تقرير تجمع طلاب دينتون , تكساس . (Denton )
تقرير تجمع طلاب دينتون , تكساس . (Denton )
تنبيه: هذا الموضوع قديم. تم طرحه قبل 5129 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - يقبلون جميع الأعمار7 "
إذا جربتي الي عطيتك ومانفع عطيني خبر فيه حضانة ثانية تقبل كل الأعمار وممتازة أنا رحت لها بنفسي وشفت برنامجهم بس العنوان ماهوب حولي الحين
الله يوفقك ويصلحهم - اخي طرقي امريكا7 "
بيض الله وجهك على هذا الموضوع بصراحه مو مصدق اني شفت كلمة مدينة دنتون وايضا UNT
تعبت وانا ادور بالمنتديات عن هالمدينة او احد يفتي عن المعهد والجامعة والحياة هناك وكيفيت تعاملهم
اكرر شكري اخي طرقي وايضا الاخ سعد والاخ devil xvx
اسال الله ان يسهل امركم وان يعطيكم مرادكم وترجعون بالسلامة
اخوي طرقي انا جاي بعد العيد ان شاء الله لاني ابي اتعيد مع الاهل اولا
ثم نتوكل على الله
انا مثلك قبل ان تصل كان بداخلي مجموعة من الاسئلة تحتاج اجابة ارجو ان اجدها عندك
بخصوص السكن فانا سوف احضر تسعة شهور عزابي ثم سوف ارجع واخذ اهلي معي (زوجتي وبنتي)
اريد ان اعرف كيف اجد سكن وهل السكن لوحدي افضل ام اسكن مع عائلة افضل ؟
ايضا كم احتاج من مبلغ معي اثناء الحضور وماهي الفيزة الافضل ؟
ايضا ماهي اهم الاغراض التي يجب ان اهتم بها واحضرها معي ؟
ايضا انا مستواي في اللغة جدا متدني عندي كم كلمة بس هل استطيع اجتياز اللغة بسنة ونصف باذن الله ؟
وايضا انا قبولي على درجة دكتوراه علم الاجتماع ومطلوب اجتياز GRE وانا من زمان عن العلوم التطبيقية رايكم ؟
وايضا احتاج اعرف عن الحياة ووقت الفراغ كيف يمكن ان استفيد منه ؟
واخيرا الجامعة وتعامله مع السعوديين ؟
لكم تحياتي واسف عل الاطالة
وعلى فكرة اذا احد احتاج حاجه من الديرة قبل حضور الى امريكا فانا بالخدمة
وهذا هو الايميل ارجو ان نتواصل جميعا
wal_22#hotmail.com - السلام عليكم ورحمة الله وبركاته7 "
طبعاُ انا لي اسبوع ونصف فقط مابين واشنطن ثم لبلد الاقامه ان شاء الله دينتون في تكساس وحبيت أشارككم في بعض المعلومات الى تحصلت عليها خلال هذه الفتره البسيطه.
أول نقطه أحب اقول لكل شخص متخوف من أمريكا يعلم الله انه من دخلت أمريكا لحد الحين ما وجهت أي صعوبات بفضل الله بالعكس الناس كلها تتبسم لك ومحترمين وشعب فرند لي لأخر درجه .
أما ما بخصوص دينتون بصراحه مدري من وين أبداء لكن المدينه حلوووه وهاديه مع العلم أن جوها حار هذه الأيام يعني لا تحط في بالك انك تبي تجي تشوف الثلوج لان جوها قريب من السعودية مرره
المدينه فيها مطاعم واجد طبعاً اغلبها في الداون توان ممكن الواحد يواجه صعوبه في البدايه لان مامعه سياره لكن كلها كم شهر ويتحسن الوضع ، وكذلك فيها ايضاً مطاعم قريبه من الجامعه مشي 5 دقايق
اما من ناحيه السكن فهوووو متوفررررر بكثررررره وعندك خيارات واجده واعتقد الاسعار هنا معقوله والمكافاه كافيه وزيادة ان شاء الله
ساكن بشكل مؤقت في فندق اسمه ROYAL طبعاً قريب من الجامعه وعنده اكثر من سوبر ماركت واكثر من مطعم وكذلك مسجد 3 دقايق وأنت فيه ويصلون فيه جميع الأوقات.
