اي سؤال عندك (اطرحه هنا) المقابل (دعوة بالغيب) ..

اتمنى الفائدة للجميع :


1- ( الجامعات المعترفه في كندا ).
http://www.saudibureau.org/institutionStatus.html

2- ( فتح ملف في الملحقيه ).
http://www.mbt3th.us/vb/forum108/thread156163.html

3- ( فنادق الدوان تاون فانكوفر ).
http://www.hotels.com/de169712/hotel...FQM6gwodrgsnpA
(الشقق المفروشه )
- http://www.rosellensuites.com/?gclid...FbMJtAodKmgAxQ

- http://www.makeyourselfathome.com/

- http://www.thelangtry.com/

-
4- ( الاجواء اليوميه والاسبوعيه في فانكوفر تحديث مستمر )
http://www.theweathernetwork.com/weather/cabc0308

5- ( جدول شامل عن مواعيد المواصلات من باصات وقطارات وباص البحر ) ممتاز للفايده عن مواعيد العمل ومواعيد الباصات.
http://tripplanning.translink.ca/hiw...9&LineAbbr=999

6- ( الوزن المسموح في الطائره لاغلب الشركات الكبيره بالتفصيل )
http://www.mbt3th.us/vb/forum132/thread152621.html

7- ( مكتب خطوط الطيران عمرو للسفر اللي متعامله معه الملحقيه يتكلمون عربي اتصل واحجز وكل شي بالتلفون والتذكره تجي بالايميل )
http://www.amrotravel.com/

8- ( المستندات المطلوبه في حال تجديد تصريح الدراسه )
http://www.cic.gc.ca/english/pdf/kit...s/IMM5555E.PDF ( موقع الجوازات الكنديه )

9- ( المدارس الاسلاميه لاطفالكم في جميع مقاطعات كندا )
http://www.mwlcanada.org/canada/schools.htm#bc


اللهم يارب ارزقنا توفيقك والجنه .. امــين .

فكره ممتازه أستاذي الكريم
ونحن معاك وبإذن الله اكرس وقتي لما أوصل للمساعده
وكذا بنكون قروب مفيد

يعطيك العافيه نداوي وان شاء الله امورك تتسهل واي شي تحتاجي عندك هالموضوع بشكل يومي بكون ارد عليكم ان شاء الله.
ورايح اخدمكم خدمة اهلي بأذن الله.

السلام عليكم
جزاك الله خير "خبير كندي"
اجل بستفتح الاسئلة بتسألي
كيف اعرف ان اللي اكله خاالي من الدهون الخنزيريه او يعتبر من الاكل الحلال:confused:
هذا الشي مررره متعبني
بعض المرات اكون ميييته جوع بس اخاف يكون اكل مو حلال
وارجع ع توست وجبن..:(
خبروني اشلون اعرف... وكيف اسأل :).. اش يكون مكتوب في الشبسات مثلاً؟؟
وشكراً..

وعليكم السلام ورحمة الله وبركاته
وياك يارب .. وياجعلها فاتحة خير على الجميع ان شاء الله

اذا كنتي بمطعم اتصال مباشر وجه لوجه بدون(منيو) وحابه تسئلي هل هذا الشي خنزير او لا .. تسئلي بهالطريقه :
( Is this Pork )او( What kind of meat is this ) ايش نوع اللحم.

اما اذا كان منيو بتلاقي الوجبه مكتوب تحتها المكونات اي كلمه تلاقيها من هذي قولي بدون :
( ( Ham . Pork . Pig . Paken )) وفي البيتزا يستخدمو كلمة ( Pepperoni )
لكن فيه ببروني حلال( اللي هي عندنا نسميها مرتديلا لو ماخاب ضني ) .. وكلمة حلال تقال زي ماهي لو المحل مسلم او هنود وباكستان او اتراك
(الدول الي عندها تفرقه بين الحلال والحرام).

