-
طريقتي في البحث عن الجامعة المناسبة!! (أتمنى أن تفيدكم)
بسم الله الرحمن الرحيم
السلام عليكم ورحمة الله وبركاته
أنا (والعياذ بالله من كلمة أنا) طالب راح أبتعث إلى أمريكا إن شاء الله, ودايماً مضيع ومتلخبط وحيران أي جامعة أختار؟ وفي أي ولاية؟ وأيش المدينة اللي راح أختارها بالزبط؟؟ هل المدينة غالية؟ كيف أجواء المدينة ؟؟ طيب أنا أبغى أدرس في جامعة تصنيفها ممتاز وليست سيئة وبنفس الوقت ما تكون في مدينة غالية مثل "بوستن" وبرضوا ما أبغى أدرس في مدينة سيئة.... الخ الخ الخ من الأسئلة المحيرة.
طبعاً كلنا يعرف إنه "الزين ما يكمل حلاهـ" يعني ما راح نلقى الشي اللي نبغاه زي ما نتمنى 100% ولا بد من بعض التضحيات في سبيل العلم والتعلم ... وبرضوا الواحد ما يبغى يروح يعيش في مدينة لا حياة فيها عشان لا يطقلوا عرق ويكره أم الدراسة..
صرت أسأل نفسي أيش الأولويات اللي عندي؟ هل أبغى الفلة والترفيه ولا أبغى الجامعة الممتازة اللي راح أتخرج منها وأقول بكل فخر "تراني خريج الجامعة الفلانية" ؟؟
طبعاً أغلبنا يبغى يجمع بين الأثنين والبعض يبحث عن الجامعات المتوسطة وتختلف من شخص لآخر على حسب طموحه أو قدراته (ورحم الله امرؤ عرف قدر نفسه) أو شخص يقدر يوفق بين الدراسة والفلة..... الخ
__________________________________________________
البداية:
حطيت أولويات عندي عشان أبدأ عملية البحث عن الجامعة اللي تناسبني, وبعدين أختار الجامعات المناسبة في قائمة وأشوف الفروق اللي بينها والعوائق اللي ممكن تواجهني عشان أختار الأفضل بينهم.
وهذي أولوياتي والعوائق وترتيبهم حسب الأهمية:
الأولويات:
1- تصنيف الجامعة:
جامعة يكون تصنيفها ضمن أفضل 100 أو 150 جامعة في موقع usnews
ملحوظة: في المقابل لازم تكون معترفة من وزارة التعليم العالي أيضاً وغير موقوفة!!!!!!
أيضاً: الجامعة اللي بأختارها في نفس الوقت لازم تكون ضمن أفضل 100 جامعة في تخصصي اللي هوا "الهندسة الميكانيكية".
أضافة: وهذا أيضاً موقع تصنيف إسباني عالمي للجامعات إسمه "ويبو ميتريك" من أفضل التصنيفات:
Ranking Web of World universities: Home
2- المعيشة:
الولاية أو المدينة اللي راح أسكنها ما تكون غالية جداً حتى لا يكون أكبر همي كيف أعيش بدل كيف أدرس!!
3- الأجواء:
الأجواء في المدينة ما تكون شديدة البرودة "بالنسبة لي شخصياً لا أستحمل البرودة الشديدة بتاتاً البتة".
4- الأمن والخدمات:
المدينة اللي أبغى أروحها ماتكون: مدينة غير آمنة أو لا حياة فيها ولا تكون في منطقة مقطوعة وبعيدة عن أي وسائل ترفيه.
العوائق:
(هذه عوائق فقط ويمكن تجاوزها بالإجتهاد والمثابرة أو تضحية بسيطة وليست مستحيلات وأنا وضعتها فقط للمقارنة بين الجامعات)
1- متطلبات الجامعة:
درجات إختبار التوفل والآيلتس ما تكون عالية جداً وبالنسبة لذلك ما يخص الدراسات العالية كدرجه الجي ار اي والجيمات وكل ما زادت المتطلبات تزيد العوائق.
2- هل الجامعة توفر قبولاً مشروطاً أم لا؟
لأن في البداية راح ندرس في معهد لغة وبعدها بننقل على الجامعة, والواحد يبغى يضمن شي بين يده , مع العلم وحسب ما سمعت إنه الطالب يقدر يغير الجامعة لمرة واحدة يعني هذا عائق مبدئي فقط (أرجو التأكد من هذه المعلومة!!!!!!)
3- المواصلات:
هل السكن بعيد عن الجامعة أم قريب؟ إن كان بعيد هل يوجد بالمدينة وسائل نقل عام ميسرة؟
__________________________________________________
الآن سوف أريكم طريقتي في البحث وأتمنى أن تكون ذات فائدة للجميع:
الخطوة الأولى:
من ناحيتي أًفضل في البداية أن تبحث عن أفضل 100 جامعة في التخصص اللي أنت ناوي عليه, حتى تسهل عملية فرز الجامعات لأن أمريكا فيها تقريباً 5000 جامعة ومعهد ولو حاولت تبحث في موقع الوزارة راح تطلع لك عشرات الصفحات وراح تضييع وتسكر الصفحة وتقول خليها بعدين أو تسلم نفسك لمكتب!!!!
لكن للأسف الشديد موقع usnews يعرضلك أفضل الجامعات بشكل عام, لكن بالنسبة للتصنيف على حسب التخصص ما يعرضلك إلا أفضل 9 جامعات, وإذا حاب تشوف باقي الجامعات لازم تشترك في الموقع بملبغ 20 دولار تقريباً لمدة سنة كاملة!!!!
