المـستشار التعليمي لقد ضاق بنا الحال (هل هناك الحاق او لا)

يا طوال العمر اسمعوا الكلام
قدامنا امرين
اعلان الميزانيه قرب وفرص انضمانا قربت ان صابت وانضمينا يا الله لك الحمد والمنه
ان ما صار في انضمام
الامر الاول تكمل دراستك على حسابك ان كنت ميسور الحال وهذا هو الخيار الافضل
الامر الثاني تحجز على اول طياره للسعوديه وتقول الحمد لله انا مريت بتجربه لم تكلل بالنجاح ولاكن استفدة خبره في الحياة و لغه ان شاء الله انها تساعدك في وظيفه محترمه

اتركو عنكم ضيقة الصدر وتكدر الخواطر
الي بيقول القهر من اهل الواسطات بقوله ربك اعلم بحالك وبالاصلح لك ورب العباد ماهو بغافل عن الظلم
اتمنى التوفيق للجميع ولنفسي

رد سرريع بسس ما فيه ثقه كـ العاده

الله يسهلها علينا ان شاء الله يآآآرررب

طيب خلونا نفترض انني قلت لكم ان البعثات قادمة اكيد في اول السنة المالية و بعد صدور الميزانية لم تصدر البعثات !!!!!!
وش موقفي سيكون امامكم؟ و بعدين هذا في علم الغيب و اتحدى اي واحد يقدر يعرف.
و بعدين اللي يقول ان كلام المستشار ما يطمئن و يخوف !!!! الحين اقولكم انه في السنوات الماضية كانت اغلب قرارات الابتعاث تصدر في اول السنة المالية و انني متفائل لانه احتمال كبير يتكرر نفس الشيء هذه المره طيب اشلون جاكم عدم التفائل!!!!

الله يسهل امركم و تحصلون على البعثة جميعا حتى الطلاب الدارسين خارج امريكا، و الله الموفق

شاكر تواصلك يالمستشار كلام سليم وعين العقل

ياشباب يااخوان انتظروا السنه الجديده مابقى لها شي وراح يتبين لنا يوجد الحاق ولا مافيه

ياعسى ربي يطوول بعمرك يبو خالد ردك الثاني اكد علىى انو ماهان عليك تشوف حالتنا سيئه ومحبطين

وبحول الله فيه الحاق وموقفك يبو خالد حاسين فيه انت ماتعلم الغيب ولاتبي تعطي كلام وثم يحسب عليك مع انو انت اكبر من اننا نشكك في مصداقيتك

الله يطول بعمرك واي جديد يبو خالد يليت تبلغنا فيه عالاقل ترد الروح لنا وحتى لو اخطئت بكلامك انت يالغالي تجتهد والباقي علمه عند رب العالمين

ماقصرت يابو خالد ...
الواحد يسوي اللي عليه ولو ربي كاتب له انضمام رااح ينضم من فوق خشم الوزير
ولو ربي موب كاتب له انضمام ماراح ينضم ولو واسطته الويز نفسه ..
يااخوان توكلوا على الله وربي ما ينسى عبادهـ ...

بارك الله فيك ابا خالد

حفظك الله يا يبو خالد شعورك فينآ يكفي

الله يحفظك لـ آهلك و آصحآآبك نتمنى لك التوفيق

هل لازم اسوي طلب الحاق او يكفي فتح ملف دارسرعلى حسابه الخاص؟