إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراتهم

شكرا لك يا هندسة
بالنسبة للتعويضات فهي مثل ما قلت قسمين ,تعويض مراسلات , وتعويض رسوم أصدار التأشيرة,
تعويض المراسلات يكون بعد موافقة الجامعة على الابتعاث والتعويض التأشيرة يكون بعد اصدار القرار النهائي للإبتعاث بحكم أن تعويض رسوم الـاشيرة يجب أرفاق صورة من قرار الإبتعاث
والسلام ختام

السلام عليكم..
أخوي أنا قدمت أوراقي بداية الترم هذا يعني تقريبا بقي على دراستي شهرين و20 يوم
وتأخرت المعاملة في مجلس القسم لأنه للأسف ما اجتمعوا لمدة اسبوعين والمعاملة متوقفة
اجتمعوا الاسبوع الثالث ومشت الامور بعدها مجلس الكلية للأسف الاسبوع اللي راح
وهذا الاسبوع ما اجتمعوا والوقت يمشي بقي على دراستي شهر و5 ايام
قالوا لي الاحد القادم تنعرض في مجلس الكلية
سؤالي هل شهر يكفي حتى تطلع من مجلس الكليه وشؤؤن الابتعاث ويصدر قرار الابتعاث

انا خايفة أنها تطول ما تنعرض في اجتماع لجنة الابتعاث يعني نفس مجلس القسم والكلية يتأجل
التأخير كان من مجلس القسم والكلية ما ذنبي تتأخر معاملتي والسبب مو مني..
يا ليت تطمني والله اني على اعصابي ..
شكرا لك والله يسعدك يا أخوي على هالمعلومات ويوفقك دنيا وآخره
وأعتذر ع الاطالة..

::::::::::::::::::::::::::::::::
سؤال ثاني بخصوص معهد الجامعة
اللي لازم يكون فيها التخصص اللي انا اطالعة عليه
في شغلة مو فاهمتها
انا مستواي في الانجلييزي ضعيف جدا ومعاهد الجامعات اللي وقع الاختيار عليها(اكسفورد بروكس+ريدينق)
تطلب درجة في الايلتس عشان بس ادخل معهد اللغة اللي فيهم
طيب كيف وانا اساسا لغتي ضعيفة ؟؟؟قصدي مو مفروض ادرس اول شي جنرال وبعدين ابدا الاكاديمي ؟؟؟ هل الحل اني اجيب قبولين واحد للمعهد حق الجامعة ؟والثاني لمعهد خارجي ؟ غير القبول الاكاديمي؟؟

اسفة عالاطالة بس من جد احتاج اجابة لهالاسئلة ؟؟ولا ادري مين ممكن يريحني باجاباتها ؟؟

:::::::::::::::::

ولك مني دعوااات في ظهر الغيب

مسيك بالخير يا مبتعثة قريباً,
بإذن الله إذا وصلت أوراقك لعمادة شئون أعضاء هيئة التدريس والموظفين قبل شهر من دراستك فإنتي في وضع الأمان ولا عندك أي مشكلة لكن من باب الحرص خوذي رقم المعاملة ينفعك كثير عند أتصالك على إدارة تنمية الموارد البشرية للسؤال عن وضع المعاملة, وللتذكير لا تنسين تتأكدين أن رد الوزارة بالموافقة على أستكمال أجراءات أبتعاثك, (الأرقام الخاصة بالقسم النسائي موجودة بالموضوع الرئيسي).
والسلام ختام

مساء الخير يا شموخ أنثى,
معليش بس سؤالك الأول كان حكاية لذلك الثاني ما أنتبهت له
عموما اللي فهمته أنك تحصلتي على قبولين الأول للغة والثاني قبول اكاديمي, وسواء كان قبولك لغة فقط أو قبولين لغة وأكاديمي دايماً القبول يكون مشروط بدرجة أيلتس أو GRE وغيره , وإنتي أول ما توصلين مقر البعثة يسون لك أختبار للغة وأختبارك يحدد مستواك وعلى حسب درجتك يحددون لك المستوى اللي بتدرسينه وبحكم أن لغتك ضعيفة فالاختبار بيكون تحصيل حاصل وبتدرسين اللغة من المستوى الأول, والمحددة لدراسة اللغة هي سنتين كما نصت لائحة الإبتعاث لمنسوبي الجامعات, وأتمنى أيضاً تتاكدين أكثر من زميلاتك المبتعثات بحكم أنهن دخلن جو الدراسة.
وشكراً لك على كلامك الجميل واتمنى لك التوفيق وترجعين بأعلى الدرجات.