بالنسبه للشوكلاته والشيبس تروحي( للانقريدينس )اللي ورا المكونات يكون مستطيل بالابيض ومكتوب فيه المكونات اقري ولو قريتي نكهه ( Flavor ) وجنبها كلمه من الكلمات اللي كتبتها لك فهي معروفه تحتوي على نكهة لحم الخنزير وممكن يكون مكتوب ( Oil ) مع احد الكلمات اللي فوق يعني فيه زيت الخنزير وهذا اغلب اللي يكون في الشيبس بشكل عام. فيه شي لازم تنتبهي له بعض الشيبس مكتوب عليه فعلا كلمة خنزير وحده من الكلمات اللي كتبتها لك فوق لكن تلاقي قبلها كلمة ( Free ) يعني بدون او مافيه .. لان اغلب شركات الشيبس ديترويت وشيتوز بدت تخسر بسبب نكهة وزيت الخنزير فاصدرو هالنوع للمهتمين ( لانه خساره كبيره لو يخسرو بنات السعوديه تعتبرو اهم الزباين الله يحفظكم) <<< مايقصد اي شي ابدا

اما الذبح الحلال فاغلب الاماكن تكتب على المنتج بالعربي ( حلال ) او ( Halal ). ولو مالقيتي اسئلي راعي المحل هل يبيع حلال او لا.

اخيرا اذا انتي ميته جوع كلي اللي قدامك ( الا الخنزير ) فالضروره تبيح وانا اخوك ( الله يعطي كل شخص على قد نيته ).

قفله : اتمنى اني وفقت بالاجابه وكلامي واضح (لو شي مافهمتيه مني عيدي السؤال لو تبي 10 مرات رايح اجاوبك بطرق مختلفه لانه موضوع مهم).

الله يعطيك العافية يارب
وحبيت اسال عن الجو بعد شهر اجيب شتوي ولا ايش
وايجارات السكن غالي على حسب ما سمعت في فنكوفر
جوابي الله يسعدك دنيا واخرة

يعافيك ياغالي .. دامك في فانكوفر تدلع باللبس جدا جو رايق يعني بالاوقات البارده ( ليل او الصباح الباكر ) يبيلك فقط بلفور او سويتر تلبسه فوق التيشيرت
ايام الصيف اللي من الان الى تقريبا شهر 10 رايح يكون حر وحلو حر وحلو ماتحتاج اي شي شتوي ( لكن يفضل تجيب معك شوية اغراض للشتاء بحكم الملابس الحلوه غاليه هنا ) ومنها احتياط ( دائما لاتثق بهالديره بــ 3 اشياء Women + Work + Weather )
هذا الموقع يوريك الجو الاسبوعي للمدينه ( بدون مبالغه بالدقيقه يتجدد اي تغير بالجو يعني ثقه )

http://www.theweathernetwork.com/weather/cabc0308

الايجارات يحدده اكثر الموقع .. لو تبي تسكن بنص المدينه وقريب من كل شي او بعماره راقيه نوعا بيكلفك الكثير وعلى حسب عدد الغرف .. عموما شيك على هالموقع كل دقيقه ينزلون فيه شقه شيك عليه بين وقت لاخر وبيعطيك فكره كبيره عن الاسعار وبالنسبه لموقع الشقه طلعه من (الماب قوقل) وشوف كم يبعد عن معهدك او مكانك الاساسي.

http://vancouver.kijiji.ca/f-housing...t-W0QQCatIdZ37

لو ماعرفت تستخدم الموقع (لاني دخلتك مباشره على الشقق في فانكوفر ولا الموقع بطل يعطيك كل اللي تبي) علمني وانا اساعدك فيه ااكثر ولو مافهمت شي رد علي وانا اعيد لك شرحي باكثر من طريقه.

بالتوفيق.

