المبتعثين يعودون وهم علمانيين ويخربون البلد

اول شيء انا اسف لبعض الالفاظ اللي بعض الاعضاء يستخدمونها
ثاني شيء اقول البادي اظلم انا ما اتهمت احد
بس الظاهر ان الحق يزعل وهذا شيء مؤسف
انا ما ادري ياللي تبي السنما ولا دوري قدم للمراة ايا ما كان انا ما ادري وش تسمي الشيء هذا غير انه هوى
واقول للاخ اللي زعل وقال اني مريض وما ادري وش ابغى
اقولك ياعزيزي البادي اظلم انت اللي اتهمت كل اللي مو مؤيدك اتهمتهم انهم يصنفون الناس
على العموم لا انت اول واحد ولن تكون الاخير من هذا الطابور الي تعودنا عليه مرة من قناة فضائية ومرة من جريدة يوم على الهيئة ويوم على سواقة المراة ويبدو لي انه ان الاوان للسينما فهم هكذا
انا مسلم ومواطن وطبيب دون ان احتاج الى شهادتك ولا شهادة غيرك
وانت تقول اني ما ادري وش ابي اقول وبكل فخر واعتزاز انا وكل الاحرار الغيودين على بلدهم هم فعلا يعرفون هدفهم
فهدفنا كلنا هو رضى الله عزوجل ثم الحفاظ على هذا الدبن وعلى بلد الحرام اللي هو قبلة المسلمين والوقوف امام حثالة المجتمع الذين لا هم لهم سوى تقليد الغرب والتجرد من الدين
ياخي والله غريبة الحين السينما هذه وش فائدتها يعمي بنوصل لليابان ولا نصير سنغفورة الخليج بالسنما
اترك الاجابة لصاحب التعليق الاول عفوا اسمك ما عجبني
على العموم يالاخ تقبل وجهة نظري الست ديموقراطي
اللهم اشف مرضانا ومرضى المسلمين(مريض الشهوة اخطر من مريض الجسدي........)
وانا اكرر اسفي واعتذر للاخوة في الادراة اذا صدر منى اي خطا
وتقبلوا تحياتي
طبيب مسلم غيور على بلده ودينه
اللهم لا تغير علينا واحفظنا في الاسلام واحفظ الاسلام فينا.....................

ههههههههههههههههههههههههههههههههه

شر البلية ما يضحك ..

Conservatives are not necessarily stupid, but most stupid people are conservatives

قال تعالى (( كنتم خير أمة أخرجت للناس تأمرون بالمعروف وتنهون عن المنكر ))

السلام عليكم...


أخي العزيز واضح أنه الآخ الي كنت قاعد تتحاور معه عقليته متحجرة وفي قمة التخلف يعني حالة ميؤوس منها..

أولا:

قيادة المرأة: غير محرمة شرعا ومافيها أي عيب لكن المشكلة هي في الشعب المتخلف الي راح يتعامل مع المرأة لما تقود ومع بعض المتخلفات الي راح ياخذون القيادة كترفيه وصياعة... يعني القضية قضية تقبل المجتمع لفكرة جديدة لاأقل ولاأكثر...

السينما<< هذي بالذات مالها أي سبب لمنعها والي يقولي الاختلاط ياخي حط عروض نساء وعروض رجال وين المشكلة..
والي يقولك أفكار الأفلام تفسد أخلاقيات شبابنا المسلم... يعني كل هالأفلام على التلفزيون ومحلات الفيديو مأثرت بس السينما راح تأثر والله تخلف..

وبالنسبة لرجوع مع المبتعثين وهم يحملون رؤية جديدة مغايرة لما كانت عليه عندما كانوا في بلادهم هذا من صالح البلد عشان يتطور أكثر وأكثر وشيء طبيعي راح نلاقي ناس سلبيين وناس إيجابيين مستحيل نستفيد 100% منهم كلهم ويعجبوننا...

وبعدين هو ينتقد الوزارة ويقول تبتعث كل من هب ودب...

الحين بالله عليك وش يدري الوزارة أنه هالشخص أخلاقه كويسه ولا لا؟؟

يبيهم يروحون يسألون عنه؟؟ وشو زواج هو ؟؟؟؟

....

مع تحياتي...

دائمـــاّ مبدعين في الحوار كما عهدتكم ؟!


بعضكم أو الاغلب منكمـ خرج عن صلب الموضوع وتوجـه إلى الخلافات مع باقي الأعضاء ..


يعني يا أتبـع رأيك .. أو أكون على خطأ ؟ عجبي ..


إلى متى أبناء بلدي !!!


أرق التحايا إلى روح السعوديــه وإلى أسلوبك الراقي


دمتـم بود !

والله شيء عجيب السينما السينما ياجماعة خافوا ربكم
الدول تبي تتخلص منها وحنا نتعب ونخاطب ونضحي بديننا واخلاقنا عشانها الله لا يبارك فيها ولا في اللي ينادي لها
الله المستعان قلوبنا متحجرة والله اني اول المتخلفين اذا رفض الخرابيط هذه تخلف انعم واكرم من تخلف
والله شيء يقزز تقول انك بتطور بلدك طيب وش يمنع التطور مع التمسك بدينك واخلاقك
مين اللي قال التطور يستلزم العداء للدين والجري وراء الاهواء والغرب
سبحان الله احد المبتعثين يسال ويستثقل انه بس سلم على حرمة ولا صافح حرمة اجنبية اقول شتان ما بين هذا وبين اصحاب السينما
بس تدرون ياجماعة هي نعمة الدين مو اي واحد يشعر بها
ما اقول الا الله يهدي ربعنا
انا مبتعث وسافرت عشان ادرس وباذن الواحد الاحد رح ارجع لبدي بشهادة وعلم ومصانع وتقدم وازدهار
لا سينما ولا خرابيط ولا قلة ادب
(نحن قوم اعزنا الله بالاسلام ومهما ابتغينا العزة بغير ه اذلنا الله )
بس لو البعض يفهم ولكن لا حياة لمن تنادي اللي الشيطان راكب راسه ما نقول الا الله يهديه.....................