السلام عليكم ورحمة الله
أخواتي الكريمات اتمنى من كل وحدة راحت المقابة تجي تقولنا اش صار معاها؟
وشكراً لكن مقدماً.
&&جروووح&& December 12th, 2010, 12:46 PM
7 " الحمد لله تمت المقابله على خير لكن حقيقة تعتبر اطول مقابلة سويتها للان
اولا كان في اختبار تحريري من الساعه 9 الى 10 كان نوعا ما يميل للصعوبة فيه اسئلة موضوعيه ومقاليه
كان معايا 3 بنات وانا الرابعه
المقابله كانت عالساعه 12 بدأت
في المقابله كان في دكتوره ووكيلة الكلية وعن طريق الهاتف 3 دكاتره
طبعا يسألوا في التخصص مره كثير الدكتور الواحد يسأل تقريبا 5 اسئلة ومن الاجوبة يطلعلك سؤال
الوكيلة اتركزت اكثر اسئلتها على الشخصيه يعني كيف تتصرفي لو بنت شتمتك في محاضرتك
ماهي الاصول الاساسيه عشان يكون المعيد ممتاز وجيد
ماهو دور المرشد الاكاديمي
طبعا اسئلة شخصيه متزوجه ولا لا ايش تسوي في يومك وكيف تقضي وقتك ايش اخر كتاب قرأتيه خارج مجال تخصصك ومين مؤلفه هذا السؤال سألوني عنه الرجال والدكتورات
الاسئلة العامه متنوعه مثلا سألوني
ماهي البحور التي تطل عليها الدول العربيه
ماهي قارات العالم القديمة وقارات العالم الجديده
من هو اول رائد فضاء عربي
اين تقع منظمة المؤتمر الاسلامي
ماهي تحية المسجد الحرام
واحد من الدكاتره قال تخيلي هذا الموقف فقدتي شيئ ثمين مثلا اسورة ذهب ساعه وبعد فتره لقيتي وحده من قريباتك الي بيجوا عندك البيت لابستها ايش تقوليلها ؟
طبعا انا قلت محا اتهمها نهائيا لانه ممكن تكون مشتريه زيها
قال طيب لو هيا بالضبط نفسها الاسوره قلت برضو مش حتهمها لانه ماينفعش مافيش اي دليل
قال طيب لو جات وقلتلك انها لقت الاسورة طايحه واخذتها
قلت حسألها عن المكان الي لقتها طايحه فيه وعن وقت مالقتها اذا طلع نفس المكان انا بتواجد فيه ونفس الوقت كنت بتواجد فيه اقلها اني فقدت اسوره زيها
قال طيب نعكس الموقف بقااااا لو جاتك قريبتك وقلتلك الاسوره دي بتعتي وانا كان عندي زيها ومش لقياها تعملي ايه
قلت محا اسمح لها تتهمني ابدا لاني واثقه انه الاسورة تخصني وحقولها لو سمحتي لاتتهميني وطبعا محا اعطيها هيا
وبس
مدري شرأيكم تصرفي صح ولا غلط
وواحد من الدكاتره وهو بيسألني وبعد ماجاوبت عالسؤال سألني مين الي جالس جنبك ؟
قلت وكيلة الكلية ودكتوره مرفت قال اه ورجع كمل الاسئله في التخصص تتوقعوا ايش قصدوا من هذه الحركه
سألتني الوكيله انه كيف تخططي لحياتك وايش انواع التخطيط وايش الشي الي لازم لما تحطي خطه يكون موجود
قلت انه احدد مدة زمنيه ووقت لتنفيذ الخطه قالت كويس
سألوني ايش ناوية تدرسي في الماجستير ولي اخترتي هذا التخصص
كيف حتعيشي هنا في نجران وكيف تتقبلي البعد عن اهلك ومدينتك
الدكتوره تقريبا سألتني من كل فرع في فروع علم النفس سؤال وبعض الفروع ركزت عليها يعني تقريبا حوالي 10 اسئلة او اكثر والله غير العامه
في اشياء ماجاوبتها او قلت لهم الاجابه بالتقريب وطلعت صح وبعضها الي مو متأكده منها اقول ماتحضرني الاجابه
طبعا في بنات ماجستير كانت مقابلتهم اعتقد لوظيفه محاضره تخصص اداره تربويه او اشراف تربوي ماسوولهم اختبار بس مقابله بس الوحده منهم كانت مقابلتها ساعه كامله احنا تقريبا نص ساعه او اكثر
ربي يكتب الخير ويوفق الجميع
تحياااتي
توتي فروتي2010 December 12th, 2010, 07:57 PM
7 " بالتوفيق لكي يا توتي ..
لا تشيلي هم المقابلة والله تيسير من الله انا خبصت بالمقابلة صح اني جاوبت بعضو صح وبعضو غلط بس الحمدلله اتيسرت على خير
واللي يقولوا يطولو اجراءات جامعة نجران بالعكس اجراءتهم مرررره سريعه انا قدمت بشهر 2 واتصلوا عليا بشهر 3 وباشرت شهر 4
الله يكتب لك اللي فيه الخير ويهون عليك وعلينا الغربة
ميمو&سوسو December 12th, 2010, 09:12 PM
7 " معنا بنجران يــ ميمو وسوسو
توتي انتي الي لابسه بلوفر ازرق مو ..
مقابلتكم غير مقابلتنا حنا كانت اسهل من كذا بكثييير ..
الله يوفقك ..
ms.norh December 12th, 2010, 09:24 PM
7 " ايه كنت واقفه مع البنات الي راقبوا عليكم في الاختبار وقفت شويه بعدين طلعت اكيييد شفتيني كنت لابسه قميص اخضر فاااااتح على ابيض
.
ms.norh December 13th, 2010, 05:49 PM
7 " خساره انا مانتبهت اكيد كنت منهمكه في الاختبار هههههههههههههههه
بس انتي كيف عرفتيني من بين 4 بنات ؟؟؟
توتي فروتي2010 December 13th, 2010, 08:32 PM
7 " توتي فروتي الله يوفقك يارب ونشوفك معيدة
بالنسبة للنتائج ماسألتيهم كيف آليتهم في الترشيح
أنا مقابلتي غدا الثلاثاء
&&جروووح&& December 13th, 2010, 08:34 PM
7 " توتي شفتي كيف طلعتك من بين اربع بنات ...
جروح ..
بالنسبه لآلية الترشيح هم عندهم استماره قيها بندود عن شخصيتك ,ثقافتك العامه,مدى المامك بــ تخصصك ...
لاتخافون تقريبا راح يقبلونك ..انشاءالله
ms.norh December 14th, 2010, 06:23 PM
7 " 
LinkBack URL
About LinkBacks
أخواتي الكريمات اتمنى من كل وحدة راحت المقابة تجي تقولنا اش صار معاها؟
وشكراً لكن مقدماً.