-
البطاقات الإئتمانية ( الفيزا والماستر كارد) مالك وماعليك نصائح مهمه ..
:wha: =========>> والله يا هو وسيم ماشاء الله
أسعد الله مسائكم بكل خير وصحة وأدام الله علينا وعليكم نعمة الإسلام .
إخواني وأخواتي الطلبة الكرام دفعني لكتابة هذا الموضوع حينما كنت أتناقش مع احد الطلبة في إحدى الولايات الامريكيه حيث انه يجهل تماما طريقه استخدام الفيزا وطريقة الاستفادة منها بشكل كامل . لذلك أحببت إن انقل لكم خبرتي في مجال البطاقات بحكم أنني كنت اعمل في احد المصارف في السعودية ولدي خبرة جيده في هذا المجال .
=========> > > قام يتنحنح عشان بيبدا يحتسي بالعامية عشان تفهمون علي .
الموضوع ياجماعه هو كالتالي أول شيء وش هي الفيزا والماستر كارد.
طبعا الفيزا والماستر كارد هي بطاقات إئتمانيه يعني انها تحتوي على رصيد بداخلها وتسمح لحاملها بالسحب منها بأي وقت يرغب بنسبه فائدة محدده متفق عليها مع العميل . طبعا الرصيد اللي في البطاقة يعرف بأسم ( الحد الائتماني) ومافيه مبلغ محدد هذا يرجع للجهة المصدرة للفيزا يعني مفتوح.
بالنسبة للشهرة بين الفيزا والماستر كلها تؤدي نفس الغرض لكن الموضوع صاير شهره فقط يعني الماستر كارد مشهورة في اوربا وبريطانيا تحديدا والفيزا في أمريكا يعني مثل اللي يشجع نادي مانشستر يونايتد واللي يشجع برشلونة فقط.
الفائدة من البطاقة الائتمانيه ( الفيزا والماستر ) :
طبعا اول فائدة انك تقدر تستخدمها عن طريق الانترنت لشراء الإغراض من أي مكان بالعالم وبأمان تام مع ملاحظه الابتعاد عن المواقع المشبوهه .
ثاني فائدة انها تريحك من حمل الكاش معاك وخصوصا في الدول المتقدمه وقليله الامان زي أمريكا يعني بدال ما تشيل معاك 1000 دولار عشان تشتري تلفزيون تأخذ البطاقه وانتهت السالفه .
ثالث فائده : يوجد بعض الفنادق ومحلات تأجير السيارات ما يأجرونك الا بالفيزا او الماستر لانها افضل طريقه يقدرون يامنون على سياراتهم او غرفهم . وفي نفس الوقت تقدر تحجز من الانترنت في أي مكان بالعالم عن طريق الفيزا . بمجرد إدخال رقم البطاقة .
رابع فائده : وهذي تقريبا اهم وحده فيها واللي اكثر الناس مايدرون عنها هي التأمين على المشتريات والحياه يعني مثلا انا محاكيكم فكرت اروح مثلا لأمريكا سياحة وحيت لمكتب السفر والسياحه وحجزت وقصيتا لتذكره عن طريق بطاقه الفيزا تدرون انك على طول تدخل في مجال تأمين على الأغراض حقتك وتأمين على حياتك !! بصراحه شيء مميز.
طبعا في ناس بتقول طيب وش استفيد انا بقول لك وش تستفيد.. تستفيد الله يسلمك لو معاك مثلا تلفزيون وحقين الشحن الله يطول بعمرهم كسرو لك هالتلفزيون وانت قاص التذكره عن طريق البطاقة الائتمانيه بس اتصل على الفيزا وبلغهم ويعوضونك عنه بكل سهوله .
حاجه ثانيه لو لا قدر الله صار حادث جوي وجاتك اصابه فيه تعويضات قد تصل إلى 250.000 ريال وهذا الشيء عشانك قصيت التذكره عن طريق البطاقه . (( يعني بأختصار تأمين على الحياه والمشتريات )) .
