طبخات لرمضان وكل عام وانتم بألف خير

اعذروني مااعرف انزل صور ودي بالصور بس ماني قادره
لأكن الايام الجايه انزلها بالصور

برياني الدجاج لـ الشيف حلاها في حياها




المقادير:



دجاجة منزوعة الجلد ومقطعة قطع متوسطة، ملعقة كبيرة زنجبيل مبشور

3بصلات مفرومة

3حبات طماطم مقشرة ومقطعة مكعبات

2كاس ارز منقوع بماء فاتر

(استخالشمولي الهند موجودبالبقالة العربية)مكعب ماجي

ملعقة بهارات عدلة(هيل،قرنفل،فلفل اسود، ورق غار)، ملعقتين زبدة

ملعقة صغيرة ثوم،ملعقة كبيرة ماء ورد،زيت،فلفل اخضر حار



مقادير خليط الدجاج:


علبة زبادي، ملعقة صغيرة ثوم،نصف ملعقة (كزبرة،كركم،بهار ماسالا،بهارات برياني ،بهار كاري)
البهارات هذي موجوده بالبقالة الهنديه
اذا غير متوفره عندك ممكن تجيبين الموجود بالبقالة العربيه
بهارات برياني وبهارات الكاري
تري بعترته الكاري نوعين حار وبارد خوذي ابارد

فلفل احمر بودرة(حسب الرغبة)، ملح




الطريقة:




ـ نخلط مقادير خليط الدجاج مع بعضها ويضاف قطع الدجاج

وتترك مدة ساعة الى ساعتين

ـ يسخن الزيت ثم نضيف حبات البهار العدلة

ثم نضيف البصل ونقلب الى ان يذبل


ثم يضاف الثوم ومكعب الماجي والزنجبيل ثم يضاف الطماطم ويقلب

ـ يضاف خليط الدجاج ويترك على نار متوسطة مع التقليب

كل خمس دقايق..حتى ينضج الدجاج ويتسبك ويجف مويته

ـ يسلق الارز مع الملح مع بهارات عدلة حتى ينضج نصف نصف كمية المسلوق

ثم يصفى..



ـ في قدر اخر ..(ممكن حلة ) يدهن قاعه ملعقة زبدة ثم يضاف نصف كمية المسلوق


ـ يضاف خليط الدجاج فوق الارز ثم ماتبقى من الارز


ـ في نفس قدر الدجاج يضاف ربع كاس ماء وملعقة زبدة ولون الزعفران..ويضاف الى الارز..


ـ يرش الارز بقليل من ماء الورد ويغلف بالقصدير ويترك على نار

هادئة مدة ثلث ساعة تقريبا..ويقدم وبالعافية..
ملاحظه
انا مااحد ماء ورد ويطلع جنان
تري قدر تيفال ماتضبط كثير بس اذا عندك معدن يطلع جنان
اذا غير موجود فحاول تقلبين كثير عشان تتسبك
وبالعافية

صينيه ستيك الدجاج بالزهره







المقادير والطريقه سوا


صدور دجاج نقطعها بالطول ونضربها شوي عشان ماتكون سميكه
انا مااضبربها أحاول اخفف التقصيص
نغطي كل ستيك بالخلطه ( نص كاس طحين + ملح + فلفل اسود + ملعقتين كبار بابريكا )
بهارات البابريكا موجود بالبقالة العربية
وتدخل الفريز ساعتين

نجي للزهره

تقطعين الزهره وسط مو صغيره مره ولا كبيره مره ونغطيها ( ببيضتين + ملح + فلفل اسود )
اذا ماتحبين البيض اخلطي
4ملاعق نشاء
4ملاعق دقيق
6ملاعق لبن
او زبادي
وقلبيه شوي تطلع الذا من البيض
ونقليها

نرجع للستيك ونقليه ونصفه بصينيه التقديم



نجي لخلطه الزهره :



نشوح على النار بزيت زيتون بصل شرايح + فطر شرايح + فلفل ملون

تشويح بسيط ونضيف بعدها ماجي + ملح + فلفل اسود + باربيكا

ونضيف لهم الزهره المقليه ونطفي النار

بالخلاط (2 علب قشطة طازجة المراعي + ربع كاس كريمه + 4 فصوص ثوم + علبة حليب ازرق او بارد حجم

صغير )
موجود قشطة عند البقالة العربية حليب عادي ممكن تقيسينه بالكوب
تكون كثيفة شوي بس اخف من البشاميل
ونضيفها على خليط الزهره ونحركهم سوا ونحطها فوق الستيك

نرش اخر طبقه جبن موزريلا وتدخل الفرن من فوق مجرد مايذوب الجبن

مكرونه بالخضار والكريمه





منقوله من :k2ana



الطريقه والمقادير مع بعض




نسلق المكرونه مع ماي وملح ..



على ماتستوي نسوي الخلطه اللي معها :

نحمس بصل ابيض مقطع شرايح طويله مع زيت ونرش عليه شوي ملح عشان يذبل .

