الفيزا الامريكيه

ياشين هالفال


ان شاء الله مااحد يتعثر من هالمرحله يااااارب

الله يسهل امرنا كلنا لكن لو صار مع احد مكن يقلنا عشان نستفيد

طيب ممكن كل واحد يقول لنا متى موعده

شكلي بكون اول من يخوض هالتجربه بالمرحلة الرابعه

والله كلما اقرا عن الاوراق واسالت المقابلات والا بس طاري السفاره

يجيني مغص

الله يعين ويكتب اللي فيه الخير للجميع

انا موعدي 7 جانيووري
و شايله هم مراااااااا

الف مبروك عليك يا سلطان
و انشالله عقبالنا
تسلم جزاك الله خير طمنتني شويا

مرحبا ياخوي

اول شي هد اعصابك و روق معي لو دقيقه

انا قدمت على الفيزا و طلب مني كم ورقه و قدمتها كل اوراقي الحمد الله كامله

و المقابله مثل ماقال اخوي الغالي سلطان ليه اخترت امريكا و ليه اخترت هذه الجامعه ليه اخترت هذا التخصص يعني اسأله تافه مره مافي شي معقد و قالو لي بتطلع لك بعد اسبوعين و جاتني في خلال 6 ايام

انا مقدم على فيزا جامعة توليدو

وازيدك من الشعر بيت يوم طلعت فيزتي طلعت جامعة توليدو موقفه من قبل وزارة التعلم العالي يعني ماراح استفيد من الفيزا لازم اغير جامعه و الفيزا يعني اخذ موعد من جديد و قدمت على جامعه اكرون و قدمت من جديد موعد في سفاره في الظهران ووديت اوراقي من جديد و قدمتها و سوو لي مقابله ماسألوني الا سؤال واحد الي هو ليه غيرت جامعتك من توليديو الى اكرون رديت عليه لأن جامعة توليدو موقفه من وزارة التعليم العالي هذا السبب و بعدها عطاني ورقه قالي اسبوع و تجيك الفيزا و الحمد الله 3 ايام و جاتني الفيزا و الحمد الله قدمت اوراقي لوزارة ا لتعيلم العالي و قبلتني البعثه و رحلتي بعد 27 يوم

انا زيك كنت احاتي و خايف يوم رحت شفت غير الي جالس اتصوره

لاتخاف ولا تحاتي والله بتمشي امورك و مقابله سهله كأنك جالس مع احد من اخوياك

واي استفسار عن الفيزا انا موجود

موفقين ان شاء الله

ياشينكم
تفاءلووو..الحياه حلوه ههه

لا من جد الوضع تغير مو مثل اول بالنسبه للفيزا
بعدين اذا انتو واثقين من انفسكم عادي لانه هذا المهم حسب ماسمعت .

اول شي مشكلتنا وش هي نبني ان المقابلة شي خطير وصعب كانك داخل في تحقيق في قضيه كبيره وهذا الشي غلط واعطيناها اكبر من حجمها .
المقابله يسال كم سؤال عادي جدا بس المهم انك تجاوب مو تقول لهم يقلون واهم شي انتبه اذا كان عندك فراغ بين تقديمك للسفاره وتخرجك راح يسالك وش كنت تفعل وانت عاطل بين الفترتين وايضا ليه اخترت الجامعه رد رد مقنع لقوتها وتصنيفها الجيد وتناسب التخصص .
هذي اسالتهم اذاعندك سفرات من الدول المغضوب عليها مثل سوريا راح يسالك سافرت مع مين وليه وكم مره وش كنت تسوي وش المدن الي رحت فيها بس .
انا يوم سالني ترك الاسئله كلها وقام يركز على سوريا باسئلته الى تعب وقال راح تطلع لك من ثلاث اسابيع الى ست اسابيع لان سوريا اذا كنت رايح لها راح تطول في استخراج الفيزه ولله الحمد طلعت لي بداية الاسبوع الرابع .
وانصحكم بعدم الاستعجال بالرد وكن واثق من نفسك .

ولكم جزيل الشكر ...