إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراتهم

وعليكم السلام,
من الاخطاء اللي يقع فيها كثير من الناس انهم يولون أو انهم يتكلون على حريم, سبحان من حط فيهن الحسد على بعض.
لكن نصيحتي لك أرسلي أحد من الرجال لقسم الرجال ويكلمهم وهم يساعدون بالتواصل مع الموظفات اللي داخل.
ويعينك الله

المشكله اخوي تفشلت كل مره ارسل رجال لهم على اساس يقولون ابد خليه يجي بكره ماله داعي تجين
ويتمشور ولا سوو شي
واروح لهم ويتكرر الموال .

والرجال يقولون مالنا دخل بشغل الحريم ورفضو يكلمونهم وهذا اخر شي صار اليوم
الي موب قادر يشتغل برمضان ياخذ اجازة ابرك له وللمسلمين الي متعطله امورهم عشانه .

سلام عليكم اخوي موارد بشرية
انا صدر قرار ابتعاثي من جامعتي على قبول جامعة ومعهد لغة وكاتبين اسم الجامعة والمعهد بقرار الابتعاث وانا ناوية اغير المعهد اول ما اروح بلد الابتعاث امريكا سؤالي : لازم موافقة الجامعة اللي مبتعثتني على تغير المعهد ولا لا ؟ وايش النظام المعمول فيه في هذي الحالة
وجزاك الله خير دعواتي لك بالتوفيق

هي الدنيا كذا لازم تأخذ فيها شي يمرمطك وإلا تبون الدنيا بالسهاله
عموما الحل رجل ينشب لهم وإنتي أوقفي لهم على رجلينك ولا تروحين لا قالوا لك تعالي بكرا
بعدين أن خربت معهم مرررة أتصلي على تحويلة مدير عام شئون الموظفين , احمد الطيار, يطب في بطونهم.

يعينك الله

وعليكم السلام,
أنا كني شايف أحد مثل أسمك كان يهاوش الإسبوع اللي فات علشان يستلم قرار الإبتعاث

زين دامك أستلمتي القرار فالأمور متسهلة,
بالنسبة للمعهد تقدرين تغيريينه كل ما طنت برأسك >>> كل ما كان في خاطرك معهد ممكن تنتقلين له, لكن لازم تكون الملحقية على علم بإنك إنتقلتي لأن فيه قائمة بالمعاهد اللتي يعترف بها الملحق. ولا يحتاج ترجعون للجامعة.
هذا والله اعلم

مرحبا شباب
بالنسبة لابتعاث جامعة سعود هل يشمل الموظفين غير السعوديين؟؟؟؟

اهلين,
الابتعاث فقط للسعوديين

السلام عليكم ورحمه الله وبركاته
مبارك عليكم الشهر وكل عام وانتم بخير
أخي الفاضل / الموارد البشرية
اود السؤال عن مدة صلاحية الضمان المالي _ الى متى يكون ساري المفعول _
او لاعلاقة لتاريخ صدوره من الجامعه بالمراسلات في الخارج
لان لدي ضمان مالي من عده اشهر ولم اراسل الجامعات لظروف معينة
وحاليا" اود مراسلة بعض الجامعات فهل احتاج اصدار ضمان مالي جديد
شاكره لك تعاونك مقدما"
واسال الله ان يثيبك ويوفقك ويوسع في رزقك ويرزقك من حيث لاتحتسب
موفق لكل خير ...،،،

وعليكم السلام ورحمه الله,
وانتم بألف خير,,
الضمان المالي مدته شهر واحد من تاريخ أصداره, لذلك يجب مراجعة الجامعة الملك سعود لإصدار ضمان بتاريخ جديد حتى لا يتم رفضه من قبل الجامعات الخارجية.

وجزاك الله خير على دعائك الجميل.
هذا والله اعلم

كل الشكر اقدمه لك على سرعه جوابك وسعه صدرك فمن لايشكر الناس لايشكر الله
وانت حقا" شخص تستحق الشكر والتقدير والاحترام
سائله المولى عز وجل في هذه الليالي المباركة ان لايحرمك اجر ماتقدمه لاخوانك واخواتك وان يجعله في ميزان حسناتك يوم تلقاه
كلمات شكري تقف عاجزة فلم املك سوى ان ادعو لك بكل الخير والسعادة