لذلك أنا أستخدم هذا الموقع وإن شاء الله بتلقو فيه كل التخصصات :
U.S. College Ranking - Colleges and Universities Academic and Sports Ranking in United States
أو عليك البحث في قوقل:
Top Universities in Mechanical Engineering
غير ما خط بالأحمر, وحط مكانه أسم تخصصك وإن شاء الله بتحصلوا التصنيفات في النتايج
وبعد ما تلقى التصنيف على حسب التخصص "وإن شاء الله الكل يقدر يحصله بسهولة" تقدر تقارن التصنيف تبع أي جامعة في التخصص مع تصنيف usnews للجامعة ذاتها بشكل عام عن طريق البحث اللي راح أشرحه في الخطوات القادمة.
توضيح:
الجامعة ممكن تكون ضمن أفضل 100 جامعة في أمريكا لكن في التخصص يمكن يكون تصنيفها 130 أو 140 .. والعكس, أي الجامعة يمكن يكون تصنيفها الـ 150 بشكل عام, لكن تخصص الهندسة الميكانيكيا يكون تصنيفه عندها الـ 55 .. وكذلك.
مثال: جامعة هارفرد تصنيفها الأول بشكل عام !!! ... لكنها في تخصص الهندسة الميكانيكية تصنيفها الـ 26 !!!!!!!!!
ملاحظة:
*إذا التصنيف غير مهم بالنسبة لك يمكنك البحث عن الجامعات اللتي توفر قبولاً مشروطاً والطريقة ستجدها في هذا الموضوع :
http://www.mbt3th.us/vb/forum14/thread310303.html
وأيضاً هنالك قوائم جاهزة سوف تجدها جاهزة في موقع سعودييون في أمريكا وأيضاً هنالك مواضيع متوفرة هنا في منتديات مبتعث ويمكنك إكمال الخطوات المتبقية*
الخطوة الثانية:
الآن أنا أنتهيت من الأولوية الأولى اللي عندي, وكل الجامعات اللي أمامي تصنيفها ضمن أفضل 100 جامعة في التخصص وهذا راح يسهل عليا عملية البحث والإختيار بين الأفضل بإذن الله.
المفروض أي واحد يبغى يسافر أي دولة لازم يكون عنده خلفية عنها وعن ولاياتها بشكل عام على الأقل ولازم ولا بد إنه يقرأ عنها وهذا شي جداً مهم!!!!
وهنا أنا ما أقدر أشرح عن الخمسين ولاية الأمريكية لأن كل ولاية يحتاجلها موضوع لوحده, وأنت عليك البحث عن مزايا كل ولاية لــكــن راح أعطيكم نبذة سريعة من خلفيتي عن الولايات بشكل عام مما قرأت وسمعت وعليك التأكد من بعدي!!!!!!!
__________________________________________________
هذي خارطة أمريكا وأمامنا الخمسين ولاية :
http://vikitr.net/data/media/90/3_us-map.gif
- غالباً الولايات اللي في الشمال بالأعلى تكون باردة في الشتاء وفيها ثلوج وبرد قارس, مثل: نيويورك, نيوجيرسي, أوهايو, مونتانا... (أكيد في حالات شاذة طبعاً).
- والعكس بالنسبة للولايات الجنوبية, أجواها دافئة ومنها الحار أيضاً مثل تكساس وأريزونا "كأنك بالسعودية على حسب ما قرأت وسمعت", ومنها الأجواء الإستوائية كـفلوريدا وبها مدينة ميامي ... الخ
- الولايات الشمال شرقية غالية معيشياً مثل نيويورك ونيوجيرسي ومدينة بوستن وأيضاً ولاية كالفورنيا بالجنوب الغربي, وولاية فلوريدا في الجنوب الشرقي, وأيضاً المدن السياحية مثل: ميامي وغيرها. لكن في المقابل كل الخدمات العامة متوفرة ووسائل الترفيه والسياحة (لكن هذا لا يمنع أن تكون هنالك حالات شاذة لبعض المدن في هذه الولايات).
- الولايات الوسطى حسب ما قرأت أنها من ارخص الولايات لكن في المقابل تنقصها الخدمات العامة.
(أنا بأتكلم بشكل عام ولا يمنع أن تكون هنالك مدن كبرى في هذه الولايات تختلف عن جاراتها, والكل يعرف الفرق بين المدن الكبرى والمدن الصغيرة!!).
- طبعاً في مدن مكتظة بالسعوديين مثل شيكاغو, بيتسبرغ (فيها أكبر نادي طلابي سعودي بأمريكا), وعليك القراءة والبحث في المنتدى وسوف تجد معلومات كافية عن هذه النقطة.
وأنصحكم بزيارة هالموقع الرآئع !!!!!!!
!! CITY DATA !!
كل ما عليك إدخال إسم المدينة, الولاية .. وراح تطلع لك معلومات المدينة بالتفصيل المملمن عدد السكان, نسبة الإناث والذكور, نسبة الأعراق الموجودة في المدينة, الطقس على مدار العام, متوسط الأعمار, متوسط الدخل, وغيرها وغيرها من المعلومات القيمة عن المدينة
__________________________________________________
الأن صار عندي الجامعات الـ 100 في القائمة وبجوارها أسم الولاية والمدينة, وأيضاً عندنا خلفية عن الولايات بمجرد النظر للخريطة ومعرفة إسم الولاية وخلي قوقل-للخرائط صديقك!! وأيضاً ويكيبيديا ومنتدى مبتعث "الله يخليه ويجعله دائم ويجزى كل من ساهم فيه ألف خير" راح تلقى فيهم كل اللي تبغاه عن أي ولاية.
