يامبتعثين البنك ولا الدراسه بامريكا؟؟!!!

البنت ماتفرق اجلست ولاكملت برا ولا توظفت ولاجلست بالبيت
وين تبين توصلين ؟
اعلى شي ممكن توصليله مديرة الفرع
اهم شي راتب يصرفلك كل شهر وصلى الله وبارك

ليه ماتفرق ؟!!
انا مايهمني الراتب قد مايهمني ان يكون عندي شهاده ووظيفه مريحه
ومديره فرع متي بنوصلها ؟!! بعد مانلهث من التعب

خلها تكمل ياخي وش حرك انت

عشان أكون صريح معاك 5 أللاف مو هذآك الشي اللي لو فقدتيه ماترجعي له
أعرف واحد من العيال جا هنا وراتبه كان في السعوديه حدود 7

بس على حسب ميزانيتك لو ميزانية لـ 3 شهور بس ما أشجعك تطلعين لأنو أكثر الشعب ينضمو بعد 4 شهور و 5 شهور أذا كان محظوظ
فـ يكون خصرتي الوظيفه والبعثه ..

با ختصار اذا منتي قدها لاتطلعين

استخيري ربك ومن رأيي تطلعي 3 شهور في الإجازه وترجعي تكملي شغلك طبعاً اذا رحتي امريكا افتحي حساب في الملحقيه واذا ضموك بتجيك رساله وبعدها ترجعي لبلد الدراسه بتووفيق ودعواتك لي

أعتقد انك موظفة في فرع وليس الإدارة , اذا كان كذلك فـ الفروع ماعليها حسافه ابدا ابدا ..

أنصحكِ تبتعثين لكن بعد حصولك على خبرة سنة أقل شيء في وظيفتك الحالية - وكل مازادت سنوات الخبرة افضل -

وحاولي قدر المُستطاع اذا ابتعثتي , يكون ابتعاثك على تخصّص قريب من خبرتك , لأجل تجمعين مابين الخبرة والماستر ويسهل عليك الماستر بإذن الله

حاولي تاخذين اجازة ثلاث شهور و اذا انظميتي للبعثة كويس و اذا لاء ارجعي للبنك. و انتظري الانضمام
واذا انظميتي على طول سافري لا تتاخرين وخلي اي شخص يخلص المستحقات و يستلم حقوقك من البنك و كان الله غفورا ً رحيما
انا اقول خمس الاف ما تسوي شي بهالوقت
موفقة

عطيني وظيفتك وخذي بعثتي

انا اوؤيد انك تطلعين لكن احسبيها صح حتى ما تتورطين
وانا اوؤيد لعدة اسباب منها أن البنك من وجهة نظري وظيفه غير مريحة للمرأة سواء في دوامة الطويل او نمط عمله وغير كذا البنك فيه نوع من الشبهات

اولا ماني عارف ايه شهادتك وهل انتي راح تكملين بكالوريوس او ماستر والشي الثاني ايه هوا التخصص الي راح تدرسين فيه ياليت توضحين النقطتين

نجي للامور الي من الأفضل ما تطلعي الا اذا حققتيها
لا تطلعي الا ومعاك 100000ريال على الأقل لأنو ما تعرفي متى تلتحقي ولكن غالباً اذا امورك في السليم خلال4 شهور الى 6 شهور ولكن مثل ما قلتلك ما تعرفي ممكن تتأخر الا 9 شهور مثلا يسير يكون معاك مبلغ يكفيك ( الا اذا كان في احد ممكن يحولك اذا انتهى المبلغ الي معاك هذا شي ثاني)
اختاري تخصص جيد بحيث يكون فرصه متاحه اذا رجعتي
تأكدي من شرط المحرم في الالحاق تمشي ولا يوقفونك

واخيراً تأكدي ان الرزق مكتوب لك وتوكلي على الله

ربي يوفقك