لمساعدة المبتعثين في مدينة GALWAY

السلام عليكم ورحمه الله ..
يسعد اوقاتكم جميعا ..انا بدوري ارحب بكل الاصدقاء القادمين الى قلاوي
واي مساعده بخصوص مرحله الماجستير لطلاب العلوم انا تحت امركم

لجميع العازبات القادمات للبحث عن سكن ..بقلاوي
انا ساكنه لحالي ..
الي حابه تتواصل معاي ..
عبر الموقع ..ودمتم بود

اطيب الاماني

اختي ملاذ .. السلام عليكم ورحمة الله وبركاته
انا بأذن الله طالعة على بداية السنة الجديدة الى جالوي ومعي اطفالي
ونفسي اتواصل معاك بخصوص السكن والتخصص والدراسة

تحياتي ..

مرحبا اخوي الله يسعدك كنت ادور عن احد يعطيني معلومات لاني ان شاء الله بشهر شوال طالعه لقالواي لدراسه في معهد والسكن مع عائله رايحه شهرين ان شاء الله وجدا متخوفه لكن هدفي اتعلم واستفيد عشان كذا سكنت مع عائله للاستفاده اكثر في اقصر وقت ممكن بالنسبه لي العايله حاطين شروط مثلا استخدام المويه والكهرب ممكن الاكل مايعجبني ايش الشروط بعد عشان اكون عارفه اكثر طبعا المعهد علموهم اني مسلمه مااكل خنزير والمشروبات الكحوليه لكني مازلت متخوفه وخايفه اكثر اني لحالي وبنت وش تنصحني مو اي شي اكله وشايله هم كيف اروح المعهد قالوا لي باص ينقلك بس متخوفه لكن عندي العزيمه بااذن الله اني استفيد واحقق هدفي رايحه لغرض الدراسه اللغه الله يوفقني ويسعدك يارب ويفرج لك مثل مافرجت وريحتني بمعلوماتك اتمنى المزيد من ناحيه الامان هل اقدر اطلع واجي مثلا اذا طفشت اذا ماعجبني الاكل كيف اقدر اتصرف وايش اجيب معي من السعوديه عشان مااحتاج شي وش المسموح اخذه معي

ملاذ حبيبتي ياليت تتواصلين معي خاص لاني في اساله ابي اسالها لوحده

اختي لانا السلام عليكم ..
قالوي بلد صغيرة وجدا امنه وجميله جدا واهلها جدا جدا طيبين روحي ولا تخافي وانصحك بمعهد اتلانتك .

اهلين ابتعاث انا انقبلت في معهد galway language center للاسف احس اني تحطمت لاني شفت كل احد يمدح معهد اتلانتيك وانه معتمد
طيب اذا انا رايحه مع مجموعه طلاب مع مشرفنا التربوي والدراسه على حسابنا الخاص اقدر اغير المعهد ؟؟؟
وبالنسبه للسكن انا طالبه اسكن مع عائله عشان اتعلم اللغه اسرع وشايله هم الباص كيف اعرف ؟؟لاني بصير انزل من السكن وانتظر الباص بس كيف اعرف اوقاته ؟؟
وبعدين وش تقترحون علي اسوي في الويكند عشان اسلي نفسي ؟؟

مرحبا انا في قالواي حاليا ادرس لغه شهرين وان اللحين كملت شهر واسبوعين في معهد وودي اطلع اسبوع مع اهلي لسياحه في دوله عربيه وش مفروض اسوي عشان اروح معهم وارجع لايرلندا ثانيه لتكمله دراستي ياليت احد يفيدني لان فيزتي مده ثلاث شهور ودخله وحده بس قالوا يمكن تقدرين اتمنى اي احد يعرف يخدمني الله يسعدكم بتفرجون لي وش الخطوات اللي مفروض اسويها

موضوع قديم عفا عليه الزمن!
قد لا يزال مفيدا في هذا الزمن!!
و تأكدي من معهدك هذا الزمن!!!

http://www.mbt3th.us/vb/forum124/thr...l#.XSG_pehKjIU

Good luck sis

^^^

http://www.mbt3th.us/vb/forum124/thr...l#.XSHGBOhKjIU