في بداية الأختيار من قائمة الـ 100 جامعة, راح أختار بطريقة عشوائية مرتبة واللي هيا أختار على حسب الولايات اللي أظن إنها مناسبة ليا وزي ما قلتلكم أنا بأحاول أشرد من البرد, والمدن السياحية أو الغالية مثل نيويورك, بوستن ... الخ إذاً غالباً راح أختار الجامعات اللي في الجنوب الأمريكي مبدئياً وكل واحد أدرى باللي يناسبه!!! ومو شرط إني راح أدرس في الجنوب لأننا نتوقع عوائق أو عقبات (ليس كل ما يتمنى المرؤ يدركه .. تجري الرياح بما لا تشتهي السفن) ...
ومثلاً أخترت خمسة جامعات مبدئياً واللي هما:
Arizona State University - Tempe, AZ .... Ranking 43
University of Florida - Gainesville, FL .... Ranking 26
University of Houston - Houston, TX ...Ranking 84
Rice University - Houston, TX ..... Ranking 27
Texas A&M University - College Station, TX .... Ranking 16
ننتقل لموقع وزارة التعليم العالي للجامعات المعترف بها :
ru.mohe.gov.sa
ندخل أسماء الجامعات الخمسة ونتأكد إنها غير موقوفة ! وأيضاً نتأكد إنه التخصص تبعنا موجود لما ندخل على إسم الجامعة ونشوف التخصصات عن طريق البحث (Ctrl+F) وأكتب تخصصك وأتأكد من وجوده !!!!! ...
بعد ما نتأكد من إعتراف الوزارة بالجامعة والتخصص وأنها غير موقوفة, تقدر تدخل على موقع usnews وتشوف تصنيف الجامعة بشكل عام ومرتبتها ومميزات أخرى مثل "عدد الطلاب, رسوم الجامعة, عدد الإناث وعدد الذكور, عدد الطلاب اللذين يملكون سيارات, نسبة المدرسين لعدد الطلاب, نسبة التخرج في أربع سنوات, رسوم الجامعة للدارسين على حسابهم, ورسوم السكن, والأجمل في بعض الجامعات تستطيع قراءة تعليقات الطلاب بأسفل الصفحة", كل ما عليك الدخول على هذا الرابط وكتابة أسم الجامعة تحت خانة name (ويفضل كتابته لأنه بعض الأحيان لا تظهر لك نتيجة مع النسخ واللصق وبمجرد كتابة جزء من إسم الجامعة سوف تظهر لك):
Best College | Search | US News
بعدها أضغط على أسم الجامعة وسوف يفتح لك ملف الجامعة وتجد كل المعلومات, والتصنيف دائماً تحت الصورة في مربع أصفر.
طبعاً الخمس الجامعات اللي أخترتها الحمدلله معترفة من الوزارة وغير موقوفة, وقريت عنها في موقع usnews ..
الخطوة الثالثة:
كيف أعرف أي المدن أفضل من ناحية أسعار السكن؟؟ والمعيشة ؟؟ وغيرها ... ؟؟ من الخمس جامعات اللي أخترتها؟
الطريقة المتعارف عليها إننا نكتب موضوع في منتدى مبتعث وعنوانه:
تكفووووووووووووووووووووووون ضروري عاجل يرحم أهلكم !!!!!!!!!!!!!
وللأسف الكثير ما يتعب نفسه ويعمل بحث ويسبب تكرار كبير للمواضيع,
أبسطها أفتح قوقل وضيف على كلمات البحث " site:mbt3th.us "
وراح تطلع لك كل النتائج من موقع مبتعث فقط لا غير !!!
وايضاً أنا عندي طريقة مبتكرة بسيطة عشان أقارن بين المدن من ناحية أسعار السكن واللي هي غالباً تكسر الظهر وعالأقل أخذ فكرة...
أفتح أي موقع من المواقع المتخصصة في البحث عن مسكن ... وغالباً أنا أستخدم:
Apartments for Rent & Homes for Rent - Rent.com
"لازم تسجل إيميلك وما ياخد ثواني وبعدها تقدر تبدأ البحث"
غالباً لما أبغى أسوي مقارنة ,,, أدخل إسم المدينة والولاية طبعاً وأختار نوع الشقة اللي ابغاها, ستوديو ولا شقة بسريرين أو 3 وغالباً أختار ستوديو, وأحط السعر من 100 دولار إلى 800 دولار وأشوف نتيجة البحث !!!
وهذه بعض النتائج :
نيويورك = ولا ستوديو إيجاره 800 دولار أو أقل .. لكن راح يطلعلك نتايج أقرب مدينة أو ولاية وطلعلي في نيوجيرسي ..
ميامي = 68 ستوديو وفقط 25 منها في مدينة ميامي "وطبعاً ميامي مدينة سياحية" .. والباقي في ضواحي ميامي!!!!!
مدينة تيمبي في ولاية أريزونا = 488 ستوديو إيجاره 800 دولار أو أقل !!!