خامس فائده : هي الله يسلمكم ويطول اعماركم العروض المقدمه من شركة الفيزا العالميه والجهة المصدرة للبطاقة يعني كل فتره تلاقي جاي لك عالبريد عروض تخفيضيه مره مميزه قد تصل إلى 70% وهذا بشكل مميز لحاملي بطاقة الفيزا او الماستر ...
اشياء يجب الحذر منها عند استخدام البطاقة الائتمانيه :( مهم جدا ) :
اول حاجة وقبل أي شيء لما تقدم على طلب فيزا في نفس الطلب تلاقون مربع صغير اسمه حمايه الرصيد هذا طبعا موظفين البنوك مايتكلمون عنه لانه من صالح البنك وضد العميل . هذا لازم تأشرون عليه انكم تحتاجون الاشتراك في برنامج حمايه الرصيد والفايده من هذا البرنامج هو انه لو لا قدر الله صار وفاه لحامل البطاقه والبطاقه مطلوب عليها مبلغ 15000 ريال اذا اختار حمايه الرصيد تسقط عنه ولا يطالب الورثه فيها واذا ما اشترك صار البنك يطالب الورثه وطبعا عليها رسم بسيط جدا لايذكر واكثر الناس طبعا تغفل عن الشيء هذا .
ثاني حاجه اللي هي بيانات البطاقه حاول انها تكون غير واضحه للأشخاص من حولك. يعني رقم البطاقه واهم شيء الثلاث ارقام في ظهر البطاقه لان لو أي شخص عرفها يقدر يسحب منها بكل سهوله .وهذا تحذير مهم يجب علينا الانتباه له .
ثالث حاجه : في حالة فقدان البطاقه يجب على الشخص فورا الاتصال على الهاتف المجاني للجهة المصدره للبطاقة وايقافها فورا طبعا ايقاف مؤقت حتى يتأكد انه لقاها ويتصل ويشغلها لا يقول بدور عليها اول وبعدين اذا مالقيتها بوقفها .. طبعا ممكن في هالفتره يستخدمها أي شخص ويستغل المبلغ اللي فيها ..
رابع حاجه ان البطاقه جدا جدا جدا جدا مفيده في امريكا بشكل رهيب لان الناس هنا راقيه ولا يخلونك تستخدم البطاقه في المشتريات الا بعد التأكد من هويتك وهذا شيء مطمن بالمره مو مثلنا في السعوديه اقرب صيدليه وساحب ام الرصيد ولا احد يدري والرقابه ضايعه ..
طبعا فيه انواع من البطاقات الائتمانيه يكون فيها حاجه اسمها نقاط ولما تجمع نقاط تقدر تستبدلها اما بتذاكر سفر او اجهزه او هدايا اخرى ومادام انت في دوله راقيه مثل امريكا يعني ممكن تستخدم البطاقه في أي مكان لا اوصيكم في البطاقه استخدموها لو بمبلغ بسيط مثل دولار وراح تلاقون اخر السنه عندكم نقاط اقل شيء تبدلونها في اشياء حلوه تستفيدون منها في امريكا .
ملاحظه اخيره :- ممنوع دوليا ومن شركة الفيزا والماستر كارد وامريكان اكسبريس واكثر شركات البطاقات الائتمانيه اخذ عموله على المشتريات يعني لما تجي تشتري نقاط البيع يقول لك البايع ترا بناخذ عليك عموله طبعا لازم ترفض لان هذا ممنوع دوليا وتقدم بشكوى لمصدر البطاقه الخاصه بك. اما السحب النقدر ترا فيه عموله متفاوته بين 25 ريال إلى 45 ريال أو النسبه 3.5% ايهما اكثر . وايضا انصح بعدم استخدامها بالسحب الكاش فقط نقاط بيع افضل .
