نصائح للمبتعثات .... من خبرة

 المشاركة الأصلية كتبت بواسطة مسافرهـ

أخ هشام,

لا والله ماهو عاجبني

وتراني موافقة على كلامك ونفس اللي حصل معاي بالضبط

لكن من جهة نسائية,

معاك انه يوجد كثير شباب محترمين ولو طلعو بيروحو مقهى لكن بنسبة قليلة جداً
وبعد فترة هذول راح يتدحدحو ويتطور كما يعتقدون
ويتجهو للسهر والبارات والملاهي الليلية

انت معترض على نقطة اعترضت عليها من قبل

وهي انه لا توجد أي علاقات ولو سلام بين السعوديين والسعوديات

وعن نفسي اسميها (عقدة السعودية)

لأنه بصراحة شي غريب
اني اشوف الولد مع كل الخلق وخصوصاً البنات
ضحك وهرج
ولمن يجي للسعودية يكشر ويبوز ويعبس هذة أرق تحية يمكن يقدمها,

هي مشكلة واعتقد حلها حالياً صعب
تحتاج لأجيال تتربى على فهم وتقدير الآخر

مشكور أخي على اضافتك
وترى ابتعاد البنت السعودية عن السعودي لها اسباب
منها خوفها من المغازلة
وغير تكشيرتة و غلاظتة وبصراحة قلة ذوق الأغلبية
والمزح الثقيل
تؤثر كثيراً

موضوع جدا جميل بسبوسة ..ومنتظرين النصائح القادمة بكل حماااس

صراحة عجبتني النصايح و موضوع السعودية والسعودي

...أنا من قبل كم يوم كنت أتناقش مع ماما وأخواتي على هذا الموضوع وربما أكثر تفصيلا...
أنا عندي أحد من ولاد عماتي بيدرس برى ...عشان كذا فتحنا الموضوع
يقولوا خواتي روحي معها في نفس البلد بيساعدك
أنا أقول لهم لا ..ماينفع كذا ما راح أقدر اتصرف ولا أخذ حريتي
قالوا : حرية <<<<<< ايش هذه الحرية ( طبعا هم فهموني غلط )
أنا أقصد من الحرية هي أن أنا من الطبيعي جدا في الغربة وفي بلاد الغرب (مثلا أنا رايحة كندا ) أنو يتعامل الطلاب والطالبات ويكون في سلام وفي تبادل واجبات ....

والنقط اللي كنت ابغى ابينها ..انو لو كنت مع ابن عمتي راح يفهمني غلط .....
راح يقول ايش فيه البنت اختربت وصارت تكلم شباب ( مع إن عادي وطبيعي )
ويمكن يوم من الأيام يرجع إلى السعودية ....( وهو ما راح يقول عني كلام مش كويس ) <<< بس راح يحط في بالوا اني انا بنت خربانة وما تصلح للزواج أو أو .........

عشان بس اني سلمت او سويت تصرفات عادية جدا ...

عشان كذا أقول و أتوقع أن نظرة الشباب السعودي بتظل مثل ما هي <<<< وفي النهاية إحنا بنتعب السعوديات ...

وسلاماتكم .....طولتها عليكم ...بس والله حارق أعصابي هالمووضوع