هذه أحدى الطرق اللي تقدر تاخذ فيها خلفية عن أسعار السكن, وحاول تفتح كل الصفحات عشان بعض الأحيان في الصفحة الثانية أو الثالثة يكتبلك إنه الاستوديو هذي تبعد 1 ميل أو 2 ميل عن المدينة ... وبعض الاحيان يوصل 10 ميل !! ..
وهذان موقعان آخرآن رآئعآن ومتميزان للبحث بالضغط على الخريطة ويعطيان مقارنات بين أسعار الولاية والولاية المجاورة, والترتيب حسب السعر وغيرها من تفضيلات البحث :
http://www.myapartmentmap.com
Apartments.com | Find Apartments for Rent, Houses, Condos and Townhomes | Rental Listings
الخطوة الرابعة:
الآن نقدر نرتب الخمس جامعات اللي أخترناها على حسب الأولويات من التصنيف أو السكن أو الولاية أو المعيشة أو المدينة أو الطريقة اللي أنت تشوفها مناسبة لكن تقدر تحطهم في جدول عشان تقدر تقارن.
ومن هنا ندخل على موقع الجامعة عشان تعرف متطلباتهم مثل: درجة التوفل أو الآيلتس, أو أي أختبارات أخرى.
أيضاً عشان تعرف إذا الجامعة عندها معهد أم لا !! لانها راح تكون إضافة ممتازة للجامعة "وللعلم في بعض الجامعات لا يوجد لديها معاهد لغة".. لكن برضوا تقدر تدور على معاهد اللغة من هذه من مواقع هذه المنظمات الثلاثة على حسب الولاية (حصلت عليها عن طريق السفارة الأمريكية):
AAIEP - American Association of Intensive English Programs
أو
All UCIEP Members - UCIEP: Best accredited English language study in the US
أو
Intensive English Language Programs in the US | Intensive English USA
وهذي المعاهد المعترفة من وزارة التعليم العالي وستظهر لك المعاهد المتكدسة واعداد الطلاب فيها (التحديث في هذه الصفحة مستمر):
http://www.mohe.gov.sa/ar/studyaboard/King-Abdulla-hstages/Pages/Accreditedacademicinstitutions.aspx
إذهب إلى معاهد أمريكا وستجد المعاهد المعترف بها, وللمعلومية أي معهد تابع للجامعات الموصى بها, فالمعهد الموجود عندهم يعتبر معترف من الوزارة.
وبرضوا, عشان تعرف إذا الجامعة توفر قبول مشروط إما عن طريق الموقع أو عن طريق البحث عن أسم الجامعة في موقع مبتعث والطريقة الأفضل والأمثل والأحلى إنك تراسل الجامعة ....
وهذا نموذج جاهز للرسالة في موضوع للأخ SeeBoy وفي الردود في نماذج أخرى ويمكن البحث في الملتقى أيضاً:
تفضلوا نموذج لمراسلة الجامعات للحصول على قبول مشروط
ملاحظات:
- أي أمر يتعلق بالتقديم, أو المتطلبات تجده في مواقع الجامعات تحت قسم : Admission ويفضل أن تراسل هذا القسم فقط أبحث عن إيميلهم ..
وبعض الأحيان قسم ال Admission مقسم إلى عدة أقسام, حاول البحث عن : International Student
لأن متطلبات الطلاب الأجانب تختلف عن الأمريكيين !!!!!
- وأي شيئ يتعلق بالتخصصات الموجودة وغيرها تجده في : Academic
أضافة:
دائماً في أغلب مواقع الجامعات تلقى بالأسفل عنوان الجامعة الكامل, تقدر تنسخه وتلصقه في قوقل-للخرائط وراح تطلع لك الجامعة في الخريطة, وبنفس الوقت تفتح موقع rent.com وتقدر تشوف السكن المتوفر قرب الجامعة.
وطبعاً الشيخ قوقل عنده ميزة : Get-Direction فقط إضغط بالزر الأيمن وأختار: direction from here وبعدها دخل عنوان السكن direction to وراح يعطيك المسافة والوقت المقدر المتوسط اللي راح تقطعه إما بالسيارة أو الدراجة أو مشياً على الأقدام !!!!!!!!!!!
نفس الشيئ تقدر تشوف مسافات أقرب المدن منك بنفس الطريقة, فقط إضغط على المدينة اللي فيها الجامعة بالزر الأيمن direction from here وروح على المدن الأخرى وأضغط direction to here وتقدر تشوف إيش المدن الكبيرة أو السياحية القريبة منك وكم المسافة بالسيارة
الخطوة الخامسة:
بعد أن تعرف إذا كانت الجامعة تقدم قبولاً مشروطاً تستطيع البدء في التقديم عليها وإرسال أوراقك لهم والبدء في الإجراءات وبرضوا تقدر ترجع تبحث عن خيارات أخرى وتسجل كل المعلومات في ملف خاص عشان لا تتلخبط بين الجامعات وتعرف كل جامعة أيش شروطها وأيش توفر !!!!!!!,
وإذا الخمس جامعات كانت لا تقدم قبولاً مشروطاً (يعني منحوس رسمي مثلي) , الله يعينك ترجع تبحث من القائمة عن خمس جامعات أخريات حتى تجد الجامعة المناسبة .. وكما ذكرت في السابق, حسبما سمعت إنه المبتعث يستطيع تغيير الجامعة لمرة واحدة فقط !! يعني تقدر تقدم على الجامعة اللي في بالك بعد ما تخلص المعهد!!! وعشان كيدا أقلكم سجلوا كل شيئ في ملف عشان لا تنسوا !!
