جلسة 174**********

السلام عليكم دي أول مشاركة لي

وانا رديت خصوصا في هذا الموضوع لأني من الأسماء الموجودة في جلسة 174

كانت بالأول لازلت تحت الإجراء بس أحين تغيرت

وصارت

لم يلحق بالبعثة وتم اعادة المعاملة للملحق الثقافى

وش معناتها يعني خلاص مستحيل يلحقوني بالبعثة ولا كيف أو هل أجلوني إلى جلسة 175 أو أيش مانه فاهم
طبعا الأسباب مو مكتوبة ولا أدري وش صاير بليز فهموني

وأنا أدرس في كندا في جامعة MOUNT SAINT VINCENT UNIVERSITY

في هاليفاكس =(

أولا ولا تقلقي ولا شي - إهدأ
ثانيا الموضوع سهل وتحصل كثير , هذا معناه إن أوراقك ناقصة وممكن الملحقية أرسلتهم ناقصة, وش تسوي ؟ تخلي أحد يراجع لك في حي الغدير بالرياض لأن السستم داخل الوزارة يكشف الأسباب أما المتابعة بالنت فلا
إذا عرفت الأسباب وكانت نقص أوراق فبسرعة تلاحقي عمرك وخل أحد يكمل لك الأوراق ويكلم الدكتور وليد الجبر أثناء إستماعه اليومي لمشاكل المراجعين والذي يكون على الأغلب بعد العاشرة صباحا لفترة محدودة فقط, تراه رجال جدا متفهم ومتساعد ولو قدرت تسوي هالشيء هذا الأسبوع ممتاز لأن جلسة الدفعة الثالثة من 174 مطلع الأسبوع القادم
أما إذا كان السبب قبول مثلا ... الله يعين هذي قصة ثانية بس ما أعتقد أصلا الملحقية ما ترسل الأوراق إلا بعد التأكد منها إن المعاملة نظامية بس الله يعين تراهم يرسلون الأوراق بالفاكس وأحيانا تسقط ورقة سهوا

إذا خليتي الأمور تمشي على راحتها وش بيصير؟ الملحقية بترسل معاملتك مرة ثانية تلقائيا وراح تاخذ رقم على الأغلب 175 إللي بتاريخ 27/11/1430 هذا لأن هالشغلة تاخذ 2-3 أسابيع عشان كذا خل أحد يشيك لك في الوزارة

وإدعو لي ... تحياتي

مشكور أخوي mubaraks

وعسى عمرك طويل واليوم أكلم أحد من الأهل يشوفوا الموضوع =(

المشكلة حنا من الشرقية لو في الرياض اسهل بس مو مشكلة لازم اكيد احد يروح الرياض نشوف وإنشاء الله خير يارب

يالله على بابك ياكريم ولا خاب طلابك ياكريم

لاتخافين ولا شي مثل ما قالت الاخ . .

أكيـد فيه نواقص في ملفكـ مع ان الملحقية يجب عليها التدقيق قبل رفع الملفات حتى تكون جاهزة . .

ع العموم أكيد النواقص بتكون ياختم دخول او تأشيرة دراسة أو جامعه مو معتمده أو تخصص غير واضح في جامعه معتمدة . .

فأنتي كلمي قسم الدراسين على حسابهم بالملحقية والمشرف وهم راح يقولونك وش سبب الاعادة . .

وأي استفسار أنـا والاخوان حاضرين . .

فلا تخلين هالشي يحبطكـ أو ينقص من عزيمتكـ . .

أن شاءالله بتنضمين في أقرب فرصة . .

دمـتِ بنقـاء . .

أنا ما أدري وش ذي النواقص اهني المشكلة يعني لما أدخل على موقع الملحقية
http://sacb.mine.nu/

يطلع إلي كل شي Ok و Received

لااااااااااااااااااااااااا ...
إنسي موضوع الملحقية , ما عندهم سالفة
الموضوع حله فقط في الوزارة أو راح يصيرك تأخير
الملحقية لازم تقول الأوراق مرسلة كاملة ولا راح تعرفين من وين الخطأ !!! ولا مهم تعرفين المهم الوزارة الوزارة الوزارة

يا عسى عمركم طويل يارب ماقصرتوا والله

بس سؤال أخير :$

وين في الوزارة أخلي الأهل يروحون علشان الموضوع هذا

ماعليه تحملوني شوي الغربة وما تسوي

الوزراة فرع الإبتعاث - إمتداد شارع العليا شمال - حي الغدير بالقرب من حي المروج
أول ما يدخل صاحبك يتوجه يمين عند إستعلامات المراجعين, فيه تقريبا ثلاث كونترات , يطلب من أحدهم برنت بالمعاملة وراح يطلع في البرنت القرار والأسباب
تحسبا إنه أوراق ناقصة إللي بيروح لازم ياخذ كل مستنداتك من الجواز إلى القبول يعني كل شي
إذا فعلا نقص , ينتظر مقابلة ممثلي إدارة الإلحاق أثناء مقابلتهم المراجعين تحت في الدور الأرضي من بين 9 ونص إلى 10 ونص صباحا, يكلم الدكتور وليد الجبر أفضل لأنه المدير ويشرح له النقص إذا كان شيء مثل فيزا, كرت عائلة يمشي الموضوع بإعادة عرض المعاملة بعد إستكمال النواقص. أما إذا كان الموضوع قبول أو جامعة غير موصى بها الله المستعان

طبعا هذا أفضل الإحتمالات, يعني ممكن لايتمكن صاحبكم من مقابلة الجبر, ممكن يقابل شخص أخر في الإدارة, ممكن يصرفونه, ممكن يقولون له ننتظر رد الملحقية وممكن يحتاج كذا مشوار . وعلى أسوأ الإحتمالات الملحقية سترسل المعاملة تلقائيا مرة أخرى خلال أسبوعين أقل أو أكثر ولا قدامك إلا جلسة 175 بتاريخ 27/11/1430 هجرية هنا لازم يكون عندك صورة ضوئية من أسباب الرفض عشان تقعدين قعدة للملحقية

أتمنى أن يكون هذا شرح كافي , وإللي أهم عدم مقارنة وضعك بالأخرين والرضا بما قسمه رب العالمين
وهالله هالله في دعاء الوالدين

لا لصراحة شرح ووافي ماقصرت أخوي أنا بخبرهم وإنشاءلله خير

ماقصرت وأكيد ما ننسى الكل من الدعاء
الله يعطينا على قد نياتنا يارب

مشكورين

وإذا حصل شي معي بخربكم علشان لو حصل أي شي تقدروا تساعدوني مشكورين مرة ثانية