وأي استفسار انا حاضر واسف على الاطاله تعبت والله وانا اكتب
تقبلو تحياتي وفائق احترامي ، ، ، ،
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
هلا أخوي ،، الله يعطيكـ العافيه على الموضوع الحلو ،،
المستر كارد معي وفعلآ مريحه ،، وتغنيكـ عن أشياء كثيرهـ ،،
لكن ودي أسألكـ عن بطاقة (مسبقة الدفع) من البنكـ الأهلي ،، وهي بطاقة مستر كارد بالضبط
لكن مسبقة الدفع ،، أشوف الشباب يمدحون فيها مرهـ ،،
وش رأيكـ فيها ؟؟
وشكرى لكـ
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
بالنسبه للبطاقه اللي من البنك الأهلي ياغالي لازم انت تحط فيها رصيد وطبعا هي هل بديل للناس اللي مايقدرون يطلعون البطاقة اللي فيها رصيد من الاصل .
وكلها تعطيك نفس المميزات بس الفرق ان الاهلي لازم تشحن والثانيه يكون فيها حد ائتماني جاهز .
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
يعطيك العافيه اخوي والحقيقه استفدت منه كثير لان صديقتي
سفرتها الشهر الجاي .............
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
وربي إنهـآ ـأكبر نصــب
وتـآكل الواحد ـآكل
هي صح مفيده خصوصـآ ـأول الايام في أمريكـآ
بعدين إذـآ الواحد فتح حسـآب هنـآ خلاص .. يلغيهـآ افضــل
شكرـآٍ
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
يعطيك الف عافيه معلومات قيمه
انا عمومــآ مطلعه ماستر كآرد
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
معلومآت رآئعه الله يعطيك آلف عآفيه .. بس لو سمحت عندي سؤال حول هذه النقطه ..؟ لان الناس هنا راقيه ولا يخلونك تستخدم البطاقه في المشتريات الا بعد التأكد من هويتك المصدر: http://www.mbt3th.us/vb/forum127/thread171445.html#ixzz0k9Ww1rBj حفاظاً على حقوق الكاتب نرجو عدم حذف المصدر مبتعث ماذا تقصد بالهوية ..؟ بطاقة الاحوال المدنيه هل احتاجها في امريكا ام ماهي الهويه التي تقصدهآ واذا قلت الجواز فليس من المعقول ان احمل جوازي في كل مكان اتسوق فيه ارجو الاجابة وتقبل تواضع سؤالي ..
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
DeLcAtE
يعطيك العافية وماقصرت وبما انك لك خبرة فى المصارف ايش رأيك
التحويلات من بنك الى اخر مثلا من الاهلى الى بنك اوف امريكا والعكس
وبطريقة الاون لاين ويقولوا الاخوان اللى فى امريكا ان بطاقة صراف
بنك اوف امريكا تقوم مقام الفيزا والمستر كارد فى امريكا .
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
دنيا الغلا
حياك الله اختي اسعدني مرورك ويشرفني انه حققت لك لو استفاده بسيطه
ريم المدينه
ههههههههههه ليه معصبه يالغاليه روقي اعصابك
البطاقه فيها فؤائد كثير لكن المشكله ايش بالضبط.
البطاقة عليها عموله في التأخير بالسداد وتؤخذ بشكل شهري وهي عاليه نوعا ما
والغلط هو ان الواحد يطلع البطاقه ويشوف الحد الائتماني حقها مزبوط :tongue4: ويشوف هذاك اللاب توب اللي لونه بنك ولا احمر :1eye: ومايقاوم وبعدين يتأخر شهر وشوي مايدري الا هو عليه عمولات بدون مايدري . لكن لو انه استخدمها وسدد اول بأول صدقيني بيعرف الفايده منها ايش .وانا حاضر لو عندك اي استفسار يا خيتي
optimistic lass
اسعدني مرورك اختي وجميله انك تستخدمين البطاقه وتستفيدين من المميزات حقتها .
تحياتي لك
احساس عاشق
ياعزيزي الغالي بطاقة الاحوال السعوديه ما يعترف بها هويه لك.
