تكفون وترا تكفى تهز الرجاجيل

هلا فيك يالغالي

انا حاليا بالسعوديه وكلها كم اسبوع واكون بالقاهره وانا قريب منك

عموما

ليش ماتروح لنادي الطلبه السعوديين

حياك الله اخوي
عندك نادي الطلبة السعوديين في الدقي \
هناك الشباب عندهم برامج والشباب يجتمعون كل خميس واحيانا يكون عشاء وجمعات حلوة

الله يوفقك اخوي

المشكلة اني اول مرة اسافر خارج المملكة

ولاعارف دقي ولا غيرة

وعلى فكرة انا ادرس على حسابي الخاص

ههههههههههههههه
الله يوفقك
ترا كلنا اول مرة نسافر برا الممكلة
هي بس في اول الايام بعدين راح تتعود
انت بس اركب تكسي وقله يوديك الدقي
ولا رح الملحقية وخذ عنوان النادي
ومثل ما قلت لك في شباب طيبين وانشاء الله فيهم الخير وراح تستفيد منهم
انا درست ترم كامل في القاهرة في عين شمس كنت بعيد عن النادي لكن كنا نجيله الخميس

الله يوفقك اخوي
وترى الشباب السعوديين كثيرين في القاهرة بس انت اللي ممكن ما خالطتهم او جامعتك مافيها احد

على العموم وقت ما بغيت
ولا حسيت بالطفش ابد الاسكندرية ترحب بك
وحنا بالخدمة والشباب حقين الاسكندرية كلهم
فلا تتردد

وانشاء الله ربي يرزقك وتجيك بالبعثة
الله يوفقك اخوي ويرزقك بالصديق الصالح اللي يعينك على دينك ودنياك

طيب اخوي كيف اروح الملحقية؟

شكراااااااااااااا

اشلون يعني كيف تروح الملحقية
بالله منجدك ما تدل الملحقية
اجل كيف سجلت بالكلية
معقولة ما قد رحت الملحقية ولا فتحت لك ملف
لان قبل لا تروح للوافدين عند التقديم لازم تمر على الملحقية وتاخذ منهم ورقة
فمدري اشلون ما تدل الملحقية

على العموم الملحقية هي كمان في الدقي .........

والله ما ادلها لان اخوي هو اللي راح وخلص الاوراق

وهو اللي راح ادارة شؤوون الوافدين...

عموما مشكور يالطبيب واسف اتعبناك معانا

اخوي محمد

الملحقيه بالدقي

وبالتحديد ميدان المساحه بالدقي شارع هارون

واول ما توصل ميدان المساحه قل السواق يوصلك للسوبرماركت سعودي البقال

انزل عن السوبر ماركت وادخل ايمين بحيث يكون السوبر ماركت على شمالك

وراح تحصل الملحقيه امامك على بعد 50م تقريبا

والله يوفقك ان شاء الله