الأعضاء الإشتراك و التسجيل

الملتقيات
ADs

ما مصير المبتعث بعد العودة

ما مصير المبتعث بعد العودة


NOTICE

تنبيه: هذا الموضوع قديم. تم طرحه قبل 5881 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية الركن الهادي
    الركن الهادي

    مبتعث جديد New Member

    الركن الهادي غير معرف

    الركن الهادي , تخصصى طالب , بجامعة اوكلاند
    • اوكلاند
    • طالب
    • غير معرف
    • اوكلاند, اوكلاند
    • غير معرف
    • Dec 2007
    المزيدl

    May 10th, 2008, 01:36 AM

    السلام عليكم ورحمة الله

    قد تستغربون من عنوان الموضوع ولكن كان لابد من طرح هذا

    التساؤل لما احدثه في

    اوساط المجتمع من استنكار حول عدم ضمان الحكومة الوظيفة

    للمبتعث بعد عودته!

    علما انني إلتقيت بأشخاص تم قبولهم في البعثة للخارج ولكن

    عندما علموا بأن الدولة لن

    توفر الوظيفة لهم بعد العودة, البعض منهم تردد في الذهاب

    والبعض الآخر قرر عدم الذهاب لانهم

    موظفون حاليا ويخافون التفريط بوظائفهم

    ارجوا ابداء آرائكم حول هذا الموضوع بجدية

    وانتظر ردودكم
  2. شكرا اخي على دا الموضوع
    وفعلا هو مهم للغاية
    هذه النقطة مخيفة للغاية وقد تسبب ازمة عند عودة كل هذا الكم من المبتعثين من الخارج بس بعدين مايصير غربة وتعب ودراسة وفي الأخير على ولا شي من جد يمكن اتجنن
    لازم يشوفو حل لا يمكن يرجعوا المبتعثين ويقعدوا في البيت هادي كارثة قد تسبب مشاكل اكثر من مشاكل البطالة المتواجدة حاليا بس ترا البلد في مرحلة تنموية كبيرة واتوقع توفر الوظائف بأذن الله تفائلو وربنا يقدم الطيب
    7 "
  3. لا طبعا ان شالله وباذن الله نلقى وظايف واحسن الوظايف كمان شهاداتنا مطلوبه


    وتخصصاتنا مطلوبه بالاضافه الى اننا درسنا في ارقى واحسسن الجامعات العالمـــــــــيه



    وحط تحت العالميه الف خط احمر


    شوف مركز المملكه في الاقتصاد العالمي




    ربنا يسهل وتفائلووو بالخير تجدوووه


    البلد كل مالها تزيد بالتنميه والشركات والاقتصاد في زياده


    تفائلووو بالخير للمره الثانيه ^_^



    تطمن ع الاخررررر



    تحياااتي


    رووووووووعه المنظر
    7 "
  4. رد الاخت روعه المنظر ممتاز واحب اظيف عليه شي...

    مصيرك مصير خريج الجامعه هنا...تظمن وظيفه؟ لا..لازم تبحث عنها. وهذا الشي المنطقي وهذا الشي الي المفروض نبرمج نفسنا عليه...معاد بقى الا الحكومه تدفع الرواتب ونقول وشوله شغل وكلام فاضي...الواحد يفكر الان انه يتعلم تعليم كويس يخليه واثق في نفسه وما ينتظر الحكومه توظفه..اصلا اذا رجعت ان شاء الله ما راح تلتفت لوظايف الحكومه وبتفكر في القطاع الخاص علطول.

    صراحه المنطق هذا لازم يتغير...يعني اوكي ممكن ان احنا نستفسر عن وظع سوق العمل بصفه عامه بس مو نطلب من الحكومه توظف..قبل كنا نشتكي من قله الابتعاث والحين نشتكي من اذا جينا بعدين؟

    توكلو على الله ورزق الواحد مهوب ضايع

    موفقين ان شاء الله
    7 "
  5. أخوي عبدالله 10 :
    كلامك رائع ومنطقي والأرزاق بيد الله

    لكن
    لما الواحد يطلع يدرس ويرجع تقريباً في منتصف الثلاثينات من عمره .. أو في بداية الثلاثينات .. ويحمل شهادة دكتوراة مثلاً .. ويعول أسرة فيها 4 اشخاص هو خامسهم (مثلاً)

    بالتأكيد حيلاقي وظيفة .. وأنا أضمن بإذن الله .. البلد مليان وظايف .. لكن
    هل تضمن أنه يلاقي الوظيفة اللي تناسب مؤهلاته ؟؟
    أو هل سيضطر بقبول أي وظيفة ليسدّ الأفواه الجائعة ؟؟
    ولو اضطر لقبول أي وظيفة وبراتب غير مجز ٍ .. وبغير استخدام خبرته وشهاداته .. ليعيل أسرته فقط .. كيف ستكون نفسيته ؟
    كيف سيكون إنتاجه ؟
    كيف سيكون إيمانه بما تعلمه وقدّمه ؟
    كيف سيقنع أطفاله إذا رفضوا الذهاب للمدرسة بأهمية العلم والتعلم ؟
    ماذا سيقول لولده في المستقبل إذا طلب منه الموافقة على الابتعاث ؟
    هل سيخبره بفشل الابتعاث أم بحسرته ؟ أم هل سيسمح له بالذهاب على أمل أن يغير الله من حال إلى حال ؟
    الأمل شيء رائع .. ولكن لا يصلح أن نعلّق مستقبلنا عليه

