ارجوكم ساعدوني , من الألف الى الياء !
اول شي سلام عليكم ورحمة الله وبركاته ,, اخواني انا طالب في المرحله الثانويه آخر سنه وناوي اطلع للبعثه إلى أمريكا بإذن الله ,, وعندي كم استفسار ,, لا والله عندي استفسارات واجد الصراحه -_-" ,, وأتمنى انكم تساعدوني ومنتم مقصرين إن شاء الله
1- اول شي , اللحين الاوراق المطلوبه وشي ؟ ,, انا قريت صوره من بطاقة الاحوال والجواز وهالكلام هذا كله بس مدري لأي مكان أوديه وكيف اختمه ومن وين
2- خطاب الموافقه من الجامعه كيف ارسله ومتى ؟ ,,
3- اللي اعرفه انك لازم تدرس لغه ,, وانا ماعندي مشكله بس سؤالي هل الملحقيه تدفع لك مكافأه شهريه في هذي السنه اللي تدرس فيها اللغه ؟ ,, سواء كان معهد عادي او معهد تابع للجامعه
4- المكافأه اللي تقدمها الملحقيه للطلاب كم دولار ؟ ,, وكم تكاليف السكن عاده والأكل والإتصالات والأشياء هذي كلها
5- فيه فرق بين برنامج خادم الحريمن الشريفين والبعثه العاديه ولا كلها واحد ؟
6- وشي متطلبات الملحقيه او الجامعات للالتحاق ؟ ,, يعني النسبه الدراسيه بالشهاده وما إلى ذلك
7- انا قريت عن بورتلاند واللي اعرفه " للحين " انها جوها بارد ومب غاليه , فهل تنصحوني فيها ؟
*للمعلوميه انا ناوي ادخل تخصص طب بإذن الله , ف اللي عنده معلومه لا يبخل علينا :)
شكراً لكم من القلب على وقتكم وشكراً مقدماً لكل من بيرد علي ,, وبالأخير بأنبه تكفون اهم شي عندي كيفيه التقديم من الألف الين الياء ,, وإعذورني على التقصير وبعد كنت شوي مندفع بس العذر والسموحه دورت بالنت كله ومالقيت غيركم يهتم بهالأمور ,, شكراً لوقتكم
رد: ارجوكم ساعدوني , من الألف الى الياء !
وين رايح انت ^^
ماشا الله عليك متحمسـ
اللهـ يوفقكـ
مادري موضوعكـ بالقسم الصح او الخطأ بس مو مشكلهـ
برنامج خادم الحرمين الشريفين للابتعاث الخارجي
شروط الابتعاث
إجراءات الابتعاث من الإعلان حتى السفر
اقرا هذي المواضيع وراح تفهم حبه حبه ايش القصة من بداية الكتاب حتى الختامـ
^^ انا سعيد وانا اشوف هالحماس ، يارب موفق ،
رد: ارجوكم ساعدوني , من الألف الى الياء !
وعليكم السلام ...
يعجبني فيك حماسك ذيبان ..
تفضل ان شاء الله بتنفعك
بخصوص المعدل وغيرها فـ انتظر ع المرحلة الجايه وشوف الاعلان
وان شاء الله طلاب البكالوريوس الي قدمو ع هألمرحلة يفيدونك ..
http://www.mbt3th.us/vb/forum163/thread392483.html
http://www.mbt3th.us/vb/forum14/thread292450.html
http://www.mbt3th.us/vb/forum14/thread222535.html
رد: ارجوكم ساعدوني , من الألف الى الياء !
الله يخليكم ماقصرتوا والله :) .. بس برضوا عندي سؤال -_- < غثيكم واللهي ادري آسف بس تحملوني :( ,, اللحين انا قريت عن ولاية اوروغن . الظاهر اسمها كذا منب متأكد ,, المهم عجبتني من ناحية الامان والمعيشه وكلش ,, وانا اخترت بورتلاند لأني شفت انها افضل مدينه بالولايه , بس سؤالي هل فيه كليه طب هناك ؟ ,, او على الاقل في مدينه ثانيه تبعد عن بورتلاند ربع ساعه ناسي اسمها والله -_-" ,, انا اهم شي عندي اشوف في كلية طب او لا ,, شكراً لكم والله مقدر لكم صنيعكم :)
رد: ارجوكم ساعدوني , من الألف الى الياء !
يأخوي بالنسبه لطب الي عرفته ان في امريكا يكاد تكون مقاعده معدومه و غالباً طلاب الطب الدول الي يختاروها لهم هولندا و تركيا و المانيا و كندا و امريكا فقط لعلوم الطبيه . بالتوفيق اخوي و اتمنى اني ما حطمتك بس انشاء باقي الاخوان يفيدونك .
رد: ارجوكم ساعدوني , من الألف الى الياء !
أول شيء انت ركز على الشروط عشان تنقبل بعدين فكّر في متطلبات قرار الابتعاث
احنا فتح التسجيل كان في 2 رمضان وشروط خريجي الثانوية كانت كالتالي : 90 في الثانوية "علمي" + 80 قدرات + 80 تحصيلي .. اذا كنت مطابق للشروط فـ انت مقبول بإذن الله
التخصصات كانت كتالي : علوم طبية + صيدلة + تمريض + علوم صحية + فيزياء + كيمياء + أحياء + النقل البحري + الطب
كل التخصصات تقدر تبتعث لـ أمريكا و كندا والاغلب يروحون لهالدول .. إلا (( الطب )) يفتحون لهم .. إيرلندا + هولندا + المانيا + بولندا + كوريا + تركيا .. وأفضل الدول هي (( إيرلندا )) لأن الدراسة ولغة البلد بـ ( الإنقليزية ) وهي الأفضل .. شروط تخصص الطب لازم يكون معك 5 في الآيلتس .. ومب شرط يكون تجيب الدرجة وقت التسجيل .. معك وقت لين قبل إعلان الأسماء النهائية بأسبوع تقريباً اللي هو بداية شهر 12 ..
موفق
رد: ارجوكم ساعدوني , من الألف الى الياء !
سوف يساعدك NABEEL-ALAMOUDI HOT
رد: ارجوكم ساعدوني , من الألف الى الياء !
اخوي كيونا ,, اتمنى NABEEL-ALAMOUDI HOT مثل ماقلت وماقصرت :) وصح نسيت اسال -_-" ,, لازم اخذ في الايلتس 5 صح ؟ .. طيب 5 من كم ؟ يعني الدرجه الكامله كم ؟ ,, وهل اقدر اروح ايرلندا مثلاً وادرس لغه سنه كامله على حساب الملحقيه واكون مبتعث ؟ ,, او لازم اني ادرس النجليزي بجهدي ثم اختبر ايلتس في الرياض او اي مكان وبعدين اجيب لهم درجتي في الايلتس ؟ ,, وشكرا :)