يا اما بطاقة الطالب او الجواز السعودي اذا تشيله وياك او صورة من الجواز مصدقه من الملحقيه يعني اي هويه يشوفون فيها خشتك او يكون مثلا في بطاقتك صورتك ويحق لك تحط الصوره حقتك في البطاقه الائتمانيه.لان ماراح اصلا يخلونك تستخدمها بدون هويه لو ايش لان الاجراءات القانونيه في امريكا مره متشددين فيها وانت عارف لو مثلا تفقد بطاقتك ويروح الشخص اللي يلقاها ويستخدمها في محل عام وتجي تقدم شكوى ويطلع بالفعل ماهو انت اللي مستخدمها ...؟؟
باختصااااااااااااااااااااااااااااااااار
اقول لك بتصير مليونير لانك بتقدم شكوى وتطالب بتعويض وتعرف التعويضات في امريكا :tongue4: وبالتوفيق لك ياغالي .
الجرولى
شوف ياحبيب قلبي بعطيك الحل الافضل.
بالنسبه للتحويل من البنك الاهلي او غيره من البنوك السعوديه كلها تقدر تحول عن طريق الاون لاين. طبعا كل شيء بحقه وبرسوم عاليه صراحه.
لكن لو انت تحول مثلا بشكل دوري يعني كل فتره تحول انا انصحك تطلع بطاقة ائتمانيه من البنك الاهلي وتصير تودع في البطاقه حقتك وبكذا تستفيد انك تستخدم نفس المبلغ اللي بتحوله بدون البنك مايستفيد لان بصراحه البنك حط في بالك طالع ماكل ونازل ماكل يعني زي المنشار راح يستفيد منك بأكثر شيء يقدر عليه.. دايم خلك اذكى منهم..
وبالنسبه لبطاقه بنك او امريكا انا ما انصح انك تستخدمها فيزا يعني اول مايخلص رصيدك وقف لان ما حطو هالخدمه عشان سواد عيونك يا حبيبي.. وبالتوفيق لك.
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
شآكر لك آخوي على المعلومات القيمه ..
طيب آخوي بمآ ان لك خبره في هاالامور وش تفضل نآخذ مسبقة الدفع او العآديه ..
موفق
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
هلا بك اخوي راشد منور الموضوع يالغالي.
بالنسبه للعاديه او الشحن لازم تعرف نقطه مهمه.
الان عندنا في البنوك السعوديه عشان تاخذ بطاقة ائتمانيه فيزا او ماستر.
لازم تكون محول الراتب - او يكون عندك راتب في بنك اخر ويطلبون منك كشف حساب 3 اشهر - او انك تكون عميل مميز يعني رصيدك يتجاوز 100.000 ريال .
اما اذا ماعندك هالاشياء اللي ذكرتها مالك الا الشحن لانها حل بديل للي ماعنده دخل ...يعني الطلبه وغيرهم...
بس الفرق ان الشحن لازم تحط انت فيها المبلغ اللي تبيه....والعاديه يكون فيها حد ائتماني خاص فيها يعني ممكن يكون راتب او راتبين او 3 على حسب البنك .
وكل البطاقتين تعطيك مميزات الفيزا من ناحيه التأمين وغيره ..
تحياتي لك
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
نقطه مهمه :-
يا اخوان اللي يبغى بطاقة يقدر يطلع عن طريق والده او والدته بطاقة تابعه...بأسمه
يعني اللي والده مثلا يعمل وله دخل شهري او متقاعد مثلا يقدر يحصل على بطاقة تابعه بأسم الابن وبرصيد كويس بعد...
بالتوفيق
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
مطلع الراجحي .... مسبقة الدفع وبصراحة حلوة وممتازة
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
مرحبا بك اخوي طارق
يعطيك العافيه لمرورك على موضوعي... واسعدني تواجدك...
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
الله يعطيك العافية وماقصرت اخوي على المعلومات .. ولكن اخوي عندي سؤال انت تقول انه ممنوع دولي احد ياخذ عموله على المشتريات طيب انا ان شاء الله ابطلع في الصيف وكنت ناوي ان اسدد المعهد عن طريق الماستر ولكن لقيت مكتوب ياخذون عمولة 3 في المئة . و قد سافرت في دول شرق اسياء ومعظم الفنادق والمطاعم ياخذون عمولة .
