فــ ما شاء الله أتوقع إنك مثل شخصية أمك _ الله يحفظها _

شئ ثاني أرجع سبب حزنك له .. إنك من الممكن إنك مأجزة الحين .. وفاضية .. وتعرفين الفاضي يعمل قاضي ومجاهد ومحامي بعد هههه

الشئ الثالث : مثل ما نصحوك الأخوان ماقصروا جزاهم الله خير
وخصوصا الأخ ابن بيت ال هليلة والأخ نادر
كلامهم عجبني مرة من ناحية المنطق والعقل
فعلا رجعت أعيد وأقرأ كلامهم أكثر من مرة
أيضاً أخ محمد كلامه نابع من دافع الأخوة

فعلا ماقصرو أبد معي

يارب انك ترزقني فرصه أريح فيها اي مهموم زي ماريحتوني
جزاكم الف خير
:

انا فعلا بإجازه
وبمدد بعد بروح أزور مدينتي وأشوف لي فيها سكن وادرس الوضع قبل لا انقل فعليا
ولي في نيويورك قريبات لي بتكي معهم أسبوع

اما الحين
قاعده أسوي خليه نحل حق الفطور وبعدين بروح السوق اجيب فستان العيد
العيد هالسنه بيكون بشقتي ،


بالنسبه للعنود
امي تمزح معي تلطف الجو ماتبي صدري يضيق بتعطيني من هالنكت شوي
ولا لو اسويها جد؟ والله ان تنحرني نحر

امي بشكل عام فلاويه ومب هينه تعرف تذب حتى بأمور الزواج عادي تتريق ، بس وقت الجد لاااااااا

مره انقردت ورحت معها سوق الخضار تبي كرتون طماط ، وتوقف عند شايب سعودي بدوي وجلست تفاصله بالسعر وانا جنبها واقفه ادربي راسي

قالها الشايب ذي بنتس؟ قالت امي ايه ليه ؟
قالها كم مهرها ؟ انا تقلبت عيوني واناظر امي قالت له كم تقدر تعطي؟ قال ٤٠ الف
قالت له توكلنا على الله ، بس راعنا في سعر كرتون الطماط قال خلاص تم



ااااه بس يا امي يا جعلني فدوه لمواطي رجليك ويخليك ملكه فوق راسي ويطول لي بعمرك وجميع أمهات المسلمين يااااارب

تعوذي بالله من الشيطان وحاولي ماتجلسين فاضية ابد عشان ماتفكرين كثير

لاااااا زييييييين مشاء الله احس نفسيتك صايره حلللللوه صرتي تضحكييين حركااااات هههههههه

شرايك بأعضاء المنتدى نونس صح

ما عليك من احد اشتري سيكل وفلييييييها غطي وجهك ولا احد يدري هههههه المهم وسعي صدرك ..

عااد اذا شريتي سيكل ما لك حجه تجيين تقولين ضايق خلقي بعد ،،، سيكل وعندك شتبين بعد هههههههههه ..

الله يوسع صدرك بالعافيه يا رب ..

تحياتي ...

وكلي ربك بأمرك ،،،، و لا تجلسين لوحدك كثير
الوحدة تجيب الوساوس
و اهم شئ آملأي وقتك بالقران ،،،،،،، و خلي الوالدة تدعي لك

شوفي انا اخصائي نفسي وناوي اكمل ماستر
حالتك تدل انك مكتئبة طفشانه
صدقيني اللي يصير لك مزيج بين الغربه والجلسه في البيت
هذا طبيعي انا ولد خالتي تزوج وحده مصريه وكانت زهقانه ومكتئبه وكل يوم تصيح ومو متعوده على جو السعوديه وكل يوم تصيح تقول ابروح لاهلي ولا جيب امي تعيش عندنا وكل الاثنين ما يقدر يسويها الولد طفران هههههه لكن بعد فتره صارت تروح لمدارس قران وانشطه عندهم وكونت علاقات مع الجيران وبدت تتأقلم وصارت عادي

