ظاهرة : الأطباء السعوديون يبقون في كندا ولا يعودون ؟؟

شكرا على الردود ويبقى كل واحد مصر على اللي براسه

اللي قالو نرجع للسعوديه اعطيهم صفقه حاره

واللي قالو بنجلس يجي لك يوم تتحسف

سؤال ............ هل اخر دفعه تخرجت عادو الى السعوديه ام نفس ماقلت لن يعودون

وعليكم السلام ورحمة الله وبركاته ،، هلا بك اخت حور واشكر لك موضوعك والنقاش الرائع الذي دار فيه .

واسمحو لي ادلي بدلوي ولكم جزيل الشكر :

في الحقيقة هالظاهرة أنا شاهدتها بأم عيني وتفاجأت من كثرتها صراحة وأستفسرت عن الاسباب واستفسرت الاهداف واكتشفت التالي ، وطبعا كلامي عن الجميع وليس الاطباء فقط :

النوع الاول هو نوع مراهق عمرهـ لايتجاوز الـ 25 سنة ، يروح لكندا وينصدم بالحرية اللي عندهم وبالحياة اللي عندهم ويغتر فيها ويتعلق بالديرهـ وبالملهيات اللي فيها لحد مايضيع وينزنق ويرجع له عقله ثم يعود للسعودية .

النوع الثاني هم طلاب كانو مبتعثين وتم فصلهم من البعثة ،، فيقدم على اللجوء الكندي ويقعد فيها منها أنه يدرس مجانا ( بمدارس خاصة للاجئين توفرها الحكومة ) ومنها تعطيه راتب شهري بسيط ايضا ،، فيقعد يدرس ويلعب لحد مايمل أو يخلص يكنسل اللجوء ويعود للسعودية .

النوع الثالث وهم الاشخاص الفاهمين والعقلاء كالدكاترة وغيرهم ،، فهؤلاء بصراحة مألومهم اذا قعدو بكندا بسبب الاهمال والفساد والفوضة الموجودهـ في بلدنا ، لا وظايف مثل الناس ولا تعاملات في الدوائر الحكومية مثل الناس ولا اجواء مثل الناس والاهم من ذلك لا مستقبل مثل الناس ،،، فالواحد يحاول يطلع لولدهـ جواز كندي عشان يأمن مستقبل ولدهـ ويسندهـ بظهر قوي ، ظهر ماراح يخليه وقت حاجته وزنقته ،، اذا مالقاء سكن راح يوفرون له السكن واذا مالقاء عمل راح يدفونه براتب مساعد واذا يبي علاج راح يدفونه بأقوى المستشفيات علاج بدون واسطات على سرير وبدون حب خشوم .

فأذكر اني في احد المرات كنت مع محامي كندا وتفاجأت يوم أخبرني ان عندهـ اكثر من خمسين قضية لطلاب سعوديين مقدمين على اللجوء الكندي ،، فما بالك بباقي المحاميين ؟

فاللوم يقع على الديرهـ للاسف الشديد ونا أعتبر هالبعثات هي تسكيتات فقط ،، يعني انا ليه ادرس خمس سنين واضيع عمري في الغربة واخرتها ارجع واتكي في بيتنا ؟ ليه مايتم توفير الوظيفة لي قبل ماتخرج ،، بدل هالفراعنة اللي ماسكين المناصب والوزارات من عشرين سنة وفوق وكان مافي هالبلد الا هالولد .

والله تقابلت مع سعودي وكان موظف في محل مساج وقعدت اسولف معه وليه مقدم على لجوء وليه تارك ديرتك وبلدك ،، قالي ياخوي ديرتي ماتبيني ،، لا وفرت لي السكن ولا ساعدتني وقت زنقتي وشدتي والسرير ناخذه بالواسطة ومعاملاتنا تقعد سنين ونأخذها بحب الخشوم والترجي والدوائر الحكومية حدث ولا حرج بتعاملهم ونذالتهم والوظائف واسطات والعنصرية حدث ولا حرج ،،، لكن هنا وفروا لي السكن وعاملوني كأنسان وأحترموني وعطوني راتب شهري يساعدني وعالجوني بدون واسطات وماشفنا منهم عنصرية ابد ومعاملاتي الحكومية تجيني لحد باب بيتي وفوق هذا كله تحمل جواز كندي والذي يعد واحد من اقوى الجوازات في العالم بصراحة ،، وكلكم تسمعون بقضايا الاجانب اصحاب الجوازات الكندية وغيرها في بلدنا .

فيالاخوان انا لست معهم ولست ضدهم ،، انا لست معهم بترك بلدهم والاستسلام بهالشكل ومايقارن العيش في بلد مسلم عن العيش في بلد اجنبي وهذا شي منتهين منه ،، لكن ايضا انا معهم بان وضعنا فعلا سيئ في بلدنا والنظام سيئ جدا والاوضاع اسوء من السيئة مقارنة بمكانتنا وقوة بلدنا بالعالم ،، ومايقارن بلد بالعالم الاول عن بلد بالعالم الثالث هذا ان ماقلنا العالم الرابع بعد فلمتى السكوت .

ولو تلاحظون السفارة الكندية عندنا كانت أول تدقق على الاجانب المقيمين بالسعودية ،، لكن هالحين صارت تدقق على السعوديين بقوة خاصة بقضية عودتهم من كندا لان فعلا كثيررر طلاب سحبوا ومارجعوا .

فختامها الله يوفق الجميع ان شاء الله وكما قال عائض القرني وجدت أسلام بلا مسلمين في الغرب ، وفعلا اخلاقهم ونظامهم واخلاصهم تجبرك على احترامهم ( لا اتكلم عن دينهم او عاداتهم وتقاليدهم ) .

بالتوفيق

بصراحة اعجبني الموضوع جداُ
بأختصار سبب هجرة المبتعثين للأبد لأنهم وجدوا الفرق الشاسع من حيث التعامل والأنسانية والكرامة والمستقبل الزاهر
وخير الكلام ماقل ودل

"يومي طفل وانا اكل تراب ......رمله تغلغل في جوفي ( صح لسانك ياناصر القصبي)
ومايحتاج نتفلسف زياده يكفيني هذا الخبر في جريدة الرياض
http://www.alriyadh.com/2011/06/09/article640113.html

وطني وان جار علي عزيزًًًُُ
الله لا يخليني من هالثرا الطاهر ،، وجود السلبيات في كل مكان لكن برجوعنا واعين و مثقفين نساعد بإحلال العدل في بلدنا باننا نتعلم كيف النظام يقلل من الحاجة للواسطة
واسطة=رشوة=حراااام
الحصول على الجنسية الكندية للأطفال ممكن يساعدهم بالمستقبل بإكمال دراستهم مثلنا بأحسن الجامعات في زمن لن يتكرر فيه أبونا الغالي عبدالله بن عبدالعزيز حفظه الله و اطال بعمره