الأعضاء الإشتراك و التسجيل

نسيت كلمه المرور
الملتقيات
ADs

جميلة الروح

جميلة الروح

جميلة الروح

مبتعث مستجد Freshman Member

الولايات المتحدة الأمريكية

مبتعث مستجد Freshman Member, أنثى. , من الولايات المتحدة الأمريكية , مبتعث فى الولايات المتحدة الأمريكية , تخصصى .... , بجامعة جامعة الملك عبدالعزيز

  • جامعة الملك عبدالعزيز
  • ....
  • أنثى
  • تاريخ التسجيل : March 18th, 2011
  • جدة
  • السعودية
  • 37
  • @ عدد المشاركات : 128

19 رسائل الزوار

  1. الحمدلله


    بداية شوفي ادا الأخ الكريم اسمه موجود عندك في الملف ،

    اضغطي عـلـى " المرافقون " وشوفي ادا اسم الأخ الكريم موجود يصير تمـام ،

    ادا ماهو موجود يصير تضغطين عـلى " المرافقون " واضغطي بعدها على " طلب إضافة مرافق "

    وعبي البيانات واحفظيها وبعدها راح ينضاف المرافق لملفـك ^^ ،

    طيب نجي لطلب فتح ملف مرافق دارس ،

    من خلال الشريط اللي في الأعلى اضغطي عـلى " الخدمات الدراسية " وبعدها اختاري " طلب إضافة ملف مرافق دارس "

    بعدها راح تشوفين أمامك اسم المرافق ، اضغطي على " فتح ملف " اللي موجودة أمام اسم المرافق ،

    وبعدها عبي البيانات وارفقي الملفات المطلوبة وسلمو الطلب وان شاءالله بعدها بكم يوم راح يوصلكم القبول بإذن الله ،

    وطمنينا الله يسهلكم أموركم يـــارب
    الفقيرإلى الله الفقيرإلى الله

    05:04 AM

  2. ويجزاكي الخيرات يـــارب

    أي حاجة راح تساعد من طلبك ارفقيها مع الملفـات ^^

    بالنسبة للمرافـــق زي ماقلتي ،

    لكن ان شاءالله لو حبيتي تفتحين ملف مرافق دارس راح تحتاجين لقبول المعهد والـ I-20 الخاص بالمرافق ،

    الله يسهل أمورنا وأموركم يـــارب
    الفقيرإلى الله الفقيرإلى الله

    11:00 AM

  3. وان شاءالله طلبكي بينقـبـل ، وشوفي إيش ردهم ؟؟ لأنو مالكم دخل في قرار الإلحاق وغريبة صراحة رد الملحقيـة !!؟ ؟ للأسف ملف المرافق يعتمد على ملف المبتعثـة : (
    ورقم الـتأشيرة هو اللي مكتوب باللون الأحمر بالزاوية اليمين أسفـل ، بالنسبة للمعهد تقدري توضحيلهم وضعك وبإذن الله راح يكونون متفهمين ، لأنو عادة أغلب المعاهد يعطون الطلبة مهـلة لمدة الأسبوع الأول من الدراسـة ، الله يوفقكم ويسهلكم أموركم عاجلا يـــارب
    طمنينا عنكم الله يطمنكم يــارب
    الفقيرإلى الله الفقيرإلى الله

    01:59 AM

  4. وعليكم السلام ورحمة الله وبركاتـــه

    وانتم بخير وصحة وعافية وسعادة يـــارب

    مابيننا شي كلنا في الملتقى أخوان وأخوات والغرض من الملتقى " نفيد ونستفيد " ،أول شي أختي الكريمة ماهو شـرط بإن الملفات تكون صيغتها pdf ! لأنو ملف الأخت لما سلمناه كانت بعض الملفات صيغتها pdf وبعض الملفات كانت صيغتها jpg والحمدلله انقبل ملفهـا ، بالنسبة لقرار الإلحاق ما أدري ايش دخله بفتح الملف " غريبة " !!؟؟ تأكدي من ملفاتـك اللي أرفقتيها تكون في مكانها المخصص واللي هي :
    وثيقة التخرج + شهادة التوجيهي " ثالث ثانوي " + قبول المعهد + I-20 + جواز السفر + ختم الخروج من السعودية + ختم الدخول لأمريكا > I-94 < + التأشيرة + الهوية الوطنية + كرت العائلة + قرار الابتعاث + الشيك الملغـي + الهوية الوطنية للمرافق ارفعيها في ملفات أخرى .

    الفقيرإلى الله الفقيرإلى الله

    01:56 AM


  5. المهم إن الوالد قال للموظف بإننا نبغا جواز الأخ " بدون قـيـود " ،

    فأعطانا الموظف ورقة تعهدات وقع عليها الوالد مع كتابه الاسم ، ووقعت عليها أيضا مع كتابة اسمي ، وسلمناها للموظف وسجل في الكمبيوتر بإن جواز سفري " بدون قيود " ،

    عشان يتأكد الأخ الكريم خليه يراجع الجوازات ويسألهم هل جواز سفره مقيد والا لأ ؟

    ادا " غير مقيد " يصير تمام ، لا سمح الله كان مقيد يصير يطلب من الموظف يحول جواز السفر إلى " بدون قيود " وان شاءالله إجراءاتها سريعة وهو واقف عندهم يوقع على ورقة التعهدات ويسلمهم هيا وانتهى الموضوع ،

    بس المشكلة احتمال كبير يطلبون توقيع واسم ولي الأمـر
    الفقيرإلى الله الفقيرإلى الله

    02:42 AM

  6. غريبـة !!