أخيراً:
كل الكلام اللي كتبته من خبرتي الشخصية في البحث عن الجامعات, وإذا أخطأت في أي معلومة أتمنى إنكم تصححوها ليا, وإذا أي شخص عنده أي أضافة سواء كانت خطوة أو مصادر أو مواضيع مرتبطة بهذا الموضوع أنا مستعد لإضافتها, ولا تؤاخذوني على التقلب ما بين اللغة العربية واللهجة العامية ... :o
وأي إستفسار أنا حاضر ؟!
ولا تحرمونا من تعليقاتكم ومشاركتكم خصوصاً إنه الموضوع غير مثبت وحتى لا يذهب المجهود للصفحات الأخيرة, تعليق أو كلمة واحدة تكفي وتسعدني :) ....
والله يوفق الجميع وأتمنى إنه الجميع أستفاد من الموضوع ...
وإذا عجبك الموضوع "أنقر" أعجبني :p
للمعلومية: الموضوع يتم تحديثه بشكل دائم كلما وجدت شيئاً يستحق الإضافة عليه!!
-
رد: طريقتي في البحث عن الجامعة المناسبة!! (أتمنى أن تفيدكم)
الله يجزاك الجنه .. ما قصرت .. دعواتك لي توني بادي في رحلة البحث عن جامعه وولايه وسأطبق كلامك
-
رد: طريقتي في البحث عن الجامعة المناسبة!! (أتمنى أن تفيدكم)
طريقة بحث جدا منظمة أشكرك على العرض الرائع ..
من ناحيتي بحثت اولا عن الجامعة التي يوجد بها تخصصي وتقدم قبول مشروط وتطلب درجات قليله في الجيمات وقمت بحصر هذه الجامعات ثم في اي مدن وولايات تقع واخترت الولاية التي تناسبني من حيث الامان
لكن مع ذلك تضطر لان تضحي ببعض الشروط ..
-
رد: طريقتي في البحث عن الجامعة المناسبة!! (أتمنى أن تفيدكم)
اقتباس:
المشاركة الأصلية كتبت بواسطة nader998
الله يجزاك الجنه .. ما قصرت .. دعواتك لي توني بادي في رحلة البحث عن جامعه وولايه وسأطبق كلامك
اللهم ءامين أجمعين .... الله يوفقك للي فيه الخير :)
-
رد: طريقتي في البحث عن الجامعة المناسبة!! (أتمنى أن تفيدكم)
طريقه رائعه جداً واهنيك عليها
-
رد: طريقتي في البحث عن الجامعة المناسبة!! (أتمنى أن تفيدكم)
روووووح دربك خضر
شغل متعوب عليييه واكثر من رائع ياليت الاخوان المشرفين يثبتونه بعد اذن صاحب الموضوع
كل يوم اكتشف شيء جديد وكل يوم اقلق واتوتر اكثر براسي أسألة واحس اني واقفة في. وسط اصعب متاهاتي
انا مقدمة ومابي اعشم نفسي بالبعثة
اخاف مإنقبل واخذ موقف
بس مشكور يالطيب ماقصرت الله يبلغك امانيك ومنات حياتك ويخدمك المال والبنون
حفظك الرب
-
رد: طريقتي في البحث عن الجامعة المناسبة!! (أتمنى أن تفيدكم)
يعطيك العافية على الأيضاح والشرح ومشاركتك لنا بالمعلومات
وهي بالحقيقة تفتح ذهن من هو غائص في بحر جامعات و ولايات أمريكا
وتعطيه فرصة للنجاة والوقوف قليلاً مع نفسه , , ,
فلك الشكر والتقدير ,
-
رد: طريقتي في البحث عن الجامعة المناسبة!! (أتمنى أن تفيدكم)
صراحة يا اوسامة شغل موت .....شغل نظيف
اتمنى لك التوفيق
أنا أخترت وقدمت على ثلاث جامعات زي ما انت عارف قدمت على دايتون و اوهايو واوبورن
على العموم الله يوفقك ويكتب لك الخير
-
رد: طريقتي في البحث عن الجامعة المناسبة!! (أتمنى أن تفيدكم)
ماااشاء الله تبارك الله
شغل وااااااضح ومنظم
الله يوفقك ويعطيك ع قد نيتك .......... يااارب بحق يوم الجمعه الفضيل وفقه وحقق امانيه وارزقه اعلى الدرجات بالدنيا والاخره
-
رد: طريقتي في البحث عن الجامعة المناسبة!! (أتمنى أن تفيدكم)
اقتباس:
المشاركة الأصلية كتبت بواسطة ناوي بعثه
طريقه رائعه جداً واهنيك عليها
تسلم أخوي وأتمنى إنك أستفدت .......
-
رد: طريقتي في البحث عن الجامعة المناسبة!! (أتمنى أن تفيدكم)
اقتباس:
المشاركة الأصلية كتبت بواسطة ناوي بعثه
طريقه رائعه جداً واهنيك عليها
تسلم أخوي وأتمنى إنك أستفدت .......
