جديد في هاليفاكس

August 17th, 2009, 01:37 AM

السلام عليكم

شباب صارلي يومين في هاليفاكس ولا أدل شيء فيها.
أول يوم وصلت فيه السكن على الساعة 3 العصر وطقيتها رقده إلى فجر اليوم الثاني من التعب.
اليوم الثاني جلست كلمت الأهل بعدين طلعت ادور لي مطعم عنده وجبات حلال من ذيك المطاعم الموجودة في موقع ذبيحة مثل Diego's و Aleppo و Eat & Fit لكني ماقدرت ألقى أي من المطاعم هذي مع إن كنت استعنت بالـGPS لكن اوصل للمكان إلي المفروض يكون فيه المطعم لكني ماشوفه

فياريت لو أحد يعرف مطاعم أو محلات تبيع أكل حلال وكذلك المساجد يحدد لنا مكانها على maps.google.com

ولو أحد عنده وقت فاضي ويبي يسوي فيني خير ونتلاقى في مكان ويدليني الأماكن المهمة في المدينة
فيكون وقتها أنقذني من التحول إلى إنسان نباتي

لا تقولون أنزل دور في المدينة وراح تدل كل شيء لأن المدينة صغيرة ... أصلأ أنا ما عندي إحساس في الإتجاهات فما اطلع مكان إلا اكون لازم دارس موقعه وحافظه ولا راح اقعد اطلع في السيارات إلي تمر (هذا التشارجر ولا الكومارو الجديد وهذي الإكيورا إلي ماتنزل عندنا) وبعدها أكتشف أني نسيت من أي طريق جيت

• نشر عبر تويتر
• نشر عبر فيسبوك
• نشر عبر جوجل