خذها مني نصيحة ,, انت لو تروح اطلق وافضل واحسن معهد تراه ما بيعطيك اكثر من ثلاثين في المية في احسن الحالات ,, والباقي كله عليك وعلى مجهودك ,, لأن تعلم اللغة علميا مهارة تكتسب وليس علم تذاكره وتصير تجيده ,,, وعندي لك حل افضل من انك تجلس تضيع وقتك وانت تتنقل من معهد الى معهد ,,
شوف سلمك الله ,, انت لازم تحيط نفسك بجو اللغة اللي تبغى تتعلمها ,, بمعنى انك تتعلم في المعهد قواعد اللغة ( القرامر ) وتركيب الجمل والبارافريزنق ,, وهذا الجانب كله اكاديمي ,, ثانيا تروح البيت سلمك الله وبعد ماتخلص واجباتك سريع سريع ,, حاول انك تقرأ كتاب او مجله او جريدة وفي اي مجال لمدة ساعتين ,, ولازم تكون قرائتك تأملية ,, يعني مو لازم تقرأ كثير بقدر ما انت تحاول تفهم تراكيب الجمل والكلمات ,, وبعد القراءة التأملية حاول انك تقرأ بصوت مرتفع لأن القراءة بالصوت المرتفع تكون احسن تمرين للسان انه ينطلق ويخف عليه الكلام ,, والهدف من القراءة بصوت عالي مو الفهم بقدر مهو تمرين ,, وانت بتلاحظ انك لما تقرأ بينك وبين نفسك بتكون قرائتك سريعة ,, ولما تقرأ بصوت مرتفع بتكون تتأتأ وتعتع وتقطع الجمل ,, بس مع الوقت بينطلق اللسان ,,, بعد كذا لازم تشوف لك فلم او مسلسل ,, والله يعينك الفلم ابو ساعة تشوفة لمدة ثمان ساعات على الاقل وفي اكثر من يوم ,, ليش؟؟؟ باجيك في السالفة ,, الفلم لازم يكون انجليزي ,, ولازم يكون فيه سبتايتل بالانجليزي ,, يعني الكلام اللي ينقال ينكتب في نفس الوقت في الشاشة ,, وانت عليك انك تقسم الفلم على خمس دقايق او بالمشهد ,, وتشوفه اول مرة من غير الكتابة ,, وبعد كذا تشوفه بالكتابة ,, وبعد كذا تترجم الكلمات اللي مافهمتها ,, وبعد كذا تشوفه من غير كتابة وتحاول انك تلقط كل الكلام اللي فيه ,, وبعد كذا تردد الكلام اللي في الفلم كاااااااااااااااااااااااااااااااااااااامل ,, يعني اي ممثل يقول جملة حاول انك تعيد نفس الجملة وبنفس التون او النغمة اللي قالها الممثل ,, واذا خلصت من متابعة الفلم لازم تخرج من البيت وتروح اي مكان تسولف فيه مع اي احد ,,, بالشكل هذا سلمك الله بتكون سويت لك محيط انجليزي في انجليزي ,, وجلست تتمرن على اللغة بأكثر من طريقة ,, وبالطريقة هذي بتتقن اللغة حتى لو كنت في وسط السعودية ,,
majed170 November 29th, 2011, 06:54 AM
7 " 
LinkBack URL
About LinkBacks
اخوي المعهد يوفر عائله للطلاب تسكن معها