الى من يهمهم امري لأني لو كنتو في مكآنكم لأفدتكم.. ارجوكم اني في احتياجكم

انت ماتقدر تطلع بفيزة سائح وتدرس .. حتى لو 3 شهور
انت بس تجيب لك قبول تقدم على فيزة يا اف ون ( وهو فل تايم ) او اف تو وهو ( شورت تايم )
وفي 3 شهور ماعتقد راح تتحول بعثة .. مو بهالسهولة وبهالسرعه .. غالبا الواحد يتحول بعثة لما يبدأ جامعه
وعلى حسب الجامعات يعادلو لك .. يعني اذا تبغى احد يعادل لك لازم تدور لك جامعه تعادل ..

والله يوفقك ويسهل عليك

الله يوفقك اخوي وتلقى احد يعطيك العلم عن تجربة ..
بتستفيد اكثر من الطلاب الي انضمو للبعثة عن طريق الدراسة على حسابهم في البداية ابحث عنهم في ردود المواضيع وارسل لهم رسائل خاصة وان شاء الله بيفيدونك .. وبتلقى تجاوب اكثر .

بالنسبة للي اعرفه .. التقدم للجامعات الأمريكية يتطلب فيزا F-1
يعني احرص يكون عندك f-1 من هنا ..
ثاني شي قدم على معهد وحتى لو تطلب منك تسجل ببرنامج دراسة اكثر من 3 شهور
فيه اختبار لتحديد المستوى في المعاهد يعني راح تختبر وتحدد مستواك وبعدين يحطونك في المستوى الملائم
فرضا مرت ال3 شهور ولا انضميت للبعثة .. بتكون استفدت لغة خلال هالثلاث شهور .. ولسى مقعدك بالجامعه بالسعودية موجود لو حبيت ترجع ..

- لو تحدد مستواك باللغة في المعهد وكان في احد المستويات المتقدمة ( باعتبار ان دراستك بالغة الانجليزية ) تقدر خلال هالثاث شهور تنسق مع المعهد يوفر لك دورات اعداد للتوفل او لل Greاو جيمات او ايلتس .. وتختبر وتحقق الدرجات المطلوبة للالتحاق بالجامعات الأمريكية على حسب كل جامعة وشروط قبولها ..

فترة 3 شهور يمكن تكون فعلا قصيرة لكن مو مستحيل ان الواحد يسوي كل هذا فيها ..
اذا كانت مواعيد الأختبارات التأهلية متوافقه مع فترة دراستك ولغتك الأنجليزية قوية مممكن تلاقي قبول بالجامعه ..
واذا مره مره .. انضغطت ومو حاب تفرط بمقعدك وحاب تستمر في الدراسة برا .. أجل ترم .. في الجامعه .. وشوف
يضبط الوضع .. ولا لا ..

لا تنسى اطلع على شروط انضام الطلاب الدراسين على حسابهم ..لبرنامج البعثة .

بالتوفيق ..

يعطيكم العافيه ماقصرتو الله يسعدكم ويوفقكم
بس حبيت سهل لو طلعت وقدمت على الملحقيه واخذت دوره انجليزي ورجعت للسعوديه اكمل دراستي.. ممكن يجيني قبول وانا هنا .. واطلع بعدها اكمل درآسه في امريكا

اولا اخوي حبيت اقول لك ان فيه جامعات تعادل المواد التي اخذتها في جامعتك .. لاسيما اذا كانت المناهج دوليه .. وعلى حسب المنهج وعلى حساب الجامعه التي سوف تعادل لك ..
ثانيا .. عشان تفتك من وجع الراس والاخذ والعطا الحل عندي ..
قدم وانت هنا على قبول مشروط يعني معهد وجامعه ... ورووح هناك .. واول ماتوصل قدم على الملحقيه وسجل اسمك .. ويضمونك بعد فتره ..
وتقدر تاخذ فيزا 5 سنوات من السفاره الامريكيه بهالقبول المشروط اللي راح تجيبه من اي جامعه ..
ومو لازم انك تبحث عن الجامعه اللي تعادل لك .. هذي امرها بعدين .. يعني انت اولا بتروح تدرس لغه هناك .. وهذي يبي لها اذا كانت لغتك حليــوه اقل شي 6 شهور .. في هالفتره تقدر تبحث بأمريكا وانت هناك وقريب عن الجامعات التي تعادل لك المواد التي اخذتها ..
وتنام وانت مرتاح البال .. اتمنى ان اكون افدتك ..
واي استفسار ادخل على ملفي وسجل رسالة زوار لاني يمكن انسى اخش الموضوع مره اخرى