استفسار عن الإبتعاث إلى الأردن !!

السلام عليكم ورحمة الله وبركاته

أكيد راح أقبل دعوتك ونحن في الخدمة إن شاء الله

طبعا اكيد عرفت اني طالب طب في الأردن

ادرس في جامعة العلوم والتكنولوجيا في الأردن محافظة إربد

لي سنتين الآن انهيت التحضيري وانا الآن على مشارف الفصل الصيفي في سنة أولى يعني على نهاية السنة الثانية في دراستي

أولا

شروط الابتعاث هي كالتالي

الثانوية لا تقل عن 90 % القدرات والتحصيلي لا يقلون عن 70 %

طبعا يوجد سنة تحضيرية قبل الدخول في دراسة الطب وهي ليست مفاضلة يعني تدرسها ومقعدك مضمون في كلية الطب هذا الكلام اذا وافقت الوزارة على ابتعاثك

الوزارة دايما إذا شروطك مطابقة إن شاء الله تكون مقبول اذكر لي زميل ما طلع اسمه في النت فاتصلوا عليه واخبروه انه مقبول

شف عزيزي من ناحية الصعوبة احنا ما نتكلم عن تخصص قانون او محاسبة نتكلم عن الطب و أكيد راح يكون فيه صعوبة لكن مع الإصرار والعزيمة مافي شيء صعب

نعم إذا كنت مبتعث يوجد مكافأة مقدراها 850 دينار أردني تزيد دينار أو تنقص دينار حسب سعر الصرف المكافأة بالريال السعودي 4512 ريال

يوجد ثلاث جامعات تبعث لها الوزارة جامعة مؤتة والجامعة الأردنية وجامعة العلوم والتكنولوجيا الأردنية والنصيب الاكبر يكون في جامعة العلوم والتكنولوجيا الأردنية

الأجواءحار معتدل غالبا صيفا شديد البرودة شتاء مع هطول مستمر للأمطار ومتقطع للثلوج

مافي مشكلة بالنسبة لتأخرك سنة الوزارة اقصى حد سنتين و كذلك الجامعة

بس حبيت أنبهك في نقطة ان الدراسة ستكون 8 سنوات بحيث

سنة تحضيرية + ست سنوات دراسة + سنة امتياز = 8 سنواات

أخيرا و ليس آخرا أتمنى أكون ما قصرت معك

وبالتوفيق

بيض الله وجهك يالغالي و ربي ييسر أموركم و دعواتك يالغالي لي و إن شاء الله تتيسر و جآآآيكم على الأردن ...

سؤال بعد أذن صاحب الموضوع / كيف كانت إجراءات التقديم ؟؟ هل كان على النت و إلا التقديم حضوريا عشان أعمل حساب و احجز على الرياض من إلحين ..

انا نسبتي 90.21% ثانوي , قدرات 79 . تحصيلي 70 تتوقع تمشي و إلا راح يآخذونها قبل و إلا وش القصه ؟

ربي ييسر أمور الجميع و يوفقهم دنيآ و آخرهـ ..

الله يحييك إن شاء الله وتنور الأردن :

إجراءات التقديم كانت حضورية يعني تروح الرياض وتقدم لهم في فرع الوزارة قسم البعثات في حي الغدير ويكون الإعلان عن طريق موقع الوزارة واذكر في وقتنا كان الاعلان في الموقع بعد اختبار التحصيلي يبوم

شف يا خوي بالنسبة للقبول للبعثة انا ما أعرف وش لون سياسة القبول في الوزارة تمشي اللي اعرفه انهم يمشون على عدد المقاعد اللي حجزتها الملحقية الثقافية السعودية في الأردن للطلاب السعوديين في الجامعات الأردنية لدراسة الطب و طب الأسنان

وبالتوفيق إن شاء الله

آمين وياك

جزاك الله خير ع المعلومة

بس بغيت أسأل كم يدوم فترة التسجيل ؟؟

ولاهنت أخوي.

ما قصرت أخوي وبيض الله وجهك.

والله يجزاك خير.

ولاهنت.

حياك الله اخوي ووالله يوفقك
بخصوص التسجيل والله اعتد انهم ما يطولون للاسف الاعلان يكون بسيط بحيبث ان فيه كثير طلاب ما يدرون عنه الا عقب ما ينتهي
فانت من الان عسكر عندهم وشوف كل يوم
واذا انت في الرياض حاليا ازين لك روح لهم وتاكد متى التسجيل لاني انا شخصيا والله العظيم ما قدمت عليهم الا اخر يوم

انت بس كل يوم راجع الموقع حق الوزارة واذا انت في الرياض روح لهم واسالهم متى التسجيل ومتى بينتهي

الله يوفقك واسف ع الاطالة................

جزاك الله خير أخوي.

خلاص طلع الإعلان في الموقع بس باقي ما فتحوه التسجيل فيه

أتوقع يمكن السبت يبدأ.

بيض الله وجهك وما قصرت يالغالي.

اخوي خلك ذيب واعمل مثلي سجل باي معهد او كلية متوسطة جامعه بالاردن وخذ الدبلوم بسنة ونص او سنتين حسب انت وشطارتك وشلون تسنع عمرك واختبر الموازي وسجل باي جامعه اول ما تسجل قدم اوراقك على الملحقية انك مخلص 72 ساعة تعتبر او ادرس ترم 12 ساعه وتصير انك دارس 80 ساعة وقدم على الابتعاث غصب بجيبونه لك لان انت بالشهادة واضح انك معدي 80 ساعة تحياتي بالله كيف مو خطير

ملاحظه هامة الجامعات الاردنية تعادل الدبلوم الاردني كامل والدبلوم السعودي يعادلونه 40 ساعة او اقل في ناس عادلو لهم 30