فيه ايضاً سكن جديد واسعاره معقوله اسمه FORUM
Photo Video Gallery - Forum Student Apartments at Denton Station TX
طبعاً فيه كل شي تريده فيه مراح ينقصك أي شي
مسبح , صاله رياضيه , ملعب طائره ، جلسه ، اله ستار بوكس "كفي" 24 ساعه ، وباص الجامعه على طول متواجد يعني لاتشيل هم في الروحه للجامعه .
وكذلك فيه اكثر من سكن نفس الطريقه لكن لاتحضرني اسمائهم الحين
اسف على الاطاله
واي شخص يبغى أي معلومه انا جاهز وفي الخدمه - 7 "ابو شوق الله يحييك يارب
الموضوع بسيط وسهالة ترى
أنا معي عائلتي وجبتهم معي وكنت متخوف بصراحة من المرمطة والتعب لكن بجد الموضوع بسيط ترى
شوف بالنسبة للتكلفة وأنا خوك الشقق ترى هنا تعتبر رخيصة مقارنة ببقية ولايات أمريكا يعني أغلى شقة وأفخمها ماتتعدى 900 دولار تقريباً ولو تبي نحسبها بشكل تقريبي
الشقة خلها ب900 دولار .. ولازم تعطيهم دفعة شهر تأمين يرجع لك بعدين وهو إيجار شهر
صارت 1800 دولار
طيب وعشان تجيب مستلزمات تأثيث خلها إذا انت بتدلع نفسك 1000 دولار للأثاث
أما المواصلات فأنا أنصحك تشتري سيارة .. صحيح إذا سكنت قريب من الجامعة بتلقى باصات شغالة على مدار الساعة بس أنت راعي بيت وعائلة وراح تضطر تطلع بأهلك تقضي لزومك أو تروح لدالاس تتقضى من البقالات العربية الي هناك أو تمشي أهلك
طبعا السيارة أقل سيارة معقول راح تلقاها بـ 3500 دولار .. سيارة تمشي الحال يعني
ولازم في الأخير يكون عندك مبلغ احتياطي للطواريء لاسمح الله .. يعني أغراض مطبخ ومشتريات شخصية ومكتبية
هذا المبلغ الي تقريباً أنا صرفته مع ملاحظة إنني بعائلة
هذا بالنسبة إذا جوا أهلك
قبلها .. دام لغتك في بدايتها أنا أنصحك تسكن مع عائلة عشان تطور نفسك بشكل أكبر وأسرع سواء في المعهد أو خارج الجامعة
بالنسبة للفيزة مامعك أصلاً إلا F1 تجيبها .. وإذا أنت على حساب البرنامج حتى زوجتك طلع لها تأشيرة F1 عشان تدرس معك لغة ( مجرد نصيحة )
أما سالفة GRE فهذي بصراحة الي مكدرة خاطري ومخربة جو المدينة الحلو .. يعني صدق الحلو مايكمل وبصراحة لو إني عارف إن الجامعة هذي تطلب هذا الاختبار ماكنت جيتها من البداية لأن تخصصي ماله دخل بهذا الاختبار بس هو متطلب لذلك عن نفسي راح أحاول آخذ التوفل وأجتاز درجة اللغة الإنجليزية وبعدين أحاول أخاطب الجامعة إذا أعفوني أو لقوا لي طريقة أفتك من هذا الاختبار كان بها .. إذا مافيه فكــة راح أحول جامعة ثانية والجامعات على قفى على من يشيل .. مانيب ملزوم أسوي زي طلاب واجد باقي على تخرجهم من الماستر أو الدكتوراة 4 شهور ومع كذا متعهدين للجامعة مايتخرجون الين يجيبون وثائق تثبت اجتيازهم للجي آر إي !
