استفسارات تخصني انا واختي

السلام عليكم ورحمة الله وبركاته انا منزل اكثر من موضوع عشان استفسارات وكده لكن دحين الموضوع جد نبدأ
اختي الله يحفظها داخلة جامعة الملك عبدالعزيز الي في جدة وهي الان سنة تحضيري وفي طريقة انها بعد السنة التحضيرية تطلع بعثة صح ؟؟؟؟؟ ابغى شوية شرح للموضوع يعني ايش تسوي لما تخلص من السنة وهل تقدم للبعثة من قبل وهل البعثة لها فرع او شي عشان تتقد ومتى ؟؟؟؟ وانا ابوية عسكري هل يقدم على ملحق لما اختي تنقبل ولا من بدري يقدم ؟؟؟؟؟
انا بأذن الله كمان السنة الجاية ورح اتخرج فابغى اعرف المدينة الكويسة والممتازة في الطب لانو انا ابغى اتخرج اخصائي طوارئ يعني الدراسة ابو 5سنوات واختي تبغى تدرس الطب العايدي هل هنالك معدل مطلوب لي ولاختي ؟؟؟؟؟ وانا واختي فكرنا نروح المانيا وندرس لغة عايدي ودحين ابغى افضل المدن مع الجامعات والانظمة والشروط وكل شي عن الجامعة واهم شي الامان
السكن هل لما ابوية واختي يروحوا الجامعة تدبر السكن او ابوية يجيب السكن وهل بفلوس ابوية او بفلوس الجامعة او الدولة ولو انا بعد كده ابغى انا اروح محرم لاختي وفي نفس الوقت ادرس صعبة انو ابوية يرجع وانا اروح يعني العملية تطول ولا على طول ؟؟؟؟
وهل الفلوس تجي من الجامعة ولا الدولة وكم تقريبا ؟؟؟
انا صراحة ماني فاهم شي لا من تأشيرة ولا فيزا ولا اي شي ممكن تفهومني هيا بشويش وايش الفائدة منها وكيف تطلعها وكم تستغرق وهل اطلعها بدري ولا اتأخر شوي هذه الاسألة بالنسبة لاختي لانو انا لسى قدامي سنة بأذن الله وايش كل المتطلبات يعني المعدل والشروط كلها بالتفصيل وهل لازم اختبر اختبار التوفل والثاني حق الايتلس على ما اظن كده اسموا ؟؟؟؟؟ وهل في اي اختبار وقت القبول او التقديم ؟؟؟؟
شكرا لكم من اعماق قلبي على الردود الجميلة مقدما انا واثق من ذلك والله يوفقكم ويوفقني ويوفق اختي ويوفق جميع المسلمين اللهم سهلي علي اختباراتي ووفقني فيها ويارب اتخرج من القدرات والتحصيلي ونسبتي فوق 90 اللهم امين ومن الثانوية ونسبتي فوق ال95 اللهم امين يارب العالمني ويارب يحقق لاختي الدرجة الي تدخلها الطب اللهم امين ويارب اخترلي الي فيه الخير واكون اخصائي استشاري طوارئ يارب العالمني يارب استجب دعواتي ودعوات المسلمين
شباب الي ابغاه منك غير الرد انكم تقرأو الدعاء وتقولوا اللهم امين ويارب حقق دعواتك

- - - مشاركة محدثة - - -

ويارب عافي امي وطول في عمر ابي وامي على الخير والطاعة يارب العالمين وارزق ابي بالمال الحلال يارب العالمين

عزيزي مافهمت عليك والله ، كلامك غير واضح
اتمنى توضح كلامـك حتى نقدر نفيـدك بالي تبيه

ثاني نقطه عنوان الموضوع غير صالح ابداً ولايصح استخدام مثل هذة العناويـن .
سوف يتم تغيير عنـوان الموضوع بما يتناسـب مع محتوآهـ

موفق خير

كل دا الكلام لو دورت في المنتدى حتلاقي عليه اجوبة انو ايش التأشيرة والفيزا وكيف ؟؟ كولو فيه في مواضيع مستحيل احد يجاوبك كدا دش لانه شي مرررررة طويل


ابحث وانت تعرف الاجابااات << موفففق ^^

طيب اخواني شكرا على توضيح ارائكم وانا رح احط استفسار وانت ترد وبعدين اكمل بعدو بأستفسار وكده
طيب
يلا نبدأاول استفسار
اختي تدرس سنة تحضيري الان وابوية عسكري تقدر اختي بعد السنة تلتحق ببعثة ؟؟؟؟ وابوية يقدم على انو يبغى يلحق باختي عشان المحرم من متى يعني من بدري مثلا من الترم الاثاني ولا لما يجي القبول ؟؟؟ ومتى التقديم وفين يكون ؟؟؟
هذا اول استفسار والباقي نكملوا بعدين اوك

