لكل طالب او طالبه طب في الصين ارجو ان يتفضل .

 المشاركة الأصلية كتبت بواسطة حزين بدنيتي

اهلين اخوي لسان الصمت

 المشاركة الأصلية كتبت بواسطة حزين بدنيتي

شوف ابوي انا قبل كنت متخوف اكثر منك من ناحية اللغه لكن كل الطلاب اللي هناك طمنوني ويقولون اللغه موضوعها سهل

اذا انت تذاكر وشاد حيلك راح تتطور لغتك بشكل كبير ومن دون لا تحس لكن اعتقد فقط بالشهرين الاولين راح تعاني شوي

لان لغتنا لك عليها لكن مع الترجمه والحفظ والمذاكره خلاص باذن الله الامور تنحل خصوصا ان الكلمات راح تتكرر عليك

يعني اتعب اول شهرين او ثلاثه بالحفظ والترجمه وانشالله راح تتسهل .. وادع ربك كثيرا بالتوفيق ولا تهمل صلاة الشفع والوتر

ترا لها فائده عظيمه ومن ضمنها فوائدها استجابه الدعاء .. هذه نقطه

النقطه الثانيه صراحه موضوعك اعجبني واتمنى من كل طلاب الطب انهم يتعاونون معانا يعني مثلا اللي عنده مشكله بالدراسه يذكرها وانشالله بيحلونها اخوانه

واللي مثلا يمشي بطريقه معينه او منظم جدول وحاس ان هالجدول مفيد بالنسبه له ياريت برضو يذكره علشان تعم الفائده لكل الاعضاء

وياريت حتى لو ندخل بادق التفاصيل مثل المواد المعقده كالاناتومي يعني شخص عنده مشكله بفهم مساله يذكرها ويجاوبه الاخر بكذا الكل راح يستفيد

وابي انصحك بشغله حاول تراسل الجامعه او تتصل عليهم عشان تشوف منهجهم وتشتري كتب من هنا يعني تعتبر مراجع لك هناك

انا راسلت الجامعه وارسلولي المراجع تبع السنه الاولى ومقسمه الى فصلين دراسيين وكل فصل فيه سبع مواد

انا شريت حق الفصل الاول لكن ما قدرت احصلها كلها ما حصلت الا ثلاث كتب والباقي ما لقيتهم وطبعا انا ما رحت الا لجرير والعبيكان اذا تعرف مكاتب كويسه ياريت تذكرها لي عشان امر عليهم

وللمعلوميه ابي انصحك بكاتب تشتريه صراحه هالكتاب لقطه يعني تفاجأت لما شفته فيه فايده عظيمه طبعا الكتاب الترمونولوجي اللي هي المصطلحات الطبيه

لكن هالكتاب يختلف يعني كل كتب الترمونلوجي تلقاها كلمه المصطلح الطبي اللاتيني والكلمه العربيه بالمقابل واغلب الاحيان ما تفهم معنى الكلمه العربيه

يعني مثلا تجيك كلمه انجليزيه وترجمتها الشريان الاورطي .. طيب انت ما تعرف وش يطلع هالشريان الاورطي لكن بالكتاب هذا يوضح لك ما فائدته

يعني يكتب الترجمه الشريان الاورطي ,, وبجنبها هو الشريان اللذي يقوم بنقل الدم الغير مؤكسد من القلب الى الرئتين وهكذا ... للمعلوميه هالمعلومه ما ادري عن صحتها لكن جبتها عن طريق المثال ..

اسم الكتاب : قاموس اطلس الطبي مع 25 شكل توضيحي .. او dictionary of medicine ..

اتمنى اني افدتك بالمعلومات البسيطه ولا تنسانا من دعواتك واتمنى من جميع طلاب الطب التفاعل مع الموضوع

تحياتي للجميع

يعطيك الف عافيه اخوي ع الطرح الاكثر من رائع , الحقيقه تعجز احرف الشكر . وبالفعل انت مثال للطالب المثابر والمجد .
فكره شراء الكتب من السعوديه حلوه جدا وانا اشاء الله راح اخاطب الجامعه اليوم واشوف ماهي مواد السنه الاولى .
مشكور اخوي مره ثانيه .
انا اليوم جبت لكم رابط جميل جدا ( اتمنا يكون في المفضله بجهاز كل طالب )للطلاب الجدد فقط اتمنا يعجبكم .

http://www.languageguide.org/%D8%A7%D9%86%D8%AC%D9%84%D9%8A%D8%B2%D9%8A/