نصيحة بالنسبة للبعثة مع الأطفال

يا ريت تفيدونا حتى لو كان عندها اطفال وزوجها بيدرس معاها ومشغول

فعلا موضوع مهم انه يتناقش فيه مثلا لو مطلقه مبتعثه او زوجها متوفي ومعها اطفال كيف بيكون وضعها هناك بالغربه هل تقدر تسوي كل شي لحالها من دفع ايجار وفواتير ودراسه ...

انا داخله. باليوزر تبع زوجي. .. طيب اذا انتي ماعندك زوجك. يعني مطلقه او ارمله. تقدري تتزوجي في بلد الابتعاث اذا في بالك هالفكره ...مادري خاشه بالموضوع ههههه بس جد قاعده افكر بالموضوع ذا وشاغل بالي

ههههه يعني زواج مصلحة والله الصراحة ما افكر في الزواج حاليا.. لكن نفسي في ماجستير من امريكا واخذ معايا عيالي بس ما ادري كيف يكون الوضع؟

لكم للأسف ماني لاقيه تفاعل من الأخوات في ذا الموضوع.. يمكن لو احط اللنك او الموضوع هذا في ملتقيات اخرى الاقي تفاعل؟

امم. طيب اطلعي على هناك وتزوجي هناك واحد امريكي. مسلم اسمع بنات كثير مسوين كذا وامورهم ماشيه ومستانسين

طيب لو ما لقيت واحد امريكي مسلم يتزوجني افضل لي اني اصلا اتأقلم مع نفسي هناك بدل ما ادخل متاهات انا في غنى عنها.. هي اصلا كلها سنة وتعدي

اوووما يتزوجون امريكان

يعتمد كم طفل معك

صديقتي عندها ٣ اطفال : ٩ سنين - ٨ سنين - ٣ سنين

الكبار حطتهم بمدرسه والصغير بالحضانه ، بس من كلامها تقول معاناه
زوجوها حاليا معها بس اول ابتعاثها كانت لحالها مع اطفالها

مسؤوليه فوق كذا هي وراها دراسه مب متفرغه للعيال ابد ، فصارت اولادها الكبار لما يخلصون المدرسه توديهم للحضانه وترجع بيتها تذاكر عشان وما تطلعهم الا الساعه ٥ العصر تعشيهم وتنومهم

اذا معاك طفل واحد اتوقع مقدور عليه بس اكثر من كذا صعب
واذا ماكان صعب بتتعبين معهم لان اي مكروه يصير للطفل بسبب اهمال او ماشابه تجي الشرطه يسحبون الطفل منك لا سمح الله ووراها قضايا ومحاكم وحوسه

:

واذا بتجين تتزوجين ههههههه ترا ذي سواليف ماتنفع ببلد الغربه ، وييين على وييين تلقين المناسب وهل اذا لقيتيه بيرضى يتزوج ولا لا يعني موضوع الزواج جدا صعب وماهو صائب بصراحه
وعني انا شخصيا لو القى امريكي مسلم ولا حتى مؤمن والله مابيه

مدري ليه ماحبهم ماهضمتهم ، اذا مسلم على عيني وراسي بس يتزوجني معصي ، اذا ماحصل لي اشهبن اسودن مكحول العين فمابي شي خلوني عانس احسن