-
رد: طريقتي في البحث عن الجامعة المناسبة!! (أتمنى أن تفيدكم)
اقتباس:
المشاركة الأصلية كتبت بواسطة لوحة فرح
روووووح دربك خضر
شغل متعوب عليييه واكثر من رائع ياليت الاخوان المشرفين يثبتونه بعد اذن صاحب الموضوع
كل يوم اكتشف شيء جديد وكل يوم اقلق واتوتر اكثر براسي أسألة واحس اني واقفة في. وسط اصعب متاهاتي
انا مقدمة ومابي اعشم نفسي بالبعثة
اخاف مإنقبل واخذ موقف
بس مشكور يالطيب ماقصرت الله يبلغك امانيك ومنات حياتك ويخدمك المال والبنون
حفظك الرب
الله ينور دربك أختي ويكتبلك اللي فيه الخير, وإن كانت البعثة خير لكي , الله يرزقك إياها ويسهلها لكي ...
ولا تخافي, وأرضي بالمكتوب ...
والعفو ياأختي وتسلمي عالرد الجميل, والله يسمع منك هالدعوة الحلوة ...
-
رد: طريقتي في البحث عن الجامعة المناسبة!! (أتمنى أن تفيدكم)
اقتباس:
المشاركة الأصلية كتبت بواسطة أبو سارا
يعطيك العافية على الأيضاح والشرح ومشاركتك لنا بالمعلومات
وهي بالحقيقة تفتح ذهن من هو غائص في بحر جامعات و ولايات أمريكا
وتعطيه فرصة للنجاة والوقوف قليلاً مع نفسه , , ,
فلك الشكر والتقدير ,
الله يعافيك يا أبو سارا والعفو ... والله يوفقك ويوفق الجميع يارب
-
رد: طريقتي في البحث عن الجامعة المناسبة!! (أتمنى أن تفيدكم)
اقتباس:
المشاركة الأصلية كتبت بواسطة abdullah hassan
صراحة يا اوسامة شغل موت .....شغل نظيف
اتمنى لك التوفيق
أنا أخترت وقدمت على ثلاث جامعات زي ما انت عارف قدمت على دايتون و اوهايو واوبورن
على العموم الله يوفقك ويكتب لك الخير
حي الله أبو حسن , نورت الموضوع ...
الله يوفق الجميع يارب وتسلم على مرورك وأتمنى إنه الموضوع أفادك ..
-
رد: طريقتي في البحث عن الجامعة المناسبة!! (أتمنى أن تفيدكم)
اقتباس:
المشاركة الأصلية كتبت بواسطة aljoharah1990
ماااشاء الله تبارك الله
شغل وااااااضح ومنظم
الله يوفقك ويعطيك ع قد نيتك .......... يااارب بحق يوم الجمعه الفضيل وفقه وحقق امانيه وارزقه اعلى الدرجات بالدنيا والاخره
اللهم ءااامين أجمعين يارب العالمين ....
وتسلمي يالجوهرة على مرورك وأتمنى إنه أفادك الموضوع ...
الله يوفقك ويكتبلك كل اللي فيه الخير :)
-
رد: طريقتي في البحث عن الجامعة المناسبة!! (أتمنى أن تفيدكم)
الله يجزاااك الف خير .... طريقه جدااا رائعه . راح اتبعه ان شاء الله ...
بالتوفيق لك ياااااااااارب
-
رد: طريقتي في البحث عن الجامعة المناسبة!! (أتمنى أن تفيدكم)
والله موضوعك ذهبي
واتمنى انه يثبت ، انت كفيت ووفيت …
وافضل شيء كتبته انك تنصح المبتعثين بالتسجيل بأفضل 100 جامعة في تخصصك .
وانا عن نفسي والله قاطع 13 الف كيلو علشان ادرس في جامعة على الاقل تكون ترتيبها تحت 70 …
والله الموفق
-
رد: طريقتي في البحث عن الجامعة المناسبة!! (أتمنى أن تفيدكم)
والله انك مبدع يا اخوي
الله يستر عليك ويوفقك ويسعدك دنيا واخراه وربي قاعد ادور الين ما طلع الشيب من راسي وكل ما اوصل لشي القي موضوع يخليني ابطل وخدلك بحث تاني
وعمللللللت موواضيع ولا احد ساعدني :(
بس الله يستر عليك حبيبي ما قصررررت الله يوفقك دنيا واخره .......... جزاك الله خير
فمان الله
-
رد: طريقتي في البحث عن الجامعة المناسبة!! (أتمنى أن تفيدكم)
الله يعطيك العافييه ماشاء موضوع رائع ومرتب
ان شاء حأمشي عليه للبحث عن الجامعات والولايه
جزاك الله خيــر
-
رد: طريقتي في البحث عن الجامعة المناسبة!! (أتمنى أن تفيدكم)
بارك الله فيك وكثر من أمثالك
-
رد: طريقتي في البحث عن الجامعة المناسبة!! (أتمنى أن تفيدكم)
موضوع خطــــــــــــــــــــــــــــــــير
ربي يجزاك الف خير
-
رد: طريقتي في البحث عن الجامعة المناسبة!! (أتمنى أن تفيدكم)
ماشالله موضوع أكثر من رائع ...في المفضله على طول
ياليت من المشرفين يثبتون الموضوع ...
-
رد: طريقتي في البحث عن الجامعة المناسبة!! (أتمنى أن تفيدكم)
الله يجزاك الجنة ياااااااااااااااااارب
-
رد: طريقتي في البحث عن الجامعة المناسبة!! (أتمنى أن تفيدكم)
الله يوفقك ان شاء الله ,,,,,,,,,,,,,,,,, بصراحة شرح مفصل يدل على حس هندسي رفيع (مهندس منظم ) كان نفسي اكتب زي هذا الموضوع لكن ما اثدر اكتب الكمية هذه ما شاء الله عليك
اخوك ابو حسين
-
رد: طريقتي في البحث عن الجامعة المناسبة!! (أتمنى أن تفيدكم)
اقتباس:
المشاركة الأصلية كتبت بواسطة كنار
الله يجزاااك الف خير .... طريقه جدااا رائعه . راح اتبعه ان شاء الله ...