سلام اخوي عساك بخير
انا عندي استفسار وربي انا محتار انا ابغا ادرس هندسة بترول لكن محتار اي جامعه واي معهد في ناس قالولي البرتا لكن يقولو صعبه وخايف انو من جد جدا صعبه وخايف انو مو مره صعبه انو بس الناس صعبوه بكلامهم واش رايك في هندسة البترول واش رايك في معهد جامعة البرتا وهل تنصحني فيه وفي الجامعة او في معهد تاني احس لان لغتي ضعيفه وابغا اسالك عن كشف الحساب كم المبلغ الي لازم يكون موجود في الحساب ارجو ان تنصحني نصيحة اخ
وانا بعتمد على كلامك وامشي عليه وربي يوفقك ويسعدك

فهد

رديت عليك بالرساله اللي جتني راجعها واي سؤال ابشر اخوي عطني اياه هنا ولايهمك ( عشان الكل يستفيد وانا اخوك ).

طيب عن كشف الحساب انا عندي حساب في الراجحي وما ني موضف اخوي طلع قرض ممكن 200الف في شهر 11 الحين صات ممكن فيها 3الف وعندي 70 الف واخويا الي طلع القرض كمان عندو حساب في الراجحي لانو موضف وينزل راتبو عليه هل احط 70 الف في حسابي او حسابو وهل تكفي 70 الف والسفاره تطلب برضو شهادة بنكيه لو طلعت كشف حسااب
ياليت تفهمني الطريقه
ومعليش على الاطاله ويعطيك العافيه على المساعده وربي يوفقك

فهد

الحساب يكون باسمك او اسم الوالد او اخوك ( المهم اسم الاب والعائله يكون نفس الاسم ) ( انا شخصيا طلعت بكشف حساب باسم الوالد ).
مدري وش تقصد بالشهاده البنكيه ( لكن السفاره تطلب منك حساب بنكي او ضمان بنكي اذا انت مو مبتعث من قبل الحكومه ) بمعنى انك بمجرد تطلع الكشف يكون كافي للسفاره ( استفسر موضوع الشهاده من البنك للتأكيد قولهم هل تعطون شهاده بنكيه او لا )

افضل انك تقدم الكشف باسم اخوك لان حسابه فيه راتب ينزل وحساب جاري ( لانهم يطللبون الحساب غالبا لاخر 6 شهور ).
المبلغ اللي ذكرته يكفي اخوي فهد.

بالتوفيق.

مشكور اخوي على المعلومات وماقصرت ولو في اي استفسار ثاني راح اسدحو لك
وربي يوفقك

طيب يعني تنصحني بالبرتا ومعهدها وياليت تقلي عن معهد البرتا كم كورس وكم مدت الكورس وتكلفته تقول 1750 دولار هل تعتبر غاليه او عاديه زي المعاهد الثانيه وادا في معهد تنصحني فيه تديني معلومات عنه
وربي يوفقك

فهد

انا مقدر انصحك لاني ماعرف وش اللي يناسبك انا رايح اعطيك ايجابيات وسلبيات الشي اللي تسئلني عنه لانه رأي .. فاكيد رأيك يختلف عن رايي:

البرتا جدا كبيره وعملاقه ولها سمعتها ومستواها عالميا في الستينات يعتبر رقم جدا قوي ( معهد الجامعه يبدا من 105 - 145(كل مستوى عباره عن 5) يعني 105 -110-115 ... ) كل مستوى شهرين شامله الاجازه اسبوع..

السعر صحيح زي ماذكرته انت بالضبط ( تقريبا الى حد كبير معاهد الجامعات نفس الاسعار اذا كانت 4 شهور سمستر كامل ب 3500-4000 واذا كانت شهرين بنفس السعر اللي قلته او حوله )

رأي شخصي ( البرتا لو اخترتها بيكون اختيار موفق اذا ذاكرت واهتميت )

اخيرا ( المعاهد الجامعيه كقوه تقريبا نفس الشي لكن تختلف بالنظام .. فيه جامعات شهرين تكون شامله كل شي وفيه جامعات 4 شهور وكل قسم باللغه كلاس لحاله يعني الكتابه كلاس والقراءه كلاس وكذا) لكن بالاخير اللغه بيدك بنسبة 70 % كمذاكره واجتهاد.

بالتوفيق ..

