عاجل انخفاض الدولار الاسترالي الى درجة مهولة تهدد مصير مكافات طلاب ماليزيا!!

انا الي اعرفه انه سعر الصرف مثبت من زمان على مااعتقد 2.21 يعني ارتفع الدلار ولا نزل المكافئه وحده ويمكن يكون احسن نزوله للي بيصرف فلوس من السعوديه يعني الي بيشتري سياره او بيدفع اجار لمده طويله

لا يا اخي سعر الصرف مثبت بالدولار الاسترالي وليس بالرنجت
انا باتكلم على ماليزيا فقط وليس استراليا
كل شهر المكافات 1481 دولار استرالي للاعزب و2545 للمتزوج هذه ثابتة ما تتغير
ولكن الي يتغير هو عندما تتحول الى رنجت فتتحول على حسب سعر الصرف
كل شهر المكافاة تتغير عندنا وتعتمد على سعر الصرف
اخر مكافاة نزلتلنا اقل مكافاة بسبب انخفاض سعر الصرف وهذا الشهر اذا ما لقينا حل حتكون اقل مكافاة نزلت من يوم ما انفتح باب الابتعاث على ماليزيا!!

كان الله في عونكم ...

الله يعينكم والله الدولار الاسترالي منخفض جدا والانخفاض ممكن يستمراكثر من كذا

مافي اي تفاعل مع الموضوع
ماادري الموضوع جدا مو مهم يعني لمن المكافاة تنزل اكتر من الف ريال للاعزب وحوالي الفين للمتزوج ولا ايش بالضبط؟

الله يرزقنا البركة
قبل نزل سعر الصرف كانت كل المنتديات تعج بمواضيع عن المكافئة وليش ما يتم زيادتها (صابتنا عين)
لكن وش اللي باليد
ما لها الا ابو متعب لو زادت هذه المعانات اكثر خاصة مع زيادة الاجارات والمعيشة بشكل عام
تقبل مرروري

الله يعيننا جميع

الله يستر من المكافأة الجايه الاسعار ارتفعت والاجارات مرتفعه الله يعين بس

مشكور للي ردوا
الى الان حوالي 200 قارئ وعدد الردود لا يذكر
ماادري انتوا مو مصدقين الموضوع
او انكم متوقعين انها المشكلة حتنحل بنفسها ولا ايش بالضبط
المكافاة باقيلها اقل من 10 ايام افضل انكم تتصرفوا دحين بدل ما تنزل وبعدين كل واحد يقعد يسب في الملحقية ويقولوا نقصوا المكافاة واكلوها وما ادري ايش
انا باحذركم قبل ما تنزل المكافاة انه سعر الصرف جدا طايح
اذا ما عملتوا شي وقتها لا تلوموا غير انفسكم

طيب انا معاك بس قلي اش في يدنا نسوي عشين نسويه