يعني لو تتكرم في هذي الحالة وش اسوي هل اتصال على الشركة ماستر او ماذا
ولك التحية
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
اخوي الف شكر على المعلومات
لكن حبيت اسال سؤال يمكن يكون غبي شوي
انا لي حساب في بنك وطلعت من عندهم فيزا كارد طبعا استخدمتها ورحت
تذكرت بعد ماراح شهرين على الموضوع وقلت ابغى اسدد قالوا لي الفيزا كارد ماعليها شي لاننا كل 20 الشهر دايركت نسددها ومافي رسوم تاخير عليها
السؤال هنا هم من وين يسددونها ؟؟؟
الف شكر اخوي مرة ثانية
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
جزاك الله خير والله موضوع مفيد
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
الله يعطيك العافية وماقصرت اخوي على المعلومات .. ولكن اخوي عندي سؤال انت تقول انه ممنوع دولي احد ياخذ عموله على المشتريات طيب انا ان شاء الله ابطلع في الصيف وكنت ناوي ان اسدد المعهد عن طريق الماستر ولكن لقيت مكتوب ياخذون عمولة 3 في المئة . و قد سافرت في دول شرق اسياء ومعظم الفنادق والمطاعم ياخذون عمولة .
يعني لو تتكرم في هذي الحالة وش اسوي هل اتصال على الشركة ماستر او ماذا
عزيزي العموله والله العظيم ممنوعه عالميا واكبر دليل ترا الأماكن 5 نجوم والاماكن الكبيره المعروفه ماياخذون منك عموله وجرب بنفسك روح لأكسترا ولا اكسيوم ولا بنده ولا فندق الشيراتون والانتركونتنتال شوف ياخذون منك ولا لا .
وبأمكانك مراسله الشركة الأم والتأكد بنفسك من هالشيء لانه استغلال للشخص.
وبعدين اذا قالو لك بناخذ عليك 3% ياحبيبي روح لعبدالصمد حق الساعات ويسحب لك المبلغ ويعطيك اياه كاش ارخص من هذولي وفيه محلات الذهب تقدر تشتري لك طقم ذهب وتبيعه عليهم بخصم مبلغ بسيط مايضرك وبكذا يطلع لك اوفر من 3% .
اتمنى ردي يكون واضح لك
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
الله يعطيك العافية\
مروري
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
مراحب shine star
بالنسبه لطريقه السداد الله يحفظك ويطول بعمرك
اذا كانت البطاقه مصدره من حساب يوجد به رصيد في نفس البنك يكون الحسم من نفس الحساب
وطرق السداد كالتالي :
اما يكون خصم مبلغ 5% من المبلغ المستخدم والبعض يكون 4%
او يكون مبلغ ثاتب العميل يقوم بتحديده
او يكون كامل المبلغ المستخدم على البطاقه يعني تستخدم 1000 يخصمون من حسابك 1000 بعد مرور 45 يوم من تاريخ العمليه .
واذا ماعندك حساب في نفس البنك اللي اصدرت منه البطاقه .
فيه نموذج يتعبى مع طلب اصدار البطاقه اسمه نموذج الحسم المباشر يمكن البنك من خصم الرسوم عليك حتى لو ماعندك حساب عنده.
مثال : عندك حساب في بنك الرياض واصدرت بطاقه من سامبا (( نموذج الحسم المباشر )) يمكن بنك سامبا من خصم الرسوم من حسابك.
