مبتعث مجتهد Senior Member
الولايات المتحدة الأمريكية
.SMaSM. , ذكر. مبتعث مجتهد Senior Member. من السعودية
, مبتعث فى الولايات المتحدة الأمريكية
, تخصصى IT
, بجامعة UNT
- Denton, TX
- السعودية
- May 2009
المزيدl November 21st, 2010, 02:59 AM
شكراً جزيلاً لك على هذا المعلومات التي استفدت منها الكثير والكثير ..
أنا من المقبولين في هذا المعهد معهد PLI وفي مدينة فانكوفر ..
النقطة التي أود الإستفسار عنها :
هل المعهد سيوفر لي السكن ؟؟
هل سيساعدني في الحصول على القبول في ماستر الحاسب الآلي ؟؟
هل أستطيع تغيير المعهد والمدينة ككل ؟؟
آمل ألا أكون أثقلت عليكم ..
بارك الله فيكم وفي جهودكم ..
أمير بلا إمارة!! November 23rd, 2010, 07:38 PM
7 " 
LinkBack URL
About LinkBacks
November 21st, 2010, 02:59 AM
السلام عليكم ورحمة الله وبركاته
أهلن وسهلن وحي الله من راح يزور فانكوفر
بالبدايه .. لاحظت أسأله كثيره عن فانكوفر وعن معهد الـ PLI
وكل يوم ينفتح موضوع والثاني استفسارات
قلت اجمع لكم جميع المعلومات اللي تقدر تستفيد منها قبل لا تجي لفانكوفر
واعطيكم بعض المعلومات عن المعهد
نبدأ بسم الله .. تحزموااا
واللي عند سؤال لا يرده الا الكيبورد :P
VANCOUVER
الموقع
فانكوفر في مقاطعة برتش كولومبيا BRITISH COLUMBIA من أجمل المدن بالعالم .. كثيره الغابات والمياة والخضره الللللله يرزقنا ان شاء الله
السكان
المدينه تعتبر مدينه مخلطه من كل جنسية والجنسيات الغالبه على المنطقه هم
( عرب - فلبينيين - صينيين - كوريين << ربع ابن فطيس على وجه العموم - كنديين مو مثل المدن الكنديه الاخرى - ومن دول شمال وجنوب امريكا )
الخطوات بعد إستخراج الفيزا
توكل على ربك .. وقص التذكره .. اركب الطياره ولا تتحمس واجد
بعدها ..
- يبي يعطونك ورقه قبل تنزل بمطار فانكوفر عبي البيانات كامله وخليها معاك ..
- اول ما تنزل من الطياره وتوصل قبل الجوازات بتلاحظ فيه واحد واقف ياشر .. اذا انت ما تعرف انقلش ولا تدري وش يقول رح لمه يبي يقولك رووووح امسك سرا هناك ..<< طبعا تمسك سرا علشان تطلع تصريح الدراسه (Study Permit) بعد ما تخلص ويختمون على جوازك وتاخذ عفشك وتوصل بيتك وترتاح وتاكل ..
- يبقى جزء مهم إنك تسوي scan لـ ختم الدخول مع الفيزا و تصريح الدراسه Study Permit < الورقه اللي عطوك بالمطار بعدهااا >>> انا غالبا اصورها بالجوال وارسلها موب لازم سكينر
- تفتح ملف عن طريق موقع الملحقية علشان يبتعثونك وينزل الراتب .. << أي احد يحب يستفسر لا يرده الا الكيبورد
( شرط الملفات اللي راح ترفعها لهم تكون بصيغة PDF )
- بعد ما يكتمل ملفك انتظر ايميل من الملحقية .. راح يرسلون لك اسم المشرف وهذي تستغرق 3 ايام الى اسبوع اذا ملفك كامل
- فتح حساب بالبنك
خطوات فتح الملف هــنــا
فتح الملف من هــنــا بالضغط على "Student Registration"
الاوراق المطلوبه اللي لازم ترفعها للموقع حق الملحقية هي
1. صورة الجواز + اللفيزا + ختم الدخول لكندا < بملف PDF واحد
2. تصريح الدراسه Study Permit
3. البطاقه السعوديه
4. شيك ملغي < تطلبه من البنك اول ما تفتح حساب
5. صورة شخصية
6. شهادة الثانويه
7. قبول اللغه
8. قرار الابتعاث
9. الاوراق اللي وقعت عليها من التعليم العالي 3 اوراق
10 . تعبي الابلكيشن هـــذا
تقريبا هذي اهم الاوراق < حاول تجيبها جاهزه من السعوديه
الخطوات بإختصار
تطلع الـ Study Permit من المطار > تسوي scan للاوراق > تفتح الملــف > تفتح حساب بالبنك > تنتظر رد المشرف
المناخ
بالصيف خطييير وما ودك الا تتمدد بالبيتش ودرجه الحراره تقريبا 26 - 20
بالشتاء غالبا
الأسعار
جداُ حرررررررق بعض الامثله تقريبا ويختلف من شقه لشقه
- شقه غرفه وحده وصاله ودورة مياه ومطبخ بدون أثاث بالداون تاون = من 1100$ - 1450$
- شقة غرفتين مع صاله ودورتين مياه ومطبخ بدون اثاث = 1500$ - 2000$
- أسعار العوائل مع 3 وجبات يوميه = 750$ - 850$ * وللمعلوميه يوجد عوائل تسكن بنات فقطططط
- الوجبات اليوميه من مطاعم الوجبات السريعه = 7$ - 20$ اقل الاسعار
- الحضانه تقريبااا وتختلف بختلاف عمر الطفل = 800$ - 1500$ طبعا 800 اذا كانت مشتركه الحاضنه
- أسعار الملابس والمستلزمات الشخصيه = رأيي الشخصي وبما اني احب التسوق اشوف الملابس هنا والسعوديه اسعارهم وحده بل يمكن احاينا ارخص من السعوديه < اوقات التخفيض
- المكالمات للسعوديه عبر بطاقات الاتصال اسعارها مناسبة نوعا ماااا = 10$ قرابة 40 دقيقه للجوال السعودي أو 1.30 على الثابت .. ويوجد طريقه اخرى عن طريق السكايبي رااااائعه ولا اشوف العيال مسوينها ما اعرف ليه ؟؟
السكن والعيش
تعتبر مدينه سياحية من الدرجة الاولى .. قبل 10 سنوات تقريبا حصلت فانكوفر على المدينه الثانيه من بين 118 مدينه من ناحية العيش والسكن << يعني وكلوا الله أمان ان شاء الله
كيفية الحصول على سكن
أحيانا تلاحظ ناس يكتب اعلانات .. جزاهم الله خير يجيبون سكن ولكن لان لهم نسبه معينه من الاسعار
مابي اكسر سوقهم ولكن الطالب الجديد ما يصلح ياخذ منهم لانهم ما يقبلون الا بعقد مدته 6 شهور او اكثر وهذي اكبر ورطه لما يوصل الطالب ويواجه هذا اللي يبي يستاجر منه وقتها يكون تعبان .. مرهق .. يبي الفكه وتافل العافيه يوقع عقد ولا يحسب حساب اي شي ثاني لانك تشتري راحتك ..