اخوي عندك علم بمعهد elsفي فانكوفر

نبض الوهم

مدري وش تبي تعرف بالضبط .. بس باختصار شديد معهد تجاري .. وهنا موقعه يعطيك كل اللي تبيه مفصل (لو انت بتدرس فيه اقرا الموقع جدا مفصل كل شي)
ولو عندك سؤال محدد ان شاء الله اقدر اجاوب عليه (سؤالك مدري وش اللي تبي تعرفه بالضبط)

لكن لو تتكلم كقوه او غير كذا .. فهو تجاري يعني يهتم بالكلام والرحلات .. لو انت طالب مبتعث لاتفكر تجلس فيه اكثر من شهرين فقط الين تضبط امورك وتعرف المدينه ولسانك ينطلق شوي وتنقل لمعهد جامعه بحيث انه اقوى وافضل ويهتم للقراءه والكتابه ( وهالشي اللي بيفيدك باختبارات الانقلش ).

بالتوفيق..

ياخوي انا لغتي ضعيفة وانا راح ادرس ماستر وخايفة بالمرة

ياعزيزتي .. الخوف انسيه لانه ماراح يخليك تتقدمي خطوه (العكس انتي ماستر اجل وش تقولي على اللي خلصو ثانوي وسافرو !!)..
الشي الثاني عندك قوقل ترجمي يعني فقط نسخ ولصق ..

عموما ( انا مادري وش تحبي تعرفي عن المعهد ) لان بكندا كلمة معهد تجاري يعني معروف انه الناس تروح له فقط اول شهر ولا شهرين عشان تكسر الخوف من الجامعه
وتكسر الرهبه في المخاطبه مع الاخرين ( انتي حددي وش تبي تعرفي وابشري ) لكن من الاخر المعاهد التجاريه ليست لدراسة اللغه الحقيقه الي تأهل للجامعه ..

بالتوفيق وهم ..

ربي يطمن قلبك يارب
ويحفظك من كل مكروة وترجع رافع راسك يارب ياكريم

نبض الوهم ويأك يارب لو عندك اي سؤال أنا حاضر

السلام عليكم ورحمة الله وبركاته
موضوع الأكل الحلال يتكرر النقاش فيه بكثرة
لكن هذا الرابط للشيخ ابن عثيمين رحمة الله فيه توضيح شامل للمسألة
YouTube - &#x202b;حكم أكل اللحوم من المطاعم في البلاد الاجنبية&#x202c;&lrm;
وفي هذا المقطع يذكر الشيخ أنك اذا كنت في بلد ديانته الرسمية اليهودية أو النصرانية يحل لك أكل اللحوم والدجاج بدون أن تسأل إذا كان ذبح حلال أو حرام.
المهم أن تسمي قبل الأكل
مهم جدا أن تشاهد المقطع
وففق الله الجميع لما فيه الخير ...

السلام عليكم ورحمة الله وبركاته:
بالنسبة لمعهد ELS
المعهد تجاري ولكنه ممتاز جدا
ومن له رغبه في الدراسة سيستفيد من هذا المعهد كثييييير
وقت الدوام فيه مثل أعلب المعاهد التجارية من9_4 يتخللها ساعة غداء
ومدة الترم فيه شهر

السلام عليكم

اخوي عندي كم استفسار ياليت تقدر تفيدني انا مرافق وراح ادرس لغه يحتاج اجيب معي برنت من الاحوال ان المهنه للحين طالب والا مو لازم؟

الثاني متى اقدر اقدم على الانضمام كمبتعث ؟

والاخير بكندا في جامعات تعادل دبلوم الكلية التقنية قسم ميكانيكا - انتاج

ولك جزيل الشكر والتقدير

السلام عليكم
اخوي الحين انا ابغا هندسة بترول فيه واحد قالي قبول الهندسه في الجامعات الكنديه صعب ولو كلمت مكتب يطلول ما جاب القبول وممكن مايدوك لكن خذ قبول اي تخصص وادا التحقت غيرو هل كلامه صحيح وهل تغيير التخصص سهل يعني ما يرفضو
ولك جزيل الشكر

فهد

ايه اخوي كلامه صحيح ( منت مرتبط بالتخصص اللي تجي فيه يعني تخلص لغتك وتختار اي تخصص تبي تدخله )

