افضل اشتراك تلفزيون ؟ AT$T او كومكاست

اخوي اتي اند تي .. ما عندي خلفيه عنها .. بس ابي افيدك في شغله بخصوص كوماكاست

كومكاست عندهم حركات تسويق خبيثه شوي .. يعني يقولك اشترك نت و تلفزيون ب 50 دولار شهريا مثلا .. و لو تبي احد هالخدمتين منفصلات تلقاها بسعر مساوي للخدمتين معا او اكثر .. بس بعد ست شهور يدبلون عليك الفاتوره .. والست الشهور الي بعدها تتدبل و كذا .. يعني تبدا معهم ب 50 دولار .. توصل بعد سنه حول 150 دولار شهريا او اكثر .. فانتبه من هالنقطه

اذا بتضيف خدمة الانترنت الافضل كومكاست , لكن مثل ماقال العضو "optimistic " احذر من عروضهم وافهما جيدا .

والنقطة الاخرى , عدد المشتركيين في القنوات التلفزيونية في انخفاض مستمر لان هناك خدمات ارخص وافضل عبر الانترنت مثل Netflix و Hulu و اليوتيوب .

نصيحة مجرب مشترك في كومكاست لي سنتين وماشفت منه أي فايده وبالعكس ممل .. اشتريت رسيفر عربي و اشتراك سنوي و طلبت جهاز Netflix شكله زي الريسيفر مع ريموت خاص و افضل بكثيييير كل الأفلام جديده و مسلسلات جديده مو مكرره زي كومكاست يعيدون الحلقه 10 مرات في الأسبوع يعبون وقت بس

- - - مشاركة محدثة - - -

وزي ماقال الأخ السعر يضل في ارتفاع لين وصل الان عندي 139 !! من بداية 55

، انشهد انكم صادقيين ، صحيح كومكاست حرـآمي من الدرجة الأولى ،

النت عندي بـ 47 ، وقبل شهرين تقريبا كان بـ 41 ، ما علينأ ،

طيب وين احسن اشتراك ، انا ابي اتابع قنوات أمريكية ، وش افضل طريقة و ارخصها ، - لآن ما عندي خلفيه ابدا ، عن التلفزيونا ت في آمريكأ ،

طيب ، { ارخص وافضل عبر الانترنت مثل Netflix و Hulu وذلآو بكم شهريآ ؟؟

هل المشاهده عن طريق النت ؟ ولأ يرسلون لي رسيفر ؟ كيف وضعهم

النت فلكس تقريبا 11 دولار شهريا والجهاز ناسي بكم بس مايتجاوز 50 ..

فيه اختيارات كثيره لنت فلكس ممكن يرسلوا لك ريسيفر او بس يعطونك حساب في الموقع وتدخل من اللاب وتتابع اون لاين .. وبرضوا موجود لاجهزة التي في سمارت

انا مشترك انترنت ، مع كومكاست ،

بس اشتراك التلفزيون عندهم غالي ، بـ 70 شهريا وعلى 140 قناة بس ،

ابي اشتراك يكون رخيص ، واذا كان عن طريق الاون لاين ، هل يتم توصيله على التي في ؟؟ ويكون واضح ،

كومكاست عندها عروض سنوية للمشتركين .. كل عرض مدته سنه واحده فقط ..
اذا انتهت السنه تتغير الحسبة الى المبلغ الاساسي ..
هذا الامر يذكرونه في عروضهم .. ولو دخلت بتفاصيل سعر العرض متى يبتدي ومتى ينتهي وكم بيكون بعد ماينتهي .. لقيت كل التفاصيل موجودة ..
بس هذا امرها بسيط ..
انا ماخذ عرض 95$ للنت (105 Extreme).. صارله معي كم سنه .. وقبل ما تكمل سنه (قبل انتهاء العرض) .. اروح اجدده بعرض جديد لسنه جديدة ! وارجع على نفس المبلغ الاول !
دفعت الزيادة مره وحده .. وكلمتهم فيها وتفاهمت معهم .. وردوها لي كريدت على حسابي عندهم وانخصمت من الفاتوره الجديدة ..
كل هالامور بسيطه بس يبيلها واحد على دراية بانظمتهم .. علشان يعرف اللي له واللي عليه ...

نفس الطريقه في بقية الشركات شوف العروض اقراها كويس واعرف كامل التفاصيل فيها حتى تعرف كيف تتصرف لو اخذتها !

اذكر مره في كومكاست برضوه اول سنه لي معهم ..
كنت مشترك بالتلفزيون .. وشفت عرض عندهم نفس الباقه اللي عندي لكن ارخص !
قعدت انا وياهم ساعه على التلفون شيل وحط .. بالنهايه اخذت العرض ههههه
لان العرض كان للمشتركين الجدد .. ولكن ماكان مكتوب انه للمشترك الجديد ..
وانا استغليت هالنقطه .. وبالتالي اصبحت من نصيبي ...
الخطأ خطأهم انهم ماكتبوا انه للمشتركين الجدد .. فبالتالي اصبحت فرصه لي !

فالمسائل هذي جداً سهله بس يبيلها واحد يتربع على العروض ويقعد يقرا هنا وهناك ليما يطيح على اللي يبيه ويعرف كيف يقايضهم فيها !
لان ترى هالشي ماتعودنا عليه بالسعودية .. انا ماعرفته الا بامريكا عقب ماشفت هالامريكان يدورون البضايع بالسوق اللي تكون كراتينها مشقوقه او العلب مطعوجه ..
يعني مايكون مثل ماجاهم من المصنع يكون فيه خطأ عادي من المستودعات .. ولا ياثر اصلا على السلعه ..
وكنت استغرب .. فبعدها عرفت انهم يسوون هالشي لانها فرصه لهم انهم ياخذون عليها تخفيض !

نفس الشي يطبقونه مع الشركات ! .. فهذا الامر شائع جداً هنا .. لذلك الواحد لابد انه مايفوت هالفرص ...

صدقت ي محمد ،

لكن خلاص ، اشتركت ، مع NETFLIX / شهريا ، 9 دولار ، وفيهأ أفلام يا كثرها ، عن طريق الانترنت