بالتوفيق لك ياااااااااارب
وياكي أختي ,, وتسلمي على مرورك وأتمنى إنك أستفدتي...
الله يوفق الجميع ويكتبلنا اللي فيه الخير ....
دمتي بود
اقتباس:
المشاركة الأصلية كتبت بواسطة إلى المستقبل
والله موضوعك ذهبي
واتمنى انه يثبت ، انت كفيت ووفيت …
وافضل شيء كتبته انك تنصح المبتعثين بالتسجيل بأفضل 100 جامعة في تخصصك .
وانا عن نفسي والله قاطع 13 الف كيلو علشان ادرس في جامعة على الاقل تكون ترتيبها تحت 70 …
والله الموفق
حياك أخوي "إلى المستقبل" ....
هذا بعضاً مما عندك, منك أنت وباقي أعضاء الملتقى الكرام أخذت أستفدت من هذه المعلومات وقدرت أجمعها في موضوع واحد ...
أكيد أخوي, الهدف الأساسي من البعثة هوا الدراسة, ولازم الواحد يبحث عن الأفضل له ...
الله يوفق الجميع وأسعدني مرورك ..
اقتباس:
المشاركة الأصلية كتبت بواسطة Hossam_Badawi
والله انك مبدع يا اخوي
الله يستر عليك ويوفقك ويسعدك دنيا واخراه وربي قاعد ادور الين ما طلع الشيب من راسي وكل ما اوصل لشي القي موضوع يخليني ابطل وخدلك بحث تاني
وعمللللللت موواضيع ولا احد ساعدني :(
بس الله يستر عليك حبيبي ما قصررررت الله يوفقك دنيا واخره .......... جزاك الله خير
فمان الله
اللهم ءامين أجمعين ...
وتسلم على تعليقك الرائع ... وأكيد الأعضاء ما أنتبهوا للمواضيع , ولا الملتقى ماشاء الله فيه ناس كثيرة تحب المساعدة وفعل الخير ....
الله يجزاك خير ويوفق الجميع يارب ..
اقتباس:
المشاركة الأصلية كتبت بواسطة Samira.E
الله يعطيك العافييه ماشاء موضوع رائع ومرتب
ان شاء حأمشي عليه للبحث عن الجامعات والولايه
جزاك الله خيــر
الله يعافيكي أختي سميرة,
والله يوفقك ويكتبلك كل اللي فيه الخير وأي إستفسار أنا تحت أمركم جميعاً ...
-
رد: طريقتي في البحث عن الجامعة المناسبة!! (أتمنى أن تفيدكم)
مجهود جباااار وافكار اكثر من رائعة
يعطيك العافية وليكن التوفيق حليفك بأذن الله
-
رد: طريقتي في البحث عن الجامعة المناسبة!! (أتمنى أن تفيدكم)
اآلله آلله بخخريج الـ YIC ^_* ..
ما شاآلله موضوع مرتب وبسيط ومفييييد .. :)
جزاآك الله
ومووفق ياآرب
..:: // خاآرج الموضوع ..
بس فينك يا باآش مهندس عن الـ YICS ؟! :D
-
رد: طريقتي في البحث عن الجامعة المناسبة!! (أتمنى أن تفيدكم)
-
رد: طريقتي في البحث عن الجامعة المناسبة!! (أتمنى أن تفيدكم)
اقتباس:
المشاركة الأصلية كتبت بواسطة إيـثـــــار
بارك الله فيك وكثر من أمثالك
الله يبارك فيكي ويخليكي ... وأتمنى إنك أستفدتي من الموضوع .. وبالتوفيق يارب
اقتباس:
المشاركة الأصلية كتبت بواسطة sandra2008
موضوع خطــــــــــــــــــــــــــــــــير
ربي يجزاك الف خير
تسلمي يا ساندرا والله يجزاكي ألف خير .. وبالتوفيق يارب
اقتباس:
المشاركة الأصلية كتبت بواسطة Miss.B
ماشالله موضوع أكثر من رائع ...في المفضله على طول
ياليت من المشرفين يثبتون الموضوع ...
تسلمي يا ميسس
اقتباس:
المشاركة الأصلية كتبت بواسطة BlueOcean
الله يجزاك الجنة ياااااااااااااااااارب
اللهم ءامين وجميع المسلمين والمسلمات يارب ... تسلملي على هالدعوة الله يوفقك ويكتبلك كل اللي فيه الخير ...
-
رد: طريقتي في البحث عن الجامعة المناسبة!! (أتمنى أن تفيدكم)
اقتباس:
المشاركة الأصلية كتبت بواسطة mhaa1000
الله يوفقك ان شاء الله ,,,,,,,,,,,,,,,,, بصراحة شرح مفصل يدل على حس هندسي رفيع (مهندس منظم ) كان نفسي اكتب زي هذا الموضوع لكن ما اثدر اكتب الكمية هذه ما شاء الله عليك
اخوك ابو حسين
الله يوفق الجميع يارب ....
تسلم والله أخوي, والله يكتبلك كل اللي فيه الخير وأسعدني مرورك وردك ...