بالتوفيق

سلام عليكم
معليش اخوي عارف كل شوي ناط لك بسال بس وربي محتااار معاد ادري اش ادخل الحين بسالك عن جامعة كالجري اش تنصحني فيه هيا او البرتا واش احسن معهد البرتا او معهد كالجري لان لغتي ضعيفه
وما ادري ونا اخوك تقدر توفر لي قبول معا العلم ان نسبتي مرتفعه 98.54 ياليت تنصحني بالشي الي تشوفه
وربي يوفقك ويحفك

شكرا أخوي بس أنا مو في كالجاري أنا في فانكوفر يعني عادي لو رحت للمعهد وقلت لهم أبغى مدرس خصوصي ويجي للبيت ؟؟

اقتباس:

---

المشاركة الأصلية كتبت بواسطة احساس البشر

السلام عليكم

اخوي عندي كم استفسار ياليت تقدر تفيدني انا مرافق وراح ادرس لغه يحتاج اجيب معي برنت من الاحوال ان المهنه للحين طالب والا مو لازم؟

الثاني متى اقدر اقدم على الانضمام كمبتعث ؟

والاخير بكندا في جامعات تعادل دبلوم الكلية التقنية قسم ميكانيكا - انتاج

ولك جزيل الشكر والتقدير

---

اسف اخوي على التأخير تو انتبه لكلامك

1-انت قصدك البرنت يكون لمين (لو تقصد لمعاهد او جامعات كندا لا مايحتاج).
2-من اول ماتقدم تحتاج الى (3 شهور عشان تنضم في حالة انهم فاتحين باب الابتعاث).لكن زوجتك او اختك وقتها تحتاج مرافق ..!
3-فيه جامعات تعادل لك اغلب الي يعادلون لك كليات لكن عندهم بكالريوس وبعضهم عندهم ماستر(رايحين يطلبون منك ترسل اوراقك لشركه خاصه للمعادله اسمها
Canada bureau for intrnational education ). يعني انت شوف المدينه اللي انت فيها وابدء زور كلياتها وجامعاتها وتكلم مع الادفايزر حق التخصص حقك.

اقتباس:

---

المشاركة الأصلية كتبت بواسطة فهد غ

سلام عليكم
معليش اخوي عارف كل شوي ناط لك بسال بس وربي محتااار معاد ادري اش ادخل الحين بسالك عن جامعة كالجري اش تنصحني فيه هيا او البرتا واش احسن معهد البرتا او معهد كالجري لان لغتي ضعيفه
وما ادري ونا اخوك تقدر توفر لي قبول معا العلم ان نسبتي مرتفعه 98.54 ياليت تنصحني بالشي الي تشوفه
وربي يوفقك ويحفك

---

اخوي فهد انسى موضوع التخصص الان زي ماقلت لك ( انت رايح تدرس لغه يعني قدامك سنه ونص بخلال هالفتره عيونك بتتفتح على اشياء كثيره جدا غير كذا انت لاصرت هنا كل اسبوع سوي زياره لادارة الجامعه وتكلم معهم وهم يعلمونك بالتخصصات اللي عندهم ويفتحون عيونك على اشياء اكثر ).

الجامعات انت اخترت جامعتين ممتازه نفس المستوى مع الاختلاف بالقوه في بعض التخصصات ( كالقري جامعه مميزه لكن الجو العام ممل نوعا ما والسعوديين قليل مقارنه بادمنتن )
( ادمنتن اجواء دراسيه افضل وبتلقى راحه فيها افضل من كالقري لكن جامعة البرتا افضل من ناحية الرانك العالمي ) .. لو حاب تتعلم لغه اسرع كالقري افضل ( لكن ماضمن النفسيه لك )

بالنسبه للقبولات اعتذر وبشده ماهو اختصاصي لاني لو اقدم صدقني بجلس طول يومي اقدم ( انا طالب ووقتي والله مايسمح لي وهالفتره اختبارات بالياله ارد على الاسئله ) لكن انت حاول وقدم ورح للمكاتب ولو يأست ارجع لي وابشر ان شاء الله اساعدك ( او حاول انت ولاتتعذر باللغه افتح موقع الجامعه وقدم واي كلمه ماتعرفها عندك المترجم خصوصا انك ماشاء الله نسبتك ممتازه يعني انسان شاطر مابتطفش على طول وانت قدها ان شاء الله ).