الله يوفقك وأي استفسار أنا حاضر والإخوان مابيقصرون وهذا موضوع فيه بعض النصائح كتبته ممكن ينفعك
http://www.mbt3th.us/vb/forum8/thread181429.html
بالتوفيق
د/الإبداع
بيّض الله وجهك ماقصرت فيه شارع قريب منك ومن المسجد اسمه Avenue A بين محطة 7- 11 ومحطة ثانية .. امتداده يودي للجامعة فيه مجمع شقق على يسارك ومجمعين ثانية على يمينك في بدايته
اطلع واتصل على الأرقام الي فيه وشوف الشقق وش وضعها ترى حلوة
أي خدمة ياشباب حاضرين للطيبين أول ماوصلت كنت محتاس وقابلت أخ عزيز من المنتدى دلني على أمور كثيرة لولا الله ثم نصائحه كان تأخرت كثيراً عشان استقر لذلك أعرف إن الواحد يحتاج أي شي ولو بسيط حتى لو واحد يأشر لك بأصبعه للاتجاه الصحيح
الله يوفقكم - الله يعطيك العافية اخوي طرقي امريكا7 "
الله يوفك انت وجميع الاخوان ان بصراحه
مبتعث من الجامعة انا محاضر في قسم الاجتماع وابي اكمل دكتوراه
في تخصص علم اجتماع البيئة ...
اخي طرقي ود/ الابداع
انا عندي طلب اريد بس معلومات عن سكن الاسر هناك
ونظامهم وكم ياخذون بالشهر
واذا سكنت مع الاسرة هل هو افضل من العزوبية واخذ مدرس خصوصي
تحياتي لكم - 7 "والله بيني وبينك ماعندي خبر بخصوص السكن مع العائلات ولا أسعارهم لكن لو أنا مكانك ولغتي شوي ماهيب قوية راح أسكن مع عائلة بس أنصحك تشترط مواصفات العائلة تكون :
1- قريبة من الجامعة
2- ماعندهم حيوانات أليفة
3- عندهم كبار بالسن عشان تضمن حد يقعد معك بالبيت ويسولف عليك
العائلة بتعلمك الانطلاقة في اللغة وبتكون أفضل من المدرس الخصوصي .. لأن المعهد ينوب عن المدرس الخصوصي
وعلى فكرة ترى بيكون صعب عليك تتأقلم في البداية مع عائلة خصوصاً إنك كبير ومتعود إنك تكون راعي البيت والمسؤول عنه لكن الله يعينك تصبر لين تحصل على اللغة
من بغى الدح ماقال أح
- 7 "صحيح
ألكورس هذا يُعطى بالمعهد وهو مخصص للي جاب درجة كويسة بالرياضيات وسيئة بالانجليزي باختبار GRE
عزيزي بخصوص السكن مع عوائل ترا مافيه شي كويس هنااخي طرقي امريكا
بيض الله وجهك على هذا الموضوع بصراحه مو مصدق اني شفت كلمة مدينة دنتون وايضا UNT
تعبت وانا ادور بالمنتديات عن هالمدينة او احد يفتي عن المعهد والجامعة والحياة هناك وكيفيت تعاملهم
اكرر شكري اخي طرقي وايضا الاخ سعد والاخ devil xvx
اسال الله ان يسهل امركم وان يعطيكم مرادكم وترجعون بالسلامة
اخوي طرقي انا جاي بعد العيد ان شاء الله لاني ابي اتعيد مع الاهل اولا
ثم نتوكل على الله
انا مثلك قبل ان تصل كان بداخلي مجموعة من الاسئلة تحتاج اجابة ارجو ان اجدها عندك
بخصوص السكن فانا سوف احضر تسعة شهور عزابي ثم سوف ارجع واخذ اهلي معي (زوجتي وبنتي)
اريد ان اعرف كيف اجد سكن وهل السكن لوحدي افضل ام اسكن مع عائلة افضل ؟
ايضا كم احتاج من مبلغ معي اثناء الحضور وماهي الفيزة الافضل ؟
ايضا ماهي اهم الاغراض التي يجب ان اهتم بها واحضرها معي ؟
ايضا انا مستواي في اللغة جدا متدني عندي كم كلمة بس هل استطيع اجتياز اللغة بسنة ونصف باذن الله ؟
وايضا انا قبولي على درجة دكتوراه علم الاجتماع ومطلوب اجتياز GRE وانا من زمان عن العلوم التطبيقية رايكم ؟
وايضا احتاج اعرف عن الحياة ووقت الفراغ كيف يمكن ان استفيد منه ؟
واخيرا الجامعة وتعامله مع السعوديين ؟
لكم تحياتي واسف عل الاطالة
وعلى فكرة اذا احد احتاج حاجه من الديرة قبل حضور الى امريكا فانا بالخدمة
وهذا هو الايميل ارجو ان نتواصل جميعا
wal_22#hotmail.com
مافيه إلا عجوز ولا يمدحونها الشباب ..
