مساعدة اللي يدرس في معهد usf في تامبا ؟؟

أخوي جامعة usf في تامبا تعتبر من اقوى الجامعات الولايات الجنوبيه في تخصصات الهندسه ..
و الدراسه فيها شوي قلق
انا انصحك تروح لسانت لويس المدينه حلوه مره بترتاح معاها
لكن اهم شي ترتاح مع الجامعه
بالنسبه للتغيير
الافضل انك تاخذ قبولك في سانت لويس و تروح للسفاره
يحطونه في ظرف و يختمون عليه علشان اذا وصلت للمطار ما يقروشونك
بالتوفيق اخوي

اخوي مافهمت عليك يعني قصدك اروح ومعي الاي تونتي الجديد ولا قصدك ادفع السيفس مره ثانية يعني اسوي طلب جديد لانه شكله مافي حل انا البيانات كلها عبيتها على فلوريدا وانا ابغا اغير لسانت لويس وش رايك ؟؟

بالله حل يا اخواااااان ما ابغا قروووشه بالمطار وكلبش وضريبه ومدري ايش

أخوي .. انت حصلت على الفيزا ولا باقي؟ قابلت في السفاره ولا باقي؟

لا بس سويت كل شي ودفعت كل شي ماباقي الا اروح الموعد بعد رمضان يعني مااخذت الفيزا ولا سويت المقابله انا رحت لمكتب وسوالي اجراءات السفاره وبعدين قلت ابغا اغير المعهد قال مانقدر لازم نبدا من اول وجديد ولا روح بالاي تونتي هذا ولا رحت امريكا روح بنفسك لسانت لويس وخذلك قبول حاس انها توريطها وانا ابغا اكون ماشي في السليم

الله يجزااك الجنة والله انا تراني ما اعرف شي في ذي الامور انا معتمد على الله وعلى الاخوان في مبتعث

أخوي قلب الذئب ..
إسمح لي ان اغلب مكاتب القبولات يسمعون في امريكا ولا عمرهم شافوها ..
يوظفون لهم سوداني ولا مصري ولا هندي يعرف يكتب ويقرى انجليزي علشان يراسل الجامعات ..
و لما تجي تبي تسوي اضافات يقول لك ابدأ من جديد علشان شفط الكاش من جيبك ..
انت الان تمام التمام .. كل ما عليك روح للمقابله ومعاك القبول الجديد ( سانت لويس ) ..
و بيسألك عن الاي توني .. قوله انك جبت اي توني على جامعه في سانت لوس ..
وانتهينا .. ما فيه لا تقديم جديد ولا تدفع سيفس مره ثانيه ولا شي ..
لكن لا تنسى تحتفظ بصوره ايصال سداد قيمه الفيزا + السيفس علشان يعوضونك المحلقيه اذا ابتعثت ..
اتمنى اتضحت لك الصوره

والله كلامك 100% يبغون يشفطون فلوس بس
انا انشالله راح اجيب القبول الجديد باسرع وقت واروح على الموعد و انشالله خير

والله انك ريحتني الله يريحك
روووح ربي يوفقك دنيا واخره

الله يوفقك .. وحتى القبول لا تروح للمكاتب .. ترى فيه ناس كثير مستعده تخدم في المدينه اللي بتروح لها ..
حاول تتواصل مع النادي السعودي بالجامعه يسهلون لك طرق كثيره و يجاوبون لك على اساله ما تخطر على البال ..