نضيف عليه فطر مقطع شرايح + جزر مبشور + فلفل بار ملون مقطع شرايح - اختياري -
الافضل يطلع الطعم الذا ودسمه

ونحمسهم مع بعض ونضيف عليهم شوية بهارات مشكله + مكعب ماجي .

الحين نضيف عليهم كريمة خفق + علبة قشطه + ملعقتين كبيره جبن سايل .

ونخليه لما يغلي .

على مايغلي تكون المعكرونه استوت نضيفها

ونضيفها ع الكريمه والخضار .
ونقلبها دقايق .

ونزينها ببقدونس + اوريغانو .

ممكن تستغنين عن اوريغانو

تشـدر تشيـز كب كيك






مررررررررررره لذيذ مع الشاهي طعمه خيااااااالي

عجينته تختلف عن عجينة الفطاير لانها تطلع انشف شوي وماتنفش كثير وطعمها خطير

طريقته الاصليه عباره عن انه تفردين نصف مقدار العجينه بعدين تحطين الحشوه بعدين باقي العجينه

وهذي اصلحها لما نكون لحالنا ، بس للتقديم اصلحه بشكل كب كيك






مقـاديـر العجينـه ::



كوبين دقيق

4 ملاعق كبار حليب بودره

2 ملعقتين كبار خميره

بيضه

2 ملعقتين صغار سكر

ذره ملح

2 فنجانين قهوه زيت

ثلثين كوب ماء تقريبا






الطـريقـه ::

طريقتي دائما بالعجن : اخلطي كل المقادير عدا الدقيق بالخلاط بعدين اضيفيهم عالدقيق واعجني

واذا احتجتي زيادة دقيق او ماء زيدي لحد ماتطلع معك عجينه متماسكه

بتلاحظين قوامها لين شوي اخف من عجينة الفطاير وبتشوفين يدك كلها زيت لانها دهنيه تطلع

وغطيها واتركيها تخمر مدة ساعه ،،






الحشـوه ::



جبن كرافت تشدر مبشور

فلفل رومي ملون مقطع مربعات

شرائح زيتون اسود واخضر

اخلطيهم مع بعض



ادهني قوالب الكب كيك بالزيت وسخني الفرن على درجة حرارة 375
تري مااتقيد بالدرجه للحراره ممكنه اهم شي الفرن ساخن ويكون له اكثر من10دقيقه
وهو حار

اقطعي قطعه صغيره من العجينه وافرديها بيدينك وهي بكفك حطي بوسطها من الحشوه وكثري


راح تلاحظين كيف العجينه مو متماسكه مره

سكريها زين وحطيها فقوالب الكب كيك وادهنيها ببيض ورشي سمسم



ودخليها الفرن حتى تتحمر من تحت وحمريها من فوق

واذا طلعت غطيهم بفوطه حتى تلين شوي

وعليكم بالعاااااااااااااااافيه




خ؛)))

يعطيك العافية ربي
تسلمي يالغلا

الله يووفقك
بس ياليت منزله او احد ينزل طبخات بمقادير اكون من منتجات امريكا صور ولاكتابة اساميهن عشان ندري وش نشتري من السوبرماركت


جزززاك خير يا عسسسسسل

الله يجزاكم خير
بالنسبة لستفسارك
جوجو
انا كاتبة من وين احصل علي الأغراض
والصور تعبت ماني قادره انزله
بس بالنسبة لخميرة فوريه
تلقينه بجميع السوبر ماركات
اسمهActive Dry
علبة تجي زجاج نفس علبة الدواء خخخخخ
اما البنج بودر مكتوبه علي نفس الكتاب
ماركةGreat valwe
الدقيق مهم
جداً BEST
لونه ابيض ومكتوب بالأزرق
اهم نقطه تنتبهين
لي ALL PURPOSE FLOUR
يعني لجميع الانواع
بالنسبة لي اي شي تبغين
تستفسرين عنه اناحاضره

كوب سميد موجود عند البقالة العربية
كوب حليب نيدو موجود باول مارت
2بيضة
ملعقة كبيره بنج بودر
علبة قشطة. مثل التاج موجود ماركه غيربالبقالة العربية
ثلاث ارباع سكر
نصف كوب زيت
الحشوه
كريمة الخفق وقشطة
لان تحشي بقشطة الصافي الطازجه
بس ماهي موجود اذا احد يعرف وين احصلة أتمني ويقولي
ملاحظه مهم
اهم شي الكوب اللي تستخدميه يكون للقياس جميع المقادير
حتي تضبط معاطي اي عجينه او البسبوسه
الطريقة
تخلطين جميع المقادير بالخلاط
ماعدا السميد والحليب تخلطينهم علي جنب عشان يتجانسون
وبعده ماتحسين انه تغير اللون شوي تصبينه
علي السميد وتخلطينهم
زين تكونين مجهزه الحشوه وخلاطته
الصينيه تكون متوسطه
افضل تحطين نفص العجين
وبعده الحشوه وبعده تصبين العجين
الفرن يكون حاره تدخلينه
تكونني مجهزه الشيره
وتكون بارده اهم نقطه لان البسبوسه
حاره
وتصبين الشيره عليه وتدخلينه الثلاجة لين تبرد وبعده تمتعي بالطعم