بالنسبة للفيزا انصحك بماستر كارد حق البنك الاهلي -الدفع المسبق جداً ممتازه
بالنسبة للغة صدقني مهي صعبة بس هي على الشخص نفسه
يعني المعهد تراه بيكرفك شوي لكن لو انك مزلب منت مستفيد شي
يعني انسان تحضر للمعهد وعقبها كل جلستك مع سعوديين طبيعي بتطول
لكن انت انسان تهتم بالمعهد وتطلع مع اجانب مهو شرط امريكان (اهم شي تمارس اللغة) تحاول تقرا كتب حتى لو قصص سهلة وتسمع راديو شي طبيعي بستفيد وبتطور لغتك بشكل سريع
بالنسبة لوقت الفراغ مدري وش اقولك صراحة لان كل واحد وجوه
لكن كلش موجود هنا
بالنسبة للاغراض حاول ماتكثر من ناحية ملابس واشياء ثانوية
ملابس بتلقى هنا افضل والسعر مقارب ان ماكان ارخص
شف باختصرها لك كلش هنا موجود وباسعار كويسة
لكن فيه اشياء طبيعي منت لاقيها مثل القهوة حقتنا ولا التمر (بتلقى تمر هنا لكن مهو ذاك الزود)
بهارات الاكل بتلقى هنا لكن لو تفضل انواع معينة جب معك
عندي نصيحة لك لو بتشحن اغراض واجد لاتجيبها بشنطتك انتبه بتتبهذل فيها
اشحنها من الرياض على دلاس على طول .. عندك الطيار للشحن جيدين قد شحنت عندهم اتذكر 60 كيلو ب 700 ريال
بالنسبة للسكن .. ترا فيه انواع مختلفة من السكن وعليك تنقي
يعني مع روميت بتلقى ومع ثنين ولا ثلاثة برضه فيه
فيه مجمعات طلاب فيها كل شي ومؤثثة عليك تدفع اجارك وفضينا
وفيه شقق مهي مأثثة وانت بتتكفل باغلب الاشياء
طبعاً شقق الطلاب تكون اغلى عادة
يعني مثلا تأخذ شقة طلاب فيها غرفة ب 950 بالشهر
بالمقابل تاخذها بحدود 550-650 بالشهر وبدون اثاث
نصيحتي لاحد يستأجر ولايتورط إلا لما يشوف اغلب المجمعات والانواع وبعدها يحدد
لان هنا العقود مهي سهلة واذا وقعت عقد لمدة سنة بتدفعها حتى لو غيرت رأيك بعد شهر ولا ثنين
ياتدفع كل العقد ياتجيب احد مكانك ..
عموماً اللي في باله شي معين لايتردد ويسألني
واللي جاي قريب ويبيني استقبله ولا ادور شقة له لايستحي
بخصوص ال GRE
لاتصعبونها وهي سهلة ..
اغلب التخصصات اللي مالها علاقة بالرياضيات ترا يبونها بالاسم
يعني اي درجة غالباً مايخالفون - السلام عليكم7 "
مرحبا يا أخواااان جميعا ، والاخوان devilxvx و طرقي أمريكا
انا وصلت يوم السبت ومقيم بالكمفورت سويتس
ومحتاج سكن عوائل بأقصى سرعة، لان معي عائلتي ( زوجتي وطفلين ) وما عندي سيارة
إذا ممكن أحد من الاخوان الموجودين يساعدني أكون له من الشاكرين
لكم تحياتي
أبو قصي
malshara1#gmail - اخي devil xvx واخي طرقي7 "
الف شكر لكم على هذه المعلومات القيمة
وهذا الرقي في التعامل والتعاون مشكورين مشكورين
اتمنى نخدمكم وان نراكم قريبا باذن الله
وعلى فكرة راح احتاجكم في السكن ولكن بعدالعيد باذن الله
لا نستغني عن تواصلكم وخدمتكم
حفظكم الله ولكم كل الشكر والعرفان
اخوكم ابوشوق
الأخ طرقي أمريكا ..
طيب ممكن أعرف الحضانة و الروضة و المدرسة ... يقبلون من سن كم لكم ؟؟ لأن عندي 3 أطفال و أبي أعرف وين يدخلون ؟؟
الأخ devil xvx
إلي فهمته من كلامك إن حتى إلي ياخذ كورس GPC لازم يمتحن GRE قبل .. صح ؟؟