    قد يقول قائل : يكفي إنه تعلم حتى لو مااستخدم شهادته ..
    إذا الموضوع بهذا الشكل فلا داعي للسفر والاغتراب والتعلم .. ويكفي مانتعلمه من قراءة الكتب وقراءة رسالات الماجستير والدكتوراة التي تنشر كل يوم .. وكفى الله المؤمنين شر القتال

    أنا لا أطالب الحكومة بوظيفة بقدر ما أطالبها بوضعي في المستوى الذي تعلمته وبقدر ماصرفت عليّ الدولة وبقدر ما أستطيع أن أخدم الدولة ..
    وإلا ما فائدة الابتعاث من أساسه إذا كنت لن أخدم بلدي في تخصص نادر درسته أو تخصص يسرع من عجلة تطور البلد مثلاً !!!!
    وماميزتي في الابتعاث عن من لم يبتعث ؟؟
    ومافائدة معدلات الجامعة التي تفاضل بين من يبتعث ومن لن يبتعث ، إذا كان الكل سواسية في الأخير ويمكن المبتعث أقل لأن غير المبتعث عنده خبرة في العمل ؟؟؟

    ولا ايش رايك ؟؟
    7 "
  6. يا عزيزي كلامك على عيني وراسي واحترمه بس ما اتفق معاه كليا

    اولا انت افترضت انك بتجي في تخصص نادر وفي نفس الوقت ماراح تلقى وظيفه!

    ثانيا كلامك يفترض انك انت تروح وتترك وظيفتك وبس بدون ما تفكر في سوق العمل وبدون ما تقدر مستوى المخاطره الي انت فيها بما ان عندك عائله واولاد وبالتالي القرار بالنسبه لك يختلف عن شخص اعزب وما سويت دراسه لكل هذا وتنتظر من الحكومه انها تخطط لك وتددرس وضع كل شخص واموره الشخصيه!!! لا ياعزيزي..انت لست متبعث من جهه عملك...لو ابتعثتك جهه عملك يحق لك السؤال ويحق لك الاستفسار عن جدوى الدراسه اذا ماراح يضمنو مكانك!! الحكومه وفرت "فرص" ابتعاث لا يعني بالضروره ان كل شخص يأخذها..تذكر انهم وفرو لك بعثه تكاليفها ضخمه جدا قليل من الدول من يوفرها وانت "اخترت" انت تستقيل وتستغل الفرصه وترى انها افضل لك...بعد لو عليهم هم ودهم يبعثون الي ماعنده وظيفه!

    عزيزي انا شخصيا قدمت وانقبلت ولكن الضروف تغيرت بالنسبه لي من ناحيه العمل تحسن ومن ناحيه امور شخصيه من ضمنها العمر خلتني اراجع نفسي واحس ان ممكن ان الافضل التريث وليس الاندفاع لمجرد استغلال الفرصه! ضروف كل شخص تختلف وبالتالي كل شخص يجب عليه ان يتخد قراراته ويتحمل نتائجها سؤاء سلبا او ايجابا.

    ياعزيزي تفأئلون بالخير تجدوه..في الاخير انت حصلت وضيفتك الحاليه بتعليم اقل وبالتالي ان شاء الله راح تحصل على اقل تقدير نفس الوظيفه وانت شخص مؤهل اكثر من اول بكل النواحي.


    شي ثاني..صدقني ان الابتعاث جزء كبير من فائدته هي بالتجربه الي بتعيشها وبأذن الله بتغير الكثير من لامور في شخصيتك للافضل ولا نجلس نشغل نفسنا بأشياء ما نقدر نسوي عليها كنترول! انت الان تدرس..ركز في دراستك واستقد من تواجدك واذا جيت تتخرج ان شاء الله ابدا فكر في الوظيفه


    تحياتي
    7 "
  7. يا عبدالله
    أنا ما أتكلم عن نفسي
    أنا أتكلم بصفة عامة عشان الأخ كاتب الموضوع والقرّاء الأفاضل يستفيدوا من النقاش بالكامل .. وتكون جميع الاحتمالات في بالهم

    وعندي تعليق على نقطة في كلامك ..
    مثل ما قلتلك .. أنا لا أطالب الدولة بوظيفة بقدر ما أطالبهم بتحديد مصيري بعد البعثة .. أو بمعنى أصح .. أطالبهم بتوضيح الطريق أمامي بدون كذب وبدون وعود فارغة حتى أستطيع اتخاذ قراري بدون خوف ..

    حتى ولو كان تخصصي مو نادر .. افرض تخصص عادي بس أنا رغبان فيه وسوق العمل محتاجه .. لكن اتفاجأت بصعوبة الحصول على وظيفة بعد الرجوع !! أو وظيفة دون المستوى وليست في تخصصك !!

    وبالنسبة للأسرة والعائلة .. يمكن أسافر وأنا عزوبي واضطر للزواج بعد سنة أو سنتين لتحصين نفسي في الغربة .. الظروف ماهي مضمونة وقابلة للتغيير ..

    أوافقك في نقطة واختلف معك في أخرى ..
    أوافقك في قولك : اتخذ قرارك وتحمل نتائجه سلباً أو إيجاباً .. << كلام سليم
    أخالفك في قولك : لا تشغل نفسك بأمور ماتقدر تسوي عليها كنترول .. كيف ما أشغل نفسي ؟
    لازم أفكر وأعمل حساب كل شي .. حتى الأمور اللي ما أقدر أسوي عليها كنترول لازم أفكر فيها .. عشان أقدر أوصل لقرار أتحمل نتائجه سواء بالسلب أو الإيجاب .. أما إني من البداية أقول تساهيل والحال حيمشي ..... مايصير .. حتى هذا الشي ماهو من الدين ولا يعتبر توكل .. بل تواكل .. وفي فرق كبير بين الكلمتين
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.