نتائج القبول النهائي لحملة الدبلوم

ياويلي منكم
ايوة انا من الدفعة الثالثة ...والجو عندنا دي الايام خريفي ويوم مطر ويوم الجو حلو

شوف حكاية الترسيح المبدأي دا انا مااعرفه تعرف ليش؟؟

أولا اول ماطلعت النتائج العام انا ماانقبلت وسقط اسمي سهوا

واذكر ان النتائج ظهرت بعد العيد تقريبا .....وانا زعلت مرة لأن اللي انقبلوا معاي في كوريا ماهم أعلى مني في المعدل ولا هم احسن مني بشيء اضايقت وقتها بس طنشت الموضوع لأنهم طلعوا النتائج في الجرايد والنت بس ماارسلوا لي رفض او اي شيء
المهم انا انشغلت بالعمل ونسيت موضوع البعثة تماما وعدى شهر على كدا قبل الحج بايام قليلة جاتني رسالة اني لازم احضر الملتقى تبع المبتعثين ....فدخلت النت ووجدت اني انقبلت مبدئيا ...وبعد ايام الحج تماما حضرت الملتقى وهناك اصحابي حصلوا على القبول النهائي في نفس الملتقى لأن قبولهم المبدئي كان قبلي بكثير ...المهم انا عشان اتعاملت مع السفارة الكورية وعشان انا الطالبة المبتعثة الوحيدة وحضرت الملتقى فالسفير الكوري مشى لي اموري بسرعة كانه ماصدق انو انا رايحة على كوريا وخلال شهر جاب لي الموافقة النهائية وكل شيء وبعدها رحت على الرياض واستلمت القبول من نفس السفارة وبعدين على الوزارة عشان اخذ قرار الابتعاث وفي نفس اليوم طلعوه لي وحجزوا لي التذكرة على الاسبوع اللي بعده على طول ومشي الامور بكل سرعة
يعني ياحلوين من يوم مايجيكم القبول المبدئي ادرسوا اللغة خذوا معهد ولا تستنوا القبول النهائي لأنه باذن الله راح يجيكم يعني راح يجيكم ....لأن القبول النهائي هي قبول جامعات كوريا لتخصصاتكم ودراستكم عندهم والكوريين مايفكروا انت بليد ولا لا اهم شيء انت سعودي تعال بما ان حكومتك راح تدفع

وتمنياتي للجميع بالتوفيق