المشاركة الأصلية كتبت بواسطة AMTR
تحياتي .
انا في المطار الحين و جاي من الساعة 5 الفجر مثل ما طلبوا ، والطيارة الساعة 9 صباحا.
الاجراءات زيها زي اي رحلة دولية ، الفرق الوحيد انه اول ما تدخل الصالة تروحون للكاونترز اللي مقابلة للباب و تاخذون ورقة تكتبون فيها اسمكم ودولة الاقامة (السعودية) و رقم الجواز و عنوان السكن في امريكا (انا حطيت المعهد) و الوجهه النهائية ( بوستن) و رقم الحجز و تارخ الميلاد و تاريخ انتهاء الجواز ... و بعد كذا تروحون تشحنون العفش و بعدين لتختيم الجواز و بعدين تنلطعون لما يجي و قت صعود المحروسة الطيارة .
بالنسبة للعفش : شنطتين وزن الواحدة لا يتعدى 32 كيلو .
بس اكتشفت ان بالرحلة الداخلية (واشنطن - بوستن ) راح ادفع زيادة وزن لانه مسموح شنطة واحده كذا قال لي حق الخطوط . اشوف شو بيصير معي هونيك و بخبركم .
ادعولي اني اقدر انام في الطيارة اقل شي 6 ساعات .. موااااااصل بس ما اعرف انام بالطيارات
حمدلله على سلامتك.. ما شفناك
الاخ جا من 5 وانا جيت من 7 عادي هو لو تاخذوا البوردينج من بدري احسنلكم عشان تاخذوا اماكن الي تحبوها..
صح هيا فيها لطعة واعتقد ان الكاونتر يصك قبل الطيارة بساعة..فلو تقطع البوردينج قبلها بيوم وتروح قبل الطياره بساعتين حلو اعتقد وان شاء الله يمدي وهي تعتمد على الزحمة كمان...
الله بيعييييييينكم اذا كان في الطيارة اولاد كتير والله يعين اهلهم من جد..
داخل الطيارة يقدمولكم فطور بعد الاقلاع وتمر وقهوة مو بس للافق والاولى زي العادة وبعدها بكم ساعة يحطوا سناك وفواكه كذا عند باب الطياره الي يبغا يروح ياخد..
بعدين وجبة غداء نصيحة جيبوا شوكولاتة او لبان (علك) تحلوا فيه لانك بتحتاج..
عند الوصول واهم نقطة هادي وحط في بالك ممكن تنلطع فخلي النفسية جاهزة...
والله اخذت معي من يوم ما وقفت الطيارة للخروج ساعتين لان ماكان في اي طيارة واصلة معنا في نفس الوقت كنا لحالنا يعني..عند الجوازات سالني ليش جاي وش راح تدرس بعدين قلي روح عند (NSEER) هذول ياخذوا الجواز ويلطعوك ابو ساعة كدا بعدين ينادوا عليك وتروح ثاني لنفس الكاونترات ويسجلوك بعدين تطلع تلاقي الشنط طالعة من زمان،،
نقطة التفتيش الي كل يسال عنها ما فتشونا حمدلله خلصت من الجوازات ومشيت..
القنصلية كانت في استقبالنا لو ترسلوا ايميل افضل يكون اسمكم مكتوب عندهم ما ارسلت تكتب اسمك عادي..
بعدين يعطوكم ملف فتح ملف طالب جديد تعبيه في الفندق..
القندق قريب من المطار وبعيد عن الملحقية..
طبعا الاوراق المطلوبة لقتح الملف موجودع بس مثلا I-20 لازم يكون مختوم من المطار فما يحتاج تصوروا في السعودية،، اهم شئ جيب الاوراق وفي ماكينة تصوير في الفندق..ولا تنسوا الصور الشخصية عشان كل شئ يكون كامل معاكم..
سعر الفندق حوالي 77 دولار في الليلة..
يلا موفقين وتوصلوا بالسلامة والله يسهل اموركم
*
Bandar.T February 25th, 2010, 01:28 PM
7 "
بس بسئلك هل سمحو لك أنك تركب معك بالطيارة شنطة .. ؟ ( كأني قريت أنه منعو هالشي للطيارات الي رايحه أمريكا ؟ )
شكلك رايح ع الخطوط السسعودية .. ؟