اتمنى يكون واضح الرد وتقبلي تحياتي
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
Mattoo
دكتورة طموحة
اسعدني مروركم واتمنى لكم الفائده اعزائي
تحياتي لكم
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
طيب مايصلح استخدم بطاقة الصراف من البنك الي في امريكآ .. لاشتراء السلع ؟؟
يعني تكون بدال ماتحمل كاش .. تحمل بطاقة الصراف وتمررها على جهاز نقاط البيع وبإدخال الرقم السري يتم حسم المبلغ من حسابك ؟؟
وشكرآ لك :)
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
الا ينفع اكيد
بس انا اتكلم عن مميزات البطاقه الائتمانيه الاخرى ياعزيزي
اقرا الموضوع مره ثانيه وقارن بين البطاقه الائتمانيه وبطاقه الصراف الالي ... وبتعرف
تحياتي لك واسعدني مرورك
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
يعطيك العافية معلومات جديدة بالرغم ان لي 8 أشهر وانا استخدم بطاقة فيزا من بنك البلاد
لكن السؤال كيف أعرف كم لي نقطة حتى استفيد منها كمكافآت ؟؟؟
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
اقتباس:
المشاركة الأصلية كتبت بواسطة DeLcAtE
مراحب shine star
بالنسبه لطريقه السداد الله يحفظك ويطول بعمرك
اذا كانت البطاقه مصدره من حساب يوجد به رصيد في نفس البنك يكون الحسم من نفس الحساب
وطرق السداد كالتالي :
اما يكون خصم مبلغ 5% من المبلغ المستخدم والبعض يكون 4%
او يكون مبلغ ثاتب العميل يقوم بتحديده
او يكون كامل المبلغ المستخدم على البطاقه يعني تستخدم 1000 يخصمون من حسابك 1000 بعد مرور 45 يوم من تاريخ العمليه .
واذا ماعندك حساب في نفس البنك اللي اصدرت منه البطاقه .
فيه نموذج يتعبى مع طلب اصدار البطاقه اسمه نموذج الحسم المباشر يمكن البنك من خصم الرسوم عليك حتى لو ماعندك حساب عنده.
مثال : عندك حساب في بنك الرياض واصدرت بطاقه من سامبا (( نموذج الحسم المباشر )) يمكن بنك سامبا من خصم الرسوم من حسابك.
اتمنى يكون واضح الرد وتقبلي تحياتي
فهمت الحين - مشكووووور يااخي الفاضل والله يعطيك الف عافية على الرد
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
مستفسر عاجل
يسعد لي مساك ياغالي
بالنسبه للأستفاده من مكافئاتك من بنكك هذا حسب المكافأت اللي يقدمها البنك وطبعا هي تختلف من بنك إلى بنك أخر وبالرجوع للبنك اللي تتعامل معاه راح تتيسر لك المعلومه .
اما اللي اقصده في الموضوع ليس المكافأه فقط ياغالي اقصد المميزات الاخرى من ناحيه التأمين على الحياه والأمتعه وغيره .
اتمنى يكون واضح ردي
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
اقتباس:
الا ينفع اكيد
بس انا اتكلم عن مميزات البطاقه الائتمانيه الاخرى ياعزيزي
اقرا الموضوع مره ثانيه وقارن بين البطاقه الائتمانيه وبطاقه الصراف الالي ... وبتعرف
تحياتي لك واسعدني مرورك
تعرف الي ماقد طلع من السعوديه هع هع ونآوي على امريكا على طول .. فيصير مايعرف شي :)
جزاك الله خير .. وكثر الله من امثآلك ..
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
انا في الخدمه طال عمرك واهم شيء لا تحرمنا من دعائك وتقبل تحياتي
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
DeLcAtE
يعطيك العافية اللى اشوفة وهذة وجهة نظر
بدل اخذ بطاقة ائتمانية من هنا مرة وحدة افتح حساب فى بنك اوف امريكا وبطاقة الصراف اللتى يمنحنى اياها
تقوم مقام البطاقة الائتمانية ولايكون فى فرق عملة ولا عمولة وبكل تأكيد زى ماتقول اول مايخلص الرصيد
تتوقف نفس نظام البطاقة الائتمانية وبطاقة مسبوقة الدفع هنا مافى رصيد مافى سحب.
والبطاقة الائتمانية المحلية بصراحة ماتدرى كم ياخذوا عليك عمولة وفرق عملة . وارجع لموضوع ال ون لاين
اعرف بالضبط كم يتحصلوا على عمولة لان الحساب تحت يدى اول باول سواء حساب الداخل او حساب الخارج
وأغذى حسابى فى الداخل دولار واسحب فى الخارج دولار وانا اشوف ان هذا اقل تكلفة... ومنكم نستفيد.