- - - مشاركة محدثة - - -

تقدر اختي بعد السنة والسنة دي الي هي يعيني بعد التحضيري للتوضيح

طيب اول شيء اختك تدرس سنه تحضيريه , هل حقون السنه التحضيرية لهم بعثه ؟ نعم لهم بعثه

اختك بعد ماتخلص السنه التحضيرية , في شهر 8 او شهر 9 رح يبدأ التسجيل في برنامج الملك عبدالله للابتعاث الخارجي للمرحلة التاسعه

يعني اختك رح تسجل في الابتعاث سنه 1434 , أنت حتتخرج سنه كم ؟؟؟؟؟؟

الشروط العامة للابتعاث

1) أن يكون المتقدم سعودي الجنسية.
2) ألا يكون المتقدم شاغلاً لوظيفة حكومية.
3) الانتظام الكلي، و التفرغ و الإقامة في بلد الابتعاث.
4) أن يكون عمر المتقدم وفق ما هو محدد في الشروط الخاصة بكل مرحلة.
5) الترشيح حسب حاجة المناطق والمحافظات في مختلف أنحاء المملكة، ووفقاً للتخصصات الأكاديمية المستهدفة في البرنامج، والدول المحددة للابتعاث.
6) إدخال جميع البيانات بصورة دقيقة وصحيحة وإذا اتضح خلاف ذلك مما يخالف شروط الابتعاث فسوف يلغى ترشيح المتقدم حتى لو لم يُكتشف ذلك إلا عند إصدار القرار النهائي للبعثة.
7) معادلة الشهادة من وزارة التعليم العالي إذا كانت من جامعة غير سعودية، وتقديم نسخة منها بالعربية.
8) وجود الْمَحْرَم للطالبة المبتعثة، وسفره معها، وبقاؤه معها حتى انتهاء بعثتها.


الشروط الخاصة للابتعاث في مرحلة البكالوريوس ( يقتصر التقديم على التخصصات الطبية فقط )

• ألا تقل نسبة الثانوية العامة عن 90% في قسم ( العلوم الطبيعية أو ما يعادلها ).
• أداء اختبار القدرات العامة، والحصول على درجة لا تقل عن 80% .
• أداء الاختبار التحصيلي، والحصول على درجة لا تقل عن 80% .
• ألا يكون قد مضى على حصوله على شهادة الثانوية العامة أكثر من ثلاث سنوات.
• إذا كان المتقدم حاصلاً على شهادة علمية من خارج المملكة فيشترط معادلتها من جهة الاختصاص قبل التقدم إلى البرنامج .
• ألا يزيد عمر المتقدم على اثنتين وعشرين سنة.
• يشترط للقبول في الجامعات الأوربية الحصول على درجة ( 5 ) في IELTS.


دحين اختك تدرس سنه تحضيرية عادي وفي شهر سبعه لمن تخلص السنة التحضرية ترتاح شويه

وفي شهر 8 تنزل شروط المرحلة التاسعه ربما نفس الشروط اللي حطيتها لك فوق وربما تتغير تغير بسيط

وفي شهر 9 يفتح التقديم عالنت , تدخل لموقع الوزارة ويكون موضح البيانات اللي تعبيها

وترتاح شهر 9 كله , بعدين شهر 10 يعلنوا الاسماء المقبولين مبدئيا

اش يعني مقبوله مبدئيا ؟؟

يعني اختك مستوفيه جميع الشروط وقدمت على طلب الابتعاث في النت والوزارة استلمت الطلب

وقبلت اختك في البرنامج بس مبدئيا الين يتأكدوا هل المعلومات اللي دخلتها في النت صح ولا لا

اش يعملوا عشان يتأكدوا ؟

يعملوا شيء اسمه

التدقيق

وهو فترة يحددو فيها يوم معين لاختك في جده تجيب اوراقها الرسميه من شهادات وجواز سفر لمشرفات البعثه

ويطابقوها باللي دخلتها في النت هل هي صحيحه ولالا . وقتها اختك تكون فصلت من الجامعه وعلملت اخلاء طرف واخدت شهادتها

حقه التانوية عشان تقدمها في التدقيق .

