[هاليفكس] مطلوب شقة أو شريك سكن

من وين انت يالطيب

حياك الله فيه المدينه وحياك بالمعهد ، نصيحه لك اخوي لا اكثر ولا اقل لو تسكن عند عائله افضل لك بكثير وافيد لك لان راح تتكلم انكليزي معهم و راح تتعلم بسرعه وغير كذا اريح لك وايجار الشقه نفس ما تدفع للعائله .

ستايل
أنا من الشرقية ... رأس تنورة
ومتخرج من الجبيل الصناعية ومبتعث عن طريقها


Ahmed h s

مشكور على النصيحة أخوي ... انا ودي في شقة لأني احس إنها راح تكون أريح لي من ناحية الطلعة والدخلة والأكل ... خاصة مثل ما ذكرت رمضان على الأبواب وممكن الواحد وده يطبخ له شيء من الأكل إلي كان متعود عليه مع الأهل
كذلك سمعت إن أغلب العوائل ما تسكن في وسط المدينة (الداون-تاون) ... فراح اظطر اطق مشاوير من بيت العيلة إلى المعهد أو الجامعة
وإنجليزيتي ماهي سيئة ... خاصة إن الدراسة في الجبيل الصناعية تكون كاملة بالإنجليزية وحسب كلام المدرسين إلي درسوني فإنجليزيتي جيدة جداً
شكلي إذا مالقيت شقة جيدة أو شريك سكن راح أشوف لي عيلة إلين أتعود على الوضع هناك ... شكراً لك مرة ثانية


وإذا في أسئلة شخصية ممكن البعض تهمهم لكن مستحين يسألونها ... فما عندي مشكلة إذا أرسلوها على الخاص

بالنسبه للشقه لا تشيل هم انشاء الله انا تعبت وانذليت عشان الشقه بس الحمدلله اكتسبت خبرة جيده في الموضوع اذا تبغى راسلني على الخاص و ابشر

سلام

اخوي بالعكس الوضع عادي عندهم البيت يكون مثل بيتك يعطونك مفتاح والوضع فري الي تبي تسويه سوه والمطبخ بعد يخلون تسوي الي تبي لو تبطخ مفطح خلوك بالنسبه انك دور على واحد خوي معك ولا تعرفه من قبل صعبه ترى مهو كل الشباب يعجبونك بعضهم رايح فيها ويصير نقمه عليك علشان كذا خذ لك عايله واذا ما عجبتك تقدر تغيرها .

KT5
ما تقصر أخوي ... حاولت أرسلك عنواني على الخاص لكن الرسائل الخاصة ماتتفعل إلا للأعضاء إلي مشاركاتهم 30 مشاركة أو أكثر
فأرسلت لك عنواني على رسائل الزوار ... ياريت تراسلني عليه أو تضيفني على المسنجر


Ahmed h s
المشكلة إني مثل ما قريت في مواضيع الشباب هنا ... إنك ما تضمن إن العايلة تطلع كندية "أصلية" وما يطلعون عرب أو آسيويين أو هنود حاصلين على الجنسية الكندية ولا حتى تضمن إنهم كذلك يعجبونك أو ترتاح معاهم أو حتى تكتسب منهم لغة ولهجة صحيحة.
وكذلك الشريك في السكن إذا ماعجبك أو ما أرتحت معاه بإمكانك وقتها تدور لك على سكن ثاني.

ومشكور مرة ثانية على النصيحة أخوي أحمد ... وتأكد أني راح أفكر فيها

Ahmed h s
المشكلة إني مثل ما قريت في مواضيع الشباب هنا ... إنك ما تضمن إن العايلة تطلع كندية "أصلية" وما يطلعون عرب أو آسيويين أو هنود حاصلين على الجنسية الكندية ولا حتى تضمن إنهم كذلك يعجبونك أو ترتاح معاهم أو حتى تكتسب منهم لغة ولهجة صحيحة.
وكذلك الشريك في السكن إذا ماعجبك أو ما أرتحت معاه بإمكانك وقتها تدور لك على سكن ثاني.

ومشكور مرة ثانية على النصيحة أخوي أحمد ... وتأكد أني راح أفكر فيها [/quote]
لا اخوي تقدر تعرف منهم افراد عايلتك وانت بالسعوديه تعرف اساميهم واعمارهم وكل شي ، بالنسبه ما تكون كنديه اصلا ما تصير بهاليفاكس تصير مثلا بتورونتو السبب لكثرتهم هناك اما هاليفاكس تختلف .
بالنسبه تقول اذا ما عجبك الشريك تقدر تغيره غلطان انت لانك صعب تحصل شقق حلوه ونظيفه وقريبه للمكان دراستك .
عالعموم الله يوفقك وتاصل بالسلامه انشالله ولا تنسى تكثر من البجايم والملابس الثقيله ترى كلها شهر ويجي البرد الي يقطع الوجه ههههههه ترى درجة الحراره باشتا تاصل -20 تحت الصفر واكثر بعد يعني خذ حساب هالنقطه .

شكراً لك اخوي Ahmed h s
وبخصوص الملابس الثقيلة فلا توصي حريص أغلب الملابس إلي جهزتها كلها شتوية وإن شاء الله إذا إحتجت زيادة راح أشتريها من هناك أو أطلب من الأهل يشحنون لي مع الأغراض إلي ممكن أحتاجها بعدين


والموضوع للرفع

الأخ KT5 مازلت أنتظر إضافتك لي أو ارسال عنوانك

طيب أنا لقيت شقة
غرفتين مطبخ، حمام، صالة بلكونة، تتدفئة ماء ساخن وكذلك كهرباء
قريبه جداً من دال هوزي وكذلك من معهد الـECSL (اقل من 500 متر)
وأذا في واحد وده يشاركني فيها فـ نص قيمة الأجار هو 617.50$ كندي ...

أنا مش ملتزم (مطوع) ... لكني في نفس الوقت مش صايع
ما أدخن
ما أشرب
ولا راعي "سوالف" ثانية

أذا أحد عنده اي استفسار فبإمكانه يرسلي على
asa_princ30 على الهوت-ميل