- طرق كثيره وسهله وميسره لتحصل سكن .. واللي يبي اي خدمه انا مستعد في هذا الموضوع والا بالبروفايل تبعي
- يمكنك السكن انت والمحرم بعائله وحده او انت وزوجك
- هذا موقع من المواقع المشهوره للناس اللي تعرف انقليزي
vancouver, BC apts/housing for rent classifieds - craigslist
# رأي شخصي ..
اللي يستطيع تغيير فانكوفر والدراسه في احد المدن المجاوره بعد
ابتعاثه ببـضعة اشهر لا يتردد لاسباب ..
1. كثرة العرب
2. المدينة سياحية وليست دراسية
3. تخالط الكنديين في المدن الصغيره اكثر منهم في فانكوفر
4. تجربة سنه ونصف في فانكوفر وندمت عليها
الجزء الثاني من
الموضوع معهد PLI
بالاختصار المفيد المعهد من أفضل المعاهد الموجوده في فانكوفر
أنا من الاشخاص اللي درسة واستفدت من المعهد والامثله كثير
لا غرابة في الأمر ؟؟!! أنك راح
تلاقي ناس يسبون المعهد .. هذولا الناس اللي يطلع من الفصل
ينسى كتبه الى بكره
أي معهد بالعالم يعطيك نسبة 30% و نسبة 70% على الطالب
للمعلوميه المعهد تحت اشراف
Kaplan وهي ليست فقط بكندا ولكن على مستوى
عالمي
المعهد للأمانة رائع جدا من جميع النواحي النفسية والدراسيه
وحتى المباني جديده وموقع استراتيجي
>> طبعا ادخلوا معاهد ثانيه وتعرفون كلامي .. قليل تلاقون
معهد نفس مبانيه وسعة الصدر اللي فيه
أعرف شخصيا امثله ناس بدأوا من الصفر
ودخلوا الجامعه بعد ما انتهوا من المعهد
لكن
لا انصح الدراسه بالمعهد
حتى نهاية فترة اللغه بل .. أنصح انك تغير
فانكوفر كلها وتطلع لمدينه صغيره
المعهد فقط انك تنطلق وتبدا المحادثات وتهيئ نفسك للدراسه في
الكلية وهذي تاخذ منك 4- 6 شهور
مميزات المعهد :
- أوقات الدراسه متوفره من 8:30 صباحا وحتى 5:40 مساء يعني
اختر الوقت اللي يناسبك
- عندك حساب خاص بموقعهم تدرب نفسك عليه وتذاكر منه
وتاخذ واجباتك منه واتوقع اي احد جاه قبول استلم اليوزر
نيم ولازم يدخل على الموقع ويسجل فيه من
هــنــا علشان تتدرب
قبل توصل فانكوفر ولو ما استخدمته لمدة 30 يوم يتقفل .. واللي
يبي افعله له يراسلني اراسل المدرسه له
- تحضر الـ IELTS و TOFEL ممتاااز جدااا
- يجددون لك الفيزا والـ Study Permit
بدون اي مقابل وباي وقت
- يوفرون لك قبولات جامعيه بأي مكان بكندا أو حتى بأمريكا
مجانا
- عندهم كورسات academic foundation تحضير للجامعة ومدتها
4 شهور
- الرحلات والفعاليات حلوووه
- في اوقات مخصصه يوفرون لك مدرسين تسالهم ويشرحون لك
< غير وقت الكلاسات
- تعاملهم مع الطالب سهل وبسيط وباي وقت
هذا حسب تجربه شخصيه .. فيه بعض الناس يدخل المعهد علشان
يحضر الكلاس ويطلع بس ما يعرف وش المعهد بالحقيقه .. مالومهم
يذمون او يسبون بس الله يوفق الجميع وين ما يكونون
^-^
طولت عليكم بس حااااس بمعاناتكم
ويكفيني منكم الدعاااء لي ولوالديني
اتمنى اللي يدخل يرد علشان الموضوع يكون فووووق واي احد
يحتاج سؤال ما يفتح موضوع جديد علشان يسال
لا تنس تقييم الموضوع اذا احسست انه يستحق التقييم