فيه نصايح حلوه وجميله قالوها الاخوان ولي اصدقاء كثير راحو يدرسون برا وفعلا صار لهم مثلك
سوي اللي اقولك
اول شي روحي نادي وشفت نصيحة حلوه من احد اخواني اللي هو نادي يوغا ضروري تروحين نادي اصدقائي هذا وهم عيال ما تحملو يجلسون كذا في البيت كلهم بأنديه منها تمارسين رياضه وبحكمة اني كنت في العياده نخلي مرضى الاكتئاب يسوون رياضات ويسجلون في الانديه لان الدراسات النفسيه اثبتت ان كثر الاانشطه والرياضه تخفف من حدة الاكتئاب لذالك او شي سوي رياضه منها رياضه ومنها تكونين صداقات مع البنات اللي هناك ومنها تقوين لغتك انك تجلسين في البيت غللللللللللللط اليوغا حلو وكله بنات لذالك مناسب لك
بعدين لا تندمين انك رحتي تدرسين برا واللي جالسه تسوينه هو اللي يعرفونه بكلمة انفتاح الانفتاح مو ان تجي وحده وتتزلط ولا يجي واحد يلبس طيحني لا كلمة انفتاح هي تعرف العقل على خبرات جديده خذيها في هذا المبدئ
وكل ما تعبتي بالدراسة تذكري قول الرسول صلى الله عليه وسلم ( من سلك طريقاً يلتمس به علماً سهل الله له طريق الى الجنة ) خلي هذا مبدئك ان دراستك برا هذي سلكتي طريق تلتمسين فيه علم وربي يبي يسهل لك طريق الى الجنة صديقيني يتغير مودك وتقوى دافعيتك للدراسة وممارسة الحياة بشكل طبيعي
اتمنى لك التوفيق اختي الفاضلة

" لـحـظـه بـسـيـطـه " ..




لـحـظـه بـسـيـطـه عكّرت لي مـزاجي
بـاين على وجهي غــثـا الـهـم والـغـم

الـضــيــق وايـّـا الـهـم دايــم خـراجي
آكل من الضـيـقـات واشـرب من الهم

قلبي تــكـسّـر مـثـل كـسـر الـزجـاجي
والـصـدر فـيـه امواج الاحزان تـلـطم

هـبّـت عليّ الـعــاصـفـة بـالـعـجــاجي
وتـغـــيّــرت كــل الــمـــوازيـن بـالـدم

أمشي على الـظــلــمـا بـلــيّـا سـراجي
ضـايـع وتـايــه مـا عــرفـــت اتـقــدّم

يـا يـوسـف الـدنـــيـا تـجـيـني تـزاجي
اشرب عسل والكاس مدسوس به سم


عيني تـشــوف اللي مـع الـناس داجي
وانـا على راسـي كــوابــيــس تــلــتـم

يمشي مـع العالم ضحـوك الـحـجـاجي
وانا مـن هـمــومي عـجــزت آتـبـسّـم

بــيـن الـخــلايــق والــولي الـتــنـاجي
يـالله يــا رب الـمــخــالــيــق الاكـــرم

عـبــدك ضـعـيـف وجـاك يـا رب لاجي
وجـهه مـن جـروح الـلــيـالي مـوسّـم

و كلن علا همه سرا

عسى الله يسهلها و يفرجها على كل مهموم

وعليكم السلام والرحمة، بصراحة أنا لاني مبتعثة ولا شي ولكن كنت أدور على موضوع عن شيء معين وبطريقي لقيت موضوعك وفتحته وقريته وشدني لدرجة أني سجلت بس من أجل أني أحط رد مع أني دايم أكسل أسجل بالمنتديت خاصة اللي يبي لها تفعيل، المهم بغيت أقول لك إن شاء الله بتتحسن الأحوال وتفاءلي أن صحيح ممكن ترجعين وظيفة لكن إن شا ءالله بتكون فرص أفضل وحياة أفضل إن شاء الله وعلى سالفة الجهاد ترى الجهاد مو بس بالنفس بل أيضا بالمال يعني ممكن ترسلين مساعدات بعد ما ترجعين لوظيفتك ولك الأجر إن شاء الله حسيت بكلامك وأثر فيني، فعلا البعد عن الأهل شيء مؤلم وغرررربة خاصة للي متعودين على أهلهم زينا وعندنا تعلق بهم لكن أنا عن نفسي أحاول أعوّد نفسي أني أفكر بطريقة مختلفة وهذه سنة الحياة لقاء وفراق ودوام الحال من المحال الله يفرج همك ويشرح صدرك وترى سماع القرآن يشرح النفس حتى سماع الأذان، إذا بيه مساجد ممكن بعد تحضرين صلاة الجمعة الله يوفقك يارب وترجعين لأهلك سالمة غانمة بإذن الله
تحياتي لك