اخوي موارد بشرية ...

قبل شوي اتصلت بالمسئولات في القسم النسائي , وبلغوني انه لازم يكون فيه اصول تسديد الفيزا عشان يعوضوني

طيب الأصول تاخذها السفارة الامريكية اللي هي وصل تسديد سامبا , وبالنسبة للسيفيس انا طبعته من النت لإن التسديد عن طريق البطاقة الإئتمانية ,
قالت لي المسئولة انهم رح يرفضون الاوراق بحكم انها مش الأصل ,

طيب كيف يكون التعويض اجل دام الاصل مع السفارة ؟؟

والشئ الأهم كم ياخذ وقت الى مايعوضونك ؟ وايش الاشياء المطلوبة ؟ هل لازم خطاب و و و ؟ او بس اعطيهم ايصالات سامبا وايصال السيفيس ؟

تحياتي لك

أخوي الموارد البشرية

الف شكر يالغالي

والله مجهود تشكر علية وان شاء الله يكون في موازين حسناتك

بالنسبة لي نفس سؤال الاخت اللي سبقتني بالملي

لك مني كل تحية وتقدير

موفق يالغالي ..

مساء الخير,
بالنسبة لسؤالك يا blueberry
فيه ملاحظة إنتي لما كلمتي القسم النسائي كان ودي أنك سالتيهم عن حل!
والحل بسيط جداً
طبعاً عملية السداد للحصول على للتأشيرة الأمريكية يكون عن طريق بنك سامبا بعدة طرق الأولى:التحويل عن طريق بنك سامبا
والثانية:السداد عن طريق البطاقات الإئتمانية.
وكل هالعمليات المالية هذي مسجلة بكشف الحساب لدى البنك, وكل ما عليك أنك تأخذين كشف حساب لحسابك البنكي أو كشف حساب للبطاقة الإئتمانية اللتي تم السداد منها والتأكد من ختمه من البنك بأن الكشف صحيح والنسخة أصلية والكشف سيكون به تفاصيل ماليه كثيرة لكن ما عليك إلا ان تضللين العمليات المالية الخاصه بسداد رسوم الحصول على التأشيرة الامريكية بقلم التضليل الأصفر أو أي لون يوضح تفاصيل المبلغ المدفوع, وترفقين السيفس التي حصلتي عليها من الإنترنت و كل صور الإيصالات اللتي عندك, ومثل ما ذكرت في الموضوع الرئيسي توجد خطابات خاصة بالتعويض للمراسلات والتأشيرة تفاصيلها بموجودة بالموضوع الرئيسي.
وبالنسبة للمدة التي تستغرقها التعويضات المالية طبعاً بعد ما ترفع إدارة تنمية الموارد البشرية طلب التعوييض تحال المعاملة للإدارة المالية والمدة ترجع للإدارة المالية وبما سمعت من المعيدين أن العملية تاخذ ما بين أسبوعين وقد تطول على حسب مزاج الإدارة المالية
وللتأكيد أرجوا عدم نسيان رقم الصادر المكتوب بالمعاملة عن طلبك للتعويض لأن إدارات الجامعة عند سؤالها عن أي معاملة يطلبون رقم صادر المعاملة للوصول إليها سريعاً. وحتى أنتي ممكن تعرفين وين وصلت معاملتك عن طريق الإتصالات الإدارية على نظام مدار بكليتك إذا كان رقم المعاملة عندك.
وممكن تحصلي على رقم الإدارة المالية من موقع الجامعة أو أقول هذا هو رقمهم 014677676
والسلام ختام

العفو يا محمد,
وشكرا على كلامك الجميل
والأجابة في الرد اعلاه واتمنى تكون شافية ووافيه