واي شي تحتاجه علمني ولايهمك.

اقتباس:

---

المشاركة الأصلية كتبت بواسطة dream2011

شكرا أخوي بس أنا مو في كالجاري أنا في فانكوفر يعني عادي لو رحت للمعهد وقلت لهم أبغى مدرس خصوصي ويجي للبيت ؟؟

---

العفو اختي ( روحي للمعهد واتفقي مع الاداره لو ماعطوك وجه تكلمي مع المدرسين نفسهم قولي ابي تدرس ابوي ساعه ولا ساعتين بكيفك فرايحين يوافقو ويعلمونك بسعرهم بالساعه )

في حالة محد وافق ارجعي علميني وبنزل لك موضوع اطلب فيه مدرس خاص للوالد ( شبه مضمون هالموقع ان شاء الله ) لكن المعهد رايح يوفر لك بشكل كبير او اطلبي منهم ارقام مدرسين خصوصين يعطون ( انا شخصيا ايام الجامعه كان عندي كورس انقلش والبروف نفسها اللي عطتني دروس خصوصيه ولو لا الله ثم هي ماجبت التوفل ) وسلامي للعم.

بالتوفيق..

السلام عليكم
مشكور أخي الكريم على طرحك لموضوعك المفيد
امم أنا عندي سؤالين
الأول : كيف أحصل على التعريف من الملحقية ختى أستطيع أن اصدر فيزا
الثاني : عادي اذا اتفقت مع أحد الكندين عن طريق الانترنت باستئجار بيت أو شقة ولا لازم يكون عن طريق الملحقية السعودية ..

وشكرا لك مره أخرى

السلام عليكم ورحمة الله وبركاته

كيف افتح حساب في البنك ، ما هي الشروط ، هل يحتاج تعريف من المعهد او من الملحقة موجه للبنك؟

وشكراً لكم

اقتباس:

---

المشاركة الأصلية كتبت بواسطة شيهيرو

السلام عليكم
مشكور أخي الكريم على طرحك لموضوعك المفيد
امم أنا عندي سؤالين
الأول : كيف أحصل على التعريف من الملحقية ختى أستطيع أن اصدر فيزا
الثاني : عادي اذا اتفقت مع أحد الكندين عن طريق الانترنت باستئجار بيت أو شقة ولا لازم يكون عن طريق الملحقية السعودية ..

وشكرا لك مره أخرى

---

وعليكم السلام ورحمة الله وبركاته ..

1- دامك بالسعوديه ومبتعث تاخذ كل شي عن طريق الوزاره .. الضمان المالي وقرار الابتعاث هذا تضيفه يعتبر التعريف حقك ( الا اذا تقصد تعريف ثاني تدخل على موقع الملحقيه بكندا وتسوي طلب تعريف لكن دامك بالسعوديه تطلبه من الوزاره وتتواصل مع الاشخاص اللي تعاملت معهم بخصوص البعثه ). لكن لو توضح لي التعريف اللي تبيه بالضبط اقدر اعطيك جواب اوضح.

2- عادي براحتك تتفق زي ماتبي الملحقيه ماتدخل نهائيا بهالامور( لكن انتبه تدفع الفلوس وانت ماعندك عقد او شي يثبت لاتنسرق فلوسك لانها تصير وانا اخوك ).

بالتوفيق ..

