اريد الابتعاث

السلام عليكم
اخواني هذا اول موضوع وعندي عدد من الاستفسارات

اولاً بسأل هل الابتعاث للمرحلة 12 قفل ؟ وليش مافي علوم حاسب ؟ وهل ممكن يكون فيه علوم حاسب المرحله الجايه ؟ وهل فيه موعد محدد او متوقع للمرحلة 13 ؟


ــــــــــــــــــــــــــــــــــــــــــــــــ
ــــــــــــــــــــــــــــــ
ـــــــــــــــــــ
ــــــــ

ثانياً: انا طالب جامعي حالياً توي بادي مستوا رابع "بالتحضيري" ثاني بدون التحضيري والجامعه ابداً مو كويسه " ماودي اذكر اسمها " بس مستواها زفت وما تحمس اني ادرس فيها لذلك انا شبه مهمل ومع ذلك معدلي كويس

اكيد تقولون ليش ما ابتعثت من البدايه ؟
للاسف انا كنت مهمل جداً بالثانوي ودرجاتي مو كويسه خصوصاً ان المعدل التراكمي بالثانوي " مقررات " يعتمد ع 3 سنوات مو سنتين مثل باقي المدارس
المهم ماكتب الله اني احصل ابتعاث لأن الشروط ماكانت مطابقة لدرجاتي
ويئست من الابتعاث وسجلت ب سعود و ب حايل و ب الجامعة اللي انا فيها المهم ما انقبلت بسعود انقبلت بالجامعه اللي انا فيها بالتخصص اللي ابغيه " علوم حاسب " وبحايل اقبلت هندسه .
المهم حمدت ربي ان التخصص اللي ابيه حصلته بس بعد ما درست تغيرت نظرتي الجامعه ابداً مو جامعة اقل مستوى من المرحلة المتوسطه , ما اقصد سهولة الدراسه اقصد مستوى التدريس حتى الدكاتره استغفر الله بس .

المهم الليله مهموم وافكر بالمستقبل , قلت يا خي تعال شبكة مبتعث وتصفح ع الأقل عيش الحلم افتراضياً .
الى أن وجدت رد داخل موضوع . رد لي الروح والله , الله يسعد صاحبه .
المهم هذا رابط الموضوع , ركزوا ع الرد رقم "5" .
http://www.mbt3th.us/vb/forum163/thr...post1061906414

اتمنى اذا كان للحين له مفعول هالنظام واحد يكتب لي الطريقه الله يرحم والدينكم .

وآسف ع الإطاله بس اول مره افضفض وبوحي وهمومي حصرية للشبكه .

سلآآآآآم