وبعد شهر تقريبا يعلنوا اسماء الطلبه الرشحين نهائيا للبعثه , يعني خلاص يافلانه نحنا قبلناكي بشكل نهائي

بعد كدا يحددو

الملتقيات

هي زي البرنامج التوعوي للطالب المبتعث يعلمونه على نظام الدولة وامور الابتعاث المتبقيه ويعطوه كم ورقه تخص اكمال الفيزا واوراق خاصة بالمحرم .

يعملوا الملتقيات للطلاب في 3 مناطق الرياض جده الخبر , كل طالب يختار المدينه اللي يبغاها .

بعدها الطلاب حقون البكالوريوس اللي هيا اختك لازم يكون عندها :

- قبول معهد للغه يعني معهد في الدولة اللي حددتها في الخارج تدرس فيه اللغة الخاصة بالدولة دي

- قبول جامعي , في الجامعه اللي هيا تختارها وتحددها .

- درجة في الايلتز لا تقل عن 5 .

ابوك يقدر يطلع مع اختك كمحرم ومافي اي صعوبه , لكن لو انت رح تتخرج في نفس سنه اختك اللي هيا عام 1434 قدم انت وياها سوا في البعثه واطلع انت كمحرم معاها

وازا كنت حتتخرج بعد اختك ومايمديك تطلع عاها كمحرم عادي يطلع ابوك ولمن تخلص انت الدراسة وتقدم عالبعثه تجي محل ابوك بكل سهوله مافي مشكله .

ممكن تطلع كمبتعث يعني تقدم في البعثه زي اقدمت اختك , وممكن تطلع كمحرم ( غير مبتعث يعني غير مقدم في البعثه ) بعدين تجيب درجة معينه في اللغه وتلتحق عالبعثه .

المصاريف على حساب الدولة مادام انو اختك طالعه بعثه من برنامج الملك

هي لها مكافأه والمحرم له مكافأه , والدراسة حقه المعهد والجامعه كلها على حساب الحكومة السعودية . ماتدفعون ولا ريال .



هدا الرابط فيه معلومات عن المانيا

http://www.mbt3th.us/vb/forum64/thread215871.html

وهدا رابط فيه طريقه استغلال فترة السنه التحضيريه عشان تنقبل في البعثه

http://www.mbt3th.us/vb/forum163/thread373666.html

هداا رابط يعطيك النقاط الاساسيه اللي تختار الولايه والجامعه على اساسها , هو خاص بامريكا بس انت تقدر تاخد النقاط بس وتبحث عنها في المانيا

http://www.mbt3th.us/vb/forum163/thread368024.html

الفيزا هي نفسها التأشيرة , فيزا بالانقلش , تأشيرة بالعربي

معاناها كدا بالبلدي اقامه , يعني زي البطاقه تتيح لك دخول الدولة الاجنبيه بهدف الدراسه , او هدف السياحة , طبعا فيزتكم انتو حتكون دراسية .

وهدا الموضوع يخص الفيزا الالمانية

http://www.mbt3th.us/vb/forum64/thread202923.html

وهنا كمان عن المانيا

http://www.mbt3th.us/vb/forum64/thread267835.html

http://www.mbt3th.us/vb/forum64/thread136157.html



المانيا


موضوع كـامل عن المانيا على طريقة سؤال وجواب


الفيزا الدراسيّة الألمانية ، شروطها ، معلومات أخرى ..


كل ماتحتاج معرفته عن ألمانيا


~@~{موسوعة معلومات عن المانيا}~@~


][§¤°^°¤§][ نصائح مهمة للطلبة المبتعثين لألمانيا][§¤°^°¤§][


دروووس اللغة الألمانية ولكن على طريقتنا الخاصة


هل يوجد من يحتاج لمعلومات عن الدراسة بالمانيا؟


*** ضع إستفسارك؟ فقط للطلبة الذاهبين لألمانيا والحاصلين على الشهادة الثانوية ***


مهم جدا جدا جدا جدا متطلبات السفارة الألمانية


*** معلومات هامة لمن يرغب الدراسة بالمانيا 1 ***





وهدا منتدى فيه مواضيع كتير عن المانيا

ملتقى طلاب المانيا و هولندا و السويد و النمسا

اقرا كتيررررر , وابحث , رح تفهم بالقراءة اكتر , ولو ضل شيء مافهمته تعال واسأل او ادخل لمنتدى المانيه واسأل وهما حيردوا عليك .