السلام عليكم ورحمة الله وبركاته الله يعطيك العافية اتمنى تجاوبني بأسرع وقت انا راح اسافر بولديسنة ونصف وبنتي4 اشهر والاثنين يشربوا حليب سيميلاك غين بلسهل هو متوفر بكندا وكم سعره؟واذا مو موجود هل اقدر اجيبه معي من السعودية او لا؟

اقتباس:

---

المشاركة الأصلية كتبت بواسطة رانسا

السلام عليكم ورحمة الله وبركاته الله يعطيك العافية اتمنى تجاوبني بأسرع وقت انا راح اسافر بولديسنة ونصف وبنتي4 اشهر والاثنين يشربوا حليب سيميلاك غين بلسهل هو متوفر بكندا وكم سعره؟واذا مو موجود هل اقدر اجيبه معي من السعودية او لا؟

---

وعليكم السلام ورحمة الله وبركاته ..

سويت بحث اون لاين ولقيت لك ( لكن تشترينه اون لاين ) لكن دامني لقيته بكل تاكيد رايحه تلاقينه بالمحلات اسعاره (في انواع كثيره فمدري انتي اي نوع تبي لكن مابين 30-40 دولار).

طبعا تقدري تجيبي معك كميه محدوده ( لكن مو كثير عشان ماتتصادر او يدفعونكم عليها شي كثير بس جيبي كذا علبه احتياط ).

عموما عشان الاسعار عندك هالموقع يوريك الاسعار واذا تبي تاخذينه اون لاين افضل يوصلك للبيت ..

Buy Similac Go & Grow Powder Formula from Canada at Well.ca - Free Shipping

هل يوجد صيدليه عربيه بتورنتو واين تقع

اقتباس:

---

المشاركة الأصلية كتبت بواسطة رانسا

هل يوجد صيدليه عربيه بتورنتو واين تقع

---

اختي لو تراجعي قسم تورونتو ممكن يفيدونك لان هالقسم خاص بولاية البرتا وبرتش كولمبيا ( بحثت لك بالنت لكن للأسف مالقيت والله خصوصا اني من طلاب البرتا ).
اعتذر

لكن انتي لسى ماسافرتي اصبري الين توصلي وبتلاقي الامور جدا سهله وكل شي واضح ( بصراحه تعامل الاجانب افضل من تعامل العرب بمراحل ).

بالتوفيق ..

اقتباس:

---

المشاركة الأصلية كتبت بواسطة omran.alofi

السلام عليكم ورحمة الله وبركاته

كيف افتح حساب في البنك ، ما هي الشروط ، هل يحتاج تعريف من المعهد او من الملحقة موجه للبنك؟

وشكراً لكم

---

وعليكم السلام ورحمة الله وبركاته

تروح للبنك .. اغلبهم تحدد موعد من نفس البنك تمر عليهم وتقول ابي افتح حساب غالبا بموعد او يدخلونك على طول( على حسب الساعه اللي تروح لهم فيها والفضاوه ) المهم خذ ااثباتاتك في حال شي مايعترفو فيه معك الثاني ..

الطلبات بتكون صورتين اثبات ( جواز + رخصه كنديه او تصريح الدراسه ) خذ بطاقة الجامعه او المعهد عشان تثبت انك طالب .. فقط

بالتوفيق ..

السلام عليكم اخواني واخواتي
اتمنى ااالافاده انا حصلت على قبول جامعي في University of Northern British Columbia وراح تبدى الدراسه في شهر سبتمبر ولاني مستعجل اخذت قبول في معهد انلينغوا في فانكوفر والدراسه راح تبدى في 16/05/2011 ورحلتي ان شاء الله يوم 14/05/2011 على الخطوط الصينيه
الفيزا طلعت لي لمدة سنه !!! هل اقدر اجددها من هناك ولا لازم اكون بالسعوديه عشان اجددها ؟؟ (خايف اتورط)
سؤالي يا شباب هل المعهد مناسب ووش تقدرون تنصحوني بشكل عام ؟؟
السؤال الثاني هل اقدر اخذ معي اللاب توب ولا في مشكله بالمطار ؟؟
وهل في تعقيد في مطار فانكوفر ؟؟

تسلم يمينك اخوي على الاجابات الوافيه لكن مافهمت نقطه يعني لو بقدم على ان اكون مبتعث وليس مرافق لازم يكون مرافق ثاني مع زوجتي والا اقدر اكون مبتعث ومرافق لزوجتي بنفس الوقت