    طيب وضحلهم بإن الوزارة مشترطة لتسجيل الأخ في الملحقية من البرنت ؟

    لأنو أيامها لما رحت الجوازات وطلعت برنت وضحتلهم بإني بدون برنت الجوازات ماراح أسافر بالخارج ، والسفارة الأمريكية ماترسل خطاب لاي جهة كانت !

    وماقلي شي الموظف ،

    ان شاءالله يوم الاثنين راح أروح الأحوال المدنية على أساس أطلع برنت ليا وان شاءالله أقلك ايش اللي حيصير معايا ؟

    على فكرة تراهم أحيانا الله يهديهم يبغالهم الواحد يدخلهم في عينهم !

    بالنسبة لجواز السفر عن نفسي حضرت مع الوالد الله يحفظه في الجوازات وسألنا موظف الجوازات ؟

    هل جواز سفري يكون " بدون قيود " والا يكون " بقيود " ،

    لأنه عادة جواز السفر لمن أعمارهم أقل من 21 أو 20 سنة زي حالة الأخ الكريم وزي حالتي ،

    راح يكون الجواز مقيد بـ " حضور الوالد في المطار عند السفر ! " ،

    وأحيان يكون جواز السفر مقيد بـ " سفرية وحدة فقط ! "

    الفقيرإلى الله الفقيرإلى الله

    02:36 AM

  7. الله يسهلك أمورك وأمور المسلمين والمسلمات يــارب

    بالـتـوفيق
    الفقيرإلى الله الفقيرإلى الله

    03:32 PM

  8. طيب ايش يوديكي جدة الله يهديكي ويصلحكي ؟

    عندكم ينبع فيها فرعين :

    الفرع الأول : مركز النواء التجاري - هاتف : 043255528

    الفرع الثاني : مكتب مطار الملك عبد الرحمن بن عبدالعزيز - هاتف : 043980777

    لو حابة تعرفي فروع الطيار شوفي الرابط :

    http://www.altayyargroup.com/Arabic/altayyarlocations/pages/default.aspx
    الفقيرإلى الله الفقيرإلى الله

    02:37 PM

  9. عالبركة والله يسهلك باقي الإجراءات والأمور يــارب

    حاليا تاخدين قرار الابتعاث " احتياط " وأهم حاجة " جواز السفر " ،

    تروحين لمكتب الطيار واتقولين للموظف بإنك مبتعثة وجيتي تحجزين وتقطعين التذاكر ، راح يسألك الموظف عن الخطوط اللي حابتها ؟

    قوليلو الإماراتية يوم 24 أو 25 ، راح يعملك الموظف " حجز مبدئي " ويعطيكي ورقة فيها رقم الحجز ،

    تاخدين رقم الحجز وترسلينو بالايميل مع " جواز السفر + قرار الابتعاث " لايميل الطيار بالوزارة :

    Mohe.students@altayyargroup.com

    في خلال 48 ساعة كأقصى حد جاكي رد بالايميل بإن التذاكر صدرت ،

    يصير تروحين تستلمين التذاكر من مكتب الطيار ،
    ماجاكي رد لا سمح الله يصير تتصلين على الأخ فايز " 0505479501 " واتوضحين بإنك أرسلتي رسالة بالايميل وماجاكي رد !؟
    وبإذن الله راح يزبط باقي الأمور واتروحين تستلمين التذاكر من مكتب الطيارة ،
    أي تعب الله يوفقكي لكل خير ويسهلك أمورك ،
    * فين ساكنة على أساس تشوفين أقرب فرع للطيار ؟
    الفقيرإلى الله الفقيرإلى الله

    02:02 PM


  10. 7- راح تجيكي صفحة فيها اختيارين تختارين الحاجة اللي تناسبكي :
    1- تذكرة إلكترونية : من خلالها راح تدفعين تكلفة الرحلة بالكامل + بعد فترة قصيرة راح توصلكي التذكرة على الايميل .
    2- استلم التذاكر من أحد المكاتب المحلية لطيران الإمارات : من خلال هذا الاختيار راح تعملين حجز " مبدئي " وبعدها تاخدين معاكي رقم الحجز لأي مكتب من مكاتب طيران الإمارات
    * لو حابة تروحين على حساب البعثة " الوزارة " يصير تطبقين الخطوات من 1 ألين 4 وبعدها تروحين لمكتب الطيار واتقولين للموظف بإنك تبغين تسافرين على الإماراتية بتاريخ ..... على الرحلة ..........
    الفقيرإلى الله الفقيرإلى الله

    05:33 PM

عرض رسائل الزوار 1 إلى 10 من 19
لا يوجد نتائج اضافية
ليس هنالك نتائج لعرضها ..
ليس هنالك نتائج لعرضها ..
ليس هنالك نتائج لعرضها ..
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.