استفسار الجواز الكندي للطفل

السلام عليكم ورحمة الله وبركاته

اعتقد ان مدة الحصول على الجواز من اسبوعين الى 6 اسابيع

وباقي الاجراءات بسأل عنها بالتفصيل ولي عودة ان شاء الله

اشكرك اختي بس لو تجيبين لي كيف استخرج شهادة الميلاد وكم المدة ؟

السلام عليكم
تقدرين تطلعين الجواز في ٢٤ ساعه( urgent ) اذا كان عندك تيكت طيران وتدفعين ٧٠ دولار
وبعد تقدرين تاخذينه اسرع من الوقت العادي بمبلغ مالي لااتذكره .. لكن المشكله في شهاده الميلاد هي اللي غالبا تاخذ شهر بعد الولاده وكل شي يترتب عليها
موفقه ..

يا جماعة الخير ولا واحد عطاني جواب اعتمد عليه يعني معقولة ولا واحد عنده معلومة او تجربة

الحمدالله خلصنا من شهادة الميلاد بعد عناء طويل وجاري استخراج الجواز الكندي وتذكرة المرور من السفارة والله يعين ويسهل

السلام عليكم :
أخوي ياليت تفيدني الله يعافيك كيف الاجراءات بالضبظ من يوم ينولد الطفل إلى ان تكتمل جميع الاوراق سواء من الاجراءات الكندية او الاجراءات مع السفارة السعودية لأن راح يجيني مولود قريبا بإذن الله ولا اعرف الاجراءات.

هلا فيك اخوي الله يسهل على زوجتك والله يرزقكم الذرية الصالحة اذا ولدت زوجتك بالسلامة ان شاء الله في المستشفى راح يعطونك اوراق تعبيها وتعطيها للممرضة وهم راح يرسلونها لمكتب التسجيل للبلدية .
شهادة الميلاد لها طريقتين : الطريقة الاولى عن طريق الانترنت وراح يعطونك المستشفى الرابط اللي تدخل عليه وتعبي الابلكيشن << هذاي تجربتي وتاخرت شهادة الميلاد ما استلمتها الا بعد شهر وزيادة من ولادة طفلي
الطريقة الثانية : انك بعد اسبوعين من الولادة ولازم تتصل على المستشفى وتتاكد ان الاوراق اللي عبيتها ارسلوها لمكتب التسجيل اذا قالولك ان كل شي اوكي وارسلنها تروح لعمارة جوزيف في الداون تاون وتعبي الابلكيشن اللي موجود وتدفع لهم قيمة شهادة الميلاد ويطلعونها لك في نفس الوقت<<<< الطريقة هاذي اسرع
الجواز الكندي ان شاء الله ابطلعه من السفارة الكندية بالرياض لاني مستعجل على الرجعة .
متطلبات السفارة السعودية راح تحصلها في موقع السفارة بمجرد مانك ترسل المتطلبات عن طريق فيديكس لانه راح تكون اسرع في التوصيل بعد يومين الى ثلاثة ايام تقريبا راح يرسلون لك شهادة الميلاد مترجمة ومعها تذكرة المرور.
واي استفسارات انا جاهز

طيب وين ممكن نروح نطلع الجواز بسرعة؟
مع العلم اني في مقاطعة بريتش كولومبيا

انتظر الرد باسرع وقت
شكرا