-
رد: طريقتي في البحث عن الجامعة المناسبة!! (أتمنى أن تفيدكم)
اقتباس:
المشاركة الأصلية كتبت بواسطة Maryam Adnan
مجهود جباااار وافكار اكثر من رائعة
يعطيك العافية وليكن التوفيق حليفك بأذن الله
تسلمي يا أختي مريم ..
والله يعافيكي ويحقق أمانيكي ويكتبلك كل اللي فيه الخير يارب ...
-
رد: طريقتي في البحث عن الجامعة المناسبة!! (أتمنى أن تفيدكم)
اقتباس:
المشاركة الأصلية كتبت بواسطة جميلة الروح
ربي يوفقك يارب يا رب
الله يوفق الجميع يارب ويكتبلنا اللي فيه الخير والبركة يارب ... أتمنى إنك أستفدتي من الموضوع يا أختي ..
-
رد: طريقتي في البحث عن الجامعة المناسبة!! (أتمنى أن تفيدكم)
اقتباس:
المشاركة الأصلية كتبت بواسطة ebbo
اآلله آلله بخخريج الـ YIC ^_* ..
ما شاآلله موضوع مرتب وبسيط ومفييييد .. :)
جزاآك الله
ومووفق ياآرب
..:: // خاآرج الموضوع ..
بس فينك يا باآش مهندس عن الـ YICS ؟! :D
هلا والله بعيال كليتنا الحبيبة :P
الله يجزاني وياك ألف خير ...
عندي مواضيع في ال YICs لكنها خفيفة وطفيفة ...
وللأسف الموقع مقفل له سنة تقريباً ....
أسعدني مرورك والله يوفقك ويكتبلك اللي فيه الخير يا ولد كليتي ...
-
رد: طريقتي في البحث عن الجامعة المناسبة!! (أتمنى أن تفيدكم)
-
رد: طريقتي في البحث عن الجامعة المناسبة!! (أتمنى أن تفيدكم)
اقتباس:
المشاركة الأصلية كتبت بواسطة oska88
هذا شرف لي أن يضاف موضوعي في شرحك الكافي والوافي .. ومررت به عدت مرات وأستفدت منه كثيراً..
جزاك الله خير وجعله في ميزان حسناتك .. والله يوفقك ويكتبلك كل اللي فيه الخير يا أخ Oska ..
-
رد: طريقتي في البحث عن الجامعة المناسبة!! (أتمنى أن تفيدكم)
الله يسعدك يارب
بس اخويا فين ممكن ألقى شروط اي جامعة
هل لابد من المراسلة أو مكتوب في موقعهم
غير كذا تقدر تفيدنا في انظمة الجامعة للماستر
من حيث عدد الساعات ونظام البحث وكذا ..
المشكلة مو فاهمة الطريقة فياليت تفيدني
شكرا
-
رد: طريقتي في البحث عن الجامعة المناسبة!! (أتمنى أن تفيدكم)
اقتباس:
المشاركة الأصلية كتبت بواسطة تراتيل الفرح
الله يسعدك يارب
بس اخويا فين ممكن ألقى شروط اي جامعة
هل لابد من المراسلة أو مكتوب في موقعهم
غير كذا تقدر تفيدنا في انظمة الجامعة للماستر
من حيث عدد الساعات ونظام البحث وكذا ..
المشكلة مو فاهمة الطريقة فياليت تفيدني
شكرا
ويسعدك يارب ...
شروط الجامعات غالباً تحصليها في قسم الـ " القبول والتسجيل Admission" وحاولي تبحثي عن " الطلاب الدوليين International Students" داخل هذا القسم أبحثي عن "المتطلبات Requirements" ...
وطبعاً للماستر إنتي دايماً راح تتعاملي مع GRADUATED STUDENTS وليس UNDERGRADUATES STUDENTS
وبالنسبة إذا تبغي تشوفي الخطة الدراسية وما شابهه أدخلي على "ACADEMICS " بعدها دوري على " GRADUATED PROGRAM " وادخلي على البرنامج او تخصصك وتقدري تشوفي المعلومات حقته ...
طبعاً يا اختي مواقع الجامعات تختلف لكن الأغلب يتبع نفس هذا النظام ...
والمراسلة غالباً إذا لم تجدي المعلومة في الموقع , أو لم تفهمي المقصود منها أو للتأكد وعند الإستفسارات الأخرى ...
وإذا عندك موقع جامعة معينة وتبغي مساعدة, أنا تحت أمرك وتقدري تعطيني أسم الموقع وأساعدك باللي أقدر عليه إن شاء الله ...
-
رد: طريقتي في البحث عن الجامعة المناسبة!! (أتمنى أن تفيدكم)
ربي يسعد قلبك ....
حرجع لك قريب إن شاء الله بس أهم شي لا تقاطع المنتدى ونتوهق ههه
-
رد: طريقتي في البحث عن الجامعة المناسبة!! (أتمنى أن تفيدكم)
اقتباس:
المشاركة الأصلية كتبت بواسطة تراتيل الفرح
ربي يسعد قلبك ....
حرجع لك قريب إن شاء الله بس أهم شي لا تقاطع المنتدى ونتوهق ههه
وقلبك يارب ..
حياكي بأي وقت أختي وإن شاء الله نكون موجودين دائماً .. :P
-
رد: طريقتي في البحث عن الجامعة المناسبة!! (أتمنى أن تفيدكم)
اخو الله يعطيك ألف عافية والله ماقصرت
ربي يجعلها في موازين حسناتك ان شاء الله