ولمن تسأل , حط اسألتك في نقاط مو دش عشان الكل يقدر يرد عليك , لانو الكلام الدش مو كلهم يقرأو .

بالتوفيق لك ولاختك , الله ييسر امركم .

فوز كفت ووفت !!

ملاحظة اذا انت ودك تطلع لبعثة بعد

ترى يمديك تصير مرافق لأختك ,, موب لازم يروح ابوك معها

فوز كفت ووفت !!

ملاحظة اذا انت ودك تطلع لبعثة بعد

ترى يمديك تصير مرافق لأختك ,, موب لازم يروح ابوك معها


....
ايه صح ..

اذا كنتو ناويين على الطب ,, أنصحكم من الحين تستعدون لاختبار التوفل أو الأيلتس ,,, لأنه بيصير فيه مفاضلة بين طلاب الطب ,, والي معه ايلتس أو توفل ,, يفضلونه على غيره خصوصا للي يبون ايرلندا وهولندا

بس اذا بتروحون المانيا ,, الدراسة بالألماني ,,, فما رح تفرق الأيلتس ,, بس خليها تشد حيلها بالتحضيري ,, واذا كانت درجاتها منخفضة شوي بالقياس والقدرات ما يمنع تعيدها علشان تصير درجاتها أعلى ,,,

علشان تضمن مقعدها بألمانيا بإذن الله

ويا سلام اذا صار مع اختك تحضيريه ودرجات عالية ... ان شا الله الطريق الى المانيا مضمون

شكرا اخي فوز والله انك احرجتني وماني عارف كيف اشكرك وانا ان شاء الله رح اتخرج 1435
وبخصوص المانيا انت كفيت ووفيت بس ممكن افضل الدول الاخرى غير المانيا ؟؟؟

شكرا اخي فوز والله انك احرجتني وماني عارف كيف اشكرك وانا ان شاء الله رح اتخرج 1435
وبخصوص المانيا انت كفيت ووفيت بس ممكن افضل الدول الاخرى غير المانيا ؟؟؟
وهل لو مثلا جابت لا قدر الله اقل من 80 في التحصيلي او القدرات بس ماشاء الله الثانوية 98 ممكن يقبلواها ولا مرة ماينفع ؟؟؟؟

جميع المراحل السابقة ما قبلو اقل من 80 ولا بشحطة جدا متشددين من هالناحية

فإذا هي أقل من 80 ,, خليها تعيده أحسن

اها طيب شكرا اخي على المعلومة والله يوفق الجميع واتمنى اي دولة اخرى تعطوني معلومات عنها عشان اللغة وانا محتار بين المانيا واية دولة اخرى لغتها انجليزي

ممكن سؤال تاني اختي تقولي لو مثلا اعدت الاختبار حق القدرات والتحصيلي وجابت نسبة اقل من ال قبلها لا سمح الله يعني مثال لو هيا من اول جايب 88واعدت وجابت 82 اهل بعد الاعادة رح يحطو ال82 ولا الدرجة الافضل؟؟؟؟؟

عشان لو عادت وماجابت النسبة المطلوبة للبعثة وتبغى تقدم في اي شي هنا في السعودية رح يحطولها القديم ولا الي عادتو ؟؟؟

ماحد عندوا اجابة يعني لو مثلا اختي عادت الاختبار تبع القدرات والتحصيلي وجابت نسبة اقل من الداخله بيها الجامعة رح يحسبولها الي في الجامعة ولا الجديدة الي هي الاقل؟؟؟؟؟؟ مرة مهم السؤال

اكيد بياخدو الدرجه الاعلى

يعني تعيد عايدي هيا جابت اول اختبرا 65 والتاني 69 الاعادة رح يشيل واحد فيهم الي هو الاعلى لانو هيا داخلة الجامعة ب 69 هيا خايفة انو لو لا سمح الله جابت مثلا 64 انو يخلوها بدل الي في الجامعة يعني كانها جابت 65 و 64 كده صح ولا لأ رح يحسبولها الاعلى

لا لا قياس ياخذون الدرجة الأعلى ,, هذي اكيده باذن الله


وبالنسبة لدول الطب ,, كل سنة تتغير ,, يعني هذي السنة " ايرلندا هولندا بولندا المانيا تركيا كوريا "

السنوات الي قبل كان فيه " المجر والتشيك وسلوفاكيا "

كل سنة يتغير ...

وحتى الشروط احياااااانااااا تتغير ,, بس موب دايم

شكرا افدتوني كيثر بس متى رح تكون الاعادة ممكن تفصايل على التقديم