وعليكم السلام ورحمة الله وبركاته ..
تخرجتي من دولة ناطقة باللغة الانجليزية ..؟
عرض للطباعة
لا .. من جامعة الملك عبدالعزيز و تخصص البكالوريوس لغة انجليزية
( تمت المشاركة باستخدام تطبيق مبتعث )
هذا القرار مطبق فقط على المرحلة التاسعة وعلى طلاب الانجليزي ..
بينما انتي مرشحه من المرحلة الثامنه وهذا الترشيح لا يسقط ،
يمكن يكون هناك لبس بالموضوع فالأفضل التواصل مع هيفاء العنقري او عبير الطريري واذكري لهم انك مرشحة على الثامنة وليس التاسعة .
بالتوفيق ..
انا كمان تفاجئت وتوقعت انه في لبس فالموضوع
لكن اخوي بالرياض راجع د. محفوظ وقال ينطبق على كل المراحل ..
وقال راجع وكيل الوزارة هو المسئول عن القرار ورفعولنا معاملة وقالو انتظرو الرد بعد أسبوع ..
( تمت المشاركة باستخدام تطبيق مبتعث )
الله يفرج همي وهمكم انا تخصصي انقلش ويقولون امتداده تسويق ع الكلام اللي فهمته من المنتدى
هل الوزاره تقصد نجيب القبول المشروط في تخصصنا نفسه اللي هو الانقلش او نختااااار تسويق ؟؟؟؟؟؟؟؟؟
اللي فاهم السالفه يفهمني راسي انفجر ماعاد فهمت تكفووووون
وش صار عليكم مين قدم قبوله للجامعه قبل ومامعاه ايلتس او توفل ؟
والقبول نجيب غير مشروط ولا كيف
السلام عليكم ورحمة الله وبركاته
اخوتي الاعزاء انا من متضرري المرحلة التاسعه قسم بكلوريوس انجليزي وجبت قبول اللغه وقبول الجامعة من أمريكا وسويت الفيزا وحضرت الملتقيات في جده وفي الاخر تفاجأت بإلزامنا القبول الجامعي فقط هذا تخبط من الوزارة حسبي الله ونعم الوكيل فيهم بس احد من الشباب ابلغني اليوم بأن الوزير قد تراجع عن قرار القبول الجامعي فقط وقال بإحضار قبول اللغة والجامعة فهل هذا صحيح اتمنى الرد منكم اخوتي الاعزاء لاني من منطقة بعيده عن الرياض ولا أستطيع الذهاب الى الوزارة ولكم وافر تحياتي وتقديري ،،،
السلام عليكم اخواتي
ارجو الرد عليه ايش اخر كلام نجيب قبول مشروط والا نهائي الا تخصصها انجليزي .اخاف اجيب مشروط ومايقبلوني.الا عنده خبر يعطيني الله يسعدكم
آخر كلام تجيبي قبول نهائي ..
لأنه انرفض طلبي لقرار الابتعاث إلى حين جلب قبول نهائي غير مشروط باللغه
( تمت المشاركة باستخدام تطبيق مبتعث )
اهلاً بالجميع.
أنا جبت 3 قبولات (مشروطة باللغة) من نيوزلندا , وللأسف رفضوها كلها!!!!!!!!!!!!!!!!!!!!!!
كان الموظف يبحث في القبول عن اي شرط لغه واول مايشوفه يرفضه!
باختصار:
اللي تخصصهم انقليزي , مايقبلون في البعثة الا بقبول (نهائي) :(
طبعاً اسلم طريقة لجلب هالقبول:
نشوف أي جامعه تطلب درجات قليله في التوفل , مثلاً فيه بنويزلندا وامريكا جامعات تطلب 79 بالتوفل. < ونختبر التوفل ونجيب فوق هالدرجه :(
صح صعبه والتوفل سعره غالي لكن للأسف هذا الحل الوحيد عشان نجيب قبول نهائي وننظم للبعثة.
السلام عليكم ورحمة الله وبركاته , صباح الخير جميعاً.
لازالت الوزارة تواصل تطفيشها لخريجي اللغة الانجليزية , شخصياً جلبت 3 قبولات لكن رفضت جميعها لأنها ليست قبولات نهائية!
على الرغم من صعوبة جلب قبول نهائي الا أن هناك طريقة واحدة وهي:
الحصول على 80 وأكثر في اختبار التوفل والتقديم على جامعات ضعيفة التصنيف لعلّها تقبلنا في تخصص التسويق.
حديثي اليوم ليس عن القبولات بل عن التخصص نفسه.
من منكم ياخريجي اللغة الانجليزية يرغب بدراسة هذا التخصص؟
ماذا لو تم ابتعاثنا بقبول نهائي لدراسة التسويق , أي قسم من هذا التخصص ستختارون؟
وهل هو التخصص الذي كنا نحلم به؟
كثير من الناس يبحث عن البعثة لمجرد البعثة! لايهم التخصص ولادرجاته ولا الجامعه التي يدرس فيها. الأهم لديه أن يبتعث!
ومثل هذا النوع من الناس اعتقد انه على خطأ لأنه لم يحدد هدف واضح.
استأذن المشرفين في ان يكون هذا الموضوع خاص بخريجي اللغة الانجليزية لمناقشة تخصص التسويق والكلام عن أقسامه وايجابياته وسلبياته لأن أغلب المواضيع الأخرى توقفت فيها الردود للأسف.
اسأل الله أن يفرّج همّنا ويوفق كل مبتعث ومبتعثة.
طيب انا لو ابغى فرنسا هل راح يوافقون؟ انا خريجة ماستر تخصص انجليزي من امريكا .. وابغى اكمل الدكتوراه في فرنسا فطبعا احتاج اطلع اولا لغه فرنسيه .. هل راح يرفضون طلبي ؟
سؤال يمكن مو بمحله بس احاول ارد في موضوع المرحله العاشره مو راضي يطلع لي مكان للرد وش السبب
( تمت المشاركة باستخدام تطبيق مبتعث )