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
اهلا فيك اخوي
كلامك جميل وواقعي .
وتقدر اذا انت مفكر في موضوع فرق العمله انك تطلع بطاقة ائتمانيه من بنكك اللي في امريكا وكذا تكون تجنبت فرق العمله واستفدت من المميزات حقت البطاقة الائتمانيه .
تحياتي واسعدني مرورك
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
مشكور والله يعطيك الف عافية
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
المستر كارد معي وفعلآ مريحه
وبالتوفيق لك
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
طيب لوالبطاقة المااستر ماهي باسمي باسم اخوي
اقدراستخدمهاااا في امريكاااا والا فيه تعقيد
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
السلام عليكم ورحمة الله وبركاته
شكرا اخوي على المعلومات الحلوه
وللمعلوميه ياخواني واخواتي كلام اخوي
DeLcAtE صحيح ميه بالميه وانا شخصيا استعمل بطاقة ماستر كارد
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
candle in the wind
هلا ومرحبا فيك يالغاليه اسعدني مرورك واتمنى لك التوفيق وعلى فكره اسمك يجلب الامل .. .اتمنى لك من اسمك نصيب
امل الوهم
مراحب فيك اختي .
بالنسبه للبطاقه مايحق لك تستخدمينها ااذا كانت بأسم اخوك لكن اذا تحبي تقدري تخلي اخوك يطلع لك بطاقة اضافيه وتكون بأسمك ومن حسابه .. بكذا تقدري تستخدميها بكل راحه .. تقبلي تحياتي .
ابوبدر2010
gip007
ابو بدر والاخ جيب اسعدني مروركم وتقبلو تحياتي يا حلوين
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
يعطيك العافية أخي DeLcAtE
موضوع جداً مفيد
عندي استفسار:
بخصوص الدفع عن طريق بطاقة الماسترد كارد مسبقة الدفع هل يتم أخذ عمولة وفرق العملة من قبل البنك الأهلي أم لا؟
تقبل تحياتي
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
سؤال ياطويل العمر
اذا بقيت اشحن بطاقة مسبوقة الدفع من حساب الوالد وانا في امريكا والبطاقه بأسمي هل استطيع ؟
وهل فيها عموله؟
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
H-day
بخصوص الدفع عن طريق بطاقة الماسترد كارد مسبقة الدفع هل يتم أخذ عمولة ( النظام لايسمح بأخذ عموله وتقريبا نسبة 90% من المحلات في امريكا ماياخذون عموله) وفرق العملة من قبل البنك الأهلي أم لا؟ ( عاد البنك الأهلي ماشاء الله متوصي تمام احسن بنك ياخذ فرق عمله بس ما هي الشيء الكبير مره لان الدولار يعتبر عمله قويه والريال مرتبط فيه فهذا لا يؤثر كثيرا بعكس لو كانت بعمله اخرى. )
الله يهديك مالقيت غير هاللون ؟؟
حروف دفينه
بقيت اشحن بطاقة مسبوقة الدفع من حساب الوالد وانا في امريكا والبطاقه بأسمي هل استطيع ؟
اكيد تقدرين اختي الطريقه كالتالي :-
اذا عن طريق الفروع طلب تحويل :
كأنك بتحولين لشخص من حسابك إلى حسابه وتحطي مكان الحساب رقم البطاقة الائتمانيه وتكتبين اسم الشخص صاحب البطاقة الائتمانيه. وتكتبي في الشرح مثلا (( سداد بطاقة الفيزا)) .
واذا على النت نفس المذكور اعلاه ولكن بعض البنوك السعوديه تشترط اضافه المستفيد قبل التحويل يعني عبي البيانات وحولي على راحتك .
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..
شكرا لك اخوي على المعلومات القيمة
-
رد: البطاقات الإئتمانية ( الفيزا والماستر كارد) مالك وماعليك نصائح مهمه ..