افيدووا اخوانكم المحتارون بين تخصصات الهندسه موجه للمهندسين بشكل عام جزاكم الله خير

بأنـتظــار ردودكم ..

السلام عليكم ورحمة الله وبركاته ...

انا راح اتكلم عن تخصصي اللي هو هندسة مدنية ... انا الحمد لله تخرجت هالسنه وناوي اكمل دراسه ...

الهندسه المدنية بدون ما ادخل في الفلسفه والهرج الكثير
تنقسم الى خمسة اقسام رئيسية .. وطبعا راح تدرسها كلها

اولا الهندسه الانشائية
وهذا القسم امتع قسم بالنسبة لي .. كل شي عن الانشاءات ( المباني + الجسور + الكباري + السدود + الانفاق + الابراج ) يعني
بصفه عااامه اي شي نستخدم فيه خرسانه سواء مسلحه او غير مسلحة ( فيها حديد او بدون) ... يعني تدرس القوى الموثره عالمنشأه وتسوي لها تحليل وتصميم ... يعني اتوقع هالقسم هو القسم اللي تقدر تعتبر نفسك مهندس لما تفهمه
وهذا القسم يعتبر ( فوق المتوسط ) من ناحية الصعوبة

ثانيا هندسة التربه والاساسات
قسم يهتم بدراسة التربه والاساسات واي شي تحت الارض (استقرار التربه + تصميم الاساسات + تصميم الخوازيق اللي تحت الابراج الكبيره + انهيارات التربه + اختبارات التربه في المعمل + دراسة حركة المويه في التربه ) صراحه هذا يعتبر ثاني افضل قسم بالنسبة لي
ويعتبر صعب بعض الشي للي ما يحب الفيزيا

ثالثا هندسة البيئه والمياه
اي شي يتعلق بالبيئه والمياه والصرف الصحي والسدود والانهار والبحار والامطار والثلوج
يعني قسم حلوو جدا وسهل في الدراسه
كيف تصمم شبكة مياه لاحد الاحياء مثلا .. تصرف مياه الامطار .. بناء السدود .. ومجاري لسيول
يعتبر من اسهل الاقسام والاحظ الطلاب يجيبون فيه درجات عاليه

رابعا هندسة النقل
وهذي تهتم بالطرق وكمان الكباري ( ليس تصميم وانما تختار مكان الكبري او التفق او الجسر ) يعني تقدر تقول دراسات
صبعا تصميم الطرق وتصميم خلطات الاسفلت و هندسة المرور
وحاجات ممتعه كثير

يعتبر قسم متوسط الصعوبه

خامسا هندسة التشييد وادارة المشاريع
التخطيط وادارة المشاريع والجدوله ودراسة المشاريع وحساب تكلفة المشروع وحساب المدة الزمنية للمشروع
كيفة التعامل مع المناقصات وكيف تدخل في لمشاريع ... وحاجات كثير ممتعه
يعتبر قسم جدا سهل ودراسة اغلبها نظري



هذا اللي جا في بالي وكتبتو لكم ... ان كان قصرت في شي اعذروني
واي شي انا تحت امركم باي سؤال او شي

تحياتي لكم وبالتوفيق للجميع

ق43مغعهب





الله يعطيك الف عافيه اخووووي ماقصرت

صراحه استفدنا كثيرررر واخذنا فكره عن الهندسه المدنيه ..


بالتووووفيق لك اخوووي .

بأنـتظار ردود الاخوان المتخصصون بالهندسه الكهربائيه


وجميعع تخصصات الهندسه .



بالتوفيق ..

الكهرباء حيكون المستقبل في السعودية حسب وجهة نظري ( اتصالات أوتحكم )