شــــ (للدردشة, للمناقشة, للحوار, للسواليف, للهذرة, فش خلئك) ــــــات

تسلم أخوي نورثمان والله يسمع منك
وماشاءالله الأيام مشت بسرعه ورحلتك الأسبوع القادم
وكيف معنوياتك؟
الله يوفقك

نورثمان , ابرار , نااز
الله يبارك فييييييكم تسلمون والله

ابرار مبرووووووك لك انتي بعد الف مبرووك

نااز معذوور ياخوي وحياك الله في اي وقت وكلن له ضروفه ونعذره
وابد ماجا منك قصور ياخوي كلن يشارك على قد ما يقدر ,, يعطيك العافية

نورثمان الله يوفقك ياخوي وان شاء الله توصل بالسلامة يا رب

يارب تسهل امورنا وتوفقنا يا رب ..

والله المعنويات لكم عليها شوي
أحس أن ركبي بدأت تطق ببعض

الله يبارك فيك ياصمت تسلمي
نورثمان: والله حاسه بك، لكن توكل على الله والله يكون بعونك

ابراروووه وصلت لك رسالة موعد الدورات على الجوال ولا لا؟؟؟
انتي بالشرقية صح يعني معاي خخخخ

ونعم بالله..
تسلمين أختي أبرار

الله يكون بعونك اخوي نورثمان هونها وان شاء الله تعدي هالفترة عل خير يارب
وان شاء الله توصل بالسلامة ,,
بالتوفيق

صمتوووه إذا وصلتك رسالة الجوال أكيد إنها وصلتني
أوه يعني بنلتقي ان شاءالله ههههه
وعلى فكرة ليلة غد عندي موعد تحديد مستوى اللغة

ايوه ابرار انا وصلتني رسالة وموعد الاختبار يوم الثلاثاء الساعة 4 لين 6
بالتوفيق خيتي ..

كان موعد اختباري الاثنين من 6-8

مرحبا..
اكتب لكم من واشنطن
وصلت قبل امس الاربعاء مساء
ورحت الخميس الملحقية
رحلتي الجمعة مساء الى أوهايو
الامور الى الان على ما يرام ولله الحمد
صبايا طمنوني عن أختباركم والدورة؟

مرحبا فيك اخوي نورثمان ما شاء الله
الحمد لله على السلامة
وان شاء الله تتسهل امورك كلها وبالتوفيق
كيف نفسيتك؟
بالنسبة للدورة راح تبدا بكرا السبت و وقتها بنعرف نتيجة الاختبار والمستويات
ابراروه انا فترتي بالمساء وانتي؟ لايكون بالصبح ترا اذبحك هههههههه

ماشاءالله الف الحمدلله على السلامه يانورثمان
ان شاء الله تكون بخير؟ الله يكون بعونك ويوفقك
بالنسبه للدورة قدمنا والباقي على الله مثل ماقالت صمت بكره بنعرف النتيجه.
يااااا الله ياصمت تقولي فترتك بالمساء!
أنا بالصباح

أبشركم الامور تمام والنفسية الى الان كويسة
وصلت اوهايو امس وقاعد اتمشى في سنسناتي واليوم رحت في نزهة لحدود متشقان
بكرا بروح اشوف العائلة اللي بسكن معاهم
ودراستي بعد بكرا الاثنين
بالتوفيق لكم ان شاء الله

ما شاء الله الحمد لله . بالتوفيق اخوي نورثمان من جد فرحت لك تستاهل كل خير خيووو
والله يسهل امورك ان شاء الله
اهم شي الفروة اخذتها معاك يقولون الجو بارد ؟



ابرار انا مستواي قبل المتوسط وانتي؟
ابي اغيره للمتوسط بس مترددة وش رايك؟

اليوم وصلت العائلة وتعرفت عليهم وكانوا مرررة طيبين
تعشيت معهم عشاء مدري شنو بس والله كان لذيذ
بكرا يبي يوصلني ابو العائلة (ابوي الجديد) للمعهد في طريقه وهو رايح للعمل
الام قاعدة في البيت ومتفرغة وعيالهم اربعة ولدين وبنتين

ههههه ابوك الجديد
ماشاء الله .. ان شاء الله تكون مرتاح معهم
وااو عشاهم لذيذ؟ وشهي الوصفة؟ > ينقال تبي تطبخ مثلها الحين هههههه
بالتوفيق اخوي نورثمان ان شاء الله .. وبشرنا وش يصير معك بالمعهد ؟
سي يو

عن نفسي .. ماشية تمام بالكلاس وخلاص حسمت الامر وبتم على المستوى هذا
التيشرز مرة عسولات وفريندلي ومرحين مرة خخخخخ اهم شي يمزحون ويضحكون معنا علشان لا نطفش بالكلاس ونكون مرتاحين اكثر يعني
عطونا واجبات > خخخ زمان عنها
حليتها بس باقي لي اكمل التعبير بروح اكمله الحين..

يلا سي يو سون أول اوف يو

بدينا في المعهد بداية قوية بس الكل هنا يسبونه
يقولون معهد تجاري بحت
انا ان شاء الله بكمل الشهر الاول وبعدها بقيم الوضع اذا كويس بستمر واذا لا اشوف معهد ثاني
-
ماشاء الله عليكم بديتوا بالانقلش وماوصيكم ترا تبهذلنا كنا نتوقع عندنا انقلش وطلع اللي معانا مايوكل عيش
احرصوا على اللغة وتابعوا برامج وافلام انقلش قبل ما تجون هني
هاف انايس تايم فور اول

اووبس الله يكون بعونك اخوي نورثمان
يمكن بالبداية بس بعدها يتغير الوضع؟ .. حاول تسئل عن المعاهد القريبة شوف ايش يقولون عنها؟
والله يختار لك الي فيه الخير وبالتوفيق

اي والله بدينا بالانقلش وهذاني بالبيت ما اتكلم الا انجليزي هههههههه غاثتهم بس وش اسوي علشان اتعوود واطور المحادثة لان اهم شي المحادثة..
الحمد لله الكلاس الي انا فيه مررة حلو والبنات الي معي عسولات ومرتاحة الحمد لله معهم
(كبداية) كل شي اوكي والله يستر من الي جاي خخخ

بالتوفيق للجميع ان شاء الله

أعذريني صمت عندي ظروف آآآه شغلتني جدًا جدًا فـ توي أدخل الحين
والحمدلله انك حسمتي الأمر وظليتي على مستواك أفضل لك
أما انا طلعت معفية من الدورة لأن معي ماستر
وبالتوفيق